Morgunblaðið - 21.05.1986, Blaðsíða 8

8 B
MORGUNBLAÐIÐ, MIÐVIKUDAGUR 21. MAÍ1986
Einar
Bollason
aðstoðar
Svía
Frá Skúla Sveinssyni, blaðamanni
Morgunblaðsíns í Belgíu.
SÆNSKI landsliðsþjálfarinn
Charles Barton frá Bandaríkj-
unum kom að máli við Einar
Bollason þjálfara íslenska
landsliðsins eftir leikinn gegn
Tyrkjum á sunnudaginn og
bað hann um að kenna sór
hvernig vörn íslenska liðið
leikur. Ástœðan var sú að sá
bandaríski sá að vörn ís-
lenska liðsins gegn Tyrkjum
gekk upp og hann hafði þvi
hug á að láta lið sitt leika
sömu vörn gegn Tyrkjum á
þriðjudeginum.
Einar varð góðfúslega við
ósk þess bandaríska enda
okkar hagur ef Svíum tækist
að vinna Tyrki. Þjálfari Svíanna
fékk einnig að kenna á ís-
lensku vörninni þegar þjóðirn-
ar léku á laugardaginn. Þá
gekk vörnin vel upp fram í
miðjan síðari hálfleikinn þegar
Svíum tókst að finna svar við
hinni svokallaðri 3-2 vörn ís-
lands.
Tyrkir
skammaðir
Frá Skúla Sveinssynl, blaðamanni
Morgunblaðsins f Belgfu.
TYRKIR voru að vonum mjög
óhressir eftir að þeir töpuðu
fyrir íslendingum á hvi'ta-
sunnudag.
Hinn stóri og mikli þjálfari
liðsins fór rakleiðis með sína
menn á hótelið þar sem liðin
gista og boðaði strax til fundar
með leikmönnum sínum.
Fundur sá stóð í þrjár klukku-
stundir og var hávær. Þjálfar-
inn skammaði leikmenn sína
óspart og fengu þeir ekkert
að snæða fyrr en eftir fundinn,
þá ábyggilega orðnir ærið
svangir.
Stórkostlegur leikur og
sætur sigur gegn Tyrkjum
Frá Skúla Sveinssyni, blaðamanni Morgunblaðsins f Belgfu.
• Pálmar Sigurðsson hefur átt góða leiki f Evrópukeppninni í Belgfu.
Hann er sérfræðingur f þriggja stiga körfum og honum tókst vel upp
í sigurleiknum gegn Tyrkjum.
ÍSLENSKA landsliðið f körfu-
knattleik vann það einstaka afrek
að sigra Tyrki þegar liðin mætt-
ust f Evrópukeppninni í körfu-
knattleik í Liege í Belgíu á hvrta-
sunnudag. íslenska liðið lék trú-
lega sinn besta leik frá upphafi
og það var hreint frábært að
verða vitni að þessum mjög svo
sæta sigri, ekki sfst þegar það
er haft í huga að rúmlega 500
trylltir Tyrkir fylgdust með leikn-
um og létu öllum illum látum eins
og þeir reyndar gerðu á öllum
leikjunum. Þegar flautað var til
leiksloka hafði ísland skorað 63
stig en Tyrkirnir 58. Staðan í leik-
hléi var 42:29 fyrir ísland.
íslenska liðið hóf leikinn af því-
líkum krafti að annað eins hefur
ekki sést lengi ef þá nokkurn
tíma. Hvert glæsiskotið rataði
rétta leið og þegar átta mjnútur
voru liðnar af leiknum hafði ísland
gert 20 stig en Tyrkir aðeins fimm.
Frábær frammistaða! Vörnin eins
og hún gerist best og sóknin mjög
Tyrkir
fjölmennir
á áhorfenda-
pöllunum
Frá Skúla Sveinssyni, blaða-
manni Morgunblaðsins í Belgíu.
TYRKIR fengu góðan stuðning
frá löndum sínum þegar liðið lék
í Evrópukeppninni hérna. Alltaf
þegar þeir léku fylltist húsið af
Tyrkjum sem létu vel í sér heyra.
