Morgunblaðið - 21.05.1986, Blaðsíða 10
10 B MORGUNBLAÐIÐ, MIÐVIKUDAGUR 21. MAÍ 1986
Morgunblaðið heimsækir franska
knattspyrnulandsliðið í æfinga-
búðir í Pýreneafjöllum
UNDIRBÚNINGUR franska landsliðsins í knattspyrnu fyrír HM f
Mexíkó hófst fyrir alvöru 2. maf þegar leikmenn liðsins fóru til Font-
Romeu í Pýreneafjöllum. Markmið ellefu daga dvalar þar var að ná
leikmönnum niður eftir erfitt keppnistfmabil og hlúa að þeim er
meiddir voru. Fyrri hluti dvalarinnar var tekinn létt - leikmenn spiluðu
blak, tennis og renndu meira að segja fyrir silung. í seinni vikunni
færðist síðan meiri alvara í leikinn, faríð var yfir leikaðferðir og teknar
tvær æfingar, þó frekar léttar, á dag.
Font-Romeu er í 1800 metra
hæð yfir sjávarmáli og fengu leik-
menn ágætan tíma til að venjast
átökum í þunnu lofti. í samtali við
Morgunblaðið sagði Henri Michel,
landsliðseinvaldur Frakka, að und-
irbúningurinn hefði gengið framar
öllum vonum - að undirbúningurinn
væri alveg fullkominn. Leikmenn
væru óðum að ná sér eftir meiðsli
sem þeir hefðu orðið fyrir á keppn-
istímabilinu, einungis miðvallar-
leikmaöurinn Ferreri ætti enn við
meiðsli að stríða. Miðvikudaginn
14. maí fór franska landsliðiö síðan
til Mexíkó og síðustu 15 dagana
fyrir keppnina verður gengiö frá
lokaundirbúningi liðsins. Meðal
annars verða leiknir þrír æfinga-
leikir þar í landi. Henri Michel sagði
að eftir þennan tíma, samtals einn
mánuð í yfir 1800 metra hæð,
ættu leikmenn að verða vel undir
heimsmeistarakeppnina búnir.
Fyrsti leikur Frakka verður 1.
júní gegn Kanada. Ef allt gengur
eftir settum reglum ættu Frakkar
að vinna þann leik og þurfa þá að
vinna annað hvort Sovétmenn eða
Ungverja til að komast áfram.
Franskir knattspyrnuáhangendur
eru ansi bjartsýnir á gang sinna
manna í kepninni: Frakkar skulu
verða heimsmeistarar 1986. Dálít-
ið meira raunsæis gætir þó meðal
leikmanna, sem lítið hafa viljað
segja eða giska á um árangur
franska liðsins.
En hvað fá leikmenn svo í laun
fyrir ómakið? Blaðamaður Morg-
unblaðsins náði sambandi við
fréttafulltrúa landsliösins, Philip
Tournon, og spurði hann um fjár-
hagsmálin. Hann sagði að hver
leikmaður fengi 400 þúsund franka
(um 2,260 milljónir íslenskra
króna) fyrir þátttökuna, og sú
upphæð yrði tvöfölduö ef þeir
kæmust allaleið. Hann bætti síðan
við að allir leikmennirnir væru á
sömu launum. Platini fengi t.d.
ekki meira en varamarkvörður,
sem aldrei spilaði.
En það þarf ekki bara að borga
leikmönnum laun. Mikill fjöldi aö-
stoðarmanna er í kringum liðið og
svo er ferða- og dvalarkostnaður
gífurlegur. Dvölin í Font-Romeu er
að vísu gjöf frá bæjaryfirvöldum
þar, en það mun verða dýrt að
halda mannskapnum uppi í Mexíkó
í um mánaðartíma. Sagði Tournon
að franska knattspyrnusambandið
gæti ekki annað en komið út úr
þessu með tapi, þrátt fyrir að
nokkuð miklar fjárhæðir komi inn
Morgunblaöið/Bernharö Valsson
• Mikill fjöldi fréttamanna var í kríngum franska landsliðið f æfingabúöunum f Font-Romeu. Og börnin
í þessu fjallaþorpi létu sig heldur ekki vanta. Hér heilsar William Ayache, bakvörður, ungrí blómarós.
í tengslum við auglýsingar. Hann I þátttökuna væri alveg ókunnur. I dýrt að taka þátt í úrslitum heims-
bætti því við að lokakostnaður við I Sagði bara að það væri óhemju I meistarakeppninnar.
„Erfitt að leika á íslandi“
— segir Alain Giresse í einkaviðtali við Morgunblaðið
„Ég hef komið til íslands og spilað þar. Það var 1981, þá spilaði
Bordeaux gegn Vfking í Evrópukeppninni. Við unnum 4:0 bæði heima
og að heiman." Þetta sagði Alan Giresse, fyrirliði bikarmeistara
Bordeaux og leikmaður franska landsliðsins þegar blaðamaður spurði
hann hvort hann hefði leikið á íslandi. Hann var við æfingar ásamt
félögum sfnum í franska landsliðinu, en gaf gaf sér góðan tfma til
að ræða við íslenskan blaðamann þótt hann hafi augljóslega ekki
verið alltof hrifinn af þeim frönsku.
En hvað finnst Giresse annars
um íslenskan fótbolta? „Ég get nú
ekki sagt að ég viti mikið um hann.
Landsliðið þekki ég bara lítillega.
En eftir því sem ég best veit þá
hefur íslenskur fótbolti verið í
mikilli framför síðastliðin ár. Leikir
Vals gegn Nantes bera þess merki,
og einnig að landsliðið virðist farið
að velgja ýmsum stórþjóðum undir
uggum, eins og t.d. Spánverjum í
haust."
