Morgunblaðið - 08.01.1987, Page 16
16
MORGUNBLAÐIÐ, FIMMTUDAGUR 8. JANÚAR 1987
Frá Borgarskipulagi Reykjavíkur:
Staðreyndir
um vinnubrögð
í tilefni skrifa á baksíðu Þjóðvilj-
ans fimmtudaginn 18. desember sl.
undir fyrirsögninni „Ðæmalaus
vinnubrögð. Meirihlutinn keyrir
tillögur að nýju skipulagi í gegn-
um ráð og nefndir" teljum við á
Borgarskipulagi rétt að eftirfarandi
komi fram:
Á fundi skipulagsnefndar
Reykjavíkur 18. október 1982 kom
fram í bókun meirihluta skipulags-
nefndar að stefnt skuli að því að
endurskoðun aðalskipulags
Reykjavíkur verði lokið árið 1986.
Um mitt ár 1984 var ákveðin
deildaskipting á Borgarskipulagi og
þá hóf svokölluð aðalskipulagsdeild
vinnu við gerð nýs aðalskipulags
fyrir allt lögsagnarumdæmi
Reykjavíkur.
I september sama ár var verk-
áætlun aðalskipulagsins send
borgarfulltrúum og helstu stofnun-
um borgarinnar til kynningar.
í tengslum við skipulagsvinnuna
hafa verið haldnir fl'ölmargir kynn-
ingar- og vinnufundir með embætt-
ismönnum og borgarfulltrúum og
eins með ýmsum öðrum aðilum sem
hagsmuna eiga að gæta.
Frá því í október 1984 hefur
samstarfshópur Borgarskipulags
og borgarverkfræðings átt um 25
fundi um aðalskipulagið. Fulltrúar
frá Skipulagsstofu höfuðborgar-
svæðisins sátu flesta fundina og
ætti því að vera tryggt að samræmi
sé milli skipulagstillögu Borgar-
skipulags og þess svæðisskipulags
fyrir höfuðborgarsvæðið sem nú er
fullbúið.
Fyrsta handrit að greinargerð
aðalskipulagsins var send borgar-
fulltrúum í apríl 1986. í sumar og
haust var unnið að endurbótum á
texta og myndefni handritsins og
bætt við þeim köflum sem ekki
voru tilbúnir síðastliðið vor.
Til frekari fróðleiks er hér að
neðan birtur listi yfir einstaka
áfanga og kynningar í vinnunni við
aðalskipulagið:
1984
Apríl: Deildaskipting á Borgar-
skipulagi, aðalskipulagshópur hefur
undirbúningsvinnu.
Maí: Sögu- og skipulagssýning,
Kjarvalsstaðir. Vinna við aðalskipu-
lagið kynnt.
Júní: Endurskoðun aðalskipu-
lags, umferðarspá til 1990, Kjar-
valsstaðir, embættismenn og
borgarfulltrúar.
Agúst: Verkáætlun aðalskipu-
lags send borgarfulltrúum.
Nóvemben Samstarfshópur
Borgarskipulags og borgarverk-
fræðings um aðalskipulagsvinnu
myndaður (aðalskipulagsteymi).
1985
Janúar: Aðalskipulag kynnt á
Kjarvalsstöðum, nefndir borgarinn-
ar, embættismenn og borgarfulltrú-
ar.
Febrúar. Skipulagsnefnd fundar
um aðalskipulagið.
Apríl: Vinnufundur í Rafstöðvar-
húsi, embættismenn, nefndarmenn
o.fl.
Apríl: Umhverfismálaráð. Fram-
tíðarbyggðasvæði.
Júní—júlí: Mat á skipulagi Ár-
bæjar- og Breiðholtshverfa.
Desember Kynning í skipulags-
nefnd, kynningaráætlun samþykkt.
1986
Janúan Skipulagsnefnd, framtíð-
arbyggðasvæði o.fl.
Mars: Skipuiagsnefnd, þjónustu-
þættir og hverfaskipulag.
Apríl: Umhverfismálaráð, um-
hverfísþættir. 2 fundir.
Apríl: Aðalskipulag kynnt á
Kjarvalsstöðum, borgarfulltrúar og
embættismenn, borgarfulltrúum
send greinargerð.
Júní: Skipulagsnefnd.
Júlí: Skipulagsnefiid.
Ágúst: Kjarvalsstaðir, sögusýn-
ing, skipulagskortið o.fl. kynnt.
September: Fyrirlestur fyrir al-
menning á Kjarvalsstöðum.