Þeir voru einnig með flögg sem
þeir veifuðu óspart og nokkrir
voru með háværar flautur sem
þeir þeyttu og varð af þessu
mikill hávaði í húsinu sem leikið
var í.
Það voru fleiri en tyrknesku
áhorfendurnir sem vöktu kátínu
áhorfenda því á varamannabekk
liðsins var sérlega líflegt. Alveg
frá því leikirnir hófust og þar til
þeim lauk stóðu flestir við hliðarlín-
una og hvöttu sína menn.
Þjálfari liðsins er mjög stór og
eftir því breiður en aðstoðarmaður
liðsins, sá er færði leikmönnum
vatn og handklæði í leikhléum, er
hinsvegar mjög lágvaxinn og
grannur. Þeir tveir minntu helst á
grínleikarana frægu sem allir kann-
ast við. Það er ekki hægt að segja
annað en mikið líf hafi fylgt þessu
liði og það var eins og þeir væru
á heimavelli í Belgíu.
góð. Allir hittu eins og berserkir
og nægir í því sambandi að nefna
að Pálmar gerði aðeins tvær af
þessum körfum, báðar þriggja
stiga, en ails gerði drengurinn
fimm slíkar í fyrri hálfleik.
Baráttan hélt áfram og dreng-
irnir léku svo vel að allir í húsinu,
nema þessir 500Tyrkir, héldu með
liðinu og hvöttu þá dyggilega.
Mestur varð munurinn í fyrri hálf-
leik 21 stig en það var þegar stað-
an var 12:31 og síöan aftur í 15:36
og 18:39. Undir lok fyrri hálfleiks
sóttu Tyrkir í sig veörið og þeim
tókst að minnka muninn niður í
13 stig áður en fiautað var til leik-
hlés. Besta hálfleik sem íslenska
landsliðið í körfuknattleik hefur
leikið varlokið.
Vörnin þéttist
í síðari hálfleik gekk sóknin ekki
eins vel og í þeim fyrri en vörnin
þéttist ef eitthvaö var. Staðan eftir
þrjár mínútur var 34:46 og þegar
fimm mínútur voru til leiksloka
hafði okkar mönnum tekist að
skora 53 stig en Tyrkjum 48.
Aðeins fimm stiga munur. Slæm-
um sóknarkafla, sem stóð mest
allan síðari hálfleikinn, var lokið.
Þegar hér var komið sögu var
farið að fara um þá sem voru á
bandi íslands, en það var algjör
óþarfi því strákarnir voru svo stað-
ráðnir í að vinna að mér er til efs
að Tyrkir hefðu náð að jafna þó
leikið hefði verið lengur. Baráttan
var í algleymingi og þó svo sóknirn-
ar nýttust mjög illa bætti stórkost-
legur varnarleikur það upp.
Tyrkir sóttu ákaft síðustu mínút-
ur leiksins en komust lítið gegn
sterkri vörn íslands. Strákarnir
léku mjög skynsamlega síðustu
mínúturnar af þessum leik. héldu
knettinum og nýttu hverja sekúndu
til hins ítrasta. Torfi Magnússon
hirti hvert frákastið af fætur öðru
í vörninni gegn hinum hávöxnu
Tyrkjum og það gerði gæfumuninn
á síðustu mínútunum.
Allir leikmenn íslenska lands-
liðsins áttu mjög góðan leik að
þessu sinni. Pálmar var atkvæða-
mestur í sókninni og Guðni kom
næstur á eftir honum og þá Valur.
Allir þessir léku stórvel í sókninni.
Pálmar var að vísu ekki með nema
20% nýtingu á skotum sínum í
leiknum en í þriggja stiga skotum
hafði hann 46% nýtingu. Guðni var
með 55% nýtingu og Valur 30%.
Þessi slaka nýting kemur fyrst og
fremst vegna lélegrar nýtingar í
síðari hálfleik en þá gerði liðið
aðeins 21 stig. í vörninni bar mest
á þeim Birgi, Símoni og Torfa.
