Morgunblaðið - 20.10.1987, Blaðsíða 30
30
MORGUNBLAÐIÐ, ÞRIÐJUDAGUR 20. ÖKTÓBER 1987
Afsögn belgísku
stjórnarinnar
tekin til greina
Reuter
Hermenn og björgunarmenn draga fómarlömb lestarslyssins í Indónesíu út úr stórskemmdum lestar-
vögnum. Talið er að eitt hundrað manns hafi farist þegar tvær farþegalestir skullu saman í gær.
Indónesía:
Hundrað manns létu
lífið í jámbrautarslysi
Brussel, Reuter.
BAUDOUIN konungur Belgíu
tók í gær til greina afsagnar-
beiðni Wilfrieds Martens
forsætisráðherra. Baudouin
kvaddi Martens á sinn fund I
konungshöllina í Brussel og bað
um að reyna að mynda bráða-
birgðastjóm þar til gengið
verður til kosninga, að því er
belgíska fréttastofan Belga
hafði eftir talsmanni konungs.
Sagði talsmaðurinn að Martens,
sem lagði fram afsagnarbeiðni
fyrir hönd stjómar sinnar vegna
tungumáladeilna, hefði samþykkt
að reyna myndun bráðabirgða-
stjómar. Að hans sögn mun hin
nýja stjóm hafa takmarkað vald
til þess að gera breytingar á
stjómarskrá og sinna mikilvæg-
ustu málum ríkisins.
Ekki hefur enn verið ákveðið
hvenær gengið verður til kosn-
inga, en talsmaðurinn sagði að
þær yrðu haldnar innan fárra
mánaða. „Það er á valdi nýju
stjómarinnar. Þegar hún hefur
leyst þau verkefni, sem bíða úr-
lausnar, verður gengið að kjör-
borðinu," sagði talsmaðurinn.
Upphaflega áttu kosningar að
verða síðla árs 1989.
Hermt var að Martens, sem er
kristilegur demókrati frá Flandri,
mundi ráða því hvemig nýja
stjómin yrði mynduð. En líklegt
er talið að hún verði að mestu
skipuð sömu mönnum og fráfar-
andi stjóm kristilegra demókrata
og frjálslyndra.
Tungumáladeilan snýst um bæj-
arstjóramn Jose Happart í fylkinu
Flandri. Þar sem Happart er bæj-
arstjóri tala flestir hollensku. En
Happart talar frönsku og hefur
neitað að gangast undir próf í
hollensku og hefur það vakið mikla
reiði í kjördæminu. Stjómarflokk-
amir gátu ekki komið sér saman
um málamiðlunarlausn á málinu
og þar með var stjómin fallin.
Ráðherrar stjómarinnar, sem
mynduð var í október árið 1985,
sátu á fundi fram á mánudags-
morgun, en allt kom fyrir ekki.
Jafnvægi hefur ríkt í stjóm-
málum í Belgíu undanfarin sex ár,
en margir hafa áhyggjur af því
að allt hverfi aftur í sama far og
áður var. 31 ríkisstjóm hefur setið
við völd í Belgíu frá því landið var
frelsað úr klóm nasista árið 1944.
Martens, sem er einn vinsælasti
stjómmálamaður Belgíu, hafði
foiystu fyrir fjórum ríkisstjómum
á ámnum 1979 til 1981.
En mál Happarts hefur verið
dragbítur á sjöttu stjóm Martens
og höfðu stjómmálaskýrendur
varað við því að hún myndi riða
til falls. Martens lagði fram af-
sagnarbeiðni fyrir stjóm sína fyrir
ári, en Baudouin konungur bað
hann um að halda ótrauður áfram.
