Morgunblaðið - 03.12.1986, Qupperneq 63
MORGUNBLAÐIÐ, MIÐVIKUDAGUR 3. DESEMBER 1986
63
Rush fer til Juventus
Frá Bob Hennessy, fréttaritara MorgunblaAsins á Englandi.
LIVERPOOL skýrði frá þvf i gœr I fram á að hann yrði ekki seldur
að lan Rush myndi leika með Juv- frá félaginu.
entus næsta keppnistímabil en „Ég vona að þetta séu lokaorðin
aðdáendur kappans höfðu farið I í þessari deildu. Vonandi get ég
Jennings
heiðraður
Frá Bob Hennessy, fréttaritara Morgun-
blaðsins á Englandi.
PAT JENNINGS mun leika sinn
sfðasta leik í marki f kvöld en þá
fer fram f Belfast sérstakur leikur
til heiðurs kappanum og er gert
ráð fyrir að hann fái um 80.000
pund fyrir þennan leik.
Mikið verður um þekkta knatt-
spyrnumenn í þessum leik og má
þar nefna, Dalglish, Best, Clem-
ens, lan Rush, Archibald og Kevin
Keegan.
Jennings leikur að sjálfsögðu
með en hann er nú 41 árs gamall
og hefur leikið 119 landsleiki fyrir
Norður-írland og mun það vera
heimsmet hjá markverði.
ÍRvann IS
ÍR vann í gærkvöldi lið stúd-
enta 93:57 eftir að staðan f
hálfleik hafði verið 38:26.
ÍR keyrði upp hraðann í síðari
hálfleik og réð ÍS ekkert við
það. Karl Guðlaugsson skoraði
27 stig fyrir ÍR, Björn Steffen-
sen 18 og Vignir Hilmarsson
14.
nú farið að snú mér af fullum
krafti að því sem mér finnst
skemmtilegast — að skora mörk,“
sagði Rush í gær.
Aðalfundur
Aðalfundur frjálsíþróttadeildar
IR verður haldinn í kvöld kl.
20.30 í húsakynnum íþróttasam-
bands íslands í Laugardal. Auk
venjulegra aðalfundarstarfa
verða veittar margvíslegar við-
urkenningar þeim frjálsíþrótta-
mönnum ÍR-inga, sem skarað
hafa fram úr á árinu.
, Keeling þjálfar
ÍBK næstu tvö ár
Keflavflc.
BRESKI knattspyrnuþjálfarinn
Peter Keeling verður þjálfari hjá
1. deildarliði ÍBK í knattspyrnu
næstu tvö keppnistfmabil og
verður auk þess yfirþjálfari allra
flokka ÍBK.
Keeling var hér fyrir um hálfum
mánuði og ræddi þá við forráða-
menn ÍBK og leikmenn, en gaf
endanlegt svar um helgina. Að
sögn Kristjáns Inga Helgasonar,
formanns knattspyrnuráðs ÍBK,
kemur Keeling í janúar, verður í
viku og leggur þá línurnar varð-
andi þjálfunina. Síðan kemur
hann aftur í mars og hefst þá
sjálfur handa við undirbúning
liðsins fyrir komandi keppn-
istímabil.
„Við teljum okkur heppna að
fá þennan þjálfara. Hann hefur
ákaflega góð meðmæli frá mönn-
um eins og Bobby Robson,
þjálfara enska landsliðsins í
knattspyrnu, Sir Matt Busby,
fyrrum framkvæmdastjóra
Manchester United og Nobby
Stiles, sem lék með Manchester
United og varð heimsmeistari
1966,“ sagði Kristján.
Fjögur á EM í sundi
FJÓRIR keppendur hafa verið
valdir til að taka þá f Evrópubikar-
keppninni í sundi sem fram fer f
Malmö f Svfþjóð 13. og 14. des-
ember.
í lok bikarkeppni 1. deildar á
sunnudaginn kom landsliðsnefnd
saman og valdi fjóra keppendur.
Þau eru:
Bryndís og Hugrún Ólafsdætur
frá HSK, Eðvarð Þór Eðvarsson,
UMFN og Ragnheiður Runólfs-
dóttir, ÍA. Að auki verður ákveiðið
eftir næstu helgi hvort Ragnar Ól-
afsson bætist í hópinn. Hann
keppir á danska meistaramótinu
þá helgi og verður árangurinn þar
látinn ráða.
