Morgunblaðið - 07.07.1987, Blaðsíða 23
MORGUNBLAÐIÐ, ÞRIÐJUDAGUR 7. JÚLÍ 1987
Af Zorg
ogBetty
Kvikmyndir
Arnaldur Indriðason
Bláa Betty. Betty Blue: 37,2 le
Matin. Sýnd í Bíóhúsinu.
Sljörnugjöf: ☆ ☆ 1/2
Frönsk. Leikstjóri, handrits-
höfundur og framleiðandi:
Jean-Jacques Beineix. Kvik-
myndataka: Jean-Francois
Robin. Helstu hlutverk: Jean-
Hugues Anglade og Beatrice
Dalle.
Hér höfum við franskt kær-
ustupar fyrir níunda áratuginn.
Hann er Zorg (Jean-Hugues
Anglade), 35 ára, stefnu- og
áhyggjulaus vingull sem helst er
á því að láta hvem dag nægja
sína þjáningu og gerir ekki meiri
kröfur til lífsins en að það veiti
honum stúlku, húsaskjól og kaffí.
Hún er hin tvítuga Betty (Be-
atrice Dalle) og býr yfir andlegum
og líkamlegum krafti sem nægir
þeim báðum og oft meira en það.
Hún er sífellt að leita að ein-
hveiju í honum sem hún getur
dáðst að og á skilið taumlausa
ást hennar og hún finnur það í
bók sem hann hefur skrifað en
ekki haft hugrekki til að koma á
framfæri. Henni finnst hann ein-
hver mesti rithöfundur sem uppi
er. Honum finnst hann ekki vera
neitt sérstakt. Tröllatrú hennar á
eftir að vekja hann til lífsins en
bara aðeins of seint fyrir Betty.
Ef það er einhver sem hjálpar
til við að lyfta þessari nýjustu
mynd Jean-Jacques Beineix,
Betty Blue, sem sýnd er í hinu
menningarbylta Bíóhúsi, upp yfír
hinn gullsveipaða franska ofurró-
mans, þá er það Beatrice Dalle í
hlutverki Betty. Hin kleyfhuga
stelpa, sem getur hrifist eins og
krakki en lagst í ofsafengið þung-
lyndi þegar eitthvað bjátar á,
verður ljóslifandi í meðförum
hennar og persóna sem er jafn
óþægileg og hún getur verið heill-
andi. Jean-Hughes Anglade er
líka ágætur í hlutverki Zorg sem
hljóður, indæll og ástsjúkur fylgir
Betty á vit örlaganna.
Þeir sem á annað borð hafa séð
myndir Beineix (Diva), sem er
Jean-Hughes Anglade og Be-
atrice Dalle í hlutverkum sinum
í Bláu Betty.
einn af athyglisverðustu leikstjór-
um Frakklands, vita kannski á
hveiju þeir eiga von í Bíóhúsinu;
stíl sem heldur manni við efnið
jafnvel þegar efnið er lítið annað
en stíllinn. Betty Blue er ofurró-
mantísk í silkimjúku gulbrúnu
ljósi ástarinnar og hryssingsleg í
köldu svartnætti geðsýkinnar.
Rúmsenurnar fela ekkert og aðal-
persónurnar ganga næstum
jafnmikið um naktar og í fötum.
Það mátti líka búast við því af
hinum kaldhæðnislega Beineix,
sem hefur gott auga fyrir hinu
kómíska, að mestu grínstundimar
verða til af láti og jarðarför móð-
ur einnar persónunnar í einni af
hliðarsögum myndarinnar.
Sagan er alltaf efnileg og at-
hyglisverð og yfirleitt sögð í
mestu makindum. Þau Zorg og
Betty þvælast úr einum stað í
annan og við kynnumst vinum
þeirra í stuttan tíma en það er
ekki laust við að maður fari að
bíða eftir því að sagan taki á sig
rögg og verði eitthvað þegar hún
endar á skyndilegan, óvæntan og
hrottalegan hátt og kemur manni
algerlega í opna skjöldu.
Maður hefur orðið var við ótta
fólks við að enskt tal sé kannski
sett inn á myndina eða að hún
sé ótextuð. Myndin er á frönsku
og með íslenskum texta.
„Tangarsókn gegn vímu“ á
vegum Krýsuvíkursamtakanna:
Ekið og hjólað í
kringum landið
„TANGARSÓKN gegn vímu“
heitir söfnunar- og áróðursher-
ferð, sem Krýsuvíkursamtökin
standa fyrir nú í júlí. Annars
vegar ætlar hópur unglinga úr
félagsmiðstöðvunum Frosta-
skjóli og Þróttheimum að hjóla
umhverfis landið í fylgd rútubils
og nokkurra leiðbeinenda en hins
vegar munu félagar úr Forn-
bilaldúbbi íslands aka hringinn
á bilum sinum.
Unglingamir hjóla suður fyrir en
Fornbílaklúbburinn ekur norður
um. Hóparnir munu svo hittast á
Egilsstöðum 14. júlí og þar verður
einhver uppákoma áður en haldið
verður áfram. Síðan fer hjólreiða-
fólkið norður fyrir og um Vestfirði
og þaðan til Reykjavíkur en forn-
bílamenn aka suðurleiðina.
Lagt verður af stað frá Krýsuvík-
urskóla 7. júlí kl. 13.00 þegar
unglingamir hjóla út fyrir Reykja-
nes. Kl. 9.00 morguninn eftir leggja
hópamir svo af stað frá bensínstöð-
inni á Ártúnshöfða — unglingamir
suður — fornbílamenn norður. Þar
hefst tangarsóknin.
í för með Fombílaklúbbnum
verður Takk-dúettinn, en það em
þau hjónin Halldór Lámsson og
Ámý Jóhannsdóttir. Þau hafa ný-
lega gefíð Krýsuvíkursamtökunum
sölurétt á plötu sem þau gáfu út
og heitir„Mirrored Image". Platan
verður til sölu á vegum beggja hóp-
anna og snælda með sama efni mun
fást á bensínstöðvum urh land að
tangarsókn lokinni.
Ymsir aðilar styrkja þetta fram-
tak. Kaupfélög um land allt munu
gefa unglingunum og fylgdarliði
þeirra mat á leiðinni. Heimilistæki
hf. lána síma í bílinn sem fylgir
þeim og Fálkinn leggur til reiðhjól.
Henson gefur þeim íþróttagalla
áamt stutbuxum og bol og Skelj-
ungsbúðin útvegar eldunaráhöld.
Þá munu ESSO-stöðvarnar gefa
eldsneyti á fombílana.
Rás 2 mun fylgjast með ferðalag-
inu og láta hlustendur vita hvað
ferðalöngunum líður, einkum í
þættinum Milli mála sem er á dag-
skrá alla virka daga frá kl. 12.45.
REYKJAVÍK AKUREYRI NJARÐVÍK
Póstverslun: Simi 91-30980