Morgunblaðið - 17.06.1987, Blaðsíða 43
MORGUNBLABIÐ, MIÐVIKUDAGUR 17. JÚNÍ 1987
43
i
4~
blöð fyrir hjúkrunamámið liggja
frammi á Fjórðungssjúkrahúsinu
og er skilafrestur til 10. júlí.
Iðnrekstrarfræðin er hliðstæð
sömu braut við Tækniskóla íslands.
Inntökuskilyrði eru stúdentspróf
eða próf úr undirbúningsdeildum
iðnrekstrarfræði við Tækniskóla
Islands eða Verkmenntaskólann á
Akureyri. Ennfremur geta þeir, sem
orðnir eru 25 ára eða hafa starfs-
reynslu í þjónustu- eða framleiðslu-
iðnaði fengið inngöngu í deildina
að mati skólans. Námstími er þijár
annir og lýkur með prófi í iðnrekstr-
arfræði. Verið er að vinna að
framhaldsnámi fyrir iðnrekstrar-
fræðinga, sem lýkur með prófí í
tæknifræði.
Viðskiptafræði og
matvælafræði á döfinni
Tvær nefndir starfa nú að undir-
búningi nýrra námsgreina við
Háskólann á Akureyri, að sögn
Halldórs Blöndal. Önnur mun gera
tillögur um kennslu í matvælafræði
og er formaður hennar dr. Bjöm
Dagbjartsson, en með honum eiga
sæti í nefndinni Elín Hilmarsdóttir,
Hjalti Einarsson og Þórarinn
Sveinsson. Hin nefndin vinnur að
tillögum um nám í viðskiptafræði.
Formaður hennar er Brynjólfur I.
Sigurðsson og með honum starfa
Ingi Bjömsson og Páll Kr. Pálsson.
Háskólanefnd Akureyrar hefur
lagt til að tekið verði upp þriggja
ára nám í sjávarútvegsfræðum við
Háskólann á Akureyri. í nefnd, sem
skipuð var til að athuga þau mál,
eiga sæti Tómas Ingi Olrich formað-
ur, Aðalgeir Pálsson, Guðlaug
Hermannsdóttir, Sturla Kristjáns-
son og Þórey Eyþórsdóttir.
Námsbrautir við Háskólann á
Akureyri eiga að veita nemendum
haldgóða menntun á þeim vettvangi
sem beinlínis varðar íslenskt þjóðlíf
og fslenska atvinnuhætti. Auk þess
verður lagt kapp á að í heild sinni
verði námið traustur grunnur til
framhaldsnáms á æðri stigum við
Háskólann á Akureyri. Yrði það
framhaldsnám að öllum líkindum
bundið haffræði eða sjávarútvegs-
fræði, sem er ekki einungis víðfeðm
grein heldur nátengd höfuðatvinnu-
vegum íslensku þjóðarinnar, að
sögn menntamálaráðherra. Við
uppbyggingu slíkrar deildar yrðu
höfð samráð við bæði innlenda og
erlenda vísindamenn.
Ánægjulegasta
verkefnið
Sverri sagði á fundinum að upp-
bygging háskólakennslu á Akureyri
hefði verið ánægjulegasta verk, sem
hann hefur unnið í tíð sinni sem
menntamálaráðherra. Hann sagðist
að vísu hafa verið farinn að spyij-
ast fyrir um þennan möguleika áður
en hann sjálfur settist í stól mennta-
málaráðherra og því hefði hann lagt
á það allt kapp að ýta skólanum
af stað. Hann sagðist ekki búast
við öðru en að eftirmenn hans vildu
sýna skólanum velvilja og byggja
hann upp eins og frekast yrði unnt.
„Það er engin nýjung að andstaða
myndist við slíkar hugmyndir, en
ég held að allt sé nú að falla f ljúfa
löð. Skólinn mun verða atvinnulffí
staðarins sérstaklega til góða. Ég
legg á það mikla áherslu að Háskól-
inn á Akureyri verði sjálfstæður og
haldi sér sem slíkur, en þó í nánu
samstarfí við Háskóla íslands. Að
mínu mati er það fátt sem treystir
byggð landsins betur en að koma
upp menntastofnunum úti á landi
og hefur slfkt hið sama sýnt sig til
dæmis í Svíþjóð. Ég fylgdist vel
með deyfð Akureyrarbæjar f at-
vinnumálum lengi vel, en það er
eins og að hugmyndin hafí gefíð
félagslega þættinum hér í bæ víta-
mínssprautu þó hún hafí ekki notið
velvildar allra. Þetta er stórt skref
og örugglega ekki smærra en þegar
gagnfræðaskólanum var hér komið
á fót, menntaskólanum og jafnvel
þegar Útgerðarfélag Akureyringa
var stofnað."
