Morgunblaðið - 21.11.1987, Blaðsíða 62

62
MORGUNBLAÐIÐ, LAUGARDAGUR 21. NÓVEMBER 1987
Bókmenntlr
Jenna Jensdóttir
Jólabókin
Sögur úr flæmskum barnabók-
um.
Þýðendur: Systir Ólöf, séra H.
Habets og Torfi Ólafsson.
Útgefandi: Kaþólska kirkjan á
íslandi 19S7.
Smásögur þessar eru valdar og
þýddar úr flæmskum bamabókum.
Þær eru um margt ólíkar sögum
sem nú eru almennt á boðstólum
fyrir böm. Ef litið er til fortíðar
eiga þær flest sammerkt með þeim
þýddu smásögum sem birtust fyrir
áratugum í Æskunni, Unga íslandi
eða Ljósberanum, svo eitthvað sé
nefnt.
Meginefni þessara sagna á sér
rætur í kærleika og góðvild. Gleði
sem tendrast í hug einstaklingsins
við það að gleðja aðra, geta orðið
öðrum að liði er hinn rauði þráður
hér. Predikun er hvergi að finna.
Lífið er bara svona. Engin sam-
keppni heldur sameiginleg lífsbar-
átta með sínar dökku og björtu
hliðar. Þar sem sterk löngun með-
bræðra til að láta gott af sér leiða
varpar birtu á veginn.
Atján sögur eru í bókinni og þar
af era tíu beinar jólasögur. Sumar
þeirra gerast í nútímanum eins og
Kærleikur og góðvild
sagan um Margréti litlu sem flutti
til Indlands og átti sín fyrstu jól
þar í Rourkela.
Óvæntur jólafögnuður er saga
um endurfundi eftir stríð. Einhvem
veginn finnst mér vanta í upphaf
þeirrar sögu í samræmi við enda-
lok. Jólagjafasögumar lýsa vel
óeigingimi gefenda.
Næmur skilningur á dýram kem-
ur glöggt fram í sögunum um Pétur
kanarífugl, asnann Kláus og í sög-
unni um Hannes og úlfinn. Fyrsta
sagan og sagan um eymalokka
drottningarinnar ásamt sögunum
af Lísu og Ninnu gefa sennilega
sterkasta mynd af því að forsendur
fyrir sannri lífshamingju felast ekki
eingöngu í veraldlegum auðæfum.
Hin fyrstu jól og Afi segir frá
era báðar frá fæðingarbæ frelsar-
ans. Stjama jólanna skín skært í
sumum sagnanna, ekki síst í sög-
unni frá Rússlandi. Þijár sögur í
bókinni eru alshendis ólíkar hinum
að efni til. Léttar sögur úr nútíman-
um: Snjókarlinn, Siggi og Jói
fljúga til tunglsins og Óli svarti.
Efnisyfirlit er ekki að finna í
bókinni og eigi er getið um hlut
hvers þýðanda. Ég sakna þess.
Þessi bók fer eflaust hljóðlega í
bókaflóðinu samkvæmt eðli sínu.
En slíkt er sorglegt af því að í sög-
unum er slegið á þá strengi sem
við viljum gjaman heyra óma hærra
í mannúðarsnauðu þjóðfélagi —
strengi sem aldrei mega slitna.
Myndir í bókinni era margar og
margbreytilegar.
María Magdalena
Erlendar baokur
Jóhanna Kristjónsdóttir
Luise Rinser: Mirjam
Norsk þýðing Elsbeth Wessel
Útg.Norsk Gyldendal 1987
ENN ein merk bók í norskri þýð-
ingu frá Gyldendal, en nokkurra
þeirra hefur verið getið I þessum
dálkum að undanfömu. Luise Rinser
var gestur á Bókmenntahátíðinni hér
fyrir skömmu og bókin Miijiam að
því er ég bezt veit nýjasta bók henn-
ar og hefur vakið athygli víða.
