Morgunblaðið - 17.10.1987, Blaðsíða 26

26
MORGUNBLAÐIÐ, LAUGARDAGUR 17. OKTÓBER 1987
Héraðsfimdur Reykja-
víkurprófastsdæmis
haldinn á simndaginn
HÉRAÐSFUNDUR Reykjavíkurprófastsdæmis verður haldinn á
sunnudaginn kemur, þann 18. október. Er það í raun aðalfundur
kirkjunnar í Reykjavík, Kópavogi og á Seltjarnamesi. Hefst hann í
Neskirkju kl. 16.00. Þar gefur prófastur skýrslu yfir liðið ár, og
ber þar hæst stofnun tveggja nýrra prestakalla og val sóknarpresta
þangað skv. hinum nýju lögum um veitingu prestakalla.
Prestamir em nú orðnir 22 í
prófastsdæminu, sem er langstærst
hinna 15 prófastsdæma Þjóðkirkj-
unnar. Söfnuðir og Kirkjugarðar
Reykjavíkurprófastsdæmis leggja
fram-endurskoðaða reikninga liðins
árs og héraðsnefnd skýrir sína
reikninga og leggur fram fjár-
hagsáætlun fyrir 1988. Kennir þar
nokkurra nýmæla og ekki sízt, að
gerð er tillaga um að ráða starfs-
mann í hlutastarf til að sinna
æskulýðsstarfinu í prófastsdæminu.
Er mikil þörf fyrir slíkan mann til
að hjálpa unga fólkinu við að fóta
sig og leggja áætlanir. Þá mun
hann einnig koma við sögu, ef ráð-
inn verður, við rekstur og undirbún-
ing sumarbúða prófastsdæmisins,
sem reknar hafa verið í Laugagerð-
isskóla á Snæfellsnesi liðin sumur.
Þá verður rætt um mál, sem nýlok-
ið Kirkjuþing afgreiddi og ber þar
hæst frumvarp um sóknargjöld og
kirkjugarðsgjöld, sem ný lög um
staðgreiðslu skatta kalla eftir.
Héraðsfundi sækja lögum sam-
kvæmt prestar, formenn sóknar-
nefnda, safnaðarfulltrúar og
starfsmenn safnaðanna, en að auki
er sóknarnefndarfólk hvatt til að
mæta og annað áhugafólk um kirkj-
una er einnig velkomið. Slíkir fundir
hafa verið mjög fjölmennir undan-
farið, svo að um hundrað manns
hafa sótt þá.
Gestur fundarins verður séra
Davíð Baldursson, sem dvaldi ár í
Bandaríkjunum við nám. Mun hann
miðla fundarmönnum af reynslu
sinni og §'alla um efnið: Safnaðar-
stjómun. Gefst fundarmönnum
síðan tækifæri að leggja fyrir hann
fyrirspumir og ræða erindi hans.
Frá dómprófasti.
Dr. Erlendur Karlsson
Doktor í
rafmagns-
verkfræði
ERLENDUR Karlsson varði þann
1. júní sl. doktorsritgerð sína í
rafmagnsverkfræði við Georgia
Institute of Technology háskól-
ann í Bandaríkjunum. Ritgerðin
sem nefnist „Least squares arma
modeling of linear time-varying
systems: Lattice filter structures
and fast RLS algorithms" er á
sviði kerfisgreiningar (system id-
entification) og aðhæfðar síunar
(adaptive filtering).
Ritgerðin flallar um uppbyggingu
nýrra og hraðvirkra reikniaðferða
til greiningar línulegra tímabreyti-
legra kerfa.
Erlendur er fæddur 15. desember
1956 í Keflavík og er sonur Ágústu
S. Erlendsdóttur og Karls R. Guð-
fínnssonar húsasmiðs. Erlendur lauk
stúdentsprófi frá Menntaskólanum í
Reykjavík vorið 1976 og útskrifaðist
sem rafmagnsverkfræðingur frá
Háskóla íslands vorið 1980. Við
Georgia Institutet of Technology
háskólann lauk hann MS prófí í raf-
magnsverkfræði vorið 1983 og MS
prófi í stærðfræði haustið 1984.
Hann hlaut NATO-styrk 1983-1984
og GTE-styrk 1984-1987.
Erlendur starfar nú sem lektor
við Uppsala háskólann í Svíþjóð og
stundar þar rannsóknir á sviði
merkjafræði og kerfisgreiningar.
Erlendur er kvæntur Elísabetu
Andrésdóttur raftnagnsverkfræðingi
og eiga þau tvö böm, Andrés Má
og Lindu Malínu.
Gullsmiðir
að Kjar-
valsstöðum
ÞRJÁTÍU og sex gullsmiðir sýna
verk sín að Kjarvalsstöðum á
sýningu sem opnar i dag, 17.
október. Sýningin ber heitið
„Gullsmiðir að Kjarvalsstöðum".
Á sýningunni eru skartgripir,
korpus, skúlptúrar og lágmyndir
og eru verkin unnin í hina ólik-
ustu málma, svo sem gull, silfur,
eir, messing og járn og skreytt
ýmsum tegundum eðalsteina.
í frétt frá Félagi íslenskra gull-
smiða segir að verk þau sem
gullsmiðimir sýna séu mörg hver
ekki til sölu dags daglega í verslun-
um og á vinnustofum og gefi því
sýningin innsýn í hugarheim gull-
smiða hér á landi.
Þetta er fjórða sýning Félags
íslenskra gullsmiða sem haldin er á
átta érum. Sýning var haldin í Þjóð-
rninjasafninu 1979, í Listmunahús-
inu í Lækjargötu 1982 og 1984
héldu gullsmiðir upp á sextfu ára
afmæli félagsins með sýningu á
Hótel Sögu.
