Morgunblaðið - 22.02.1987, Blaðsíða 60

60
MORGUNBLAÐIÐ, SUNNUDAGUR 22. FEBRÚAR 1987
Sjónvarpsstöðin ABC
gerir myndaf lokk um
lífið í Ameríku eftir
að Rússar hafa
komizt þar til valda
Tímaritið American Film birti nýlega nokkrar Ijósmyndir úr
myndaflokknum „Ameríku", sem fjallar um líf í Bandaríkjunum
tíu árum eftir að Rússar tóku þar völd. Myndaflokkurinn hef-
ur vakið upp deilur þótt hann hafi enn ekki verið sýndur.

eru
Bandaríska sjónvarpsstöðin ABC
er um þessar mundir að láta gera
viðamikinn myndaflokk sem nefnist
„Ameríka". Myndaflokkur þessi
hefur þegar vakið athygli, ekki að-
eins í Bandaríkjunum, heldur einnig
í Sovétríkjunum, en ráðamenn þar
eru lítt hrifnir af efni flokksins, sem
er e.k. framtíðarsýn um lífið í
Ameríku tíu árum eftir að Rússar
hafa komist þar til valda.
Þrýstingoir frá
Sovétstjórninni
Brandon Stoddard, yfirmaður
ABC-sjónvarpsstöðvarinnar, segir
að þáttaröðin fjalli um efni sem
ekki hafi verið tekið fyrir áður. í
aðalhlutverkum eru fjórir banda-
n'skir leikendur, Christine Lahti,
Kris Kristofferson, Robert Urich og
Mariel Hamingway. Fyrst var opin-
berlega tilkynnt um þennan þátt
árið 1984, og er látið að því liggja
að mjög íhaldssöm, föðurlandselsk-
andi samtök hafl komið með
hugmyndina, til að vega upp á
móti ádeilunni á Bandaríkin og
kjarnorkuna í sjónvarpsþættinum
„Daginn eftir“ (The Day After),
sem ABC stóð að. Forráðamenn
ABC hafa staðfastlega neitað þess-
um orðrómi.
komnir
En það voru ráðamenn, í öllu
falli áhrifamenn í Sovétríkjunum
sem fyrstir voru til að vekja at-
hygli á þessum fyrirhugaða sjón-
varpsþætti. Þeir höfðu þefað uppi
hvað til stóð, og létu fréttadeild
ABC í Moskvu vita að yrði þessi
þáttur framleiddur, þá myndu góðu
tengslin þeirra á milli heldur dvína.
Téður Stoddard lét hætta við gerð
þáttarins þegar í stað. Ástæðan var
ekki bara mótmæli Sovétmanna,
heldur óttaðist Stoddard ekki síður
að kostnaðurinn riði fyrirtækinu að
fullu. Þessari ákvörðun var harð-
lega mótmælt innan veggja ABC
sem utan; töldu þá margir að sjálft
lýðræðið væri í hættu.
Stuttu síðar birtist ritstjórnar-
grein í New York Times, þar sem
hörmuð var ákvörðun ABC, og sagt
berum orðum að hún bæri vott um
„sárgrætilega undanlátssemi við
þrýstingi að austan“. Menntamála-
ráðherra Bandaríkjanna, William
Bennett, sagði að slíkt fordæmi
væri ekki æskilegt og þótti miður
að æska landsins yrði vitni að þess-
ari þróun mála. Wall Street Journal
tók undir orð ráðherrans, og benti
ennfremur á að efni þáttarins væri
nákvæmlega eins og samskipti Sov-
étmanna og ABC.
Þegar svo ABC afréð endanlega
að ráðast í gerð þáttarins var það
fyrst og síðast spuming um heiður
og orðstír fyrirtækisins. Allar áætl-
anir voru skornar niður. Þátturinn
skyldi vera tólf tímar að lengd í
stað sextán og kosta þijátíu og tvær
milljónir dala í stað fjörutíu. Og
Stoddard sagði nú að sjónvarps-
þátturinn fjallaði um „frelsi og
ábyrgð og persónueinkenni hins
ameríska manns“.
Myndaf lokkur sem
mun valda deilum
Stoddard leggur til peningana en
maður að nafni Donald Wrye skrif-
aði handritið að „Ameríku" og
leikstýrir þáttaröðinni. Hann er 35
ára og hefur ekki, svo vitað sé,
afrekað neitt fyrr á því sviði. Wrye
er viðkvæmur fyrir allri gagnrýni
sem framleiðsla þáttarins hefur
fengið, og kvíðir þeirri stund þegar
þátturinn verður tekinn til sýning-
ar. En hann hefur svarað gagnrýn-
endunum, og tekur ekki lengur
mark á skrifum New York Times
um kvikmyndir né aðrar listgreinar.
Wrye segir: „Allt sem deilir á Sov-
étríkin telur New York Times
viðvaningslegt og heimskulegt."
ENSKUNAM A JAMAICA
. 14. júlí—25. ágúst
AFS á Jamaica býður Evrópubúum á aldr-
inum 20—30 ára að koma í sumar til
Karabíska hafsins og læra ensku við Vest-
ur-lndía háskólann í Kingston, Jamaica.
Auk enskunámsins býður AFS upp á dvöl
á heimilum og fjölbreytta kynningu á landi
og þjóð, tónlist og menningu.
Umsóknarfrestur er til 21. mars.
Skrifstofan er opin kl. 14—17 virka daga.
á íslandi
- alþjóðleg fræðsla og samskipti -
Hverfisgötu 39, PO Box 753 — 121 Reyjavík, sími
91-25450.
ÚtSíihl afsiáttur ÚtSfllO.
5—50% af húsgögnum
ítalskir skápar 10.700 17.960
Stakir stólar 3.456 5.760
Hillusamstæður 29.800 49.400
Rúm gullhúðað 33.900 55.660
Teppi pr. fm 160 320
Speglar, sófaborð og margt fleira.
Geríð góð kaup strax á morgun
Nýborg;
Skútuvogi 4,
sími 82470.