Morgunblaðið - 18.07.1986, Blaðsíða 29
AKUREYRI
MORGUNBLAÐIÐ, FÖSTUDAGUR 18. JÚLÍ 1986
Morten Herzum og Ole Cordsen, — danskir „roligans".
Ragnar Pálsson og Bryndís, — stutt stans á Akureyri.
(Morgunblaðið/SAS)
m m
lé*
Þett setinn bekkurinn á
tjaldstæði Akureyringa
TJALDSTÆÐIÐ á Akureyri
liggur báðum megin við Þórunn-
arstræti, ofan við Sundlaug
Akureyrar. Tjaldstæði þetta er
jafnan mikið sótt af ferðamönn-
um, jafnt innlendum sem erlend-
um. Blaðamaður Morgunblaðsins
átti í gær leið um tjaldstæðið og
tók þá nokkra tjaldbúa tali.
“Voðalega fínt að vera hér,“
sögðu þær Barbara Hamburger
og Karen Frech frá Sviss.
Þær stöllumar, sem koma frá
Zurich, komu í fyrradag til Akur-
eyrar og ætluðu í dag að halda
áleiðis til Hafnar í Homafirði. Báð-
ar voru þær á því Akureyri væri
fallegasta „sveit" á íslandi.
Barbara kvaðst hafa verið hér í
eina átta mánuði og unnið í sveit;
nánar tiltekið að Djúpadal í Saur-
bæjarhreppi. Nú er hún hins vegar
á leið heim að læra sjúkraþjálfun.
Karen hefur verið hér í tvo mán-
uði, en ætlar að vera á íslandi í
eitt ár og vinna á sama stað og
Barbara var. Báðar töluðu þær
ágæta íslensku enda sögðust þær
vera „btjálaðar" í ísland og allt er
því viðkæmi, nema knattspymu.
„Höfum ekki fundið betra
tjaldstæði," sögðu þau Ragnar
Pálsson frá Selfossi og Bryndís
Ólafsdóttir frá Þorlákshöfn.
Þau Ragnar og Bryndís kváðust
vera á hringferð um landið og að-
eins verða eina nótt á Akureyri.
Næst væri ferðinni heitið til
Hvammstanga eða Blönduóss; „fer
eftir efni og ástæðum hvort verð-
ur.“ Tjaldstæðið á Akureyri fannst
þeim heldur bert, en þó kváðust þau
ekki hafa fundið neitt betra. Helsti
kostur þess fannst þeim vera ná-
lægðin við sundlaugina. Ragnar og
Bryndís lögðu af stað í ferð sína á
föstudag í síðustu viku og áætluðu
að hringferðin tæki 10 daga. Að
sögn þeirra gengur ferðin sam-
kvæmt áætlun.
„Er náttúruunnandi," segir
Þjóðverjinn Burkhardt Stoppel.
Burkhardt starfar sem félagsráð-
gjafi í bænum Öhringen, gömlum
rómverskum bæ í nágrenni Stutt-
gart. „í Þýskalandi er mikið þétt-
býli, þung umferð og lítið af óspilltri
og ómengaðri náttúru. ísland er
hins vegar Gósenland náttúruunn-
enda eins og mín, og hér vil ég
helst vera.“ Þrátt fyrir ást sína á
náttúrunni, kvaðst Burkhardt ekki
tilheyra flokki græningja í Þýska-
landi, en vissulega hefði hann
samúð með baráttumálum þeirra.
Hinn þýski félagsráðgjafi kvaðst
hafa verið á ferð um ísland í fjórar
vikur og færi aftur til Þýskalands
þann 8. ágúst. Hann sagðist hafa
verið eina þrjá daga á Akureyri og
á morgun færi hann til Mývatns.
Herra Stoppel sagist vitaskuld
halda með Vffi Stuttgart í þýsku
Bundesligunni og Ásgeir væri „sinn
maður“.
„Okkur líkar ekki við þétt-
býlisstaðina á íslandi," sögðu
Danimir Morten Hertzum og Ole
Cordsen.
Morten og Ole koma báðir frá
Kaupmannahöfn; Morten er 21 árs
gamall tölvufræðinemi og Ole er
tvítugur hagfræðinemi. Þeir félag-
arnir hafa verið á íslandi í tvær
vikur og verða hér eina viku enn.
