Morgunblaðið - 08.01.1987, Blaðsíða 7

Morgunblaðið - 08.01.1987, Blaðsíða 7
MORGUNBLAÐIÐ, FIMMTUDAGUR 8. JANÚAR 1987 7 Valdimar Harðarson, arkitekt, með stólinn „Sóley“ á öxl. Mynd- in var tekin árið 1984 þegar stóllinn var fyrst kynntur hér á landi. Sóleyjarstóll Vald- imars Harðarsonar: Hlaut viður- kenningu japanska iðnaðar- og viðskipta- ráðuneytisins VALDIMAR Harðarson, arki- tekt, hlaut nýlega viðurkenningu japanska iðnaðar- og viðskipta- ráðuneytisins fyrir hönnun sina á stólnum „Sóley“. Viðurkenning þessi er veitt i flestum greinum iðnhönnunar og var stóll Valdim- ars í hópi þeirra húsgagna sem þóttu best hönnuð auk þess sem framleiðsluþátturinn hlaut sér- staka viðurkenningu. í kjölfar þessarar viðurkenningar mun stóllinn „Sóley" verða kynntur sérstaklega, ásamt öðrum verð- launahöfum, en meðal annars hefur verið gefíð út kynningarrit, sem sent er víða um heim, þar sem sér- staklega er mælt með viðkomandi hönnun og vakin athygli á fram- leiðslugæðum. Meðal annarrar hönnunar sem hlaut viðurkenningu japanska iðnaðar- og viðskiptaráðu- neytisins að þessu sinni voru Mercedes Benz 300 E og hinn þekkti Bellini skrifstofustóll. Viðurkenningarskjal Valdimars Harðarsonar, með undirskrift japanska iðnaðar- og viðskipta- ráðherrans H. Tamura. _/\pglýsinga- síminn er 2 24 80 Sýning á lokaverk- efnum nýútskrif- aðra arkitekta SÝNING á lokaverkefnum nýútskrifaðra arkitekta verður opnuð fimmtudaginn 8. janúar kl. 20.00 í Ásmundarsal, húsi Arkitektafélags íslands. í þrjú ár hafa slíkar sýningar verið árviss viðburður. A þeim gefur að líta lokaverkefni fólks sem á að baki langt nám í ólíkum löndum og bera verkefnin óneit- anlega keim af því. í tengslum við sýninguna munu höfundar kynna verkefni sín fímmtudags- kvöldin 8. og 15. janúar kl. 20.00. Þátttakendur í sýningunni eru Ari M. Lúðvíksson (ráðhús í Kuppenheim), Baldur Ó. Svav- arsson (safnahús í Vestmanna- eyjum), Gíslína Guðmundsdóttir (skrifstofuhús í Rungsted), Guð- rún Stefánsdóttir (listamanna- íbúð í Hafnarfírði), Jakob E. Líndal (efnaverksmiðja og iðnað- arskipulag á Suðumesjum), Pétur H. Armannsson (Reykjavíkurhöfn ogtengsl henn- ar við miðborgina), Sigurður Einarsson (pappírsverksmiðja á Húsavík) og Smári Smárason (tónlistarhús í Reykjavík.) Sýningin verður opin alla daga kl. 14.00-22.00 frá 8. til 18. jan- úar. Aðgangur að sýningunni er ókeypis og eru allir velkomnir, bæði á sýninguna og kynningar- kvöldin. , Kæri lesandi. I upphafi nýs árs langar mig til að senda þér fáeinar línur um málefni sem skiptir okkur öll miklu máli, en það eru umferðarmálin. Á þessum tímamótum blasir sú staðreynd við okkur, að við stóðum okkur hvergi nógu vel í umferðinni 1986. Hverjar eru ástæðurnar fyrir öllum þessum gífurlegu umferðarslysum sem kosta ómældar fjárhæðir, svo ekki sé talað um þjáningar sem aldrei verða mældar í peningum? Sem dæmi vil ég greina frá því að Almennar Tryggingar greiddu á fyrstu ellefu mánuðum ársins 1986 yfir 110 milljónir vegna tjóna í umferðinni. Þessar háu tölur sýna að allt of mikið er af óhöppum og slysum í umferðinni. Það undirstrikar virðingarleysi ökumanna fyrir algengustu umferðarreglum. Fiv t.d. ekki svo, að of margir ökumenn virða ekki reglur og umferðarmerkingar á gatnamótum? Ýmsir sinna ekki stöðvunarskyldu við aðalbrautir. Enn aðrir aka eftir fjölförnum umferðargötum eins og þeir séu einir í heiminum og skipta jafnvel um akreinar fyrirvaralaust án þess að gefa merki. Svona dæmi eru dapurlegur vitnisburður um umferðarmenningu okkar. Fi igum við ekki öll sem einn að gera betur á nýju ári í umferðinni. Eigum við ekki að sýna aukna tillitssemi og kurteisi hvert við annað. Fylgjum umferðarreglum og hugsum um öryggi samferðamannsins í umferðinni. Mea samstilltu átaki getrnn við dregið stórlega úr umferðarslysum. Takist okkur það kemur það öllum til góða. * Fg skora á þig, kæri samferðamaður, að standa þig enn betur í umferðinni í ár. Hafðu hugfast að þitt framlag, eins og mitt, er mikilvægur hlekkur í öryggiskeðjunni. Með bestu nýárskveðjum, ÆhiSTSJíííEI? TRYGGINGAR AUK hf. 104.13/SlA

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.