Morgunblaðið - 15.07.1987, Side 16
16
MORGUNBLAÐIÐ, MIÐVIKUDAGUR 15. JÚLÍ 1987
Háskólanám í sjávarútvegs-
fræðum, líka fyrir stelpur!
Johan Ruud-rannsóknarskip háskólans.
Háskólanám
Sjávarútvegsháskólinn í Tromsö í
norður-Noregi býður upp á 5 ára
nám í sjávarútvegsfræðum. Tals-
verður hluti stúdentanna kemur frá
öðrum norðurlöndum en Noregi.
Þar af eru íslendingar fjölmennast-
ir. Hlutfallið af stelpum fer stækk-
andi. í ár eru stelpur frá Noregi,
Færeyjum, Danmörku og Grænl-
andi við nám við sjávarútvegs-
fræðadeildina. En hvar eru þær
íslensku?
Námið hentar íslendingum vel.
Að námi loknu eru sjávarútvegs-
fræðingamir öruggir með góða
atvinnu. Námið gefur mjög fjöl-
breytta möguleika með tilliti til
atvinnu og launin eru góð. Enn sem
komið er eru flestir stúdentanna
karlkyns. Námið hentar þó jafn vel
fyrir stelpur.
Sjávarútvegsháskólinn
Hinn norski Sjávarútvegsháskóli
(Norges Fiskerihögskole) er dreifð-
ur á fleiri staði. Hann hefur deildir
í Þrándheimi, Björgvin og Tromsö.
Námið í sjávarútvegsfræðum fer
þó eingöngu fram við háskólann í
Tromsö.
Sjávarútvegsfræðadeildin (Sjáv-
arútvegsháskólinn) er vel í stakk
búinn til að taka að sér talsverðan
hluta af því mikla átaki í menntun,
rannsóknum og J>róun sem atvinnu-
lífíð þarfnast. I fyrsta lagi gefur
landfræðileg lega Tromsö góða að-
stöðu fyrir skólann, með tilliti til
menntunnar og fræðslu innan sjáv-
arútvegs- og fískeldis. Strandir og
fírðir norður-Noregs, Barentshafíð,
Noregshaf og íshafið búa yfír mikl-
um líffræðilegum auðlindum. Aflinn
er einnig stór á heimsmælikvarða.
í öðru lagi „blása hinir pólitísku
vindar úr hagstæðri átt“. Sjávarút-
vegsháskólinn og háskólinn í
Tromsö hafa þegar fengið opinbera
viðurkenningu sem þungamiðja fyr-
ir menntun og rannsóknir innan
sjávarútvegsins. Nýting hafsins er
eitt af þeim atriðum sem norska
Stórþingið leggur mikla áherslu á.
Stór hluti þessarar velviidar sem
nú beinist að þessari atvinnugrein
mun því væntanlega koma Tromsö
til góða. Sjávarútvegsháskólinn
hefur þegar fengið um 400 milljóna
króna fjárveitingu til byggingar á
rannsóknarstöð fyrir fískeldi. Einn-
ig er að hefjast um þessar mundir
undirbúningur að byggingu nýrrar
byggingar, framtíðarhúsnæði fyrir
Sjávarútvegsháskólann á lóð há-
skólans í Tromsö.
Námið og möguleikar
til sérhæfingar
Lágmarkskröfumar fyrir inntöku
í skólann eru 12 mánaða starfs-
reynsla í sjávarútvegi (bát, físk-
vinnslu eða fiskirækt), af þessum
12 mánuðum verða 9 að vera sam-
hangandi. Að öðru leyti gilda
venjulegar reglur um inntöku í há-
skóla, menntaskóli, fjölbraut eða
tilsvarandi (Dæmi eru um nema úr
Fiskvinnsluskólanum).
Námið er byggt upp á mörgum
greinum. Grunnstig námsins 3V2-4
ár er samansett af grunnáföngum
í stærðfræði, tölfræði, efnafræði og
tölvunarfræði ásamt stærri áföng-
um í:
1. Fiskalíffræði/fískifræði/físki-
rækt
2. Næringaefnafræði
3. Stjórnun, skipulag og styring/
lögfræði
4. Skipa- og framleiðslutækni.
5. Hagfræði og markaðsfærsla.
Síðasta 1 >/2árið er síðan sér-
hæfíng í einu eða fleirum af þessum
fögum þar sem skrifuð er lokarit-
gerð.
Kennslan fer fram í formi fyrir-
lestra, rannsóknarferða (meðal
annars með skólaskipinu Johan
Ruud), fyrirtækjaheimsókna, bæði
innan lands og utan (t.d. Skotland,
Færeyjar, Japan), ásamt samvinnu
með áfangaritgerðum sem skrifað-
ar eru í hveiju aðalfagi. Boðið er
upp á tvær námsleiðir í náminu,
almenna-leið með meiri áherslu á
líffræði og tæknifræði og hag-
fræði/stjómunarleið með áherslu á
hagfræði og stjómun.
Arlega eru innritaðir 35 stúdent-
ar og námið hefst að hausti.
