Morgunblaðið - 21.05.1986, Blaðsíða 11
MORGUNBLAÐIÐ, MIÐVIKUDAGUR 21. MAÍ1986 B 11
Michel Platini í einkaviðtali við Morgunblaðið:
„Frakklandi hefur
aldrei gengið vel f
heimsmeistarakeppni
en nú eigum við betri möguleika en fyrr'
Morgunblaðið/Bornharö Valsson
• Maxim Bossis og Jean Tigana, tveir af leikreyndustu og fremstu
leikmönnurn Frakka í kapphlaupi um knöttinn fléttum æfingaleik.
„ÞAÐ er alltaf mjög erfitt að svara
þessari spurningu. Eiginlega
þyrftirðu að spyrja mig eftir
keppnina. En við reynum að
undirbúa okkur sem best og taka
mið af sem flestum þáttum sem
geta skipðt máli f Mexfkó. Síðan
er bara að spila aila leiki eins og
úrslitaleiki, og leggja sig allan
fram.“ Þetta sagði Michel Platini,
fyrirliði franska landsliðsins,
þegar Morgunblaðið náði tali af
honum í æfingabúðum landsliðs-
ins f Font-Romeu, og spurði um
möguleika Frakka í Mexfkó.
En hefur undirbúningurinn þá
verið góður?
„Við höfum undirbúið okkur eins
vel og hægt er, þannig að ef illa
fer þá getum við sjálfum okkur um
kennt og engu öðru. Annars er
alltaf mjög erfitt að spila í heims-
meistarakeppni. Allir vilja komast
áfram, og þetta er allt hálfgert
happdrætti."
Nú hefur Evrópuþjóðunum
aldrei gengið vel þegar leikið er
í Mið- eða Suður-Amerfku. Þú ert
ekkert hræddur við þetta sígilda
vandamál?
„Nei, ég leiði þetta algjörlega
hjá mér. Þetta er einfaldlega
spurning um getu. Þegar allt
kemur til alls erum við hvorki betri
né verri en hinliðin."
Nú eruð þið f riðli með
Sovótmönnum, Ungverjum og
Kanadamönnum. Hverjir held-
urðu að verði erfiðasti andstæð-
ingurinn?
„Leikirnir verða allir erfiðir. En
þó er vel líklegt að leikurinn við
Sovétmenn verði sá sem við þurf-
um mest að hafa fyrir. Sovétmenn
leika góða knattspyrnu, en hafa
aldrei náð langt á alþjóðlegum
mótum. Ég vona bara að þeir þjáist
sem mest í þunna loftinu." Hlær.
Ef Sovétmenn verða erfið-
asti andstæðingurinn, hverju áttu
þá von á frá Kanadamönnum?
„Það er rétt að Kanadamenn
eru óþekkt stærð. En þeir munu
örugglega leggja sig alla fram í
leiknum gegn okkur. Eg hefði miklu
frekar viljað leika gegn þeim í síð-
asta leiknum, t.d. ef í Ijós kæmi
að við þyrftum að skora mörg
mörk til að komast áfram. í fyrsa
leik er alltaf takmarkið að ná tveim-
ur stigum. 1:0 yrði gott. Ef við
eigum að komast í úrslit verðum
við að sanna getu okkar strax á
móti Sovétmönnum og Ungverj-
um."
Hvaða þjóðir munu koma til
með að berjast um trtilínn?
„Mér finnst líklegast að það
verði þær þjóðir sem hafa verið í
toppbaráttunni undanfarin ár, t.d.
Brasilía, Argentína, Þýskaland og
ftalía."
Hvað um Frakkland?
„Ég vona auðvitað að okkur
gangi vel. En Frakklandi hefur
aldrei gengið vel í heimsmeistara-
keppni. Það má kannski segja að
við og Danmörk séum sú kynslóð
sem koma muni. Bæði Frakkland
og Danmörk hafa leikið vel síðast-
liðin tvö ár, þannig að við munum
láta í okkur heyra."
Svo við snúum okkur að
öðru. Kemur þú til með að leika
gegn íslandi næsta haust f Ev-
rópukeppni landsliða?
„Ég veit það ekki ennþá. Þessa
stundina er ég með allan hugann
við HM, þannig að Evrópukeppnin
er enn óralangt í burtu."
Hefurðu einhvemtíma séð
íslenska landsliðið leika?
„Já einu sinni. Það var í Evr-
ópukeppninni gegn Tyrkjum, og
íslendingarnir unnu 3:1. Þannig að
þó ekki fari stór orð af íslenska
landsliðinu, þá er það alltaf erfiður
andstæðingur. Það má líka segja
að tími hinna litlu liða sé runninn
upp. Nú geta lið, eins og það ís-
lenska, staðið í frægum og sterk-
um liðum. Er skemmst að minnast
leiks ykkar gegn Spánverjum."
Þekkirðu einhverja íslenska
leikmenn?
„Nei, það held óg ekki. Heyrðu,
jú, jú! Ég hef heyrt vel látið af þeim
sem spilar númer 10 hjá Stuttgart,
Sigurvinsson (Ásgeir), en óg veit
að þið eigið fleiri atvinnumenn í
Þýskalandi og svo í Belgíu."
Franska liðið mun þá taka
leikina gegn íslandi ífullri alvöru?
„Já, vissuiega. f Evrópukeppni
skiptir hvert stig sköpum, þannig
að Frakkar munu spila leikinn af
. miklum krafti."
• „Franská vonin“ — Michel Ptatini.
Morgunblaðið/Bernharð Valsson
Morgunblaðiö/Bemharð Valsson
•Platini og Louis Fernandez, fyrirliði Frakklandsmeistara Paris SG, kljást um boltann. Ekkert er gefið eftir.
•Joel Bats er aðalmarkvörður franska laudsliðsins, hann ieikur með
PSG f frönsku knattspyrnunni og hefur hann leikið 23 landsleiki.