Morgunblaðið - 10.12.1986, Blaðsíða 32

32
MORGUNBLAÐIÐ, MIÐVIKUDAGUR 10. DESEMBER 1986
Búlgari
fer huldu höfði
1 Ástralíu
Melboume, AP.
BÚLGARSKUR lyftingamað-
ur að nafni Neum Shalamanov
hefur farið huldu höfði í Astr-
alíu frá því á sunnudag. Talið
er að hann hyggist sækja um
pólitískt hæli þar í landi.
Shalamanov vann sigur í
sínum þyngdarflokki í heims-
bikarkeppninni í lyftingum í
Melboume á sunnudag. Hann
yfirgaf veizlu, sem haldin var í
mótslok á sunnudagskvöld, og
sást síðan til hans á kaffihúsi,
þar sem hann var í fylgd ungrar
konu og tveggja manna.
Shalamanov er 19 ára gamall.
Hann á heimsmet í ólympískum
lyftingum í 60 kg þyngdarflokki.
Hann er af hinum tyrkneska
minnihlutahópi, sem býr í Búlg-
aríu, og hét áður Naim Sulei-
manov. Búlgörsk yfirvöld hafa
þvingað Tyrkina til að skipta um
nafn. Var það liður í tilraunum
stjómvalda til að afmá sérkenni
minmnihlutahópa í Búlgaríu.
Draumur
í dós

Norður-írland segir nei
Séra Ian Paisley, fulltrúi Norður-írlands á Evrópu-
þinginu í Strasbourg, hikaði ekki við að trufla
Margaret Thatcher, forsætisráðherra Bretlands, með
uppátækjum sínum, er hún ávarpaði Evrópuþingið
í gær. Gekk séra Paisley fram og hélt á loft skilti,
þar sem á stóð: „Ulster (Norður-írland) segir nei.“
Hlé var gert á fundinum í nokkrar mínútur, á með-
an séra Paisley var leiddur burt og honum vísað
úr þingsalnum.
Gengi
gjaldmiðla
London, AP.
BANDARÍKJADOLLARI
hækkaði gagnvart flestum
helstu gjaldmiðlum heims í gær
og verð á gulli var stöðugt.
í Tókýó kostaði dollarinn 162,40
japönsk jen (162,33) þegar gjald-
eyrisviðskiptum lauk.
I London kostaði sterlingspundið
1,4207 dollara (1,4165) síðdegis í
gær.
Gengi annarra helstu gjaldmiðla
var á þann veg að dollarinn kost-
aði: 2,0195 vestur-þýsk mörk
(2,0125), 1,6890 svissneska franka
(1,6800), 6,6175 franska franka
(6,5850), 2,2825 hollensk gyllini
(2,2725), 1.399,50 ítalskar lírur
(1.391,50) og 1,37675 kanadíska
dollara (1,3780).
í London kostaði trójuúnsa af
gulli 386,75 dollara (386,70).
■ ■■ 1
ERLENT
Vestxir-Þýskaland:
2500 austur-þýskir samvisku-
fangar keyptir lausir í fyrra
1500 fá frelsið í ár
Bonn, AP, Reuter.
STJÓRNVÖLD I Vestur-Þýskalandi greiddu Austur-Þjóðveijum ótil-
greinda fjárupphæð fyrir frelsi 2500 pólitískra fanga á síðasta ári,
að sögn Heinrich Windelen, innanríkisráðherra vestur-þýsku stjóm-
arinnar. Að sögn ónafngreindra embættismanna I Bonn hafa greiðsl-
urnar verið í formi ýmiss konar varnings. Vestur-Þjóðveijar munu
í ár greiða fyrir frelsi 1500 pólitískra fanga, að því er innanríkisráð-
herrann sagði í gær.
