Morgunblaðið - 05.09.1987, Blaðsíða 5

MORGUNBLAÐIÐ, LAUGARDAGUR 5. SEPTEMBER 1987
5
Iðnþróunarstofnun Norðurlanda:
Leitað til fleiri aðila varðandi
tæknivæðingu í fyrstihúsunum
Morgunblaðið/Bjami
Sex af sjö stjórnarmönnum Iðnþróunarstofnunar Norðurlanda á fundi með fréttamönnum á Hótel Sögu,
að loknum stjórnarfundinum á fimmtudag.
STJÓRNARFUNDI í Iðnþró-
unarstofnun Norðurlanda,
þeim fyrsta sem haldin er
hér á landi, lauk á Hótel
Sögu __ síðastliðinn fimmtu-
dag. Á fundinum var meðal
annars rætt um framhald á
íslandsverkefni stofnunar-
innar, sem er að þróa nýja
framleiðslutækni og nýtt
framleiðsluskipulag í frysti-
húsum. Erlendur Einarsson,
fulltrúi íslands í stjórninni,
sagði að loknum stjórnar-
fundinum að ákveðið hefði
verið að halda þessu mikil-
væga starfi áfram, meðal
annars með þvi að leita til
fleiri aðila á sviði nútíma
tæknivæðingar varðandi
nánari útfærslu á þessu
verkefni.
Erlendur sagði að ástæðan fyrir
því að þetta verkefni varð fyrir
valinu hafi verið að frystiiðnaður-
inn hefði orðið útundan í tækni-
byltingunni, sem meðal annars
hefði leitt til þess að sífellt hefur
orðið erfiðara að manna frystihús-
in auk þess sem launakjör og
starfsumhverfi í frystihúsum hefur
ekki uppfyllt kröfur tímans. Fyrsta
skrefið var því að gera forkönnun
á stöðunni í íslenskum frystiiðnaði
sjávarafurða. Að þeirri úttekt unnu
fúlltrúi frá Volvo í Gautaborg, sem
hefur reynslu í nútíma tæknivæð-
ingu og fulltrúi frá Vinnurann-
sóknarstofnunni í Osló. Samstarf
um þetta verkefni hefur verið við
Sjávarafurðadeild Sambandsins og
er nú ráðgert að bjóða öðrum aðil-
um í íslenskum frystiiðnaði þáttöku
í þessu verkefni.
A stjómarfundinum í Reykjavík
var ennfremur rætt um væntan-
lega Upplýsingatæknistofnun
Norðurlanda, en í tillögum Gyllen-
hammemefndarinnar var gerð
tillaga um að koma á fót slíkri
stofnun til þess að styrkja stöðu
Norðurlanda í menntun á upplýsin-
gatækni.
Stjóm Iðnþróunarstofnunar
Norðurlanda skipa nú Ulf Sund-
qvist, bankastjóri í Helsingsfors,
sem er formaður, Erlendur Einars-
son fyrmrn forstjóri, Per Hedwall
forstjóri Vesterás. Sune Áhlén frá
Samtökum norrænu launþega-
hreyfinganna, Henrik Baasch,
framkvæmdastjóri Kaupmanna-
höfn, Káre Moe, forstjóri Osló og
Fridtjov Clement ritari Norrænu
ráðherranefndarinnar, sem er
áheymarfulltrúi. Daglega stjóm
annast Lars Buer í Osló.
Einkareikningur Landsbankans
er tékkareikningur með háum
vöxtum, sem gefur kost á heimild
til yfirdráttar og láni, auk margvís-
legrar greiðsluþjónustu.
Einkareikningur er framtíðarreikningur.
Einkareikningur er nýr reikningur sem kemur til móts við
þær kröfur sem viðskiptahættir nútímans gera um arðsemi
og sveigjanleika.
Vextir eru reiknaðir daglega og eru miklu hærri en áður
hafa þekkst, sem þannig sparar þér snúninga við að færa á
milli tékkareikninga og sparisjóðsbóka til að fá hærri vexti.
Þeir fara ekki stighækkandi eftir upphæðum heldur eru
jafnháir af öllum innstæðum.
Þú getur sótt um allt að 30.000 króna yfirdráttarheimild til
að mæta tímabundinni aukafjárþörf og möguleiki er á allt að
150.000 króna láni til allt að tveggja ára í tengslum við
Einkareikninginn.
Reikningnum fylgir bankakort sem hægt er að nota í
tvennum tilgangi, sem ábyrgðarkort í tékkaviðskiptum og
sem aðgangskort að hraðbönkum. Bankakortið gerir 16-17
ára unglingum kleift að stofna Einkareikning. Þeir nota
bankakortið í stað tékkheftis þar til þeir hafa náð aldri til að
mega nota tékkhefti.
Einkareikningur er þess virði að kynna sér hann betur.
Snúðu þér til næsta afgreiðslustaðar Landsbankans og fáðu
nánari upplýsingar.
Einkareikningur er framtíðarreikningur.
Landsbanki
íslands
Banki allra landsmanna