Morgunblaðið - 10.12.1986, Page 5
MORGUNBLAÐIÐ, MIÐVTKUDAGUR 10. DESEMBER 1986
5
Almenna bókafélagið:
Bók um leiðtoga-
fundinn í Reykjavík
AliMENNA bókaféiagið hefur
sent frá sér bókina Leiðtoga-
fundurinn í Reykjavík eftir
Guðmund Magnússon, blaða-
mann á Morgunblaðinu. Þar er
fjallað í máli og myndum um
fund Ronalds Reagan, forseta
Bandarikjanna, og Mikhails
Gorbachev, leiðtoga Sovétríkj-
Skartgripaþj ófnaður-
inn óupplýstur:
Eigendur heita
100 þúsund kr.
verðlaunum
anna, í Reykjavík 11. og 12.
október s.l.
í bókinni er greint frá því, hvem-
ig fyrstu fréttir um leiðtogafundinn
bárust til íslands, frá viðbrögðum
hér á landi og hinu margþætta
undirbúnings- og skipulagsstarfí,
sem unnið var á tíu dögum. Þá er
fjallað um ástæður þess, að ísland
varð fyrir valinu sem fundarstaður
og um áhrif fundarins fyrir land
og þjóð.
I bókinni er einnig greint er frá
ýmsum atburðum, sem gerðust í
Reykjavík samhliða leiðtogafundin-
um, þ.á m. mótmælum gyðinga og
friðarsamkomum. Sagt er frá helstu
deiluefnum stórveldanna, breyttum
til kjamorkuvopna og
ýtarlega er skýrt frá viðræðum
Reagans og Gorbachevs í Höfða.
Þá er fjallað um lyktir leiðtogafund-
arins og þýðingu hans fyrir
samskipti stórveldanna.
Bókinni fylgir útdráttur á ensku.
Fjölmargar myndir, svarthvítar og
í lit, prýða hana og em mjmdatext-
ar bæði á ensku og íslensku.
Ytri Brekka í Blönduhlíð:
Stórtjón þegar
vélageymsla brann
VÉLAGEYMSLA við bæinn Ytri
Brekku i Blönduhlíð brann til
kaldra kola í fyrrinótt. í geymsl-
unnu voru meðal annars jarðýta
og vörubíll og eyðilögðust tækin
í eldinum svo og verkfæri og
aðrir hlutir sem í geymslunni
voru. Bóndinn á bænum segir að
mikið Ijón hafi orðið í eldinum
og trygging nái hvergi nærri að
bæta skaðann.
Eldurinn sást frá næsta bæ við
Ytri Brekku og var kallað þaðan á
slökkviliðið á Sauðárkróki um
klukkan 3.15. Yfír 20 kílómetrar
eru á milli staðanna og veður með
versta móti og var klukkan orðin
rúmlega 4 þegar slökkviliðið kom
að Ytri Brekku en þá var véla-
geymslan bmnnin til ösku.
A Ytri Brekku búa hjónin Konráð
Vilhjálmsson og Valgerður Sigur-
bergsdóttir. í samtali við Morgun-
blaðið sagði Konráð að mikið tjón
hefði orðið í. bmnanum og næðu
tryggingar engan veginn til að
bæta það. Konráð sagði að alls
óvíst væri með eldsupptök, þó
mönnum hefði helst dottið í hug
að þau hefðu orðið út ffa rafmagni.
Vélageymslan var bámjáms-
skemma með trégrind, tæplega 100
fermetrar að stærð. Hún hafði ve-
rið innréttuð sem verkstæði, m.a.
með smurgryfju.
Skartgripaþjófnaðurinn í Úra-
og skartgripaverslun Guðmund-
ar Þorsteinssonar í Bankastræti
var enn óupplýstur er Morgun-
blaðið leitaði upplýsinga þar að
lútandi í gærkvöldi.
Að sögn Helga Daníelssonar,
yfírlögregluþjóns hjá RLR, er unnið
af kappi að rannsókn málsins og
hafa eigendur verslunarinnar meðal
annars heitið 100 þúsund króna
verðlaunum fyrir upplýsingar, sem
leiða til þess að málið upplýsist og
þýfíð komist til skila.
Banka-
viðræður
verða í dag
FORMLEGUR fundur í samn-
ingaviðræðum um stofnun nýs
einkabanka með sameiningu Ut-
vegsbanka, Iðnaðarbanka og
Verslunarbanka og þátttöku
fleiri aðila verður í dag. Geir
Hallgrímsson seðlabankastjóri
bjóst ekki við að mál skýrðust
fyrr en síðar.
A fundinn, sem haldinn verður í
Seðlabankanum, koma fulltrúar
Verslunarbankans og Iðnaðarbank-
ans og trúnaðarmenn ráðherra.
Sanitas
CT AUGtÝSINGAWÖNUSTAN / SÍA