Löngum hefur verið vitað um
þessi sérkennilegu „viðskipti"
þýsku ríkjanna tveggja en hingað
til hafa vestur-þýskir embættis-
menn ekki viljað láta upp fjölda
þess fólks sem fær frelsi með þess-
um hætti. Heinrich Windelen sagði
að tala fanganna hefði aldrei verið
hærri en í fyrra. Hann kvað stjóm-
völd í Bonn hafa gert austur-þýsk-
um ráðamönnum ljóst að í ár yrði
ekki greitt fyrir sama fjölda fanga
og í fyrra. Ráðherrann sagði einnig
að um 2000 manns sætu nú sem
pólitískir fangar í fangelsum í Aust-
ur-Þýskalandi og kvaðst hann
sannfærður um að dregið hefði úr
fangelsunum vegna yflrlýsingar
vestur-þýsku stjómarinnar.
„Viðskipti“ þessi hafa verið um-
deild. Þær raddir hafa heyrst að
þau hvetji austur-þýsk stjómvöld
til að fangelsa fleira fólk en ella
þar sem greiðslumar séu kærkomin
200 manns hafa komist í gegnum víggirðingar austur-þýskra landa-
mæravarða við Berlínarmúrinn I ár. Að auki munu Vestur-Þjóðveijar
greiða fyrir frelsi 1500 pólitiskra fanga.
búbót fyrir þröngan efnahag lands-
ins. Windelen gaf í skyn að þetta
sjónarmið hefði ráðið nokkru um
þá ákvörðun ríkisstjómarinnar að
takmarka greiðslumar í ár.
Tæplega 200 manns hafa flúið
yflr Berlínarmúrinn í ár og um
2000 til viðbótar hafa komist til
Vestur-Þýskalands í gegnum eitt-
hvert þriðja ríkið, að sögn Heinrich
Windelen. Að auki fengu 20.000
austur-þýskir ríkisborgarar tilskilin
leyfl stjómvalda til að flytja úr
landi.
Frakkland:
FRAMLAG 0KKAR TIL JÓLABAKSTURSINS í ÁR,
KÓK0SB0LLUKREM 0G TERTUKREM
/ tilefni jálanna gef-
um við nú 20%
afsiátt af kókos-
bollukremi og tertu-
kremi.
Áður kr. 75.-
Nú kr. 59,50.
Fæst í næstu matvöru-
verslun
V A L A
Stj órnarandstaðan
fagnar „uppgjöf “
fyrir stúdentum
Paris. AP.
BLÓÐ stjórnarandstöðunnar í Frakklandi fögnuðu í gær því sem
þau nefndu „uppgjöf" Jacques Chiracs forsætisráðherra og borgara-
stjómar hans fyrir stúdentum, eftir að stjórnvöld ákváðu að aftur-
kalla frumvarp um breytingar á stjórn franskra háskóla.
Dagblöð, sem hlynnt eru ríkis-
stjóminni, hrósuðu Chirac hins
vegar fyrir „skynsamlega ákvörð-
un“ - eins og eitt þeirra komst að
orði - í ljósi hinna heiftarlegu mót-
mæla stúdenta og óeirða í kjölfar
þeirra.
Stúdentar sögðu, að tilgangur
mótmælagöngunnar í gær væri að
undirstrika þá afstöðu þeirra, að
stjómvöldum bæri að hafa samráð
við námsmenn, þegar breyta ætti
reglugerðum um starfsemi háskól-
anna, og einnig vildu þeir mótmæla
framferði lögreglunnar í nýafstöðn-
um mótmælaaðgerðum, þar sem
einn stúdentanna lét lífið.
Aðalfyrirsögn Le Matin, sem
hallt er undir Sósíalistaflokkinn, var
„Uppgjöf" og tók yflr þvera forsíð-
una. Blað vinstrimanna, Liberation
hafði aðalforsíðufyrirsögnina,
„Chirac: Algjör ósigur", á rauðum
grunni.
Le Figaro, sem styður stjómina
dyggilega, sagði í forystugrein, að
forsætisráðherrann hefði haft tvær
„gildar ástæður“ til að taka þessa
ákvörðun: vaxandi spennu á götum
Parísar og aukna andstöðu við sam-
steypustjóm hans.