Morgunblaðið - 11.06.1986, Blaðsíða 15
MORGUNBLAÐIÐ, MIÐVIKUDAGUR11. JÚNÍ 1986
15
Sumarást, 1974.
KARL KVARAN
Gult form, 1978.
Framlag Lástasafns íslands
til Listahátíðar 1986 er yfírlits-
sýning á verkum hins þekkta
málara Karls Kvaran. Þarna
er á ferð merk sýning, sem
beðið hefur verið með eftir-
væntingu, einkum og sér í lagi
af þeim, sem gert hafa sér grein
fyrir gildi þeirra verka, er Karl
Kvaran hefur sýnt á undan-
fömum áratugum og unnið af
mikilli kostgæfni og þeirri elju,
sem honum er lagin. Það er
löngu vitað mál, að Karl Kvar-
an hefur lagt íslenzkri myndlist
skerf, sem er bæði einstæður
og merkilegur. Hann hefur til-
einkað sér mjög öguð vinnu-
brögð, og stundum hefur mönn-
um jafnvel þótt nóg um, hve
þröngan stakk hann hefur snið-
ið verksviði sínu. En þegar slík-
ur dómur er felldur, verður að
taka með í reikninginn, að
ekkert, sem gildi hefur, fæst
nema með þrautseigju og per-
sónulegri fóm í baráttu við
fleti, línur og form. Það er til
lítils að fíkta þar við hlutina
og narta í tízkustefnur, hveiju
nafni sem nefnast. Vinna og
aftur vinna, ögun og endur-
skoðun á eigin hug og getu er
það eina, sem getur skapað það
öryggi og framkallað þau við-
brögð, sem orsaka gott og gilt
listaverk. Þetta kemur skýrt
fram á sýningu Karls, sem er
vitni um fjörtíu ára vinnubrögð
hjá listamanni, sem hefur flýtt
sér hægt, en náð settu marki,
ef svo mætti að orði kveða.
Hér á ég auðvitað við þann
mikla árangur sem við blasir á
yfírlitssýningunni í sölum
Listasafns Islands um þessar
mundir.
Á seinustu þrem eða fjórum
áratugum hef ég hvað eftir
annað ritað um list Karls Kvar-
an hér í blaðið og fátt fundið
verkum hans til foráttu. Auð-
vitað eru þau nokkuð misjöfn
á köflum, en Karl hefur verið
staðfastur í trúnni og haldið sig
við fmmkraft málverksins. Það
er formið, línan og liturinn, sem
öllu ráða í verkum hans, hvort
heldur hann vinnur klippmyndir
eða vinnur í gouache eða olíu.
í mörg ár snerti Karl vart
annað efni en gouache liti og
náði feikna árangri á því sviði,
síðan skipti hann yfír í olíumál-
verk og kom þá greinilega í ljós,
hvað hann hafði lært af fyrri
myndgerð. Allt var hnitmiðað
og úthugsað á mjmdfletinum.
Strangleiki og einfaldleiki sátu
í fyrirrúmi. Myndbyggingin
varð með hveiju ári heillegri
og sterkari, öll smáatriði út-
þurrkuð, en hið þrönga við-
fangsefni endurtekið í sífellu,
þar til möguleikamir voru
tæmdir og eftir stóð óaðfínnan-
legt verk. Takmarkið í listsköp-
un Karls Kvaran er aðeins eitt,
fullkomnun, og með einbeitni
og óhemju þreki hefur hann
haldið sínu striki allt fram á
þessa stund. Það hefur nokkuð
verið farið niður í saumana á
þessari sýningu á öðrum vett-
vangi, og hef ég engu þar við
að bæta, en það má gjaman
minnast á þá einstæðu listrænu
upplifun, sem ljómar af þessum
verkum. Enginn sá, sem er
móttækilegur fyrir myndlist á
annað borð, getur komizt hjá
því að verða fyrir áhrifum af
verkum Karls Kvaran. Þau eru
auðvitað mjög persónubundin,
og hæfír hveijum og einum sitt
sjónarsvið. Enginn gagnrýn-
andi getur leiðbeint öðrum í
því efni.
Þessi yfírlitssýning á verkum
Karls Kvaran er stórkostlegur
listrænn viðburður hér í borg,
og sómir sér vel á sama tíma
og verk eftir meistarann Pic-
asso eru sýnd í fyrsta skipti
hér á landi að Kjarvalsstöðum,
en fólk athugi, hve gerólíkir
listamenn eru hér á ferð. Það
er raunar önnur saga, sem ekki
verður rakin hér. Sá, er þessar
línur ritar, hefur fylgzt með
framvindu listar Karls Kvaran
í áratugi eins og áður er vikið.
Það er því lítil nýjung fyrir mig
að sjá sum þeirra verka, sem
nú eru í Listasafni íslands, en
að sjá þeim saman safnað á
einn stað er mér mikil upplifun
og verður vonandi flestum
gestum sýningarinnar.