Háskólí undir nafni
Halldór Blöndal sagði að Háskóli
á Akureyri væri örugglega ekki
orðinn að veruleika hefði Sverrir
Hermannsson ekki setið í stóli
menntamálaráðherra og stæðu
Norðlendingar í mikilli þakkarskuld
við hann. „Við höfum verið heppin
með mannaval sem ráðist hefur að
háskólanum og hafa menn fengið
traust á að háskólinn rísi undir
nafni. Akureyringar hafa unnið sitt
verk vel undir forystu Tómasar Inga
Olrich og hefðu ýmsir aðrir lagt
hönd á plóginn, svo sem Vilborg
Ingólfsdóttir hjúkrunarfræðingur.
Þeir sem standa að hjúkrunar-
kennslu syðra hefðu sýnt hjúkr-
unarbrautinni á Akureyri mikinn
áhuga auk þess sem brautin kæmi
til með að efla mjög Fjórðungs-
sjúkrahúsið á Akureyri.
Þjónar öllu landinu
Haraldur Bessason lýsti ánægju
sinni með það að vera sestur að á
Akureyri. „Ég hef verið fjarri Akur-
eyri lengi og er ekki hingað kominn
vegna heimþrár. Þá hefði ég sest
að í Skagafírðinum og farið að
búa. Ég er nýkominn til landsins
og hef síðustu dagana verið að
skoða háskólamálið. Ég er afar
kátur með að vera nú í fyrsta skipti
bendlaður við hjúkrunarfræðinám
og er ég þess fullviss um að Háskól-
inn á Akureyri verður að eiga sér
hugsjón." Haraldur minntist á upp-
byggingu haffræðináms og sagði
að því fyrr sem það byijaði þvi
betra.
„Háskólinn mun þjóna íslending-
um á öllu landinu, en að mínu
mati ætti hann jafnframt að hasla
sér völl á alþjóðavettvangi og hafa
reyndar samstarfsmenn mínir vest-
ur í Bandaríkjunum minnt mig á
að Akureyri sé kjörin staður til að
bjóða upp á sjávarútvegsfræði. Sú
deild kæmi til með að vera nátengd
atvinnulífí þjóðarinnar og yrði mik-
il þjóðþrifastofnun. Slík deild gæti
orðið eitt mesta átak Akureyringa
frá lýðveldisstofnun." Haraldur
vildi þakka ráðherra það mikla
traust sem hann bæri til sín og
þakkaði honum jafnframt þann
mikla áhuga sem hann hefði sýnt
við að koma á fót háskóla á Akur-
eyri.
Menntamálaráðherra hefur ný-
skipað nefnd til að semja ramma
um frumvarp til laga um háskóla á
Akureyri sem að öllum líkindum
r'ði hægt að ná fram um áramót.
nefndinni eru Haraldur Bessason,
Halldór Blöndal, Bárður Halldórs-
son og Bjöm Jósef Amviðarson.
Bárður sagði að óvíst væri hver
fjárþörf skólans yrði á næsta ári,
en þá er stefnt að þremur brautum
til viðbótar við þær tveir sem nú
eiga að hefjast. Þær em viðskipta-,
matvæla- og sjávarútvegsfræði.
Halldór sagði að skólinn tæki
líklega við á milli 20 og 30 nemend-
um fyrsta árið, en gæti tekið við
fleirum ef eftirspumin væri slík.
Nú þegar hafa sjö sótt um á iðn-
rekstrarbrautum, en engin formleg
umsókn hefur komið á hjúkrunar-
braut. Hinsvegar hefur fjöldi fyrir-
spuma borist. Skólinn verður til
húsa í gamla Iðnskólanum þar sem
Verkmenntaskólinn hefur verið með
sína starfsemi undanfaríð. Verið er
að byggja nýtt húsnæði undir Verk-
menntaskólann og standa vonir til
að hægt verði að flytja hann endan-
lega eftir tvö til þijú ár.
Ráðherra sagði að ekki væri búið
að tryggja háskólanum fasta tekju-
stofna, en sagðist binda miklar
vonir við hið nýja skyndihappdrætti
HÍ, Happaþrennuna, sem virtist
ætla að skila 90 milljónum króna í
lok ársins. „Þrátt fyrir óánægju-
raddir, kvíði ég ekki framhaldinu
úr því við emm komnir þetta vel á
veg. Ég trúi því ekki að ráðherrar
menntamála í framtíðinni leggi
þessum málafíokki ekki lið. Annars
held ég að fljótt muni kynda und-
ir,“ sagði Sverrir.
Tilbúnar í pottinn - eða á grillið. Verðið hefur .
aldrei verið betra og bragðið ... mmmm ...
svíkur engan!