Umferðamefnd, umferðarskipu-
lag kynnt.
Skipulagsnefnd.
Október: Skipulagsnefnd, 2 fund-
ir.
Nóvember: Skipulagsnefnd.
Umhverfísmálaráð, 2 fundir.
íþróttaráð.
Borgarfulltrúum sent skipulags-
kort o.fl. gögn.
Einnig hefir frá upphafi verið
haft samband og samvinna við
SVR, hafnarstjóra, félagsmála-
stjóra, skólamálaráð, æskulýðs- og
íþróttaráð, veitustofnanir, Póst og
síma, stjóm kirkjugarða, Skipulags-
stjóra ríkisins og ýmsa aðra aðila.
Með þökk fyrir birtinguna,
Birgir H. Sigurðsson, skipu-
lagsfræðingur, deildarstjóri
hverfaskipulagsdeildar.
Dr. Bjarni Reynarsson, land-
fræðingur, deildarstjóri
aðalskipulagsdeildar.
Þorvaldur S. Þorvaldsson,
arkitekt, forstöðumaður
Borgarskipulags.
Vopnaður og hættulegur
Kvikmyndir
Candy og Levy í myndinni Vopnaður og hættulegur.
Arnaldur Indriðason
Vopnaður og hættulegur
(Armed and Dangerous.) Sýnd
í Stjörnubíói. Stjörnugjöf:
☆ ☆.
Bandarísk. Leikstjóri: Mark
L. Lester. Handrit: Harold
Ramis og Peter Torkovei.
Framleiðendur: Brian Grazer
og James Keach. Kvikmynda-
taka: Fred Schuler. Helstu
hlutverk: John Candy, Eugene
Levy og Robert Loggia.
Vopnaður og hættulegur
(Armed and Dangerous) er gam-
anmynd um tvo ólánlega öryggis-
verði og þökk sé góðu handriti,
sem Harold Ramis (Gostbusters)
á a.m.k. helminginn í, oftastnær
falslausrí leikstjóm Mark L. Lest-
ers og góðum Ieik manna eins og
John Candys, er hún prýðisgóð
skemmtun, sérstaklega fyrir þá
sem unun hafa af ærslafiillu og
alvörulausu gamni.
Lester á ekki í miklum vand-
kvæðum með að halda uppi hraða
og §öri enda taka bflhræin að
hrannast upp þegar nær dregur
endalokunum og þótt markið sé
ekki sett hátt tekst myndinni það
sem ætlast er til af henni; að
skemmta fólki.
Það er passað vel uppá að hafa
lítið um dauða punkta í Vopnaður
og hættulegur. Öryggisverðir
gæslufyrirtækisins Varðhundur-
inn, sem þeir Candy og Levy vinna
hjá, eru hver öðrum undarlegri
en ef söguþráðurinn er helsti
farsakenndur og þijúbíólegur
bæta þeir John Candy og Eugene
Levy það upp með skemmtilegum
samleik í hlutverkum öryggis-
varðanna samviskusömu, sem
koma upp um spillingu og stór-
þjófnaði innan stéttarfélagsins
síns.
Robert Loggia er illur og sam-
viskulaus í hlutverki stórkrimm-
ans kvensama en það er raunar
valinn maður í hveiju rúmi sem
gerir manni kleift að skemmta sér
dægilega yfír þessarí léttleikandi
gamanmynd.
Krókódíla Dundee svipast um í frumskógi stórborgarinnar.
Krókódílamaður
1 kaupstaðarferð
Kvikmyndir
Sæbjörn Valdimarsson
BÍÓHÖLLIN: Krókódila
Dundee — Crocodile Dundee
★ ★ ★
Leikstjóri: Peter Faiman.
Handrit: Paul Hogan, Ken
Shadie og John Cornell. Aðal-
leikendur: Paul Hogan, Linda
Kozlowski, John Meillon, Steve
Rackman. Ástralía 1986. Dreif-
ing 20th Century Fox.
Ástralir láta ekki deigan síga.
Eftir röskan áratug frábærra
mynda, undantekningarlítið með
alvarlegum undirtóni, slá þeir
leikstjórinn Peter Faiman, en
einkum þó söguþráðs- og hand-
ritshöfundurinn Paul Hogan, á
léttari strengi í Krókódíla
Dundee, þar sem Hogan fer jafn-
framt með aðahlutverkið. Og
slíkur er árangurinn að segja má
að hann skeki heimsbyggðina, því
myndin er sú vinsælasta um víðan
heim f dag!
