Morgunblaðið - 05.09.1987, Blaðsíða 36
MORGUNBLAÐIÐ, LAUGARDAGUR 5. SEPTEMBER 1987
36
Tveir
árekstrar
í gær
TVEIR allharðir árekstrar
urðu á Akureyri í gær.
Sá fyrri varð er tveir bílar
rákust saman á gatnamótum
Skarðshliðar og Smárahlíðar
snemma að morgni. Ökumað-
ur annarrar bifreiðarinnar
var fluttur á sjúkrahús en
meiðsli hans voru ekki talin
alvarleg.
Þá rákust tvær bifreiðar sam-
an á mótum Drottningarvegar
og Leiruvegar um sexleytið og
voru ökumaður og farþegi í ann-
arri bifreiðinni fluttir á sjúkra-
hús. Að sögn lögreglunnar voru
þeir ekki taldir alvarlega slasað-
ir.
Fer ekki
troðnar slóðir
— segir Páll Jóhannesson söngvari
um væntanlega plötu sína
PÁLL Jóhannesson tenórsöngvari gefur á næstunni út hljóm-
plötu þar sem hann syngur verk innlendra og erlendra höfunda.
Hann fer á næstu mánuðum til Vestur-Þýskalands og hyggst
þar koma sér á framfæri i þvi skyni að starfa á erlendri grund.
„Ég fer ekki troðnar slóðir á
þessari nýju plötu," sagði Páll í
samtali við blaðamann. „Ég hef
valið mér ákaflega falleg lög, ekki
eingöngu það sem kalla mætti
„gamlar lummur", og þau lög sem
nokkuð hafa heyrst áður hafa
ekki verið á efnisskrá tenóra."
Páll sagði að á plötunni væru
lög eftir íslensk tónskáld og að
auki nokkur kunn ftölsk sönglög,
en þar í landi hefur hann stundað
söngnám. í tveimur laganna syng-
ur hann með Karlakór Akureyrar
og Geysi, en undirleikari er Ólafur
Vignir Albertsson.
Þetta er önnur einkaplata Páls,
hin fyrri kom út 1984. „Mér þótti
hún mjög góð hvað allan flutning
varðaði, en vinnsla hennar tókst
ekki nógu vel. Nýja platan er að
öllu leyti mjög vönduð. Hún er
tekin upp í Hlégarði í Mosfells-
sveit og Halldór Víkingsson sá
um upptökumar með svokallaðri
stafrænni tækni. Platan er síðan
að öllu öðru leyti unnin hjá þekktu
fyrirtæki í Þýskalandi. Þetta er
Páll Jóhannesson söngvari
mjög áhugaverð plata, þótt ég
segi sjálfur frá.“
Páll gefur plötuna út sjálfur og
kvaðst álíta það heppilegan kost.
Hann sagðist ekki óttast að platan
seldist ekki fyrir kostnaði, hann
ætti nógu stóran hóp aðdáenda
til að endar næðu saman. Á næst-
unni kvaðst hann mundu kenna
söng við Tónlistarskólann á Akur-
eyri og jafnframt æfa ásamt
pfanóleikara þýska ljóðasöngva,
meðal annars flokkinn Malara-
Morgunblaðið/svpáll
stúlkuna fogru. í kjölfar útkomu
plötunnar yrðu síðan tónleikar í
haust í Reykjavík og ef til vill
víðar, en leiðin lægi síðar á fund
umboðsmanna í Þýskalandi.
„Ég fór í sumar til ítalfu í eins.
konar endurþjálfun. Þetta var í
Monticelli, rétt hjá Mílanó, á þeim
slóðum sem Verdi fæddist. Þjálf-
arinn minn var mjög ánægður
með mig, sagði að raddir eins og
mfn væru sárafáar nú á dögum,
svo ég er bjartsýnn."
Akureyri
óskar eftir fólki á öllum aldri til að
bera út Morgunblaðið strax og það
kemur íbæinn.
„Hressandi morgunganga“
Hafið samband!
fMtogtmliIfifrifr
Hafnarstræti 85, Akureyri,
sími 23905.
Háskólinn
á Akureyri
verður settur í Akureyrarkirkju laugardag-
inn 5. september 1987 kl. 14.00
Dagskrá:
Ávörp: Haraldur Bessason, forstöðu-
maður háskólakennslu á Akureyri, Birgir
ísleifur Gunnarsson, menntamálaráð-
herra, Sverrir Hermannsson, fyrrverandi
menntamálaráðherra, Ingvar Gíslason,
fyrrverandi menntamálaráðherra, Halldór
Blöndal, formaður háskólanefndar, Gunn-
arRagnars, forseti bæjarstjórnar, Stefán
G. Jónsson, námsbrautarstjóri í iðnrekstr-
arfræðum, Margrét Tómasdóttir, náms-
brautarstjóri íhjúkrunarfræðum.
Skólinn settur:Haraldur Bessason, forstöðu-
maður háskólakennslu á Akureyri.
Háskólinn á Akureyri
Ibúar við Sunnuhlíð:
Vilja ekki dagvist-
arheimili 1 götuna
DAGVISTARMÁL í Glerárhverfi á Akureyri hafa verið í brenni-
depli að undanförnu. Til greina kom að tekið yrði á leigu húsnæði
fyrir dagvist i kjallara Glerárkirkju, en samningar tókust ekki.
Félagsmálastofnun leitast nú við að eignast einbýlishús í Glerár-
hverfi og nota það fyrir dagvist.
í gærkvöldi var boðað til fundar
með íbúum Sunnuhlíðar, en við
þá götu stendur húsið sem Félags-
málastofnun hefur augastað á.
Tilefni fundarins var að skipulags-
nefnd bæjarins kannaði hug
íbúanna til þess að íbúðarhúsi
þessu yrði breytt í dagvist. Að
sögn Jóns Bjömssonar hjá Félags-
málastofnun Akureyrarbæjar
mættu um 20 manns á fundinn
og sýndist sitt hveijum. Flestir
voru því andvígir að húsinu yrði
breytt, sumir vegna þess að það
ylli mikilli umferð, aðrir vegna
þess að af þessu hlytist hávaði og
enn aðrir töldu breytinguna rýra
verð fasteigna í nágrenninu. Þær
raddir heyrðust einnig að það
væri kostur að koma upp dagvist
við Sunnuhlíð og mætti telja til
hlunninda að hafa slíka stofnun í
nágrenni við sig.
Jón Bjömsson kvað þörf fyrir
dagvist á þessum slóðum ákaflega
brýna. Þama væri bamflesta
hverfí bæjarins, enda mest byggt
þar á undanfömum ámm. Með því
átaki sem nú væri reynt að gera
yrði unnt að sinna að nokkru þörf
fyrir dagvist bama á aldrinum
tveggja til sex ára, en í húsinu
við Sunnuhlíð yrði unnt að vista
því sem næst 25 böm. Hann sagði
að eldri og yngri böm en þau sem
í þessum aldurshópi væru þörfnuð-
ust einnig vistar. Miklu breytti
fyrir hin eldri að á þessu hausti
yrði tekin upp skólagæsla við alla
grunnskólana. Dagvistarþörf fyrir
yngri böm en tveggja ára væri
þó nokkur, en ekki eins mikil.
Jón var spurður hvort einkaaðil-
ar hefðu gripið til aðgerða í
dagvistarmálum þar sem aðstaða
á vegum Félagsmálastofnunar
hrykki ekki til. Hann kvað vera
til dæmi þess. Meðal annars
myndu hvítasunnumenn koma á
dagvist nú í næsta mánuði, þá
hefðu samtök foreldra sem vantaði
dagvist komið á fót heimilinu
Krógabóli og ennfremur væru á
vegum Fjórðungssjúkrahússins
bæði skóladagheimili og bama-
heimilið Stekkur og hefði svo verið
í nokkur ár.
Sunnuhlíðarmálið er nú í hönd-
um skipulagsnefndar.
Hjálparsveit skáta Akureyri:
Yfírlýsing vegna slyss-
ins við Ráðhústorg
MORGUNBLAÐINU hefur boríst eftirfarandi yfirlýsing frá
Hjálparsveit skáta á Akureyrí vegna slyssins sem varð við
Ráðhústorg 29. ágúst síðastliðinn:
Þann 29.8. varð það hörmu-
lega slys, þegar nokkrir félagar
sveitarinnar voru að síga á hús-
vegg í sýningarskyni, að einn
félagi okkar hrapaði niður og
slasaðist þegar lína sem notuð
var slitnaði.
Línan sem notuð var hefur
ekki viðurkenndan staðal sem
klifurlína. En hún hefur nú verið
togþolsprófuð hjá Iðntæknistofn-
un Islands. Samkvæmt heimild-
um frá stofnuninni slitnaði línan
við 8.4 kgNt (sem er ca. 800
kg). Umrædd lína hefur margoft
verið notuð við sig á æfíngum.
Rekja má orsakir slyssins til
þess að línan skarst í sundur á
veggbrún, skömmu eftir að sig-
maður lagði af stað niður. Þau
mistök urðu við undirbúning að
láðst hafði að láta teppi á vegg-
brúnina undir línuna. Telja má
fullvíst að þetta sé höfuðorsök
slyssins. Tilviljun ein réð því
hver notaði hveija línu.
Þar sem æfíngar og störf
þeirra er starfa í Hjálparsveit
skáta á Akureyri em oft unnin
við erfíð og hættuleg skilyrði
hefur áva'.lt verið reynt að hafa
tryggingamál í sem bestu lagi.
Hjálparsveit skáta á Akureyri
mun ganga ríkt eftir því að fé-
lagi okkar fái allar þær bætur
sem hægt er. Að öðru leyti mun
Hjálparsveitin veita alla þá að-
stoð sem hún getur.
Slys þetta hlýtur óhjákvæmi-
lega að krefjast vandlegrar
endurskoðunar á öryggismálum
í starfí sveitarinnar. Bæði hvað
varðar útbúnað, þjálfun og ör-
yggisreglur á vettvangi.
Stjóm Hjálparsveitar skáta
Akureyri lýsir yfír fullri ábyrgð
sinni á þessu hörmulega slysi.
F.h. Hjálparsveitar skáta
Akureyri, Smári Sigurðs-
son.