Ég vil að lokum þakka Lista-
safni íslands fyrir þetta merki-
lega framlag, og einnig vil ég
vekja athygli á sérlega vandaðri
og fallegri sýningarskrá, en
Bera Nordal á mestan heiður
af því verki. Það hefur borið
nokkuð á aðfínnslum við Lista-
safn íslands að undanfömu í
pressunni hjá okkur, en nú er
sannarlega tími til kominn að
bera mikið lof á þetta ágæta
safn okkar allra.
Jafnréttisráð 10 ára
JAFNRÉTTISRÁÐ er 10 ára um
þessar mundir, en helsta verk-
efni þess er að sjá til þess að
ákvæðum laganna um jafnrétti
kynjanna sé framfylgt auk þess
að vera stefnumótandi aðiii í
þeim efnum, Ráðið hefur einnig
það hlutverk að vera ráðgefandi
gagnvart stjómvöldum og stuðla
að góðri samvinnu samtaka at-
vinnurekenda og launafólks.
í könnun sem Hagvangur gerði
nýlega fyrir Jafnréttisráð á þekk-
Aðalfundur
Múrarameist-
arafélags-
Reykjavíkur
Á aðalfundi Múrarameistarafé-
lags Reykjavíkur urðu stjómar-
skipti og var Friðrik Andrésson
kjörinn formaður.
í frétt frá félaginu segir að frá-
farandi formaður, Þórður Þórðar-
son, hafí ekki gefíð kost á sér til
endurkjörs og hafí honum verið
þökkuð störf hans í þágu félagsins.
Á fundinum kom fram ánægja með
afkomu félagsins. Auk Friðriks
munu eftirfaldir skipa stjóm félags-
ins: Bjöm Kristjánsson, varafor-
maður, Páll Þorsteinsson, ritari,
Viðar Guðmundsson, gjaldkeri,
Einar Einarsson, meðstjómandi. I
varastjóm vom kosnir Þórarinn
Hrólfsson, Gylfí Ó. Héðinsson og
Guðjón Þorvaldsson.
BÍLDSHÖFÐA 16 SÍMI:672444
Sleypu-
hrœrivékir
Fyrir flestar geröir
dráttarvéla.
3501., - henta vel fyrir
bændur og smærri
verktaka.
UMBOÐS- OGHE1LDVERSLUN
Sis&zsmzsr
Fróðleikur og
skemmtun
fyrir háa sem lága!
^^terkurog
k-/ hagkvæmur
auglýsingamiðill!
ingu almennings á ráðinu kom í ljós
að einungis um helmingur að-
spurðra vissi hvert hlutverk Jafn-
réttisráðs væri. Fjórðungur vissi að
ráðið væri opinber aðili og helming-
ur að reynslan af starfí ráðsins
væri góð. Einungis 6,5% töldu að
svo væri ekki.
Undanfarið hefur Jafnréttisráð
einbeitt sér að könnunum og er nú
á döfinni að vinna úr úrslitum nýaf-
staðinna sveitastjómarkosninga
með tilliti til kynja, kosningaþátt-
töku o.fl., einnig er ráðgert að halda
ráðstefnu í haust um stefnumörkun
í jafnréttismálum fram til ársins
2000.
Núverandi framkvæmdastjóri
Jafnréttisráðs er Elín Pálsdóttir
Flygenring, lögfræðingur, en aðrir
starfsmenn ráðsins em þau Ingi-
björg Jóhannsdóttir, fulltrúi og 01-
afur Jónsson, þjóðfélagsfræðingur.
Ráðið hefur opna skrifstofu að
Laugavegi 116 og síminn þar er
27420.
OC
ALFA-LAVAL
VARMA
SKIIMAK
LANDSSMIÐJAN vekur
athygli a ALFA-LAVAL
varmaskiptum til notkun-
ar viö upphitun á vatni til
neyslu og fyrir mióstööv-
arkerfi. ALFA-LAVAL er
sænsk gæóavara. Um
þaö eru allir sammála
sem reynt hafa.
Helstu kosti ALFA-LAVAL
varmaskipta teljum við vera:
X Þeireruvirkirogeinfaldir
X Plöturnar úr ryðfriu stáli
sem tærast ekki við öll
venjulog skilyrði
X Hreinsun auðveld
X Þrýstiþol mikió
X Breytingarauðveldar
X Þeirtaka lltið pláss
X Nýtingin mjög góð
LANDSSMIÐJAN hefur
einkaumboð fyrir ALFA-
LAVAL a Islandi. og get-
ur vottað um aó áratuga
löng reynsla á hitaveitu-
svæðum um allt land
hefur sannað ágæti
þessara varmaskipta.
Viö veitum allar tækni-
legar upplýsingar, svo
og hvers konar upplýs-
ingar aörar um ALFA-
LAVAL varmaskiptana.
LANDSSMIÐJAN HF.
SÍMI (91) 20680
VERSLUN ÁRMÚLA 23
SIMI 91-688880