Morgunblaðið - 30.10.1987, Qupperneq 37

MORGUNBLAÐIÐ, FÖSTUDAGUR 30. OKTÓBER 1987
37
Minning:
Agústa Thors
Það hefur dregist fyrir mér að
minnast minnar indælu vinkonu,
Ágústu Ingólfsdóttur Thors, en nú
á afmælisdegi hennar sækja minn-
ingamar á mig.
Hún fæddist 30. október 1905 á
Breiðumýri í Þingeyjarsýslu, dóttir
Ingólfs læknis Gíslasonar og konu
hans, Oddnýjar Vigfúsdóttur. Fjöl-
skyldan flytur til Vopnafjarðar ári
seinna, þar eð Ingólfi lækni var
veitt héraðslæknisembættið þar. Á
Vopnafirði dvelur fjölskyldan í 18
ár og var Ágústa því á Vopnafírði
uppvaxtarárin. Árið 1923 flytur svo
Qölskyldan til Borgamess, þegar
Ingólfí lækni var veitt Borgarfjarð-
arhérað. Þar dvelur fjölskyldan
önnur 18 ár. Eftir það flutti Ingólf-
ur læknir og fjölskyldan til Reykja-
víkur, en þá var Ágústa löngu gift.
Ágústa lauk gagnfræðaprófí á
Akureyri. Eftir það dvaldi hún í
Danmörku um tíma, við nám í hús-
stjómarskóla og við postulínsmáln-
ingu. Var hún mjög listfeng og em
til eftir hana þó nokkur málverk
og ýmsir fallegir, málaðir postu-
línsmunir.
Ágústa giftist 16. desember 1926
nýútskrifuðum lögfræðingi, Thor
Thors. Fóm þau hjónin fljótlega
utan, Thor til framhaldsnáms í hag-
fræði í Cambridge og París og síðan
til Spánar og Portúgals.
Eftir að heim kom gjörðist Thor
einn af framkvæmdastjórum §öl-
skyldufyrirtækisins Kveldúlfs, en
síðar forstjóri Sölusambands
íslenskra fiskframleiðenda (SÍF).
Þingmaður Snæfellinga var Thor í
átta ár. Var því heimili þeirra hjóna
í Reykjavík mikil miðstöð þing-
manna og athafnamanna og var
höfðingsskapur og gestrisni þeirra
mjög rómuð. Ekki síst vegna ljúf-
mennsku og glaðlyndis húsmóður-
innar.
Árið 1940 verða mikil umskipti
í lífí þeirra, er þau flytja til Banda-
ríkjanna. Var Thor skipaður aðal-
ræðismaður íslands í New York og
ári síðar sendiherra íslands í Wash-
ington. Eftir það ambassador í
Washington og þar með sendiherra
Islands í Kanada, Argentínu, Bras-
ilíu, Kúbu og Mexíkó. Sendiherrann
þurfti að jafnaði að heimsækja öll
þessi ríki og fór Ágústa alltaf með
honum. Kom sér þá vel fyrir hana
í þessum spænskumælandi löndum,
að hún talaði spænsku sem innfædd
væri. Það mál hafði hún lært á
Spáni veturinn sem þau voru þar,
nýgift.
Ágústa var mjög falleg kona,
framkoma hennar öll ljúf og virðu-
leg. Hún stóð við hlið manns síns
í hans umfangsmikla og vandasama
starfí með glæsibrag. I Washington
og í þeim löndum, er þau heim-
sóttu, var allra mál, að öll fram-
koma þeirra væri íslandi til mikils
sóma,
Ég heyrði Jón Pálmason, forseta
Alþingis, segja um heimili þeirra
hér í Reykjavík, að fá eða engin
heimili þessa bæjar hafi verið fjöl-
sóttari af gestum. Getur þá nærri
að vinna húsmóðurinnar hefír verið
mikil, og ekki minnkaði hún eftir
að þau settust að vestanhafs, því
þeim var sérstök ánægja að taka á
móti og greiða götu þeirra mörgu
ísiendinga, er leituðu vestur um haf
í margvíslegum erindagjörðum,
ekki síst á stríðsárunum. Munu
margir minnast þeirra hjóna með
þakklæti fyrir aðstoð þeirra og
gestrisni á þeim tíma.
Á nútímamáli væri Ágústa sjálf-
sagt kölluð „bara húsmóðir", en
líklegt er að starf hennar við hlið
Thors hafí verið landi og þjóð jafn
mikilvægt og þó hún hefði starfað
utan heimilis.
Ágústa bjó áfram sem ekkja í
Washington, rúm 20 ár. Bjuggu þá
oftast hjá henni íslenskir námsmenn
og var þeim mikils virði að njóta
umhyggju hennar og stuðnings.
Við Agústa vorum vinkonur frá
unglingsárum og eiginmenn okkar
vinir og samstarfsmenn öll háskóla-
árin. Fæ ég aldrei fullþakkað þá
ótjúfandi tryggð og vináttu, sem
við hjónin nutum hjá Thor og
Ágústu, og ekki gleymast þær
ánægjustundir, sem við áttum sam-
an.
Nú þegar þessi indælu hjón eru
horfin okkur bið ég Guð að varð-
veita minningu þeirra hjá íslensku
þjóðinni. Starf slíkra mannkosta-
hjóna má ekki gleymast.
Sigríður Thoroddsen
Morgunblaðið tekur afmælis- og minningargreinar til
birtingar endurgjaldslaust. Tekið er við greinum á rit-
stjórn blaðsins á 2. hæð í Aðalstræti 6, Reykjavík og á
skrifstofu blaðsins í Hafnarstræti 85, Akureyri.
Athygli skal á því vakin, að greinar verða að berast með
góðum fyrirvara. Þannig verður grein, sem birtast á í miðviku-
dagsblaði að berast síðdegis á mánudegi og hliðstætt er með
greinar aðra daga.
Undraheirmr
*
Sjáiö nýja og fjölbreytta línu frá ítaliu
SiSSSsenrettki
hurrhinm hentavel í fagrar skreytingar.
Sjáið ævintýralegar ÞurrtJ^ysteveS
ar skreytingameistara okkar. Lis
hundraðatali í öllum i um. h'afasést hér áður.
Tilvalið er að skreyta sjatf. Bgum allt erm
tii þurrblómaskreytinga.
Súnikennsla
SkreytingameistararoKKar y
Kaktusar
Nýsendingkomin,
spennandi tegundir.
g, - fagleg þjónusta
Fagleg þekkiriy, ■ -
ámoucit
Gróðurhúsinu við Sigtún: Sími 68 90 70