Morgunblaðið - 10.12.1986, Side 41
MORGUNBLAÐIÐ, MIÐVIKUDAGUR 10. DESEMBER 1986
41
JÓLASVEINARNIR koma ár-
lega i heimsókn i Hafnarstrætið
á Akureyri. Þeir koma þá fram
á svalir Vöruhúss KEA og þar
birtust þeir síðastliðinn sunnu-
dag við mikinn fögnuð við-
staddra að vanda. Börn vaxa
úr grasi og eignast börn - en
jólasveinarnir eru alltaf jafn
léttir og unglegir. Ungmennin
i dag taka líklega jafn hraust-
lega undir með sveinunum og
áður - þessir ungu heiðursmenn
fremst á myndinni syngja að
minnsta kosti með miklum til-
þrifum i göngugötunni á
sunnudaginn.
Ólafur Laufdal tek-
inn við rekstri Hót-
els Akureyri
ÓLAFUR Laufdal, veitingamaður, hefur tekið Hótel Akur-
eyri á leigu. Eins og mönnum er í fersku minni hefur
hann nýlega keypt Sjallann.
Ólafur sagði í samtali við Morg-
unblaðið í gær að hann væri oft
með mikið af fólki úr Reykjavík í
vinnu í Sjallanum, bæði nokkuð
af starfsfólki hússins og eins
skemmtikrafta, þannig að það
hefði verið ódýrari lausn fyrir sig
að reka hótel sjálfur heldur en að
kaupa gistingu fyrir hópinn annars
staðar.
„Mig vantaði gististað sem var
í göngufæri frá Sjallanum. Þetta
kom mjög snöggt upp á - eigandi
Hótels Akureyri var að reyna að
leigja staðinn og samningar tókust
með okkur. Þetta er á besta stað
í bænum þannig að ég er ánægð-
ur,“ sagði Ólafur. Hann tekur við
rekstrinum á núlli - yfirtekur eng-
ar skuldir. Hann sér líka um
rekstur Lautarinnar, veitingastað-
ar á neðstu hótelsins.
Hótel Akureyri er í gömlu húsi
og sagði Ólafur að hann myndi
örugglega lagfæra það - „fríska
eitthvað upp á hótelið," eins og
hann orðaði það. 20 herbergi eru
á hótelinu - Ölafur sagðist örugg-
lega alltaf nota að minnsta kosti
einhvem hluta þess fyrir sitt fólk.
„Þetta hótel hefur aldrei blandað
sér í toppbaráttuna um gesti. Eg
tek við rekstrinum fyrst og fremst
til að fá gistingu fyrir starfsfólk á
eigin vegum en auðvitað reynum
við að fá til okkar gesti. Ég ætlaði
mér nú ekki að fara út í hótelsam-
keppni á Akureyri en þetta verður
að sjálfsögðu rekið eins og hvert
annað hótel.“
Hitaveituborun að Laugalaiidi.
Afnot af heitu
vatni í Hrafna-
gilshreppi:
Samningar
hafa náðst
AKUREYRARBÆR hefur náð
samkomulagi við Hrafnagils-
hrepp og Hjalta Jósepsson á
Hrafnagili um afnot af heitu
vatni í landi þeirra og virkjunar-
rétt. Samningurinn er til 75 ára.
Árið 1980 gerði bærinn samning
við Hjalta, en hreppurinn kærði
þann samning og vann málið í
Hæstarétti. Fékk samninginn ógil-
tann. Hreppurinn óskaði síðan eftir
því að fá vatnsréttindin dæmd til
sín og átti fljótlega að taka það
mál fyrir. En bærinn leitaði eftir
samningaviðræðum við hreppinn og
Hjalta á nýjan leik og nú hefur
verið gengið frá samningi.
Ein hola var á sínum tíma boruð
í landi Hrafnagils og er hún enn
notuð. Er það mjög góð hola sem
mikið vatn hefur gefið.
Hjalti fær greiddar 350.000
krónur fyrir endumýjun á samn-
ingnum nú auk þess sem hann fær
ákveðna upphæð fyrir hvem sek-
úndulítra sem dælt er á hveiju ári.
Samskonar samningur var gerður
við hreppinn en auk þess viðbótar-
samningur sem felur í sér að
Hitaveita Akureyrar selur hreppn-
um ákveðið hámarks vatnsmagn, 7
sekúndulítra, sem hreppurinn sér
síðan um dreifingu á í sveitinni.
Vatnið kaupir hreppurinn á 40% af
verði gjaldskrár Hitaveitu Akur-
eyrar.
Morgunblaðið/Skapti Hallgrímsson
Bráðum koma blessuð jólin
„Langbesta skíðasvæðið“
- nýlyftaá
skíðasvæðinu í
Hlíðarfjalli
„OKKAR á milli og af lands-
þekktri hógværð okkar Akur-
eyringa þá er þetta auðvitað
langbesta skíðasvæðið á landinu,'*
sagði ívar Sigmundsson förstöðu-
maður Skíðastaða í Hlíðarfjalli í
samtali við Morgunblaðið í tilefni
af þvi að um helgina síðustu var
tekin formlega í notkun ný og
glæsileg lyfta þar efra. Lyfta sem
breytir allra aðstöðu í Hlíðarfjalli
mikið.