Nú fara fjallaferðir senn að
hefjast og sumar þeirra snúast
um stangveiði, svo sem ferðir á
Amarvatnsheiði. heiðarvegurinn
verður opnaður á föstudaginn og
hefst sala veiðileyfa í Húsafelli
klukkan 16.00 þann dag. Að sögn
Snorra Jóhannessonar á Auga-
stöðum í Reykholtsdal, sem er
veiðieftirlitsmaður Veiðifélags
Amarvatnsheiðar, er þó rétt að
benda mönnum á, að færð er enn
langt frá því að vera góð, neðri
hluti leiðarinnar er nokkuð góður
þótt enn sé bleyta víða, en er ofar
dregur fer færð versnandi og tals-
verður snjór er enn m.a. á sjálfum
veginum er nær dregur Amar-
vatni stóra og því ekki útséð um
hvort að veiðin getur hafist um-
rædda helgi á þeim slóðum.
Hvað varðar Amarvatnsheiði,
sagði Snorri í samtali í gær, að
blikur væru á lofti og sumarið nú
gæti allt eins orðið síðasta sumar-
ið sem seld væru veiðileyfí í
vötnunum þar fram frá. „Það er
umgengnin sem veldur þessu.
Sveitamennimir em alveg að gef-
ast upp á þessu, því með vaxandi
umferð og áhuga á svona ferðum
hefur umgengnin á heiðinni versn-
að illilega og er nú svo komið að
ekki verður lengur við unað. Er
nú skammt i að meirihluti sé fylgj-
andi því að loka vötnunum fyrir
stangveiði. Ég get tekið sem
dæmi, að ég gekk í fyrrahaust
rétt rúmlega kflómetra langan
spotta frá ósi Úlfsvatnsár og
svona að miðbiki Úlfsvatns.
Þræddi ströndina. Ég fyllti á ekki
lengri leið stóran svartan plast-
poka af sorpi af hvers kyns tagi
og var þó eftir sem áður af nógu
að taka," segir Snorri.
Nú hefur vegagerð verið aukin
á Amarvatnsheiði og fór umferð
vaxandi við þær breytingar sem
gerðar hafa verið, enda er leiðin
áleiðis fram eftir mun greiðfær-
ari. Snorri var spurður hvort
samband væri hér á milli: „Um-
ferðin jókst mikið, það er alveg
rétt og umgengnin fór versnandi,
en ég vil reyna að trúa því í
lengstu lög að fólk virði það sem
vel er gert. Það er alveg ljóst að
það er minnihluti sem skemmir
hér fyrir öllum §öldanum, þannig
er það ævinlega. Því miður er
stundum ekki hægt annað en láta
aðgerðir bitna á saklausu fólki
þótt það sé sárt. En eitthvað verð-
ur að gera, því eitt mslasumar til
viðbótar gæti riðið baggamun-
inn,“ segir' Snorri. Og bætir við:
„Ef að það gengur illa að skilja
hvers vegna sumt fólk gengur
svona um landið þá er rétt að það
fylgi með, að verstu umgengninni
á heiðinni fylgir undantekning-
arlítið drykkjuskapur og hann
allhrikalegur á köflum. Einhverra
hluta vegna sækir hópur manns
( að drekka sig útúrfulla og sóða
út í kring um sig við þær fmm-
stæðu aðstæður sem fólk býr við
þama á heiðinni. Þessi árátta
þessara fáu manna er nú langt
komin með að eyðileggja helsta
sumargaman miklu stærri hóps.
Ég er hræddur um að eina vonin
sé að eitthvað verði úr hugmynd-
um Rafns Hafnijörð um að þama
verði nokkurs konar fólkvangur
fyrir veiðimenn undir eftirliti.
Þeirri hugmynd fylgir aukin að-
staða fyrir fólk og betri samgöng-
ur. Það kostar að vísu mikla
peninga og nú þegar hefur miklu
verið til kostað. Það tekur líka
langan tíma, en að öðmm kosti
er ég hræddur um að veiðiparadís-
in á Amarvatnsheiði verði ekki í
boði á næstu árum.“
Smáfrétt úr Langá
Smáviðbótarfrétt frá Langá á
Mýmm. Miðsvæðin vom opnuð
eftir hádegi í fyrradag og fengust
þá strax tveir laxar, 8 og 10 pund,
auk þess sem veiðimenn misstu
þijá. Alls urðu þeir laxa varir á
sex veiðistöðum, sem er til marks
um skilyrðin, en áin er í blíðu
hásumarvatni og hlý. Þá gengur
laxinn greiðar og dreifír sér strax
í stað þess að halda til í hópum
á fáum stöðum í biðstöðu uns
skilyrði til að ganga lengra koma.
Frestað var að opna efsta svæðið,
en menn hafa séð lax alveg upp
að Sveðjufossi sem er þama á
svæði 2 (af 5).
Wm
Morgunblaðið/gg.
Ekki óalgeng sjón á Arnarvatnsheiði: Væn bleikja skondrar eftir
æti í vatnsskorpunni, en af þvi er nóg þarna á heiðum frammi.
Á ÞREMUR HÆÐUM -
MAGNAFSLÁTIUR!