Morgunblaðið - 12.02.1987, Blaðsíða 31
MORGUNBLAÐIÐ, FIMMTUDAGUR 12. FEBRÚAR 1987
31
Reuter.
Vopnastuldur íHollandi
Lögreglan í Hollandi kom fyrir nokkrum dögum upp um mikinn vopna-
stuld frá hemum, þann mesta frá stríðslokum. Hafa nokkrir menn verið
handteknir, þar á meðal tveir hermenn. Myndir er af 60 ísraelskum Uzi-
hríðskotabyssum, sem fundust við húsleit á heimili eins ræningjanna.
Róm:
Miðborginni lokað fyrir
bílum á mesta umferð-
artímanum á morgnana
- Tilraun til að vernda heilsu borgarbúa
og bjarga sögulegum verðmætum frá eyði-
leggingu af völdum mengunar
Róm. AP.
BORGARYFIRVOLD í Róm hafa
gripið til þess ráðs að loka mið-
borginni á mesta umferðartím-
anum á morgnana í því skyni að
draga úr eyðileggingu af völdum
reykjarmengunar í þessum sögn-
ríka borgarhluta.
En umhverfisverndarmönnum
þykir ekki nóg að gert, og aðrir
draga í efa, að ráðstöfun þessi dugi
fremur en annað, sem gert hefur
verið í sama tilgangi.
Tilraunabann þetta er þunga-
miðjan í ráðagerð, sem borgaryfir-
völd kynntu um síðustu helgi.
Stefnt er að því að vinna á reykjar-
svælunni, sem skemmir jafnt lungu
borgarbúa sem fornar minjar og
listaverk.
„Þetta er róttæk tilraun til að
hafa stjórn á umferðinni og draga
úr mengun án þess að vega að borg-
arlífinu sjálfu," sagði Nicola
Signorello, borgarstjóri Rómar.
„Við erum með þessu að vinna að
því, að áfram verði líft í Róm.“
Aætlunin kemur til framkvæmda
í áföngum frá 16. febrúar til 9.
mars og stendur a.m.k. fram í júní.
Þá verður málið skoðað á nýjan leik.
Evrópubandalagið:
Smjörfjallið lækk-
að um milljón tonn
Briissel. Reuter.
Landbúnaðarráðherrar Evr-
ópubandalagsins ákváðu á
þriðjudag að verja 3,5 milljörðum
dollara til þess að losa bandalags-
þjóðirnar við þrjá fjórðu hluta
smjörfjallsins
Talsmaður framkvæmdanefndar
EB sagði, að með samkomulaginu
væri stefnt að því að minnka
geymslukostnaðinn en í frysti-
geymslum aðildarlandanna er nú
nokkuð á aðra milljón tonna af
smjöri. Fyrirhugað er að flytja út
400.000 tonn á niðursettu verði og
selja framleiðendum dýrafóðurs
annað eins fyrir lítinn pening.
130.000 tonn verða sett á útsölu í
aðildarlöndunúm og 100.000 tonn
af þráu smjöri verða notuð sem elds-
neyti í raforkuverum og til málning-
arframleiðslu.
Þótt samkomulag hafi náðst um
þessar aðgerðir er enn mikill
ágreiningur um hvernig staðið skuli
að skerðingu mjólkurframleiðslunn-
ar um 9,5% á næstu tveimur árum
eins og ákveði.ð var í desember sl.
Hafa menn áhyggjur af, að tekjur
kúabænda muni minnka um 10%
við þessa skerðingu.
Aquino boðar sókn
gegn skæruliðum
Manilla. Ap, Reuter.
CORAZON Aquino, forseti
Filippseyja, lýsti yfir í gær, að
herinn myndi brátt ráðast til at-
lögu gegn skæruliðum í landinu.
Sagði hún, að stjórnin hefði gert
allt, sem í hennar valdi stóð, til
að koma á friði en nú væri ljóst,
að um hann yrði ekki samið við
skæruliða.
„Vopnahléinu er lokið,“ sagði
Aquino á fundi með 500 hermönn-
um í herstöð í Manilla. „Látið þær
fréttir berast til allra hermanna svo
að þeir verði á varðbergi og gleymi
ekki hættunni, sem að þeim steðjar
og landsmönnum öllum.“
Vitað er, að 25 menn a.m.k. hafa
fallið á þeim fjórum dögum, sem
liðnir eru síðan vopnahléið milli
skæruliða og stjórnarhersins rann
út, og fréttir eru um skærur víða
um landið. í ræðu sinni sagði Aqu-
ino, að sagan myndi leiða í ljós
hveijum væri um að kenna, að frið-
arviðræðurnar við skæruliða
kommúnista fóru út um þúfur.