Samkvæmt reglum frá 1986 skulu
minnst 40% af innrituðum stúdent-
um vera kvenkyns. Þetta þýðir að
þar sem þú ert stelpa og uppfyllir
lágmarkskröfumar, þá er nærri
öruggt að þú komist inn. Núna em
yfír 30 stelpur við nám, en sem-
sagt, engin frá íslandi
Atvinnumöguleikar
Samtals hafa um 110 sjávarút-
vegsfræðingar lokið námi á ámnum
1977 til 1986. Vinnumarkaðurinn
hefur tekið vel á móti mönnum að
námi loknu, margir hafa gert samn-
ing um góð störf áður en náminu
var lokið. Þeir fyrstu sem luku námi
í sjávarútvegsfræðum hófu flestir
störf hjá hinu opinbera. Hin síðustu
ár hafa rannsóknarstofnanir, físk-
iðnaðurinn og samtök í sjávarútveg-
inum dregið til sín æ fleiri af þeim.
Það er kannski sérstaklega áhuga-
vert hvað margir hafa farið í
fískeldi. Dreifing sjávarútvegsfræð-
inganna á starfsvettvang var vorið
1987:
Iðnaður og einkarekstur 50%
Opinber stjómsýsla 27%
Rannsóknirogþróun 17%
Samtök í sjávarútvegi 6%
Alls em útskrifaðir 12 íslenskir
sjávarútvegsfræðingar, flestir em
við störf á íslandi en fáeinir em
(ennþá?) í Noregi. Hin síðustu ár
hafa að jafnaði verið fjórir til sex
íslendingar í hvetjum árgangi.
Alþjóðlegnr skóli
Námið í sjávarútvegsfræðum er
opið fyrir aðrar þjóðir en Norð-
menn, margir stúdentanna koma
frá öðmm löndum eins og Dan-
mörku, Finnlandi, Nígeríu, Sri
Lanka og Tyrklandi.
Bærinn Tromsö
Tromsö er „höfuðborg" norður-
Noregs og eini háskólabær lands-
hlutans. íbúafjöldinn er ca. 48.000.
Bærinn er miðpunktur landshlutans
og mikill skólabær, með sjómanna-
skóla kennaraháskóla, hjúkmna-
rskóla, tónlistarskóla og fleiri
íjölbrautar- og menntaskólum. Há-
skólinn er heldur minni en gengur
og gerist, með ca. 2.400 stúdentum.
Stúdentalífið í Tromsö býður upp á
mikla möguleika. Nefna má „Stud-
enthuset", veitingastað stúden-
tanna, Stúdentafélagið með
stjómmálafundum, Stúdentablaðið,
Stúdentaútvarpið, íþróttafélag
stúdenta (fótbolti, handbolti, blak,
júdó, körfubolti, karate, sjálfsvöm
fyrir kvenmenn, fallhlífarstökk,
köfun, aikido.), Félag erlendra stúd-
enta ofl... Ár hvert er haldin
„stúdentavika" í bænum, með revíu,
tónieikum, stjómmálafundum, feij-
utúmm og annari útivem. Bærinn
á sitt eigið íslendingafélag,
„Hrafnaflóka" með um 70 meðlim-
um. Haldnar em haust- og vorsam-
komur ásamt hinu árlega þorra-
blóti. Hrafnaflóki býður einnig
aðstoð sína til þeirra sem koma
nýir á haustin.
Tromsö liggur landfræðilega vel
með tilliti til útiveru hverskonar
jafnt að sumri sem vetri. Skíðaað-
staða er góð bæði fyrir göngu og'
alpagreinar
Aðrar upplýsingar
Umsókn:
Umsókn um skólann skal inni-
halda prófskírteini frá skólum og
vottorð um alla starfsreynslu (ekki
bara frá sjávarútvegi!). Umsókna-
reyðublaðinu fylgir sérstakt eyðu-
blað fyrir starfsreynslu úr
sjávarútvegi. Sérstaklega verður að
gæta þess að 9 mánuðir af 12 séu
samhangandi.
Umsóknarfresturinn er til 1.
apríl.
Umsóknareyðublöð fást hjá:
Institutt for Fiskerifag, Postboks
3083 Guleng, N-9000 Tromsö,
Norge
Stúdentagarðar og barnaheimili:
í Tromsö em stúdentagarðar og
bamaheimili fyrir háskólanema.
Sökum mikillar eftirspumar er mik-
ilvægt að sækja tímanlega um.
Greinin er samin af Marit Larsen
og Berit Anna Hanssen og þýdd
af Gunnari Da viðssyni. Þau eru
nemarísjávarútvegsfræðum við
háskólann í Tromsö. Myndir tók
Gunnar Daviðsson.
Berit Hanssen (t.v.) og Marit Larsen (t.h.), höfund- Rannsóknarstöð háskólans I Blámannsvík, rétt hjá Tromsö. Húsið lengst tU vinstri á
ar greinannnar. myndinni. Til stendur að stækka stöð þessa, einnig verður byggð ný stöð á öðrum stað.
Bygging Sjávarútvegsfræðadeildarinnar við háskólann í Tromsö.
Byggingarsvæði háskólans í Tromsö, hér mun hin nýja bygging Sjávarútvegsháskól-
ans risa.