Morgunblaðið - 09.04.1988, Qupperneq 32

32
MORGUNBLAÐIÐ, LAUGARDAGUR 9. APRÍL 1988
Borgarstjórn Reykjavíkur:
Samþykkt að hefja framkvæmdir
við byggingu ráðhúss við Tjömina
BORGARSTJÓRN Reylgavíkur
hefur samþykkt að heimila byrj-
unarframkvæmdir við byggingu
ráðhúss Reykjavíkurborgar að
Tjarnargötu 11. Deildar mein-
ingar eru um það í borgarstjórn
hvort heimilt hafi verið að gefa
svokallað „graftrarleyfi".
All snarpar umræður urðu um
þetta mál á fundi borgarstjómar
síðastliðinn fimmtudag. Ingibjörg
Sólrún Gísladóttir (Kvl) fylgdi úr
hlaði bókun frá fulltrúum allra
minnihlutaflokkanna nema Fram-
sóknarflokks. Bókunin er svohljóð-
andi:
„Við mótmælum því harðlega að
heimilaðar verði byijunarfram-
kvæmdir við fyrirhugaða ráðhús-
byggingu. Viljum við í því sam-
bandi vísa til eftirfarandi:
1. í byggingarlögum og reglu-
gerð er ekkert til sem eftir „graftr-
arleyfi". í 9. gr. byggingarlaga og
í kafla 3.4 í byggingarreglugerð er
aðeins kveðið á um byggingarleyfi
og þau skilyrði sem uppfylla þarf
áður en slíkt leyfi fæst.
2. Fyrirliggjandi uppdrættir af
raðhúsi uppfylla ekki fyrmefnd skil-
yrði. Má í því sambandi nefna að
þeir eru hvorki í samræmi við stað-
fest aðalskipulag né deiliskipulag,
sbr. 3.4.4. í byggingarreglugerð.
Þær teikningar sem nú liggja fyrir
byggingamefnd gera ráð fyrir
byggingu sem er 30% hærri og 28%
stærri að rúmtaki en sú sem stað-
festing ráðherra nær til. Skipulags-
stjóm ríkisins hefur ekki fallist á
að gera breytingu á deiliskipulaginu
sem heimili svo mikið frávik. Sam-
þykkt skipulagsstjómar frá 23.
mars s.l. náði aðeins til stækkunar
byggingarreits en ekki til hússins
sjálfs.
Ekki hefur verið sýnt fram á að
við þessar framkvæmdir verði gerð-
ar þær varúðarráðstafanir sem
nauðsynlegar eru til að hindra að
bygging ráðhússins valdi skaða á
lifríki Tjamarinnar. í þessu sam-
bandi viljum við vísa til bréfs frá
samtökunum Tjömin lifi dags.
29.3.’88, sem sent var Náttúru-
vemdarráði og byggingamefnd
Reykjavíkurborgar í afriti.
Endurteknar
rangfærslur
Davíð Oddsson, borgarstjóri
sagði að nú væri svo komið að and-
stæðingar ráðhúsbyggingarinnar
innan og utan borgarstjómar væru
komnir í slíkt þrot, að engu væri
tjaldað lengur nema falsrökum. Til
að mynda væri því statt og stöðugt
haldið fram að til stæði að byggja
fjögurra hæða ráðhús, þó að flestir
borgarbúar vissu að um væri að
ræða þriggja hæða hús. „Ef til vill
gera minnihlutafulltrúamir sér von-
ir um að fá aðstöðu innan um kapla
og leiðsiur á tækniloftinu," sagði
Davíð og bætti því við á þessari
fjórðu hæð gætu aðeins komið til
með að vera fólk, 40-60 sm á hæð,
en svo lágvaxið fólk þekkti hann
ekki. Benti hann á að við þessar
rangfærslur væri deilt í heildarhæð
EFTIRLÆTI Al I RA 7
hússins með 3,30 m sem væri hin
almenn hæð skrifstofuhúsnæðis í
byggingarreglugerð en ekki horft á
þá hæð, sem ráð væri fyrir gert í
teikningum.