Ekki er hugmyndin og efnið
sérlega frumlegt, meira að segja
okkar eigin gamla, góða borgar-
reisa Bakkabræðra kemur upp í
kollinn. Það sem gerir gæfumun-
inn er hvemig haldið er á efninu
og unnið úr gamalkunnum klisj-
um. Þar bregst engum bogalistin.
Bandarísk blaðakona kemst á
snoðir um veiðigarp mikinn í
óbyggðum Ástralíu, sem orðinn
er lifandi þjóðsögn sökum dæma-
fárrar kænsku og ráðsnilldar. Er
þetta krókódflaveiðimaðurinn
Mick Dundee (Paul Hogan).
Blaðamaðurinn fer í nokkurra
daga ævintýrareisu með kemp-
unni og það leynir sér ekki að hér
er náttúrubam á ferð með ráð
undir rifi hveiju. Ekki er til sú vá
í umhverfinu sem okkar maður
sér ekki við!
Nú lýstur afbragðshugmynd
niður í munaðsfagran glókoll
blaðadömunnar; fá þennan son
náttúrunnar norður á heimaslóðir
sínar og sjá hvemig honum reiðir
af í fmmskógum New York-
borgar. Yrði það ákjósanlegur
endi á blaðagreininni. En ekki er
að sökum að spyija, meðfæddir
afkomuhæfileikar Dundee bregð-
ast honum ekkert frekar á fertug-
asta stræti en í fenjunum.
Krókódíla Dundee er ein þess-
ara mynda sem geisla út frá sér
að vera unnin af ánægju og
áhuga, allt gengur svo ljómandi
vel upp. Hogan sjálfur er einstak-
lega aðlaðandi manngerð sem
fyllir áhorfandann næstum bams-
legu trúnaðartrausti, leikur hans
og handrit búa yfír vissu sakleysi
sem harla fátítt er orðið í dag,
jafnvel í gamanmyndum. Þessi
elskulega einlægni samfara gam-
aldags en bráðhressum söguþræði
— þar sem skiptast á gamlar klisj-
ur og hin ótrúlegustu uppátæki —
eru vafalaust lykillinn að þeim
leyndardómi hvers vegna nauða
óþekkt mynd verður, eins og hendi
sé veifað, ein mest sótta mynd
allra tíma, og mest sótta erlendra
myndin í Bandaríkjunum frá því
að saga kvikmyndanna hófst! En
hvað sem því líður, þá er
Krókódíla Dundee einfaldlega
mynd sem kemur manni í gott
skap.
Brids
Arnór Ragnarsson
Bridsfélag'
Hafnarfjarðar
Mánudaginn 22.12. lauk sveita-
keppni félagsins og urðu úrslit
hennar á þessa vegu:
1. sæti sv. Ólafs Gíslasonar 229
2. sæti sv. Kristófers Magnúss. 217
3. sæti sv. Böðvars MagnúsS. 216
4. sæti sv. Kristjáns Haukss. 204
5. sæti sv. Erlu Siguijónsd. 199
Sigursveitina skipa eftirtaldir
spilarar: Ólafur Gíslason, Sigurður
Aðalsteinsson, Stefán Pálsson, Að-
alsteinn Jörgensen, Ásgeir Ás-
bjömsson og Valgarð Blöndal.
Bridsdeild
Víkings
Á mánudaginn kemur hyggjast
Víkingar heija á ný spilamennsku
og aldrei með meiri krafti en nú.
Stendur til að hafa fjölbreytta spila-
mennsku til vors og em allir
velkomnir — Víkingar sem aðrir
sem vilja vera með. Spilað verður
á mánudögum í Víkingsheimilinu
og verður spilaður eins kvölds
tvímenningur á mánudaginn kem-
ur. Síðan verður spiluð stærri
keppni — hugsanlega sveitakeppni.
Bridsfélag Suðurnesja
Meistaramót Suðumesja í
tvímenningi hefst á mánudaginn
kemur. Spilað er í Samkomuhúsinu
í Sandgerði og hefst spilamennskan
kl. 20.
O ANSSK0I.I
ASTVALOSSON AR
Síðasti innritunardagur er á morgun. Kennsla hefst
föstudaginn 9. janúar.
Reykjavík og nágrenni. Innritun og upplýsingar í
símum 20345, 74444 og 38126 frá kl. 13—18.
Keflavík, Grindavík, Njarðvík, Sandgerði og Garð-
ur. Innritun og upplýsingar í síma 8680 frá kl. 18—20.
Selfoss og Hveragerði. Innritun og upplýsingar í
síma 91-38126 frá kl. 13—18.