Morgunblaðið

Ulloq
  • Qaammatit siuliiDecember 1987Qaammatip tullia
    MoTuWeThFrSaSu
    30123456
    78910111213
    14151617181920
    21222324252627
    28293031123
    45678910

Morgunblaðið - 11.12.1987, Qupperneq 1

Morgunblaðið - 11.12.1987, Qupperneq 1
128 SÍÐUR B/C/D 282. tbl. 75. árg.________________________________FÖSTUDAGUR 11. DESEMBER 1987_______________________________Prentsmiðja Morgunblaðsins Viðræðurnar í Hvíta húsinu Þriðja fundi þeirra Ronalds Reagan Bandaríkjaforseta og Míkhaíls Gorbatsjov, leiðtoga Sovétríkjanna, er nú lokið en þessi mynd er frá viðræðum þeirra í skrifstofu Bandaríkjaforseta í Hvíta húsinu á miðvikudag. Á milli þeirra sitja túlkarair. Arangurinn einvörðungn P a sviði afvopnunarmála n, frá Á8geiri Sverrissyni, blaðamanni Morgunblaðsins. Bandaríkin: Viðskipta- halli aldrei verið meiri Washington, London, New York. Reuter. HALLINN á viðskiptum Bandaríkjanna við útlönd var meiri í október en hann hefur áður verið í einum mánuði. Af þeim sökum féll gengi dollar- ans og sömu sögu er að segja af verðbréfamarkaðnum. Efnahagssérfræðingar höfðu flestir búist við, að hallinn í októ- ber yrði á bilinu 14-15 milljarðar dollara, heldur meiri en í septem- ber, en þess í stað varð hann 17,63 milljarðar dollara. Hafði hann áður verið mestur í júlí sl., 16,47 millj- arðar. Embættismenn viðskipta- ráðuneytisins kenna aðallega um meiri olíu- og bílainnflutningi. Seðlabankar í Bandaríkjunum, Vestur-Þýskalandi og Sviss skár- ust í leikinn með dollarakaupum en þrátt fyrir það lækkaði gengi dollarans og hefur ekki í annan tíma verið lægra gagnvart jap- önsku jeni eða rúm 129,05 jen fyrir dollarann. f Wall Street hafa hlutabréf hækkað í verði undanfama daga um 135 stig samkvæmt Dow Jo- nes-vísitölunni en þegar fréttir bárust um viðskiptahallann lækk- aði verðið um 49 stig og var 47 stigum lægra en á miðvikudag þegar kauphöllinni var lokað. I kauphöllum í Evrópu lækkuðu hlutabréf einnig allmikið. í október jókst útflutningur Bandarikjamanna nokkuð frá fyrra mánuði og var 21,75 millj- arðar dollara en meira munaði um, að innflutningur jókst verulega, úr 35,06 milljörðum í 39,38 millj- arða dollara. Viðskiptahallinn gagnvart Japan jókst úr 4,63 mill- jörðum í 5,86 og gagnvart Evrópu úr 1,71 milljarði í 3 milljarða. Geoffrey Littler, formaður sam- starfsnefndar um efnahagslega samvinnu og þróun á vegum OECD, sagði í gær, að fulltrúum iðnríkjanna þætti sem gengisfall dollarans væri orðið nóg til að leið- rétta það misgengi, sem verið hefði í viðskiptum þjóðanna. LEIÐTOGAR risaveldanna þeir Míkhaíl S. Gorbatsjov Sovétleið- togi og Ronald Reagan Banda- ríkjaforseti hafa náð árangri í viðræðum um fækkun lang- drægra kjarnorkuvopna, þó svo að niðurstöður leiðtogafundarins í Washington séu ekki í samræmi við væntingar margra. Banda- rískur embættismaður segir, að rannsóknir og tilraunir vegna geimvarna standi ekki í vegi fyr- ir frekari samningum. Þá hefur verið ákveðið að fela samninga- mönnum risaveldanna í Genf að leita leiða til að ná samkomulagi um eftirlitsákvæði hugsanlegs samnings um fækkun lang- drægra kjarnorkuvopna og túlkun ABM-sáttmálans um tak- markanir gagneldflaugakerfa. Þá hefur náðst bráðabirgðasam- komulag um svonefnd undir- mörk sem gerir ráð fyrir því að hvoru stórveldinu verði heimilt að ráða yfir 4.900 lgarnaoddum í langdrægum kafbáta- og land- eldflaugum, verði vopnum þessum fækkað. Stjómmálaskýrendur og emb- ættismenn telja að sá andi, sem ríkjandi hefur verið í viðræðum leið- toganna og sendinefnda þeirra, gefi tilefni til bjartsýni á frekari viðræð- ur. Er það einkum nefnt að vænta megi árangurs í viðræðum þeirra Georges Shultz, utanríkisráðherra Bandaríkjanna, og hins sovéska starfsbróður hans, Edúards She- vardhadze á næstunni. Þrátt fyrir þetta er ljóst að bandarískir emb- ættismenn