Um stærð hússins sagði Davíð
að við mat á henni væri miðað við
nýtingarflöt og væri þá um að ræða
5,6% stækkun eða 258 fermetra frá
því sem gert hafði verið ráð fyrir
í teikningum og væri það að sjálf-
sögðu innan marka staðfests deili-
skipulags. Væri það sambærilegt
og salemi væri innréttað í iðnaðar-
húsnæði. Benti borgarstjóri á að
flatarmál ráðhússins væri um 5.000
fermetrar, og að það hefði þurft
að fara fram yfir 8.000 fermetra
til þess að fara út fyrir skipulagið.
Tölur arkitektanna réttar?
Guðrún Ágústsdóttir (Abl) dró
í efa tölur arkitekta ráðhússins um
stækkun þess og taldi og rangt að
bera ráðhúsið saman við iðnaðar-
eða íbúðarhúsnæði, þar eð hér væri
um að ræða hús á einum viðkvæm-
asta stað í borginni.
Guðrún benti og á að mjög marg-
ar athugasemdir hefðu borist frá
borgarbúum um ráðhúsbygginguna
með tilliti til þeirrar yfirlýsingar
borgarstjóra að hann myndi aðeins
horfa á þær og setja í skjala-
geymslu borgarinnar. „Ef leyfi
verður veitt í dag til að byija fram-
kvæmdir er alveg verið að hundsa
athugasemdir borgarbúa," sagði
Guðrún og skoraði á borgarstjóra
að draga skjalageymsluummæli sín
til baka og verða maður að meiru.
Guðrún gat þess enn fremur, að
á næst fundi skipulagsnefndar
myndi hún leggja fram tillögu um
fomleifarannsóknir á ráðhúslóðinni.
Kostnaðaráætlun
liggi fyrir
Bjarni P. Magnússon gagnrýndi
vinnubrögð meirihlutans og emb-
ættismanna borgarinnar. Taldi
'hann óráðlegt að byija fram-
kvæmdir fyrr en nákvæm kostnað-
aráætlun lægi fyrir, sérstaklega
eftir stækkun ráðhússins. Bjami
vitnaði og til skýrslu Almennu verk-
fræðistofunnar um jarðvegsrann-
sóknir á Tjamarsvæðinu, sem bentu
til þess að mörgum spumingum
væri enn ósvarað.
Það að leyfa grunngröft á ráð-
húslóðinni taldi Bjami vera brot á
samkomulagi borgarstjómar og fé-
lagsmálaráðherra um viðbótar-
kynningu á KvosarskipulaginU.
Davíð Oddsson, borgarstjóri
taldi það fráleitan misskilning að
leyfið væri brot á samkomulagi við
ráðherra, enda hefði sérstaklega
verið um það rætt að kynningin
ætti ekki að teija framkvæmdir.
Hilmar Guðlaugsson, formaður
bygginganefndar gerði grein fyrir
afgreiðslu nefndarinnar, sem hann
sagði í samræmi við afgreiðslu
bygginganefndar á fjölda bygginga
um árabil. Benti Hilmar á að sam-
kvæmt byggingarlögum væri
óheimilt að hefja grunngröft nema
með samþykki bygginganefndar og
væri einmitt verið að veita slíkt leyfi
nú. „Hér er ekki verið að veita
byggingarlejrfi heldur graftarleyfi,"
sagði Hilmar. Taldi Hilmar því ekk-
ert til fyrirstöðu, ljóst væri að ráð-
hús myndi rísa á lóðinni, hveijar
athugasemdir kæmu svo sem til
með að koma um bygginguna sjálfa.
Davíð linoðar leir
Guðni Jóhannesson (Abl) taldi
ráðhúsmálið vera búið að taka á
sig æði furðulega mynd; lögskipuð
„apparöt" til verndar hagsmunum
almennings hefðu legið flöt og
fijálslegum lagatúlkunum beitt.
