Morgunblaðið - 31.03.1988, Qupperneq 50

50 C
MORGUNBLAÐIÐ, FIMMTUDAGUR 31. MARZ 1988
Sveifla og blús
Big Blues Band Gugge Hedrenius í
Hótel íslandi
Líklega geta flestir þeir sem á annað borð hafa gaman af tónlist
tekið undir það að þeir hafi gaman af gamaldags jass, eða „tra-
d“jass, og eiga þá við sveiflujass áranna á milli stríða. Þá voru i
hávegum sveitir eins og stórsveit Fletcher Henderson (á árunum
1927 til 1935), stórsveit Duke Ellingtons (frá 1926 og vel framyfir
stríð), stórsveit Jimmie Luncefords (frá 1934) og sveit Count Basie
(1936 fram undir 1950).
Það eru sveitir Ellingtons og
Basies sem hafa lifað hvað best í
jasssögunni, enda var Ellington í
fullu fjöri svo að segja fram undir
það síðasta og ekki eru nema þijú
ár síðan Basie lést.
Aðal Basiesveitarinnar var vitan-
lega hreinn sveiflujass, en sveitin
lék iðulega blúsópusa með söngvur-
um, eða „shouters" og er nóg að
vísa til farsællrar samvinnu Count
Basies og Jimmy Rushing um ára-
bil.
Þó bebopið hafl gerbreytt ásýnd
jassins uppúr 1950 eru enn til sveit-
ir sem halda á loft merki þeirra
Ellingtons og Basies og ein slík er
væntanleg til tónleikahalds á Is-
landi í byijun næsta mánaðar.
Gugge Hedrenius
Big Blues Band
7. apríl næstkomandi heldur stór-
sveit sænska píanistans, tónskálds-
ins og hljómsveitarstjórans Gugge
Hedrenius, Gugge Hedrenius Big
Blues Band, vestur um haf til að
leggja Bandaríkin að fótum sér.
Fyrir atbeina góðra manna tókst
að koma málum þannig fyrir að
sveitin millilendir hér á landi og
heldur tónleika í Hótel íslandi.
Sveitin hefur starfað síðan 1971
og á mepal þeirra sem leikið hafa
í henni má fræga telja gítarleikar-
ann snjalla Janne Schaffer, tromm-
arann Pétur Östlund og þá Hank
Crawford og Mel Lewis. í Hótel
íslandi verða í sveitinni trompetleik-
aramir Willie Cook, Rolf Ericson,
Bosse Broberg og Thomas Driving;
básúnuleikaramir Ulf Johanson,
Dicken Hedrenius og Lennart Löf-
gren; saxófónleikaramir Brent Ros-
engren, John Högman, Wage Finer
og Hakan Levin; bassaleikarinn
MINOLTA
NETTAR, LITLAR
0G LÉTTAR
LJÓSRITUNARVÉLAR
- og þær gera allt sem gera þarf
á minni skrifstofum
D-10
Lítil, einföld og því traust. Fyrirtak á skrifborðið!
Verð kr. 25.025.- stgr.
Japönsk snilldarhönnun, þýsk ending og
nákvæmni.
Verð frá kr. 37.300.- stgr.
MINOLTA EP 50
5 lita prentun ef vill, innsetning einstakra arka,
innbyggður arkabakki til að spara pláss;
hágæðaprentun og hagkvæmni í rekstri.
Verð kr. 53.300.- stgr.
Gugge Hedrenius Big Blues Band
Lasse Lundstöm; trommuleikarinn
Mans Ekman; söngvarinn Claes
Janson og sjálfur leikur Gugge á
píanó.
A meðal hljóðfæraleikara Gugge
eru fremstir meðal jafningja þeir
Willie Cook, Rolf Ericsen og Brent
Rosengren. Willie hefur leikið með
ýmsum sveitum, þ. á m. með sveit-
um Jay McShann, Earl Hines, Dizzy
Gillespie og Duke Ellington, en með
Ellington hljóðritaði hann marga
snjalla einleikskafla. Rolf Ericson
er meðal þekkustu jassleikara Svía.
Hann bjó lengi í Bandaríkjunum og
lék þar með Stan Kenton, Woody
Herman, Buddy Rich, Quincy Jo-
nes, Gerry Mulligan og Charles
Mingus áður en hann réðst til Duke
Ellington, en með honum lék hann
af og til frá 1963. Hann býr nú í
Vestur-Berlín. Brent Rosengren er
í hópi þekktustu tenórsaxófónleik-
ara Evrópu og hefur m.a. leikið
með Brent Rosenberg og Palle
Mikkelborg og unnið plötur með
Horace Parlan og Doug Raney.
Á tónleikadagskrá sveitar Gugge
eru ópusar sem Gugge hefur sjálfur
sett saman, en einnig verða á boð-
stólum lög eftir meistarana Elling-
ton og Basie og söngvarinn Claes
Janson fær vonandi nóg að gera.
Gagnrýnendur sem gerst þekkja
segja sveitina hljóma eins og Basie-
sveitina þegar hún er upp á sitt
besta og lék hvað bestan stórsveit-
arblús. Nafn sveitarinnar vísar og
til þess að blúsinn er ekki langt
undan og ekki er langt síðan sveit-
in lék undir hjá hinum kunna blús-
söngvara Jimmy Witherspoon. Það
má því reikna með heitri sveiflu í
Hótel íslandi og ekki er að vita
nema Basielögin Baby Don’t Tell
on Me, Good Moming Blues og I
Got Rhythm og Ellingtonlögin
Thing Ain’t What They Used to
Be, Don’t Get Around Much Any-
more og Satin Doll verði viðruð 7.
apríl að ógleymdum gamla slagar-
anum um Alexander og ragtime-
sveit hans.
Árni Matthíasson