Svíþjóð:
Geisla-
virkur
úrgangur
í Eystra-
salt
Stokkhólmi, Reuter.
Sænska vikublaðið Ny Tekn-
ik greindi frá því í gær að 120
tonnum af geislavirkum úr-
gangi hefði verið varpað í
Eystrsalt um tuttugu km undan
sænsku ströndinni eftir fyrstu
kjamorkutilraunir Svia á árun-
um 1959 til 1961.
í blaðinu sagði að úrgangur-
inn frá fyrsta tilraunakjam-
orkuveri Svía í Stokkhólmi
hefði verið settur inn í stein-
steypustöpla og varpað niður á
200 m dýpi.
Nunnur látn-
ar borga í
strætisvagna?
Ncw Orleans, AP.
Verið getur að katólskar
nunnur í New Orleans í Banda-
ríkjunum verði látnar gjalda
fyrir ágreining um stjórnar-
skrárákvæði. Nunnur þar í
borg hafa í eina öld getað ferð-
ast með almenningsvögnum sér
að kostnaðarlausu, en í Banda-
ríkjunum er kveðið á um
aðskilnað kirkju- og ríkisvalds.
í desember var gefin út
reglugerð um að eingöngu
starfsmenn almenningsvagna
mættu ferðast ókeypis. Aftur á
móti gleymdist að láta nunn-
umar vita og er málið nú til
athugunar.
Nunnum var fyrst veitt leyfi
til að ferðast endurgjaldslaust
innan New Orleans þegar hest-
vagnar vom við lýði. Yfirvöld
vildu með þeim hætti þakka
systmm Ursuline-reglunnar
fyrir að hafa beðið fyrir sigri
yfirvalda í ormstunni um New
Orleans árið 1815.
Kínverjar
fórnarlömb
flugelda
Peking, Reuter.
Sautján manns létu lífið
vegna gáleysislegrar meðferð-
ar á flugeldum þegar ár
kanínunnar gekk í garð í Kína.
I dagblaði í gær sagði að einn-
ig hefðu kviknað 3.040 eldar
útfrá flugeldunum og var heild-
artjórn metið á 40 milljónir
króna. I blaðinu vom birt les-
endabréf þar sem hvatt var til
þess að reglur um meðferð og
sölu flugelda um áramótin, sem
Kínveijar fagna 29. janúar,
verði hertar. I Peking þurfti
að gera að sámm 220 manns,
aðallega barna, um áramótin.
Skortur á
sokkabuxum
Moskvu, Reuter.
Konur í Sovétríkjunum leita
nú logandi Ijósi að sokkabuxum
í verslunum vegna þess að upp
hefði komið óvæntur skortur,
að því er sagði í dagblaðinu
Sotsia.listieheska.ya Industría í
gær. í svari við lesendabréfi
með fyrirspurn um hvers vegna
sokkabuxur hefðu horfið af
hillum verslana sagði að eftir-
spurn hefði aukist þegar
verðlagsnefnd ríkisins ákvað
fyrir skömmu að lækka verð á
þessum fatnaði. Þar kom einnig
fram að samkvæmt áætlunum
væri geit ráð fyrir að konur
keyptu tvennar sokkabuxur á
ári. Framleiðsla hefði verið
aukin, en því færi fjarri að
unnt væri að anna eftirspurn-
inni.
ÁKLÆÐI
Eigum fyrirliggjandi úrvals ákiœði í
Volvo 240 og 740 á mjög hagstœðu
verðl, Einnig krómaðar toppgrindur á
Volvo 240. Passa á ýmsa ameríska
jeppa.
Áklœði, verð kr. 4.995,-
Toppgrindur, verð kr. 5.995-
\jnnni * &
SUÐURLANDSBRAUT 16 • SlMI 35200
Jíafa ‘Royal
Hvítar baðinnréttingar
í miklu úrvali
Baðinnréttingar fyrir þá sem hafa
góðan smekk.
Utsölustaðir:
Atlabúðin
Málningarvöruþjónustan
Vöruval
Valberg
Har. Johansen
Brimnes
Akureyri,
Akranesi
ísafirði
Ólafsfirði
Seyöisfirði
Vestmannaeyjum
og flest kaupfélög um land allt.
Powlseti
Suðurlandsbraut 10. S. 686499.