Standa einhverjar vonir til
þess að þú komir aftur til íslands
til að spila? Til dæmis með
franska landsliðinu í haust?
„Nei, ég kem nú líklega ekki
með franska landsliöinu, þar eð ég
reikna með að hætta að leika með
því eftir HM í Mexíkó. En aftur á
móti vildi ég gjarnan lenda á móti
íslensku liði í Evrópukeppni bikar-
hafa".
En hvað heldurðu um áður-
nefndan landsleik - Ísland-Frakk-
land 7. septermber 1986?
„Ó, það verður erfitt að leika á
ísiandi".
Sökum slæmra aðstæðna
þá?
„Nei, eins og ég sagði áðan þá
eru íslendingar í mikilli framför.
íslenska landsliðið er þó óþekkt
stærð. Algjörlega. Allt sem við
vitum er að það er erfitt að fara
þangað til að sækja tvö stig. Og
það hjálpar náttúrulega ekki til að
í september er orðið kalt, völlurinn
kannski ekki upp á sitt besta og
vissulega fara gæði leikja oft eftir
aðstæðum".
Ef við snúum okkur þá að
gengi liðs þíns, Bordeaux, á síð-
asta keppnistímabili. Ertu sáttur
við það?
„Já, vissulega er ég það. Við
urðum í þriðja sæti t deildinni og
unnum svo bikarinn. Að vísu höf-
um við fengið mikla gagnrýni í
blöðum fyrir að vera heldur slakir
í ár og þá held ég að fólk líti gjarn-
an til síðasta árs þegar við lékum
í bikarundanúrslitunum og unnum
deildina. En samt held ég að við
getum vel verið sáttir við þetta
keppnistímabil."
Nú hefur Bordeaux keypt
talsvert af nýjum leikmönnum
fyrir næsta keppnistimabil. Er
stefnt á stóa hluti?
„Já, það held ég nú. Við ætlum
að vinna Evrópukeppni bikarhafa,
en láta deildartitilinn eftir handa
Morgunblaöiö/Bernharö Valsson
•Alain Giresse Ifkaði mjög vel á
íslandi þegar hann kom hingað
með Bordeaux. Hann hefur leikið
41 landsleik fyrir Frakkland.
einhverjum öðrum". Hann brosir.
„Þó mikið hafi verið keypt af leik-
mönnum þarf það ekki að þýða að
við verðum eitthvert stórveldi".
Slæmt gengi franskra liða í
Evrópukeppni á undanförnum
árum hræðir þig ekkert?
„Nei, það er kominn tími til að
breyta því. Þetta er titill sem
Bordeaux vantar, þannig að við
ætlum alla leið og ég vil alls ekki
til þess hugsa að franskt lið geti
ekki borið sigur úr bítum í Evr-
ópukeppni."
Jæja, snúum okkur að HM.
Kemur franska landsliðið vel
undirbúið til keppninnar?
„Við reynum náttúrulega að
undirbúa okkur sem best. Hér í
Font-Romeu ganga hlutirnir rólega
fyrir sig. Menn eru svona að jafna
sig eftir erfitt keppnistímabil. En
ég held að það sé mnjög gott fyrir
okkur að koma hingað í svona
hálfan mánuð áður en haldið er til
Mexíkó. Hérna erum við í rúmlega
1800 metra hæð, svo við erum að
venjast ótrúlega þunnu lofti. En
lokaundirbúningurinn fer að sjálf-
sögðu fram í Mexíkó".
Nú fer mikill tími f þetta.
Hversu lengi ertu frá fjöiskyldu
þinni núna?
„Þetta verður einn og hálfur
mánuður, eða tveir, eftir því hvað
við náum langt".
Er þetta ekki erfitt?
„Þetta er að minnsta kosti ekki
auðvelt. Sérstaklega ekki fyrir
okkur sem eigum börn. Maður
dettur svolítið úr sambandi við þau
og svo er líka einbeitingin fyrir
keppnina svo mikil að maður getur
varla gert sér grein fyrir því að
stór partur af manni býr langt í
burtu".
Pressan er ekkert of mikil?
„Ekki svona þessa stundina, en
þaö breystist þegar við komum til
Mexíkó".
Hvernig lýst þór á leikina í
ykkar riðii gegn Kanada, Sovét-
ríkjunum og Ungverjalandi?
„Þeir verða erfiðir. Við verðum
að sigra tvo leiki. Vonandi sigrum
við Kanada í fyrsta leiknum, og
síðan annaö hvort Sovétmenn eða
Ungverja."
Á ekki að vinna alla þrjá?
„Við munum alltaf gera okkar
besta, en ég held samt að við
verðum að sætta okkur við lítið,
fara rólega af stað og vaxa svo
með hverjum leik."
En hvað með möguleikana
á að spila f sjálfum úrslitaleikn-
um?
„Ú la la það er langt þangað
til. Ég hugsa ekki svo langt."
Eftir að hafa talað við
nokkra leikmenn þá hefur maður
á tilfinningunni að það sé svoiítill
skrekkur í ykkur?
„Þetta er bara raunsæi. Þrátt
fyrir að franskur almenningur sé
búinn að krýna okkur heimsmeist-
ara þá vitum við leikmennirnir að
allt geturgerst."
Að lokum: Ef til úrslitaleiks-
ins kæmi hvaða lið vildirðu fá
sem mótherja?
„Ef við náum svo langt að leika
úrslitaleikinn, þá skiptir það engu
máli. í þeim gæðaflokki eru bara
mjög góð lið, svo nafnið skiptir
ekki máli," sagði Alan Giresse að
lokum.