hafa orðið fyrir von- brigðum vegna þess hve lítið miðaði í viðræðum leiðtoganna um mann- réttindamál, sem fulltrúar Banda- ríkjastjórnar lögðu ríka áherslu á, og veru sovéska innrásarliðsins í Afganistan. Gorbatsjov sagði á blaðamannafundi í gærkvöldi að nákvæm tímasetning brottflutn- ingsins væri háð því skilyrði að Bandaríkjamenn hættu að styðja frelsissveitir í Afganistan, sem beij- ast gegn sveitum Sovétmanna og leppstjómar þeirra í Kabúl. Gor- batsjov lét í ljós vonir um að unnt yrði að leysa þennan ágreining risa- veldanna. Samkvæmt ummælum bandarísks embættismanns, sem ekki vildi láta nafns síns getið, urðu leiðtogamir ásáttir um að heimilað- ar skyldu rannsóknir og tilraunir vegna geimvama. Virðist sam- komulagið vera eftirgjöf af hálfu Sovétmanna en á Reykjavíkurfundi leiðtoganna setti Gorbatsjov það sem skilyrði fyrir samningum um aðra þætti afvopnunarmála, að rannsóknir og tilraunir Bandaríkja- manna vegna geimvama yrðu takmarkaðar við rannsóknastofur. Á blaðamannafundinum í gærkvöldi sagði Gorbatsjov, að Reykjavíkur- fundurinn hefði ekki verið til einskis. „Hefðum við ekki hist í Reykjavík, hefði ekkert gerst hér,“ sagði hann á tveggja tíma iöngum fundi sínum. Gorbatsjov hélt frá Washington rúmlega eitt í nótt að íslenskum tíma til Austur-Berlínar, þar sem hann hittir leiðtoga Var- sjárbandalagsins. George Shultz, utanríkisráðherra Bandaríkjanna ræðir við starfsbræður sína í Atl- antshafsbandalaginu í Briissel í dag. Klukkan tvö í nótt ávarpaði Reagan bandarísku þjóðina í sjón- varpi og greindi henni frá niðurstöð- um fundarins. Greinilegt er að í fjölmörgum ágreiningsefnum ríkjanna tveggja hefur lítið sem ekkert miðað í átt til samkomulags. Sovétmenn hyggj- ast ekki styðja tillögu í Öryggisráði Sameinuðu þjóðanna sem gerir ráð fyrir því að bannað verði að selja vopn til írans og umræður um ástand mannréttindamála í Sov- étríkjunum hafa reynst árangur- lausar. Sjá fréttir um leiðtogafundinn á miðopnu og síðu 24-25. Kveðjuávörpin við Hvíta húsið ollu vonbrigðum Washington, frá Agnesi Bragadóttur, blaðamanni Morgunbladsins. RIGNINGIN setti svip á kveðjuathöfnina fyrir MíkhaU S. Gorbatsjov, leiðtoga Sovétrikjanna, og konu hans Raisu Gorbatsjova hér við Hvita húsið í gær. Fjöldi manns hafði safnast saman á grasflötinni sunnan við Hvita húsið til þess að fylgjast með kveðjuathöfninni. Flestir við- staddra, ef ekki allir, urðu fyrir miklum vonbrigðum með kveðjuávörpin. Andrúmsloftið á þessum þriðja leiðtogafundi risa- veldanna hefur verið mjög jákvætt og þótt lofa góðu. Áttu flestir fréttaskýrendur hér vestra von á því að leiðtogamir kveddust með sameiginlegum tímamótayfírlýsingum og þeir bjartsýnustu töldu jafnvel að greint yrði frá nýju markverðu samkomu- lagi, annaðhvort um mannréttindi eða afvopnunar- mál. Um kl. 14.20 (19.20 ísl. tími) gengu leiðtogamir saman hingað út á grasflötina fyrir sunnan Hvita húsið og fluttu ræður, en mörgum þótti lítið um niðurstöður þeirra. Báðir gáfu það eitt í skyn, að ástæða væri til bjartsýni. Engar ákveðnar yfirlýsing- ar voru gefnar, hvorki hvað varðar leiðtogafund í Moskvu á næsta ári né um ágreiningsefni ríkjanna. í dynjandi rigningu hlýddu fréttamenn og gestir á ávörp leiðtoga Bandaríkjanna og Sovétríkjanna í garði Hvíta hússins, en þrátt fyrir vinsamleg orð í garð hvor annars og vinsamleg ummæli um þjóðir hvor annars var ljóst af viðbrögðum gesta og frétta- manna, að þeir töldu ekki að um mikinn árangur væri að ræða á þessum fundi fyrir utan samning- inn, sem undirritaður var.

x

Morgunblaðið

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið
https://timarit.is/publication/58

Link til dette eksemplar: 282. tölublað (11.12.1987)
https://timarit.is/issue/121537

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.

282. tölublað (11.12.1987)

Iliuutsit: