Morgunblaðið - 13.09.1987, Qupperneq 9

MORGUNBLAÐIÐ, SUNNUDAGUR 13. SEPTEMBER 1987
9
HUGVEKJA
METNAÐUR
eftir séra Halldór Gunnarsson
13. sd. e. Trin.
Mt. 20; 20.-28.
Það rru margskonar öfl sem
með okkur hrærast, eru innra með
okkur og koma fram í skapgerð
okkar við mismunandi tækifæri.
Við þekkjum hvernig reiðin við
minnsta tilefni brýst fram og
krefst útrásar, hvernig gleðin
kemur og léttir, hvernig sorgin
yfirþyrmir og þyngir, hvemig eig-
ingimin gætir sinna hagsmuna,
hvemig eins og hjartað getur opn-
ast fyrir áhrif kærleikans, hvemig
ástin allt í einu kemur og ræður
og hvernig metnaðurinn blundar
og getur kynt undir.
Svo sannarlega eru þessi öfl
fyrir hendi í lífi hvers einasta ein-
staklings og reyndar eru þau
miklu fleiri og margbrotnari. Þau
em í persónu okkar og skipta allt-
af sköpum gagnvart stundinni
sem er að líða hjá. Við erum í
rauninni alla ævina ýmist að glíma
við þessi öfl eða að reyna að hlúa
að þeim, meðvitað og ómeðvitað.
Nálgumst eitt þessara afla,
metnaðinn. Hversu oft kemur
hann ekki fram og er aflvaki þess
sem gert er og getur þannig orð-
ið til góðs. Hins vegar getur þessi
sami metnaður svo auðveldlega
gengið aðeins lengra og orðið afl-
gjafi leyndra óska sem þola ekki
dagsljósið. Þá er lagt á ráð, króka-
stig gengin og launráð bmgguð.
Em ekki þessar leyndu óskir á
bak við alla baráttu, undirrót
átaka stórvelda og hins svokallaða
kalda stríðs?
Það er ekki aðeins að einstakl-
ingar búi yfir metnaði sjálfum sér
til handa heldur getur maður einn-
ig átt metnað fyrir annarra hönd.
Það er áreiðanlega algengast inn-
an fjölskyldunnar. Þú getur haft
metnað fyrir hönd maka þíns og
það getur verið til góðs, en það
getur einnig verið til tjóns ef
maki þinn stendur ekki undir
þeirri byrði sem metnaðarvonir
skapa. A sama hátt getur þú haft
metnað fyrir hönd bama þinna,
sem er þó oftar til tjóns, því hinar
leyndu óskir em ekki óskir þess
heldur þínar. Þessar óskir geta
tengst nafni bamsins, ætt þess,
starfi föður sem barnið á að búa
sig undir að taka við eða ein-
hverju öðm líku. Og oft vill það
koma fyrir að makaval bams veld-
ur foreldrum vonbrigðum vegna
þess metnaðar sem foreldrar bám
fyrir hönd bamsins síns og þeim
finnst að makavalið hafi eins og
komið í veg fyrir það sem gæti
orðið. Miklu fleiri em afbrigði
þessa metnaðar, sem næstum allt-
af leiðir á villigötur. Eða hver er
sá, að hann geti dæmt um ham-
ingju framtíðarinnar?
I Heilagri ritningu er sagt frá
konu sem kom með sonu sína á
fund Jesú. Hún sagði: „Seg þú,
að þessir tveir synir mínir skuli
sitja annar til hægri handar þér
og hinn til vinstri handar þér í
ríki þínu.“ í augum konunnar var
Jesús konungur komandi tíma,
konungur valds, stjómmála og
hernaðar. Jesús hafði verið að búa
lærisveina sína undir förina til
Jerúsalem þar sem þjáningin og
krossinn biðu hans. Því sagði
hann við synina: „Getið þið dmkk-
ið bikarinn, sem ég á að drekka?“
Og við lærisveinana og móðurina
sagði hann: „Sérhver sá, er vill
verða mikill yðar á meðal, hann
skal vera þjónn yðar.“ Þetta varð.
