Morgunblaðið - 15.07.1987, Blaðsíða 31

MORGUNBLAÐIÐ, MIÐVIKUDAGUR 15. JÚLÍ 1987
31
„Fljúgandi virki" á
Reykjavíkurflugvelli
FLJUGANDI virki, Boeing
B-17G, kom til landsins í gær frá
Prestvík í Skotlandi. Að sögn
Jeffrey L. Ethell blaðafulltrúa í
f ör vélarinnar er hún ein af örf á-
um sem . eftir eru af þessari
tegund í heiminum af um 12.700
sem framleiddar voru á árum
síðari heimsstyrjaldar. Héðan
flýgur vélin til Bandaríkjanna
með millilendingu í Grænlandi
og Kanada. Er henni ætlaður
staður í Lone Star flugsafninu í
Houston í Texas.
Samkvæmt upplýsingum blaða-
fulltrúans var flugvél þessi gerð upp
að fyrirmynd annarrar slíkrar sem
fræg er meðal áhugamanna og köll-
uð var Thunder Bird. Sú hafí farið
127 árásarferðir frá Englandi í
seinni heimsstyrjöld og alltaf skilað
áhöfninni heilli heim þrátt fyrir að
hún yrði margsinnis fyrir skoti.
Blaðafulltrúinn sagði flugvél þá
sem hingað kom hafa verið mikið
á flugsýningum í Evrópu undanfar-
in ár, en þar áður hafi hún verið
lengi í þjónustu frönsku landmæl-
inganna.
I för með vélinni er Gene nokkur
Girman sem var loftskeytamaður á
fyrirmyndinni Thunder Bird. Segist
hann hafa flogið með henni síðustu
ferðirnar áður en vélinni var lagt
vegna slits og skemmda. Áhöfnin
hafi fengið nýja vél, en í þriðju
sprengjuferð hennar hafí hún verið
skotin niður yfir Merseberg í Þýska-
landi í ágúst 1944. Loftvarnarskot
hafi hæft fullt sprengjuhólf vélar-
innar og hafi hún sprungið í tvo
hluta. Klefi loftskeytamanns hafi
verið næst aftan við sprengjuhólfíð
og segist Girman hafa þeyst út úr
vélinni við sprenginguna og missti
meðvitund. Hann hafi samt raknað
tímanlega úr rotinu og tekist að
opna fallhlíf sína og svífa til jarð-
ar. Hafi hann verið tekinn til fanga
og eytt því sem eftir lifði af stríðinu
fangabúðum Þjóðverja, en aðeins
einn annar af áhöfninni hafi lifað af.
Vélin lagði af stað áleiðis til
Grænlands um hádegisbilið í gær.
„fljúgandi virki," Boeing B-17G, hefur sig til flugs á Reykjavíkurflugvelli í gær
Morgunblaðið/Árni Sæberg
Horft inn í flugstjórnarklefa virkisins. Eins og sjá má er hann eilítið öðruvisi en flugstjórnarklefar í
Boeing-flugvélum nútimans.
Eyrarbakki
13 oddvitar á 90 árum
Selfossi.
ÞRETTÁN menn hafa gegnt
starfi oddvita í Eyrarbakka-
hreppi í 90 ára sögu hans. Sá sem
lengst hefur gegnt þessu starfi
í þágu sveitarf élagsins er Vigfús
Jónsson, sem var oddviti 1946 til
1970, í 24 ár. í fréttagrein um
90 ára afmæli hreppsins féll nið-
ur nafn Vigfúsar í upptalningu
á oddvitum Eyrarbakkahrepps
og eru hlutaðeigendur beðnir
velvirðingar á því.
Sá sem fyrstur gegndi starfi odd-
vita eftir stofnun hreppsins var Jón
Pálsson, 1897-1898. Þá tók við
Pétur Guðmundsson, 1898-1903,
Guðmundur ísleifsson var oddviti
1903-1906, Guðmundur Jónsson
tók við og var oddviti í 16 ár,
1906-1922, Bjarni Eggertsson,
1922-1925, Jón Einarsson,
1925-1928, þá Magnús Oddsson,
1928-1931, því næst Sigurður
Kristjánsson í 11 ár, 1931-1942,
og Olafur Helgason, 1942-1946.
Vigfús Jónsson tekur við 1946 og
er oddviti í 24 ár til ársins 1970,
þegar Óskar Magnússon tekur við,
1970-1978, þar á eftir Kjartan
Guðjónsson, 1978-1982, og núver-
andi oddviti, Magnús Karel
Hannesson, hefur sinnt því starfi
frá 1982.
— Sig. Jóns.
_ Áhöfn vélarinnar í þessari ferð yfir Atlantshafið.
Hjartans þakkir til ykkar allra, sem munduö eftir mér á sextugsafmœli minu 15. júni síöast-liöinn.
Drottinn blessi ykkur.
¦ SigriÖur Skarphéöinsdóttir frá Eyri.
Hugheilar hjartans þakkir til allra þeirra, er
glöddu mig á nírœðisafmæli, mínu meÖ heim-
sóknum, gjöfum, kveðjum og símskeytum og
geröu mér daginn ögleymanlegan.
GuÖ blessi ykkur öll og varðveiti.
Guðlaug Ólafsdóttir,
Hjarðarholti 8,
Akranesi.