Morgunblaðið - 08.01.1987, Blaðsíða 27

MORGUNBLAÐIÐ, FIMMTUDAGUR 8. JANÚAR 1987
27
ídaní
ilum
Nokkrir af helstu talsmönnum hugsanlegs ríkisstjórnarsamstarfs vinstrimeirihluta í dönskum stjórnmálum: Efst til vinstri Svend Jakobsen,
forseti Þjóðþingsins; fyrir neðan hann Gert Petersen, formaður Sósíalska þjóðarflokksins; til hægri við Svend Jakobsen er Ritt Bjerre-
gaard, sterka konan í Jafnaðarmannaflokknum; fyrir neðan hana Svend Auken, varaformaður flokksins. Það er ekki mikill kraftur í hnefanum,
sem heldur á rauðu jafnaðarmannarósinni, og Anker Jörgensen horfir fjarrænt hjá. Lengst til hægri er Niels Helveg Petersen, leiðtogi stuðn-
ingsflokks ríkisstjórnarinnar, Det radikale venstre.
þjóðarflokksins sífellt að styrkjast.
I fyrmefndri könnun fékk flokkur-
inn 14,2% atkvæðanna, en fékk
11,5% í kosningunum. Mikið er
rætt um svokallaðan vinstrimeir-
hluta Jafnaðarmannaflokksins og
Sósíalska þjóðarflokksins, en oftast
em það flokksmenn síðamefnda
flokksins, sem hafa þar orð um.
Anker Jörgensen og félagar em
ekki ýlq'a hrifnir af þeirri hugmynd,
því að þeir verða einmitt að sækja
inn í raðir Sósíalska þjóðarflokksins
til að endurheimta fylgi sitt. Þannig
virðist samstarf þessara flokka úti-
lokað. Þar að auki skilur með
flokkunum í nokkmm gmndvallar-
málum. Sósíalski þjóðarflokkurinn
er á móti aðild að NATO og Evrópu-
bandalaginu og fylgjandi niður-
skurði á útgjöldum til vamarmála.
Anker Jörgensen hefur leitast við
að halda vakandi möguleikum á
samstarfi við Det radikale venstre,
en í þeim herbúðum hafa menn
daufheyrst við blíðuhótum hans.
Þeir hafa ekki trú á, að Jafnaðar-
mannaflokkurinn hafi bakfisk í sér
til að koma í framkvæmd þeirri
efnahagsstefnu, sem á þurfi að
halda. -Að sjálfsögðu verða það
núverandi ríkisstjóm og stuðnings-
flokkur hennar, sem móta fjárlögin
fyrir 1988, segir Jens Bilgrav-
Nielsen í Radikale venstre. Og undir
það tekur Niéls Helveg Petersen,
formaður flokksins.
Flokkar hverfa
af sjónarsviðinu
Margt bendir til, að tveir þing-
flokkar, á vinstri og hægri kanti
stjórnmáianna, muni hverfa af sjón-
arsviðinu í næstu kosningum.
Vinstrisósíalistar em endanlega
klofnir og tveir af bestu þingmönn-
um þeirra hafa slitið samstarfl við
þingflokkinn. í síðustu skoðana-
könnun féll fylgi flokksins niður
fyrir tveggja prósenta mörkin og
það sama gerðist með Framfara-
flokkinn. Sá flokkur ætlar sýnilega
ekki að lifa af þá staðreynd, að
Mogens Glistmp er allur í dönskum
stjómmálum.
Það verður hinn sterki forsætis-
ráðherra, sem ákveður, hvenær
kosið verður. Hann hefur sýnt styrk
sinn með því að halda einingu innan
ríkisstjómarinnar og framfylgja
efnahagsstefnu, sem borið hefur
árangur á mörgum sviðum. En
skattamir em nú hærri í Danmörku
en nokkm sinni fyrr, og það verður
erfíður biti fyrir ríkisstjómina að
kyngja, hvort sem kosið verður í
júní eða september - sem ekki er
ólíklegt, að verði ofan á.
En fyrst er það endurnýjun kjara-
samninganna, sem athyglin beinist
að. Ríkisstjóminni verður ekki stætt
á því einu sinni enn að hlutast til
um þá með ströngum takmörkun-
um, eins og gert var 1985. Ekki
er ástæða til að ætla, að það verði
svo ógnarerfitt að ná samningum í
einkageiranum, en óánægjan meðal
opinberra starfsmanna er svo megn,
að ríkisstjómin hlýtur að gefa eitt-
hvað eftir. Og ekki mun það ganga
alveg hljóðalaust.
Stjórnmálaflokk-
arnir fá skattfé
Danskir stjómmálaflokkar munu
nú fá fjárhagsstuðning úr opin-
bemm sjóðum. Mikið hefur verið
rökrætt um réttmæti þessarar ráð-
stöfunar, en mikill meirihluti í
þjóðþinginu stóð að ákvörðun þar
að lútandi. Þannig eiga flokkamir
von á styrkjum frá ríki, sýslum og
sveitarfélögum, um 30 milljónum
danskra króna í fyrstu atrennu.