Lífið kenndi Zebedeusar-sonunum
og Salóme móður þeirra sannleika
þessara orða. Hann hafði dreymt
um upphefð sona sinna. Sú upp-
hefð varð með öðmm hætti en
hana hafði órað fyrir. Þeir fluttu
áfram fagnaðarboðskap hans og
dóu báðir píslarvættisdauða,
dmkku bikarinn hans. Hún lærði
að skilja leyndardóm þjónustunn-
ar og fórnarinnar, sem er and-
stæða metnaðarins. Hún var ein
af þeim fáu sem höfðu kjark og
þrek til að standa hjá krossinum
hans við Golgata. Hún missti syni
sína sem hinir miklu draumar um
glæsta framtíð höfðu verið bundn-
ir við. Og hún hafði fengið að
skilja á langri ævi það sem mest
var um vert, hvað þjáningin getur
gefið, hvers fómin krefur og
hvernig auðmýktin og kærleikur-
inn er uppfylling allra vona og
allra drauma, auðmýktin sem e'r
andstæða drambsins og kærleik-
urinn sem „breiðir yfir allt, trúir
öllu, vonar allt, umber allt“.
Kona með metnaðinn fyrir hönd
sona sinna lærði það sem við fæst
getum lært og reyndi jafnframt
þjáninguna í sinni átakanlegustu
mynd. Þessi mikla þjáning er enn
í lífi svo margra. Móðir með deyj-
andi börn, sem svo miklar vonir
höfðu verið bundnar við. Það er
bikarinn hans, sem við verðum svo
oft að drekka með einhvetjum
hætti og sá djúpi lífsskilningur
að við finnum líf okkar með því
að týna því í þjónustu og kærleika.
Páll postuli sagði að kærleikur-
inn félli aldrei úr gildi. Hann
sagði: „Kærleikurinn er langlynd-
ur, hann er góðviljaður; kærleik-
urinn öfundar ekki; kærleikurinn
er ekki raupsamur, hreykir sér
ekki upp; hann hegðar sér ekki
ósæmilega, leitar ekki síns eigin;
hann reiðist ekki, tilreiknar ekki
hið illa; hann gleðst ekki yfir
óréttvísinni, en samgleðst sann-
leikanum."
Kærleikur er sá kraftur sem
við öll verðum að hlúa að og opna
hjarta okkar fyrir þannig að við
séum fær um að þjóna.
Skyldfólki mínu, vinum og vandamönnum,
sem heimsóttu mig á áttrœÖis afmœli mínu 5.
september og glöddu mig með gjöfum og skeyt-
um, sendi ég bestu kveÖjur mínar ogþakkir.
Áslaug Steinsdóttir,
Úlfsstöðum,
Borgarfiröi.
Fróóleikur og
skemmtun
fyrirháa semlága!
Mínar hjartans þakkir sendi ég öllum þeim sem
glöddu mig í tilefni 85 ára afmœlis míns.
GuÖ blessi ykkur öll,
Brynhildur Snædal Jósefsdóttir.
Gengi: 13. sept. 1987: Kjarabréf 2,288 - Tekjubréf 1,244 - Markbréf 1,144 - Fjölþjóðabréf 1,060
NÝJUNG í PENINGAMÁLUM
Nú getur þú einnig ávaxtað fé þitt í KRINGLUNNI.
-Um leið og þú gerir innkaup þín í Kringlunni getum við aðstoð-
að þig við að ávaxta fé þitt á hagkvæman hátt.
Við leggjum áherslu á persónulega ráðgjöf. Allir geta verið með.
Pú getur byrjað með smáar upphæðir jafnt sem stórar. Mögu-
leikarnir eru margir s.s. Kjarabréf, Tekjubréf, Markbréf, Fjölþjóða-
bréf, Fjármálareikningur og Frjálsi lífeyrissjóðurinn.
Hjá okkur getur þú einnig sótt um Eurocard kreditkort og keypt
þér líf- og heilsutryggingu.
Við starfsfólk Fjárfestingarfélagsins í Kringlunni erum ávallt
reiðubúin að aðstoða þig.
FJÁRFESTINGARFÉIAGIÐ
Kringlunni 123 Reykjavík Sími 689700
Sigrún Ólafsdóttir Stefán Jóhannsson
Símsvari ALLAN SÓLARHRINGINN í síma 28506. Upplýsingar um daglegt gengi Kjarabréfa, Markbréfa, Fjölþjóðabréfa og Tekjubréfa