Morgunblaðið - 24.02.1987, Síða 2
2
MORGUNBLAÐIÐ, ÞRIÐJUDAGUR 24. FEBRÚAR 1987
Grandi leigir dieselrafstöð:
Aætlaður spam-
aður nálægt 600
þúsundum króna
Rafmagnsveitan boðar til fundar með
stjómendum Granda um sölu raforku
GRANDI hf. hefur tekið á leigu dieselrafstöð, sem notuð er
vegfna frystingar á loðnu og loðnuhrognum. Með því móti
telja stjórnendur fyrirtækisins, að þeir borgi 600.000 til
700.000 krónum minna fyrir raforku, en væri orkan keypt
frá Rafmagnsveitu Reykjavíkur. Segja þeir að stjórnendur
Rafmagnsveitunnar hafi ekki verið til viðræðu um lækkun
taxta og vegna þess, meðal annars, hafi þessi leið verið far-
in. Aðalsteinn Guðjohnsen, rafmagnsstjóri, sagði í samtali við
Morgunblaðið, að Rafmagnsveitunni hefði ekki borizt formleg
beiðni frá Granda hf. um samninga, en hann myndi boða til
fundar með stjórnendum fyrirtækisins um mál þetta í heild.
Grandi, eins og flestir stórir
kaupendur raforku, greiðir fyrir
hana annars vegar ákveðið gjald
á hvetja notaða kílówattstund og
hinsvegar gjald miðað við álags-
topp. Það gjald er 4.390 krónur á
hvert kílówatt á ári og miðast við
mestu notkun á árinu. Álagstopp-
urinn hjá Granda er 435 kílówött
fyrir utan loðnufrystingu. Loðnan
er fryst mest allan sólarhringinn
og álagstoppurinn meðan bæði
frysting bolfísks og loðnu stendur
yfír hefði orðið um 200 kílówöttum
hærri og hækkað toppgjaldið um
tæplega 900.000 krónur. Gunnar
Sæmundsson, forstöðumaður
tæknideildar Granda, sagði í sam-
tali við Morgunblaðið, að fram-
leiðsla raforku með dieselrafstöð-
inni kostaði 300.000 til 400.000
krónur þann tíma sem frysting
stæði yfir. Miðað við óbreyttan
álagstopp þýddi þetta því nálægt
600.000 króna spamað.
Það eru nokkur fleiri frystihús,
sem nota dieselrafstöðvar til að
halda álagstoppunum niðri og hafa
af því nokkum hagnað. Þá hefur
það heldur ekki borgað sig að
kaupa rafmagn úr landi, þegar
skip eru í höfn, heldur hafa menn
gripið þann kost að framleiða raf-
magn með keyrslu ljósavéla um
borð.
Aðalsteinn Guðjohnsen sagði,
að ekkert formlegt erindi hefði
borizt til Rafmagnsveitunnar um
samninga vegna loðnufrystingar.
Hann væri hins vegar reiðubúinn
til að ræða þetta mál. Þá bæri
þess að geta, að Rafmagnsveitan
keypti raforkuna frá Landsvirkjun
samkvæmt notkun, sem meðal
annars miðaðist við álgagstopp.
Rafmagnsveitan seldi orku sam-
kvæmt gjaldskrá sinni. Þar væru
ákvæði um að gera mætti sérsamn-
inga við notendur, sem keyptu orku
á háspennu. Því væri ekki til að
dreifa hjá Granda og því í raun
ekki svigrúm til sérsamninga um
þessa notkun. Rafmagnsveitan
gæti í raun og veru ekki bannað
uppsetningu dieselstöðva í þeim
tilgangi, sem Grandi notaði hana
enda væri hún ekki tengd inn á
kerfí Granda og þar með kerfi
Rafmagnsveitunnar, heldur ein-
göngu við ákveðnar einangraðar
vélar. Gjaldskrá dreifíveitu eins og
Rafmagnsveitu Reykjavíkur gæti
aldrei verið nákvæmlega kostnað-
arrétt gagnvart hverjum einstök-
um notanda. í gjaldskránni hlyti
alltaf að vera farinn einhver meðal-
vegur. Þótt heimilt væri að semja
sérstaklega um toppgjald, væri þar
trúlega ekki eftir eins miklu að
slægjast og Grandi hf, og önnur
hliðstæð fyrirtæki hygðu. Mestur
hluti kostnaðarins lægi í kerfí Raf-
magnsveitunnar en tiltölulega lítill
hluti í toppkaupum frá Landsvirlq'-
un. Yrði toppgjald lækkað veru-
lega, þýddi það að velta yrði
tekjutapi af þeim sökum yfír á al-
menna notendur.
Rekstur dieselrafstöðva væri
háður leyfí yfírvalda, meðal annars
vegna öryggismála og væru þær
stærri en 200 kílówött. Rafstöð
Granda væri ólöglega tengd og því
án leyfís. Sér virtist því talsverð
fljótaskrift á öllu þessu máli af
hálfu Granda, bæði tengingu vélar-
innar og hvemig leitað hefði verið
eftir samningum.
Sammngar
við flugliða
eru á byrj-
unarstigi
ÓSAMIÐ er á milli stéttarfélaga
flugliða og Flugleiða, en samn-
ingar aðila runnu út um áramót-
in. Már Gunnarsson, starfs-
mannastjóri Flugleiða, sagði í
samtali við Morgunblaðið að
samningaviðræður væru á byrj-
unarstigi.