Stjómarskráin tryggir ekki til-
vem stjómmálaflokkanna, en menn
hafa sem sagt afneitað þeirri blekk-
ingu, að flokkamir geti dregið fram
lífið á framlögum frá félögum
sínum og fjárhagsstuðningi at-
vinnufyrirtækja og verkalýðsfélaga.
Dagblaðið Information kallaði
samþykkt þessa smánarblett, en
yflrgnæfandi meirihluti þingheims
taldi, að styrkja yrði starf flokkanna
með ríkisframlagi, ef tryggja ætti,
að lýðræðið fengi þrifíst.
Höfundur er fréttaritari Morg-
unblaðsins i Kaupmannahöfn.
Davíð Oddsson tekur fyrstu skóflustunguna að nýju húsnæði fyrir ibúðir aldraðra, heilsugæslustöð,
þjónustukjama og bifreiðageymslur á Vesturgötu 7.
Reykjavík:
Nýtt húsnæði fyr-
ir íbúðir aldraðra
DAVÍÐ Oddsson borgarstjóri tók
fyrstu skóflustunguna að nýju
húsnæði fyrir íbúðir aldraðra,
þjónustukjarna, heilsugæslu og
bifreiðageymslu, sem borgin
reisir á Vesturgötu 7. Um 90
milljónum verður varið til verks-
ins á árinu en áætlaður heildar-
kostnaður er 300 til 310 milljónir.
Byggingin verður fjögurra hæða
með tvílyftum kjallara fyrir 115
bifreiðastæði.
A fyrstu hæð hússins er gert ráð
fyrir 500 fermetra heilsugæslustöð
og 900 fermetra þjónusturými Fé-
lagsmálastofnunar Reykjavíkur-
borgar fyrir aldraða ásamt eldhúsi,
borðsal og setustofu. Þar verður
einnig hægt að fá fótsnyrtingu, sjú-
krabað, hársnyrtingu og leita
aðstoðar sjúkraþjálfa. Á annarri og
þriðju hæð verða 26 íbúðir fyrir
aldraða, 1 til 3ja herbergja.
Hönnuðir hússins eru arkitekt-
arnir Hjörleifur Stefánsson og
Stefán Örn Stefánsson, Verkfræði-
stofunni Önn hf., Verkfræðistofa
Jóhanns Indriðasonar sér um teikn-
ingar að raflögnum og Einar
Sæmundsen landslagsarkitekt um
lóð hússins. Hönnun á að ljúka í
apríl og verður bygging hússins
boðin út í maí. Útboðið miðast við
uppsteypt hús og tilbúið undir tré-
verk. Reiknað er með að ljúka
uppsteypu þriðju hæðar árið 1987
og á árinu 1988 er áætlað að húsið
verði tilbúið undir tréverk og frá-
gengið að utan. Áætlanir varðandi
heilsugæslustöðina eru háðar fram-
lögum á íjárlögum.
Morgunblaðið/Bjöm Blöndal
Ýmsar furðuverur voru í blysförinni og voru veðurguðirnir í hátí-
ðarskapi líkt og aðrir bæjarbúar.
Þrettándagleði í Keflavík
ÞRETTANDINN var kvaddur
með pompi og pragt í Keflavík.
Hátíðarhöldin hófust með blys-
för frá bæjarskrifstofunum til
íþróttasvæðisins. Þar voru fjöl-
margir bæjarbúar saman komnir
og fylgdust með hinum ýmsu
skemmtiatriðum, söng, dansi,
lúðrablæstri og ekki hvað síst,
mikilfenglegri flugeldasýningu.
Félagar í hestamannafélaginu
Mána fóru ríðandi á glæstum fákum
Félagar f hestamannafélaginu Mána fóru fyrir blysförinni á glæstum
gæðingum. Tveir félagar i Mána, þau Sigurlaug Anna Auðunsdóttir
og Eyberg Geirsson.
fyrir göngunni í skrautbúningum. Á
eftir þeim komu Álfakóngur og
drottning og þeim fylgdu jólasvein-
ar, álfar, púkar og ýmsar furðuver-
ur. Hópurinn fór um helstu götur
bæjarins og vakti óskipta athygli
þeirra er á vegi hans urðu.
Á íþróttavellinum var bálköstur
sem gaf bæði stemmningu og yl.
Þar sungu kórar, lúðrasveit lék og
fólk dansaði. Var greinilegt að unga
kynslóðin kunni vel að meta þessa
uppákomu og voru margir krakkar
í furðuklæðnaði. Rúsínan í pylsu-
endanum var stórgóð flugeldasýn-
ing félaga úr björgunarsveitinni
Stakki. Þeir björgunarsveitarmenn
höfðu haft áhyggjur af slæmri veð-
urspá, en veðurguðimir voru í
hátíðarskapi líkt og aðrir bæjarbú-
ar. Veður var hið besta, austan
gola og smá súld sem engan bleytti.
-BB