„Breytingamar eru í fyrsta lagi
þær að nú eru tvær flutningsleiðir
upp í Strýtu og við gerðum ráð fyr-
ir því að biðraðir verði nú að miklu
leyti úr sögunni - í bili að minnsta
kosti," sagði ívar. Ástæða þess að
flutningsleiðir í Strýtu eru nú tvær
er sú að gamla T-lyftan hefur verið
flutt niður í Hjallabraut við hlið
stólalyftunnar.
„f öðru lagi verður sú breyting
að nýja lyftan flytur um 1.000
manns á klukkustund og nær upp í
1.000 metra hæð. Hin náði upp í
um 900 metra hæð og flutti mun
færra fólk,“ sagði ívar.
Að sögn ívars er fallhæð á lyftum
í Hlíðarfjalli nú loks orðin löggild til
að hægt sé að halda þar alþjóðleg
skíðamót. „Menn settu það fyrir sig
áður að fallhæðin var ekki nægileg."
Þá sagði ívar að nú, þegar nýja
lyftan næði þetta langt upp, fengi
fólk miklu lengri og erfíða brekkur
til að renna sér í og miklu fleiri
brekkur - fleiri möguleika.
Þá er hægt að velja um tvo mögu-
leika niðri í Hjallabraut - stólalyft-
una og gömlu T-lyftuna. „Okkur
sýnist þróunin verða sú, ef marka
má þessa daga sem liðnir eru síðan
við opnuðum, að við munum aðeins
nota stólalyftuna þegar mikið álag
er á hinni lyftunni - fólk virðist miklu
frekar vilja nota toglyftuna. Það
talar um að stólaljrftan fari of hægt
og það sé óþægilega kalt í henni."
Stólalyftan var sett upp í desem-
ber 1967 og gamla T-lyftan árið
1978. ívar sagði að það hefði því
verið langþráð stund þegar nýja lyft-
an var tekin í notkun. „Já, við erum
búnir að bíða lengi óþreyjufullir eft-
ir þessu," sagði hann.
m t
Guðrún H. Kristjánsdóttir og Gunnar Ragnars fóru fyrstu ferðina
með nýju lyftunni.
Aðsókn hefur ekki verið góð í
Fjallinu þessa fáu daga síðan opnað
var en ívar sagði eðlilegar skýringar
á því. „Aðsóknin er alltaf léleg í
desember. Skólakrakkar eru í próf-
um, fólk vinnur mikið og stendur í
jólaundirbúningi. Það er því aðeins
opið hjá okkur um helgar núna, en
þegar skólamir gefa frí höfum við
opið virka daga. Það verður svo
opið milli jóla og nýárs ef veðrið
verður ekki vitlaust."
ívar sagði það næsta sem þyrfti
að gera 1 HlfðariQalli væri að endur-
byggja gamla hótelhúsið. „Við erum
vel settir með lyftur nú en næstu
tækjakaup verða trogari. Með þess-
ari nýju lyftu kemur svo stórt pláss
til viðbótar sem þarf að troða að við
ráðum ekki við það með þeim tækj-
um sem við höfum í dag.“
Það voru þau Guðrún H. Krist-
jánsdóttir, skíðadrottning Akur-
eyrar, og Gunnar Ragnars, forseti
bæjarstjómar, sem fóru fyrstu ferð-
ina í nýju lyftunni. Áður en þau fóm
af stað héldu stutt ávörp Ivar Sig-
mundsson og Páll Stefánsson,
varaformaður íþróttaráðs. Þá kom
hópur ungra akureyrskra skíða-
manna í halarófu niður brekkuna
við nýju lyftuna, vopnaðir fánum,
og stóðu síðan heiðursvörð sitt hvoru
megin lyftunnar meðan þeir fyrstu
fóru með henni upp.
Nýja lyftan er framleidd hjá aust-
urríska fyritækinu Doppelmayer.
Hún er 760 metra löng og hæðar-
munur er 270 metrar. I lyftunni eru
8 möstur, 7 m há.
Þess má geta að lokum að frá
efri endastöð nýju lyftunnar niður
að stólalyftu eru rúmlega 2,5 kíló-
metrar í skíðaleiðum.
Stefán Yalgeirsson:
Raðað á listann eftir áramót
REIKNAÐ er með að gengið
verði frá framboðslista Stefáns
Valgeirssonar í Norðurlands-
kjördæmi eystra strax eftir
áramót. Nú þegar hefur verið
ákveðið að Stefán skipi fyrsta
sætið og séra Pétur Þórarins-
son á Möðruvöllum annað
sætið.
Það verður ekki ákveðið fyrr
en eftir áramót hvemig listinn
verður skipaður að öðru leyti en
sjö einstaklingar til viðbótar hafa
lýst sig reiðubúna til að taka
sæti á honum og er nokkuð Ijóst
að þeir verða allir á lista Stefáns.
Þetta eru Ágúst Guðröðarson
bóndi á Sauðanesi, Lilja Bjöms-
dóttir húsmóðir á Raufarhöfn, Jón
ívar Halldórsson skipstjóri á Ak-
ureyri, Þórólfur Gíslason kaup-
félagsstjóri á Þórshöfn, Bjami
Guðleifsson ráðunautur á Möðm-
völlum, Auður Eiríksdóttir oddviti
í Saurbæjarhreppi og Sigurður
Olgeirsson skipstjóri á Húsavík.