„Davíð Oddsson fer sínu fram og
hnoðar stjómkerfi rikis og borgar
eins og leir."
Guðni kvaðst vera þeirrar skoð-
unar að vandi stórrar mannvirkja-
gerðar hér á landi væri hvað áætl-
anir færu oft úr böndunum. Taldi
hann stækkun ráðhússins vera
merki þess. Enn fremur kvað hann
allt benda til þess að alvarleg um-
fjöllun hafi ekki átt sér stað um
lífríkismál Tjamarinnar. „Eðlilegt
væri að dokað væri við og tryggi-
lega gengið frá öllum undirbúningi.
Sigrún Magnúsdóttir, kvaðst
hafa rætt við arkitekta hússins
þennan sama dag. Hjá þeim hefði
hún fengið þær upplýsingar að hæð
hússins hefði verið reiknuð frá götu-
hæð að veggbrún. „Húsið fer undir
yfirborð Tjamarinnar og er því ekki
eðlilegt að miða við gólfflöt.
Sigrún tók undir þau ummæli
Bjama P. Magnússonar að nákvæm
kostnaðaráætlun þyrfti að liggja
áður en í framkvæmdir yrði farið
og taldi rétt að fresta staðfestingu
graftrarleyfís til 5. maí.
Þarf að ná samstöðu
Tryggvi Þór Aðalsteinsson
(Abl) taldi nauðsynlegt að vanda
til undirbúnings ráðhúsbyggingar-
innar, á það hefði nokkuð vantað.
„Ég hefði talið að óreyndu að menn
gætu hlustað á og tekið tillit til
málefnanlegra raka í stað þess að
rígbinda sig við ákveðna og fyrir-
framgefna niðurstöðu og víkja ekki
frá henni hvað sem raular og taut-
ar.“ Tryggvi taldi lýðræðið hafa
veri fótum troðið í þessu máli en
enn væri tækifæri til þess að ná
samstöðu um ráðhús, sem þungvæg
rök mæltu með að risi almennt;
samstaða væri ávallt mikilvæg í svo
stórum málum. „Fram að þessu
hefur þetta ekki verið haft að leiðar-
ljosi og hvet ég meirihlutann • til
þess að staldra við.“
Viðræður Kennarasambands íslands:
Sé ekki grundvöll til
viðræðna á næstunni
- segir Arthur Morthens
„NIÐURSTAÐA Félagsdóms
hefur ekki bætt möguleikana á
að ná samningum," sagði Art-
hur Morthens, kennari í Árbæj-
arskóla og stjórnarmaður i
Kennarasambandi íslands. „Ég
sé ekki fram á að það sé grund-
völlur til viðræðna við ríkis-
valdið á næstu dögum, en ef
samninganefnd ríkisins óskar
eftir viðræðum við okkur mun-
um við að sjálfsögðu mæta á
slikan fund. Fulltrúar rikisins
hafa ekki lagt fram neitt skrif-
legt tilboð i þá 90 daga sem við
höfum verið að tala saman og
næsta skref hlýtur að koma frá
ríkinu ef þeim er annt um
skólahald á íslandi."
„Við töldum að með samþykkt
fulltrúaráðs KÍ frá 7. mars, þar
sem dagsetning á verkfalli kemur
fram, værum við í fullum rétti,
þó svo að dagsetningin væri ekki
tiltekin á atkvæðaseðlinum. Nú
hefur komið í ljós að Félagsdómur
túlkar þetta á annan hátt og það
er þá ótvírætt upp hvemig standa
á að atkvæðagreiðslum í framtíð-
inni.
Ég tel þá aðdróttun ríkislög-
manns að atkvæðagreiðsla KÍ
hafí ekki farið leynilega fram af-
skaplega ósmekklega. Þar er ráð-
ist á áratuga hefð í kosningafyrir-
komulagi innan BSRB, en ég er
þeirrar skoðunar að það kosninga-
fyrirkomulag innan BSRB og KÍ
sé það besta sem gerist hjá sam-
tökum launafólks. Þegar vegið er
að samningsrétti opinberra starfs-
manna með þessum hætti verða
opinberir starfsmenn einfaldlega
að standa vörð um þetta ákvæði.