Líkamsrækt - vaxtarrækt:
Grunnþjálfunin skiptir öllu og
þjálfarar verða að kunna sitt fag
- segir Fredrick C. Hatfield,
margfaldur heimsmethafi og
heimsmeistari íkraftlyftingum
„VAXTARRÆKT sem fþróttagrein er næst mest iðkuð f heiminum á
eftir knattspyrnu. Almenningur hefur mikla þörf fyrir að Ifta vel út
og allir vilja að sár Ifði vel. Hvernig svo sem æfingum og þjálfun er
háttað verður ætíð til afreksfólk f fþróttum eins og á öðrum sviðum,
rjóminn flýtur alltaf ofan á og einhverjir verða ávallt bestir, en grunn-
þjálfunin skiptir öllu og þjálfarar og leiðbeinendur verða að kunna
sitt fag, ef árangur á að nást,“ sagði Dr. Fredrick C. Hatfield, marg-
faldur heimsmethafi og núverandi heimsmeistari í kraftlyftingum,
þegar Morgunblaðið hitti hann að máli f gær.
Hatfield er 44 ára heimsfrægur
kraftlyftingamaður og ritsjóri
bandarísku mánaðartímaritanna -
Sport Fitness og Muscle and
Fitness , en þau koma út í 250
til 500 þúsund eintökum. Hann var
háskólaprófessor í nokkur ár og
hefur skrifað margar bækur um
þjálfun, næringarfræði, lyfjaneyslu
og fleira og er talinn mjög fær
kraftaþjálfari.
Hatfield er hér í boði KRAFT og
hélt hann almennan fyrirlestur um
grunnþjálfun í Æfingastöðinni í
Kópavogi í gærkvöldi. Hann mun
haida fleiri fyrirlestra í vikunni, en
á laugardaginn keppir kappinn í
jötnamóti í sjónvarpssal ásamt
fremstu kraftlyftingamönnum
landsins.
Þjálfarar verða að
vera opnirfyrir
nýjungum
Hatfield trúir statt og stööugt á
einfaldleikann í allri þjálfun, grunn-
þjálfunin skiptir öllu máli, en
sérþjálfunin kemur á eftir. „Alltof
margir þjálfarar gleyma eða hrein-
lega vita ekki að einstaklingarnir
eru ekki eins. Þeir eru með sömu
æfingar fyrir hópinn og fyrir bragð-
ið fá einstaklingarnir ekki þá þjálf-
un sem þeir þurfa og árangurinn
verður ekki eins og hann best get-
ur orðiö. Þjálfarar og leiðbeinendur
verða að kunna sitt fag, þeir verða
að vera opnir fyrir nýjungum og
fylgjast með því sem er að gerast
í vísindunum, því það sem þótti
gott í gær getur verið úrelt á morg-
UP j Bandaríkjunum eigum við við
mikið vandamál að stríða varðand.
líkams- og heilsuræktarstöðvar.
Þær spretta upp eins og gorkúlur,
eigendurnir stilla upp fallegum
stelpum, sem eiga að draga að
kúnna og leiðbeina við þjálfun.
Slíkt getur gengið, ef þær hafa
kennsluréttindi og vita hvað þær
eru að gera, en annars ekki. Ég
segi fyrir mig að ef ég færi inn á
slíka stöð, gerði æfingar sem mér
væri sagt að gera og meiddist, þá
myndi ég kæra viðkomandi á
stundinni. Ég segi þetta til að und-
irstrika mikilvægi kennarans eða
þjálfarans.
Eins er það með aðrar íþróttir.
Þjálfararnir hafa mikil áhrif og þess
vegna skiptir höfuðmáli að rétt sé
staðiö að þjálfuninni í upphafi,
barna- og unglingaþjálfunina má
ekki vanrækja og til þeirra starfa
veröa aö veljast hæfustu þjálfarar.
En því miður er oftar en ekki byrj-
að á röngum enda og því fer sem
fer.