Tíu milljónir manna búa í Belgíu
og tala 57 prósent hollensku. Aðr-
ir tala flestir frönsku. Bilið milli
frönskumælandi og hollenskumæl-
andi Belga hefur breikkað undan-
farin 20 ár vegna þess að pólitískt
vald og iðnaður hefur flust frá
Vallóníu, þar sem töluð er franska,
til Flandurs, þar sem flestir tala
hollensku. Yfírréttur í Belgíu fyrir-
skipaði að Happart yrði settur af
í september á síðasta ári, en hann
hefur haldið áfram störfum án
þess að láta það á sig fá. Vakti
það reiði kristilegra demókrata í
Flandri og kom stjómarkreppan
nú upp í kjölfar þess að þeir kröfð-
ust að Happart yrði rekinn.
Frönskumælandi flokkar í stjóm-
inni komu í veg fyrir að Happart
yrði rekinn og kröfðust þess í stað
að sett yrðu lög, sem kvæðu skýrt
á um hvaða tungumálakröfur ætti
að setja hinum kjömu fulltrúum á
svæðum þar sem menn tala tung-
um tveimur.
Jakarta, Reuter.
RÚMLEGA eitt hundrað menn
létu lífið og 305 slösuðust þegar
tvær jámbrautariestir fullar af
rákust saman í Jakarta í Indó-
nesíu í gærmorgun. Björgunar-
menn sögðu að lestirnar hefðu
verið á sama spori og hefði lest-
arstjórunum verið gefið rangt
merki.
Margir þeirra sem biðu bana
höfðust við á þaki lestanna og á
pöllum milli lestarvagna, að því er
haft var eftir sjónarvottum. Meðal
fómarlambanna voru böm á leið í
skóla.
Mörg hundruð hermenn voru
kvaddir til að þjarga slösuðum úr
braki Iestanna og unnu þeir fram
á nótt við að ná tveimur drengjum
og tveimur fullorðnum, sem talið
var að væra fastir undir járni og
glerbrotum.
Lestimar rákust saman í út-
hverfí í suðurhluta Jakarta snemma
í gærmorgun. Tugir sjúkrabifreiða
vora notaðar til þess að aka látnum
og slösuðum brott af slysstað.
Slysavarðstofur sex sjúkrahúsa í
borginni vora þéttsetnar slösuðu
fólki.
Haft var eftir starfsmönnum
sjúkrahúsa að 86 lík hefðu fundist
í braki lestanna og 16 hefðu látið
lífíð á sjúkrahúsi. Björgunarmenn
sögðu að enn væra nokkur lík í
brakinu.
Lestimar vora á mikilli ferð þeg-
ar áreksturinn varð. Önnur lestin
var á leið út úr Jakarta og hin var
á leið inn í borgina. Sjónarvottur
einn sagði að aðkoman hefði verið
hrikaleg. Afskorin höfuð og útlimir
hefðu legið á víð og dreif. Þúsundir
bænda söfnuðust saman á slysstað
og fylgdust með björgunarstarfinu.
Rusmin Nuijadin, samgöngu-
málaráðherra Indónesíu, sagði að
fyrirskipuð hefði verið rækileg
rannsókn á slysinu og yrði meðal
annars farið yfír merkjagjafir við
jámbrautarteina um landið allt.
Þetta er mesta lestarslys í Indó-
nesíu síðan árið 1968 þegar 116
menn létu lífið í jámbrautarslysi
skammt frá borginni Bogor suður
af Jakarta.
Sovétríkin:
Bandarískur liðhlaupi
þráir að komast burt
Kjötið reyndist grænt og skriðdýrin óskemmtileg
Moskvu, Reuter.
ÓBREYTTUR bandarískur her-
maður sem flúði til Sovétríkj-
anna í aprflmánuði og fékk hæli
þar á pólitískum forsendum, lýsti
því yfir í Moskvu á föstudag að
hann vildi fá leyfi til að ferðast
til Austur-Þýskalands. Á sunnu-
dag kvaðst hann reiðubúinn til
að halda til Bandaríkjanna með
þvi skilyrði að mál hans fengi
sanngjarna meðferð dómstóla.
Wade Roberts, sem er 22 ára að
aldri, sagði að sér dauðleiddist
að búa í eyðimerkurborginni
Ashkba og kvað sovéska fjöl-
miðla hafa rangtúlkað ummæli
sin.