Þeir komu til Akureyrar á miðviku-
dag frá Mývatni, og voru í þann
mund, er blaðamaður átti við þá
tal, að leggja af stað til Húsavíkur.
Þeim félögunum líkaði bærilega við
Akureyri og sögðu tjaldstæðið vera
ágætt, en heldur væri þangað lang-
ur gangur og upp í móti neðan
úr bænum. „Okkur líkar vel við
náttúruna á Islandi, en hins vegar
erum við lítið hrifnir af bæjunum;
síst af öllu Reykjavík,“ sögðu félag-
arnir 'dönsku. Þeir kváðust hafa
dvalið þrjá daga í Skaftafelli og
einnig hefðu þeir barið Gullfoss og
Geysi augum. Til Akureyrar komu
þeir frá Mývatni.
„Höfum verið að skoða Akur-
eyri“, sögðu þau Þóra Arsæls-
dóttir og Hjálmur Hilmarsson frá
Reykjavík.
Þau Þóra og Hjálmur kváðust
hafa verið á Akureyri síðan á að-
faranótt mánudags, „og ætlum að
vera hér um kyrrt, þar til við verð-
um búin að fá leið á staðnum." Þau
áætla að fara til Hríseyjar, og við
tækifæri ætla þau að skreppa í
Vaglaskóg, en að lokinni dvölinni
hér hafa þau í hyggju að fara til
Laugarvatns. Þeim Hjálmari og
Þóru líkaði mjög vel við tjaldstæðið.
Krefjast þess að
fáafhent 81,87%
hlutabréfa í Akri
Akureyri.
EIGENDUR kjúklingastaðarins
Crown Chicken á Akureyri, sem
í vetur áttu í viðræðum við for-
ráðamenn Akurs hf. - sem rekur
Sjallann - um hugsanleg kaup á
skemmtistaðnum, hafa nú krafist
þess fyrir fógetarétti á Akureyri
að þeim verði afhent 81,87%
hlutabréfa í fyrirtækinu. Munn-
legur málflutningur fór fram í
fyrradag og krafðist lögmaður
eigenda Crown Chicken, Helga
Birnis Helgasonar og Jóns Rafns
Högnasonar, að þeir fengju inn-
setningu í bréfin.
Helgi og Jón gerðu í vetur kaup-
leigusamning við forráðamenn
Sjallans, Þórð Gunnarsson, Jón Kr.
Sólnes og Aðalgeir Finnsson, og
deilan nú snýst um það hvort samn-
ingurinn hafí verið efndur og hvort
þeir Helgi og Jón „eiga skýlausa
kröfu til að fá þennan hluta í hend-
ur,“ sagði Ásgeir Pétur Ásgeirsson,
héraðsdómari hjá bæjarfógetanum
á Akureyri, sem hefur málið með
að gera, í samtali við Morgunblað-
ið. Þremenningarnir halda því fram
að samningnum hafi verið rift með
samþykki beggja aðila - og að hann
sé því ekki í gildi lengur, að sögn
Ásgeirs Péturs.
„Málið snýst um hvort þeir eigi,
á grundvelli samningsins, að fá
bréfin í hendumar - og þar með
stjómina á rekstri Sjallans."
Að sögn Ásgeirs Péturs er niður-
stöðu að vænta svo fljótt sem auðið
er, „helst í næstu viku. Hér er um
mikla hagsmuni að ræða og ég
þarf að kafa vel ofan í málið," sagði
hann.
Verði kröfunni framgengt mun
áfrýjun til Hæstarétar ekki fresta
því að Helgi og Jón fái hlutinn af-
hentan. Lögmaður þeirra lýsti því
yfir í fyrradag að næði krafan ekki
fram að ganga yrði farið í skaða-
bótamál og jafnvel krafist lögbanns
á rekstur Sjallans.
Þeim Barböru Hamburger (til vinstri) og Karen Frech frá ÍIviss
finnst Akureyri falleg sveit.
Burkhardt Stoppel þýskur félagsráðgjafi,
allra náttúruunnenda."
— „ísland er gósenland
Þóra Ársælsdóttir og Hjálmur Hilmarsson ásamt Ársæli Frey, sem
virtist ekki vera alls kostar hrifinn af myndatökunni. Litla stúlkan
heitir Magndís Huld og var í heimsókn úr næsta tjaldi.