Morgunblaðið - 14.10.1987, Blaðsíða 58

58
MORGUNBLAÐIÐ, MIÐVIKUDAGUR 14. OKTÓBER 1987
fclk í
fréttum
Reuter
Ekki grínlaust að
vera með langa leggi
Hún Briptta Stallone stundar
nú góðgerðarstarfsemi af
miklum móð. Um daginn tók hún
þátt í kappakstri til styrktar svissn-
eskum bændum, en ostuppskeran
ku hafa brugðist þetta árið... Hér
burðast hún við að troða leggjunum
löngu ofan í farartækið, en Gitta
telst til hávaxnari kvenna og farar-
tæki sem þetta ekki gjörð fyrir
hennar líka. Ekki fylgdi fréttinni
hvort Gitta komst nokkum tíma
ofan í bílinn, en hafí hún gert það,
efast Fólk í fréttum ekki um að hún
hefur hefur staðið sig með sóma.
Svissneskir bændur voru að vonum
þakklátir fyrir framtak hinnar vel-
meinandi Gittu.
Joan Collins hefur heldur betur
snúið á húsgagnahnuplarann
Holm, og getur vel unað við sinn
hlut eftir skilnaðinn.
Peter Holm
er húsgagnaþjófur
Handtökuskipun hefur verið
gefín út í Los Angeles á
hendur Peter Holm, fyrrverandi
eiginmanni Joan Collins, eftir að
Joan kærði hann fyrir húsgagn-
astuld. Peter átti að gera grein
fyrir máli sínu á miðvikudaginn
sem leið, en hann sá ekki ástæðu
tii þess að fljúga til Los Angeles
frá frönsku Rívíerunni - þar sem
sagt er að hann hafi gengið í
hjónaband með Cathy nokkurri
Wardlow með leynd um síðustu
helgi - og því vofír handtaka yfír
honum ef hann lætur ein-
hvemtíma svo lítið að láta sjá sig
í sinni gömlu heimaborg.
Joan segir Peter hafa fjarlægt
mublur úr sinni eigu úr heimili
þeirra hjóna í Holljrwood-hæðum
á meðan skilnaðarmál þeirra var
fyrir rétti. Peter bar sig ansi aum-
lega við skilnaðinn, og stóð með
skilti fyrir utan réttarsalinn þar
sem hann sagðist vera heimilis-
laus og auralaus eftir illa meðferð
Joanar á sér. Hann hefur greini-
Iega hefnt sín með því að hnupla
stofuborðinu og nokkrum stólum,
en Joan gefur klækjakvendinu
Alexis í „Ættarveldinu" ekkert
eftir hvað hörku snertir, og ætlar
sér greinilega ekki að láta sænska
popparann Peter komast upp með
þannig háttalag.
Aumingja Peter hefur farið illa
út úr viðskiftum sínum við Joan,
og nú nýlega var kröfu hans um
80.000 dollara lífeyri á mánuði
hafnað af rétti. Peter segist nú
lepja dauðann úr skel, en hann
ætti að minnsta kosti ekki að
þurfa að sitja á gólfínu við þá
iðju* þó að húsgögnin hans séu
tekin ófrjálsri hendi.
Peter Holm ber sig illa fyrir utan réttarsalinn. Stal hann stofuborðinu?
Farartæki
framtí ðarinnar ?
Farartækið hér á myndinni er eitt af 25 furðugrip-
um sem taka munu þátt í nýstárlegum kappakstri
í Ástralíu í nóvember næstkomandi. Kappaksturs-
bflamir eiga það allir sameiginlegt að ganga eingöngu
fyrir sólarorku, og á sólinni verða þeir að komast
þvert yfir eyðimerkur Ástralíu, um 3200 km leið frá
norðurströndinni til borgarinnar Adelaide í suðri.
Sólarkappakstur þessi á að hefjast 1. nóvember,
og er búist við að það taki hraðskreiðustu ökutækin
tæpa viku að komast í mark. Lítil hætta er talin á
því að bflamir verði „eldsneytislausir" í eyðimörkinni
- en nú er sumarið að ganga í garð í Ástralíu - en það
er hætt við að það myndi taka nokkur ár fyrir svona
sólarvagna að fara hringveginn héma heima á Fróni.
Þetta furðufarartæki er kappakstursbíll, knúinn
áfram með sólarrafhlöðum.