Þeir tóku mikið af fráköstum og
sem dæmi má nefna að liðið í
heild tók 28 varnarfráköst og 10 i
sókninni og veröur það að teljast
gott á móti liöi eins og Tyrkjum.
Pálmar lék einnig vel i vörninni og
tók þar meðal annars 6 fráköst.
Valur hirti fimm í vörninni og þann-
ig mætti telja upp flesta leikmenn
liðsins. Allir léku stórvel.
Stig islands:Pálmar Sigurðsson 21, Guðni
Guðnason 15, Valur Ingimundarson 12, Birgir
Mikaelsson 9, Torfi Magnússon 6.
Islenska liðið vekur athygli
Frá Skúla Sveinssyni, blaðamanni Morgunt
ÍSLENSKA körfuknattleikslands-
liðið hefur vakið talsverða athygli
hér á Evrópumótinu í Belgíu.
Liðið hefur þótt standa sig vel
og eru menn reyndar alveg gátt-
aðir yfir því hve vel liðið getur
leikið.
Einn belgískur blaðamaður
sagði mér að hann vissi um nokkra
sem hefðu brosað í kampinn fyrst
þegar þeir sáu íslenska liðið. „Eng-
inn maður yfir tvo metra og því
óþarfi að búast við einhverju af
liðinu. Síðan þegar maður horfði á
það leika þá er ekki annað hægt
en dáðst af hversu vel þeir geta
leikið þó svo öll önnur lið séu
einni, ef ekki tveimur, hæðum fyrir
ofan þá,“ sagði þessi belgíski
blaðamaður og var ánægður með
liðið.
Ekki minnkaði aðdáun manna
eftir hinn sæta sigur yfir Tyrkjum
á hvítasunnudag. Blaðamenn frá
ýmsum löndum umkringdu þá
undirritaðan og Ingólf Hannesson
frá Útvarpinu þar sem þeir sátu í
blaðamannaherberginu við vinnu
sína og spurðu margra spurninga
um körfuknattleik á íslandi. Allir
voru sammála um að íslenska liðið
hefði leikið frábærlega vel á þessu
móti og ef liðið hefði einn eða tvo
menn sem væru rúmir tveir metrar
á hæð þá stæði það jafnfætis flest-
um liðum í Evrópu í dag.
Það sem kom erlendu blaða-
mönnunum mest á óvart var
hversu góða vörn íslenska liðið
leikur. „Óll liðin sem leika gegn
ykkur hafa átt í hinum mestu vand-
ræðum með vörnina ykkar. Þetta
er enn furðulegra þegar það er
tekið með í reikninginn að leik-
menn ykkar eru mjög lágvaxnir og
eiga því ekki að eiga möguleika á
að ná fráköstum en þeir gera það
samt. Þetta er alveg stórfurðu-
legt,“ sagði blaðamaður frá ísrael
við mig eftir leikinn við Tyrki.
Annað sem mönnum finnst
furðulegt er hversu hittnir leik-
menn okkar eru. Sérstaklega eru
menn hrifnir af Pálmari Sigurðs-
syni, Val Ingimundarsyni og Guðna
Guðnasyni. Allir tala líka um þátt
Torfa Magnússonar í vörninni
enda hefur hann leikið stórvel í
þessu móti og átt í fullu tré við
sér mun hávaxnari leikmenn.
Einn belgískur blaðamaður var
sérlega forvitinn að vita allt um
íslenskan körfuknattleik og hann
var þess fullviss að 18. maí yrði
gerðurað þjóðhátíðardegi á íslandi
í tilefni sigurs landsliðsins yfir
Tyrkjum og varð hann verulega
hissa þegar ég tjáði honum að svo
væri ekki.
Já, íslenska liðið hefur svo sann-
arlega vakið mikla athygli hér í
Belgíu, bæði fyrir góða leiki og
ekki síður fyrir prúðmannlega
framkomu jafnt innan vallar sem
utan.