Sýningin að Kjarvalsstöðum
stendur til 1. nóvember og er opin
alla daga kl. 14.00-22.00.
Sláturhús Sláturfélags Amfirðinga á Bíldudal.
Sláturhús Arnfirðinga:
Morgunblaðið/Þorkell
Ekki nothæft til slátrunar
- segir Sigurður Sigurðarson, settur yfirdýralæknir
„ÞAD er ekki rétt sem Sigurður Guðmundsson segir. Búið var að
taka húsið út og reyndist vanta heilmikið á að það væri komið í viðun-
andi horf,“ sagði Sigurður Sigurðarson, settur yfirdýralæknir, um
ummæli Sigurðar Guðmundssonar framkvæmdastjóra Sláturfélags
Arnfirðinga á Bíldudal, í Morgunblaðinu á fimmtudaginn. „Þar á ofan
var (jóst að vatnið er vafasamt og eldri upplýsingar um að það væri
óhæft. Þess vegna reyndist nauðsynlegt að fá vatnssýni til að skera
úr um þetta“.
Sigurður sagði að þegar niður-
stöður komu hafí reynst vera tals-
verð mengun í vatninu og meira að
segja saurgerlamengun. „Þótt hægt
sé að drepa saurgerla með því að
bæta klór í vatnið þá er alltaf hætta
á að tæki bili og þá fossar saurgerl-
amengað vatn yfír kjötið," sagði
Sigurður. „Það er náttúrulega ekki
forsvaranlegt að stefna í hættu með
þessi matvæli þegar hægt er að fá
slátrun annars staðar með góðu
vatni og við miklu betri skilyrði.
Húsið á Patreksfírði er byggt sem
sláturhús og það lá alveg ljóst fyrir
að hægt væri að gera það gott til
þessarar starfsemi. Það var fyrst og
fremst spurning um hvort húsið
fengist á leigu," sagði Sigurður.
„Okkur er skylt að kappkosta að
framleiða fyrsta flokks vöru handa
neytendum. Það hefur legið fyrir að
vatnið á Patreksfírði er gott við
fleiri sýni, þó farið hafi úrskeiðis
með sýnatökuna núna. Þetta er upp-
sprettuvatn en ekki yfírborðsvatn
og þar er engin klórblöndun eins og
ranglega hefur verið haldið fram,“
sagði Sigurður Sigurðarson, settur
yfírdýralæknir.
Félag íslenskra sérkennara:
Ráðstefna um list-
greinar í sérkennslu
FÉLAG íslenskra sérkennara hélt
ráðstefnu um listgreinar i sér-
kennslu dagana 9. og 10. október.
Rætt var um mikilvægi listgreina
við kennslu bama með sérkennslu-
þarfir, og leikhópurinn Perlan frá
Þjálfunarskóla rikisis sýndi leik-
þætti undir stjóra Sigríðar
Eyþórsdóttur leikara og kennara.
Að sögn Rögnu Freyju Karlsdótt-
ur, formanns félags íslenskra sér-
kennara, eru listgreinar mjög
mikilvægur þáttur í kennslu fatlaðra
nemenda. ,Þær eru tjáningarmáti
sem losar um hömlur og veitir þeim
útrás fyrir tilfinningar, auk þess sem
margir nemendanna búa yfir tals-
verðum listrænum hæfíleikum."
sagði Ragna. Á ráðstefnunni var
kynnt kennsla í myndlist, leiklist,
tónlist, dansi og hreyfíngu og sýnd
dæmi úr kennslu þessara greina.
Leikhópurinn Perlan sýndi tvo leik-
þætti, „Síðasta blómið", látbragðs-
leik við samnefnt ljóð James Thurber,
og ævintýraleikinn „Sólin og vindur-
inn“ undir stjóm Sigríðar Eyþórs-
dóttur. Sigríður sagði í samtali við
Morgunblaðið að með leikrænni tján-
ingu gætu vangefnir sett sig í spor
annarra og opnaði leiklistin þeim
ýmsar leiðir til aukins þroska.
Frá sýningu leikhópsins Perlunn-
ar úr Þjálfunarskóla ríkisins á
ráðstefnu um listgreinar í sér-
kennslu.
Úr leikþættinum
James Thurber.
.Síðasta blómið", látbragðsleik við samnefnt ljóð
Kirkjuþing:
Merkustu mál lagabreytingar
og tíllaga um Siðfraeðistofnun
— segir Gunnlaugur Finnsson varaforseti
ÁTJÁNDA kirkjuþingi var slitið
á fimmtudag. Gunnlaugur
Finnsson, annar tveggja vara-
forseta þingsins, sagði að
mikilvægustu málin á þinginu
hefðu verið tillögur um breyt-
ingar á Iögum um sóknargjöld
og kirkjugarða, svo og tillagan
»m Siðfræðistofnun Háskóla ís-
lands og Þjóðkirkjunnar.
„Það var meira Qallað um kirkj-
una og skólann ( Skálholti á þessu
þingi en undanfarin ár. Á þinginu
var einnig markað upphafíð að
framtíðarstefnu í safnaðarupp-
byggingu. Þetta er eitt af bestu
kirkjuþingum sem ég hef setið og
ég er mjög ánægður með í hvaða
farveg umræður um friðarmál,
þjóðmálastofnun og þjóðmálaráð
fóru.
Umræðan um friðarmál tengdist
umræðu um umhverfísmál, en
þessi mál eru náskyld. Menn hafa
þokast nær hver öðrum í hugmynd-
um um friðarmál og hvert hlutverk
kirkjunnar eigi að vera í þeim
málum. Það fór ekkert mál inn á
þetta þing sem ekki átti þangað
erindi. Umræðumar voru málefna-
legri en oft áður,“ sagði Gunnlaug-
ur.