Miijampersóna Luise Rinser er
okkur kunnust sem Maria Magdalena
guðspjallanna. Miijam er hið ara-
meiska nafn og notar Rinser þá
útgáfu nafna á allar persónur bókar-
innar. Þetta er eins og titillinn gefur
til kynna frásögn Miijam, frá því hún
hitti Jesúm. Höfundur reynir ekki
að búa til nýjan Jesúm. En frásagan
skerpir myndina sem við höfum lesið
frá biblfUsagnaaldrinum.
Luise Rinser fer einkar fijálslega
með efnið og persónumar. Í guð-
spjöllunum er víða vikið að konum
þeim, sem vora í för með Jesúm og
lærisveinunum, en þær era sjaldan
nafngreindar. Höfundar hafa oft sa-
mið sögur um þessar lítt nafnkunnu
konur og með æði misjöfnum ár-
angri. Og reyndar í ólíkum tilgangi
stundum.
María Magdalena er heldur ekki
oft nefnd með nafni í guðspjöllunum,
en hennar er þó jafnan getið sem
þeirrar manneskju sem Jesús birtist
fyrstur, upprisinn. Af því má svo
draga ályktanir um að djúpt og
merkilegt samband hefur verið milli
þeirra.
Þó að Luise Rinser beini sjónum
sínum í þessari frásögn að því að
lýsa hvemig María Magdalena upp-
lifir tímann með Jesú og lærisveinun-
um, er líka fróðlegt að lesa um þau
skil, sem hún gerir Júdasi ískaríot
og hún fjallar um hann á nærfæm-
ari en meira spennandi hátt en ég
hef áður séð í slíkum bókum. Hann
Luise Rinser
verður hvergi væmnislegur. Sú er
bjargföst trúa höfundar að Júdas
hafi verið sá lærisveinn, sem elskaði
Jesúm mest, og vissulega er hann
trúverðug persóna og hugsjónir hans
sannfærandi. Að vísu tekst ekki til
fullnustu að skýra það þegar Júdas
selur Jesú í hendur óvinanna. En
auðvelt er að skynja heitar og óbeizl-
aðar tilfinningar hans og ég hafði
ekki leitt að því hugann áður, hvílíkur
zelóti Júdas gæti hafa verið.
Viðfelldin einlægni kemur fram,
þegar lærisveinamir og Miijam era
einlægt að reyna að komast til botns
í meistara sínum. Hver hann eigin-
lega er. Óumdeilanlega meistari eða
spámaður, - eða jafnvel Messías. En
áður en þau hafa áttað sig, þurfa
þau að ganga í gegnum alls konar
hugarkvalir og togstreitan I sálum
þeirra ekki langt undan.
Luise Rinser hefur án efa sett sig
vel inn í samtíma Jesú og hún hefur
síðan hæfni og hugmyndaflug til að
fara fijálslega og listilega með þekk-
ingu sína. Án þess að hún muni raska
að nokkra ráði söguskoðunum. Né
heldur ætti hún að hneyksla neinn
að ráði. Ljóðræn bók. Og eftirminni-
leg.
[ raðauglýsingar — raöauglýsingar — raðauglýsingar
2ja herbergja íbúð óskast
Óska eftir góðri 2ja herbergja íbúð til leigu.
Reglusemi heitið og öruggum greiðslum.
Uppl. í síma 79610 frá kl. 12.00-15.00.
Sóknarfélagar
- Sóknarfélagar
Félagsfundur verður haldinn miðvikudaginn
25. nóvember kl. 20.30 í Sóknarsalnum, Skip-
holti 50A.
Fundarefni:
1. Rætt um væntanlega samningagerð.
2. Önnur mál.
Sýnið skírteini. Mætið stundvíslega.
Stjórnin.
Aðalfundur
Byggingasamvinnufélags
Kópavogs 1986
verður haldinn þriðjudaginn 8. desember
1987 kl. 20.00 á Nýbýlavegi 26, Kópavogi,
(Lamb og fiskur).