Ef ekki nást þeir samningar
sem við teljum okkur geta sæst
á er skólastarfí næsta haust stefnt
í hættu og það getur vart verið
skólastarfi á íslandi til framdrátt-
ar að deilur af þessu tagi komi
upp og þama verð ég að lýsa
ábyrgð á hendur ríkisvaldinu. Við
sættum okkur ekki við lakarí
kaupmátt launa en var í október
’87.
Ég tel að gmnnskólastarf á
Islandi standi nú á krossgötum.
Við stöndum frammi fyrir áfellis-
dómi erlendra sérfræðinga, skóla-
þróunarstarf og rannsóknarstarf
Arthur Morthens
eru í molum óg það er augljóst
að við þurfum að veita auknu fjár-
magni í skólahald ef við viljum
standa öðmm þjóðum á sporði
hvað varðar uppeldi og kennslu,"
sagði Arthur Morthens.
Aðgerðaleysi myndi ankavaiula skólanna
- segir Ragnhildur Skjaldardóttir
„OKKAR næsta skref er að bíða
eftir því að okkur bjóðist samn-
ingur sem við getum skrifað
undir, en við ítrekum það að
við skrifum ekki upp á samning
sem hefur kaupmáttarskerð-
ingu í för með sér,“ sagði Ragn-
hildur Skjaldardóttir, kennari
í Siðuskóla á Akureyri og
stjórnarmaður í Kennarasam-
bandi íslands. „Auðvitað veldur
það skólunum vandræðum ef
við þurfum að hefja næsta
skólaár með baráttuaðgerðum,
en við leggjum áhcrslu á þá
ábyrgð okkar að fólk fáist til
kennslustarfa. Það er Iíka
ábyrgðarhluti að gera ekki
neitt.“
„Á Akureyri var vandinn við
að manna skólana síðasta vetur
gífurlegur. í Síðuskóla vantaði í
tæpar tvær kennarastöður og
bömin fá mjög skerta kennslu í
sumum greinum og enga í öðrum.
Vandinn er byijaður að koma í
ljós í Reykjavík - þar var ráðinn
aukinn fjöldi rettindalausra kenn-
ara síðasta vetur - og þá fara
menn kannski fyrst að taka eftir
vandanum sem við erum búin að
búa við lengi úti á landi.
Mér finnast vinnubrögð samn-
inganefndar ríkisins vera afskap-
lega slæm og ekki heiðarleg. Full-
trúar ríkisins eru til dæmis tilbún-
ir að vefengja leynda atkvæða-
greiðslu og það fyrirkomulag sem
hefur tíðkast hér í áratugi og
hefur aldrei verið fundið að áður.
Félagsdómur hefur hins vegar
Ragnhildur Skjaldardóttir.
væntanlega dæmt eftir sinni bestu
samvisku þó svo að ég sé ekki
sammmála niðurstöðu hans.
Okkur fínnst við ekki vera með
óraunsæjar kröfur. Við erum fólk
með þriggja ára háskólapróf að
lágmarki og það segir sig sjálft
að það gengur ekki að byija með
50.000 krónur á mánuði. Mér leið-
ist það að það sé sífellt verið að
etja okkur saman við samninga
verkafólks. Ég tel að verkafólk
sé svo sannarlega ekki of sælt
með sína samninga, en mér finnst
ekki rétt að vera sífellt að núa
okkur því um nasir að við viljum
taka frá því fólki með því að ná
hærri launum. Við getum einfald-
lega ekki horft upp á það að skóla-
starf í landinu versni, því allar
skýrslur benda til að það sé
kannski ekki of beysið nú þegar,"
sagði Ragnhildur Skjaldardóttir.