Þau félög sem hér um ræðir eru
Félag íslenskra atvinnuflugmanna,
Flugfreyjufélag íslands, Flugvirkja-
félag íslands og Félag flugumsjón-
armanna.
Morgunblaiifl/Ölafur K. Mapnusson
Froskmenn könnuðu í gær skemmdir á bryggju þeirri sem Akraborgin leggst að í Reykjavík, en
skipið rakst á hana á sunnudag svo hún er ónothæf. Eins og sést á myndinni er lítið eftir af
bryggjunni og munu ferðir Akraborgarinnar því liggja niðri á næstunni.
Akraborgin skemmdi bryggjuna
bílum frá borði annars staðar í
höfninni verða þeir sem ferðast
milli höfuðborgarinnar og Akra-
ness að fara þjóðveginn. í gær
var þegar hafist handa við að
kanna skemmdimar á bryggjunni
og voru froskmenn fengnir til
þess.
Feröir skipsins falla niður um tíma
FERÐIR Akraborgarinnar
munu liggja niðri á næstunni á
meðan gert verður við flot-
bryggjuna í Reykjavíkurhöfn.
Skipið rakst harkalega á
bryggjuna á sunnudag með
þeim afleiðingum að hún er
ónothæf eftir.
Óhappið varð er Akraborgin
kom frá Akranesi og ætlaði að
leggjast að bryggju í Reykjavík.
Þar sem ekki er hægt að aka
Tryggingasjóður sjúklinga:
Sjúklingar fái bætur þó
enginn beri bótaábyrgð
NEFND á vegum landlæknis vinn-
ur nú að tillögum um sérstakan
tryggingasjóð sjúklinga og vonast
landlæknir til, að unnt verði að
leggja tillögurnar fyrir heilbrigð-
isráðherra í byijun næsta mánað-
ar. Hlutverk sjóðsins verður að
bæta sjúklingum tjón sem þeir
verða fyrir við læknismeðferð eða
aðgerðir ef enginn ber bóta-
ábyrgð.
Ólafur Ólafsson landlæknir sagði
að nokkur hluti sjúklinga hafí farið
illa út úr meðferð eða aðgerðum án
þess að hægt væri að finna einhvem
sem ætti þar beina sök á. Þá lægi
ekki bótaábyrgð fyrir, hvorki hjá
læknum né sjúkrahúsum. „Það er
eðlilegt að þessir sjúklingar fái bæt-
ur, aðrar en örorkubætur þegar þær
fást, og fyrir um íjórum árum lagði
ég fyrst fram hugmyndir um trygg-
ingasjóð," sagði Olafur. „Þær fengu
ekki hljómgrunn þá, en í sumar var
sett á laggimar nefnd á vegum land-
læknisembættisins, sem hefur unnið
að því að móta tillögur um slíkan
sjóð. Vonandi verður hægt að leggja
þessar tillögur fyrir heilbrigðisráð-
herra í byijun næsta mánaðar."
Ólafur sagði að það hefði vafíst
nokkuð fyrir nefndarmönnum hvað-
an fjármagn til sjóðsins ætti að
koma, en eðlilegast þætti þó að ríkið
legði fram fé, a.m.k. að verulegu
leyti. Þá væri einnig hugsanlegt að
tryggingafélög tælqu þátt í starfí
sjóðsins. „Slíkan tryggingasjóð er að
fínna a.m.k. á einum stað á Norður-
löndum," sagði Ólafur. „Á norrænum
fundi sem haldinn var hér fyrir
skömmu um kvörtunarmál sjúklinga
og mistök lækna kom fram stuðning-
ur við hugmyndina að stofnun
sjóðsins. Þar kom einnig fram að
engin bylgja kvartana hefur farið af
stað þar sem slíka sjóði er að finna,
en því hafa andstæðingar trygginga-
sjóðs löngum haldið fram.“
í nefnd landlæknisembættisins um
tryggingasjóð sjúklinga eiga sæti,
auk landlæknis sjálfs, Gauti Amþórs-
son yfírlæknir á Fjórðungssjúkrahús-
inu á Akureyri. Jón Snædal, fulltrúi
Læknafélags íslands, Kristján Guð-
jónsson, lögfræðingur hjá Trygg-
ingastofnun ríkisins og Vilborg
Ingólfsdóttir, deildarstjóri landlækn-
isembættisins.
Rockall-viðræður
í Kaupmannahöfn
SAMRÁÐSFUNDIR um sameigin-
leg réttindi íslendinga, Dana og
Færeyinga á Hatton-Rockall svæð-
inu verða haldnir i Kaupmanna-
höfn dagana 26. og 27. febrúar
næstkomandi. Eru þeir framhald á
samráðsfundum þjóðanna um þessi
mál, en síðast hittust fulltrúar
þeirra f Reykjavík 1. maf sl.
í íslensku viðræðunefndinni verða
Hans G. Andersen sendiherra, sem
er formaður nefndarinnar, Eyjólfur
Konráð Jónsson, formaður utanríkis-
málanefndar Alþingis, Ólafur Egils-
son sendiherra, dr. Manik Talwani,
ráðunautur íslands í hafsbotnsmálum,
dr. Guðmundur Pálmason jarðeðlis-
fræðingur og Karl Gunnarsson jarð-
eðlisfræðingur. Þá mun Hannes
Hafstein, ráðuneytisstjóri utanrfkis-
ráðuneytisins, sitja þessa fundi.