Á dagskrá eru reikningar 1986 og boðun
framhaldsaðalfundar.
BORCARA
FLOKKMim
-tlokkui með tramtið
Borgaraflokkurinn í
Reykjavík
boðar til borgarafundar um fóstureyðingar-
löggjöfina nk. fimmtudag, þann 26. nóvemb-
er, kl. 20.30 í Glæsibæ.
Frummælandi: Hulda Jensdóttir.
Allir velkomnir.
Nauðungaruppboð
Þriðjudaginn 24. nóvember 1987
fara fram nauðungaruppboð á eftirtöldum fasteignum í dómsal
embættisins á Pólgötu 2 og hefjast þau kl. 14.00:
Fjarðargötu 5, Þingeyri, þinglesinni eign Snorra Snorrasonar, eftir
kröfu Lffeyrissjóðs Vestfirðinga.
Funa ÍS-485, þinglesinni eign Halldórs Guðbrandssonar, eftir kröfu
Karls Bjarnasonar.
Heimabæ 2, ísafiröi, þinglesinni eign Form sf., eftir kröfu Gjald-
heimtunnar í Reykjavik.
Mánagötu 2, norðurenda, fsafirði, þinglesinni eign Svavars Pérusson-
ar, eftir kröfum Lifeyrissjóðs Vestfirðinga, veöuéildar Landsbanka
Islands og bæjarsjóðs ísafjarðar.
Mjallargötu 6, neðri hæð, suðurenda, Isafirði, talinni eign Rósmund-
ar Skarphéðinssonar, eftir kröfum innheimtumanns rikissjóös og
veödeildar Landsbanka fslands.
Stjórnin.
STUDENTAFELAG REYKJAVf KUR
STOFNAÐ 1871
Fullveldisfagnaður
Stúdentafélags Reykjavíkur verður
haldinn laugardaginn 28. nóvember
1987 íÁtthagasal Hótel Sögu
Boðið er upp á glæsilegan kvöldverð. Inga
Backmann söngkona kemur fram og ræða
kvöldsins verður flutt af Jóni Erni Marinós-
syni. Fjöldasöng er stjórnað af hinum
landskunna „stuðmanni" Valdimar Örnólfs-
syni. Hljómsveit hússins leikur fyrir dansi.
Borðapantanir í síma 673355.
Stjórnin.
Silfurtorgi 1, 3. hæð, ísafiröi, þinglesinni eign Helgu Brynjarsdóttur
og Guðjóns Höskuldssonar, eftir kröfum Útvegsbanka fslands
Reykjavík og Útvegsbanka fsiands ísafirði.
Sólgötu 3, Isafirði, þinglesinni eign Jóns Benóný Hermannssonar,
eftir kröfum innheimtumanns rikissjóðs og veðdeildar Landsbanka
fslands.
Sunnuholti 3, Isafirði, þinglesinni eign Sævars Gestssonar, eftir kröf-
um Útvegsbanka fslands fsafirði og Landsbanka islands.
Eftirtalin nauðungaruppboð fara
fram á eignunum sjálfum:
Smárateigi 6, Isafirði, þinglesinni eign Trausta M. Ágústssonar, eft-
ir kröfum Verzlunarbanka íslands, bæjarsjóðs Isafjarðar og Lands-
banka Islands, þriðjudaginn 24. nóvember 1987 kl. 10.00. Þriðja
og sfðasta sala.
Fjarðargötu 34a, Þingeyri, þinglesinni eign Vögnu Vagnsdóttur og
Snorra Bergssonar, eftir kröfum Landsbanka Islands, Jóns G. Zoega
hrl. og veödeildar Landsbanka Islands, föstudaginn 27. nóvember
1987 kl. 14.00. Þriðja og sfðasta sala.
Bæjarfógetinn á Isafírði.
Sýslumaðurinn i Isafjarðarsýslu.