Morgunblaðið - 18.07.1986, Blaðsíða 7
MORGUNBLAÐIÐ, FÖSTUDAGUR 18. JÚLÍ 1986
7
Háskóli íslands:
Flestir inn-
ritast í við-
skiptafræði
INNRITUN nýstúdenta í Háskóla
íslands fyrir næsta skólaár er um
það bil að ljúka og höfðu 1366
umsóknir borist 15. júlí sl. Flestir
innritast i viðskiptafræði eða 246.
Á skrifstofu Háskólans fengust þær
upplýsingar að 11 hafí innritast í guð-
fræðideild, 165 í lögfræði, 88 í
læknisfræði, 18 í lyfjafræði lyfsala,
51 í hjúkrunafræði, 57 í sjúkraþjálfun
en þar eru 18 nemendur teknir inn
ár hvert og 29 í tannlækningar og
verða sjö þeirra teknir inn í deildina
að loknu samkeppnisprófí í janúar. I
heimspekideild hafa innritast 230
nemendur, í verkfræði 104, í raunvís-
indadeild 197 og í félagsvísindadeild
170.
Rétt er að taka fram að ekki er
lokið við að ganga frá öllum umsókn-
um, sem borist hafa með pósti og eru
þessar tölur því ekki endanlegar.
„Við höldum
kettinum ef
enginn kaup-
ir hann“
— segir eigandi „Vest-
urbæjarljónsins“
„NEI, Tommi er ekki seldur —
ætli það endi ekki með því að við
eigum hann áfram,“ sagði eig-
andi „Vesturbæjarljónsins", sem
svo mikið hefur verið í fréttum
að undanförnu, í samtali við
Morgunblaðinu.
Eins og fram kom í Morgun-
blaðinu í gær hafði kötturinn verið
auglýstur til sölu ásamt ektamaka.
„Það hringdu fjölmargir en enginn
þeirra hvorki kom né keypti. Tommi
hefur verið innilokaður síðan á laug-
ardag og er orðinn ansi pirraður á
inniverunni. Við verðum að fara að
hleypa honum út. Það verður bara
að koma í ljós hvað nágrannamir
gera. Við erum alls ekki búin að
gefast upp og höldum auðvitað kett-
inum hjá okkur ef enginn kaupir
hann,“ sagði eigandi „litla Ijónsins".
Gjaldheimtan í
Reykjavík:
Innheimtan
í ár svipuð
og í fyrra
OPINBER gjöld í ár hafa inn-
heimst með svipuðu móti hjá
Gjaldheimtunni í Reykjavik og i
fyrra. Um síðustu mánaðamót
höfðu innheimst 55% af fyrirfram-
greiðslu þessa árs, 29,61% af
eftirstöðvum fyrri ára og 80,6%
af fasteignagjöldum. Þetta er
mjög svipað því og hafði inn-
heimst á sama tima í fyrra, að
sögn Guðmundar Vignis Jósefs-
sonar, gjaldheimtustjóra í
Reykjavík.
I lok júní í fyrra höfðu innheimst
56,26% af fyrirframgreiðslu þess árs,
28,9% af eftirstöðvum og 81,3% af
fasteignagjöldum. Upp úr miðjum
næsta mánuði má búast við að farið
verði að gera lögtök hjá þeim, sem
ekki standa í skilum. Árlega eru gerð
um tíu þúsund lögtök, giskaði gjald-
heimtustjóri á í samtali við blm.
Morgunblaðsins í gær.
Fyrr eða síðar nær Gjaldheimtan
inn nær öllu því fé, sem henni er
ætlað að innheimta þótt sumt komi
seint og innheimtuaðgerðum fylgi á
tíðum mikill kostnaður og fyrirhöfn.
Frá stofnun Gjaldheimtunnar í
Reykjavík 1962 og til ársloka 1985
hafði stofnunin þurft að afskrifa sam-
tals um 278 milljónir króna, eða
1,53% af álögðum gjöldum á þessu
24 ára tímabili.
Morgunblaðið/Börkur
Kampakátir sæfarendur
ÞAÐ var mikil eftirvænting í svip þessara ungu knattspyrnumanna úr Víkingi er þeir í vikunni lögðu upp í siglingu
með félögum í Snarfara um Sundin og í kringum Viðey. Sjö hraðbátar tóku þátt í þessum flutningum og skemmtu
krakkarnir sér hið besta.
. . . að Höfðabakka 9
laugardaginn 19. júlíkl. lO.OOtil 17.00.
GM Notið tækifærið til að kynnast og reynsluaka Chevrolet j Monza. 1986 árgerðin er uppseld en þegar er farið að skrá 1
CHEVROLET pantanir úr fyrstu sendingu af 1987 árgerðinni sem væntan- |
leg er í september.
BiLVANGUR sf
HÖFÐABAKKA 9 5ÍMI 687BOO