Roberts hvarf frá herstöð Banda-
ríkjahers í Giesen i Vestur-Þýska-
landi 2. apríl síðastliðinn og skaut
hann upp kollinum í Sovétríkjunum
ásamt vestur-þýskri unnustu sinni.
Þeim var veitt pólitískt hæli og var
þeim búið heimili í eyðimerkurborg-
inni Ashkbad í Asíuhluta Sovétríkj-
anna. Þar fékk Roberts starf við
umhirðu skriðdýra. Hann segir þau
hafa átt ömurlega daga í Ashkbad.
Svo fór að lokum að þau fengu nóg
og ákváðu þau í síðasta mánuði að
halda til Moskvu þar sem þau tjáðu
yfírvöldum að þau vildu flytjast úr
landi.
Roberts sagði í viðtali við Reut-
ers-fréttastofuna að þau vildu
flytjast til Austur-Þýskalands og
kvaðst sannfærður um þar biði
þeirra betra hlutskipti en kona
hans, Petra Neumann, ber undir
belti fyrsta bam þeirra hjóna. Hann
sagði sovéska ráðamenn hafa tjáð
sér að þau gætu haldið úr landi en
ekki væri vfst hvort stjómvöld í
Austur-Þýskalandi væru reiðubúin
til að veita þeim landvistarleyfí.
„Helst vildi ég geta snúið aftur til
Bandaríkjanna," sagði Roberts.
Aðspurður um ástæður flóttans
kvaðst hann hafa átt herréttardóm
yfír höfði sér. Hann sagðist hins
vegar hafa sloppið úr haldi og falið
sig í sorptunnu. Hann og unnustan
hefðu síðan ráðfært sig við vini
hennar sem hefðu lagt til að þau
leituðu hælis í Sovétríkjunum. Sové-
skir embættismenn í Bonn hefðu
sagt að þeim yrði veitt landvistar-
leyfi en þau yrðu sjálf að koma sér
inn í Austur-Þýskaland. Petra Neu-
mann tók þá bfl á leigu og ók inn
í Austur-Berlín með unnustann í
skottinu. Þar dvöldust þau í þijár
vikur en dag einn heyrðu þau í
ríkisútvarpinu að bandarískur her-
maður hefði hlaupist á brott frá
Vestur-Þýskalandi. Daginn eftir
héldu þau til Moskvu.
Roberts sagði að þeim hefði ver-
ið vel tekið og yfírvöld hefðu orðið
við þeirri eindregnu ósk hans að fá
Reuter
Wade Roberts og unnusta hans Petra Neumann ræða við fréttamann
Reuters í Moskvu.
starf við umhirðu framandi dýra.
En við tóku dagar eymdar og volæð-
is. „Við lifðum á ávöxtum í sex
mánuði samfleytt. Kjötið er grænt.
Mjólkurvörar standa ekki til boða
og kaupir þú 30 egg era 15 þeirra
fúlegg." Hann bætti því við að frétt-
ir sem sovéska fréttastofan Tass
birti um þau hjónin hefðu verið stór-
lega brenglaðar. Haft hefði verið
eftir þeim að þau væra „hamingju-
samsta fólkið á jarðkúlunni". „Ég
hef aldrei á ævi minni verið svo
óhamingjusöm," sagði Petra Neu-
mann.
í ágústmánuði birti Tass frétt
þess efnis að parið hefði afráðið að
ganga í hjónaband en Petra Neu-
mann var þá þegar gift Vestur-
Þjóðveija og hafði hún lengi haft í
huga að skilja við hann áður en hún
kynntist Wade Roberts. Roberts
sagði að þau hefðu verið blekkt
þegar þau hugðust skrá sig vegna
bamsins sem Petra er ófrísk af og
ginnt til að ganga í það heilaga.
„Allt í einu skaut ljósmyndari upp
kollinum og þegar við hugðumst
andmæla þessu tóku þeir allt í einu
að leika Brúðarmarsinn. Þegar
þessi ósköp voru afstaðin urðum
við því að fara fram á skilnað."