Líkamsrækt er hluti af okkar
daglegu þörfum, rétt eins og nær-
ingin svo ég nefni dæmi. Þú ferð
út í búð og kaupir í matinn og
ætlast tii þess að það sem þú
kaupir sé hollt og gott fyrir þig.
Sama á við um líkamsræktina. Ef
þú kaupir kennsluna áttu rétt á því
að hún sé rétt, gagnleg og upp-
byggjandi."
Takmörk líkamans,
álag og þreyta
Hatfield æfði knattspyrnu og
frjálsar íþróttir í gagnfræðaskóla,
en sneri sér að fimleikum í há-
skóla og náði mjög góðum árangri,
varð m. a. háskólameistari. Þegar
hann vann að doktorsritgerðinni
fór hann að stunda lyftingar og
Morgunblaöið/Bjami
• Fredrick C. Hatfield til hœgri ásamt Halldóri E. Sigurbjörnssyni, sem hefur haft veg og vanda aö
heimsókninni á vegum KRAFT.
reyndi að komast í ólympíulið
Bandaríkjanna 1972 og 1976, en
missti af farseðlinum vegna hné-
meiðsla. Þá fór hann út í kraftlyft-
ingar og árangurinn lét ekki á sér
standa. Hann hefur sett yfir 30
heimsmet og orðið heimsmeistari
í greininni, síðast í Hollandi fyrir
um hálfum mánuði. Vegna árang-
urs síns hefur hann verið nefndur
„Dr. Squad" en hnébeygjur eru
hans sérgrein og heimsmet hans
er ótrúlegt, 457,5 kg sett í apríl s.
I. Þá var hann 113,4 kg og 44 ára
eins og fyrr sagði! En hvernig á
fólk að haga æfingum sínum?
„ Það má ekki þvinga neinn til
að æfa, en eins og ég sagði áðan
þá er líkamsrækt eða á aö vera
hluti af daglegu verki. Hjá börnun-
um byrjar þetta sem leikur, en
vindur síðan upp á sig með æ
skipulagðari þjálfun. Unglingar og
þeir sem eldri eru verða að þekkja
sín takmörk, vita hvað má bjóða
líkamanum og haga æfingunum
eftir því. Eins verður fólk að læra
að yfirstíga þreytu og of mikið álag.
Þetta er auðvitað mikil einföldun,
en þá kem ég aftur að mikilvægi
þjálfaranna. Þeir verða að vita
hvað þeir eru að gera og hvers
vegna.
En það er alveg sama hvaða
íþróttir fólk stundar, kraftþjálfun í
einhverri mynd verður ávallt að
eiga sér stað. í því sambandi verða
menn að gera greinarmun á lyft-
ingum, æfingum með lóð, vaxtar-
rækt og líkamsrækt. Á þessu er
mikill munur og að sjálfsögðu
verða menn að miða kraftþjálfun-
ina við þá íþrótt sem þeir stunda."
Lyfjaneysla ekki leng-
urvandamál
Lyfjaneysla íþróttamanna er
málefni, sem mikið hefur verið
deilt um og oftar en ekki hafa kraft-
lyftingamenn verið ásakaðir um
lyfjaneyslu. Hvað segir Hatfield um
þetta.
„Til skamms tíma tóku íþrótta-
menn í ýmsum greinum hin og
þessi lyf, sem þeir héldu að yrðu
þeim til framdráttar í keppni. Þá
var hugarfarið að sigra hvað sem
það kostaði. Hormónalyf og önnur
lyf voru hluti af þjálfuninni. En með
aukinni þekkingu á þessum lyfjum
hefur þetta breyst og ég hef ekki
lengur áhyggjur af lyfjaneyslu
íþróttamanna. Það er alltaf einn
og einn svartur sauður hvar sem
litið er, en íþróttamenn almennt
eru engir asnar og það leikur sér
enginn með heilsuna. Hins vegar
tel ég enga ástæðu til að banna
eitt eða annað, heldur kenna börn-
um og unglingum hvað ber að
varast og hvers vegna. íþrótta-
menn vilja ekki vinna glæsta sigra
með svindli, heldur vegna eigin
verðleika," sagði Fredrick C. Hat-
field, nefndur „Dr. Squad" fullviss
um að hann eigi eftir að setja fleiri
met í kraftlyftingum.