Morgunblaðið - 01.06.1988, Blaðsíða 20
20
MORGUNBLAÐIÐ, MIÐVIKUDAGUR 1. JÚNÍ 1988
Morgunblaðið/Þorkell
„Þú nærð ekki í mig í Hollywood fyrr en eftir viku... ég er að fara til New York að ljúka samning-
um við mjög’ stór nöfn.“ Sigurjón að pakka niður eftir stutta viðdvöl á íslandi.
„Það er uppsveifla í ís-
lenskri kvikmyndagerð ‘ ‘
Spjallað við
Siguijón
Sighvatsson,
kvikmyndafram-
leiðanda í
Hollywood
ÍSLENDING AR virðast vera
að hasla sér völl í
kvikmyndaheiminum. Þvi tU
vitnis er meðal annars gott
gengi íslensku
biómyndarinnar Foxtrot á
Cannes-kvikmyndahátíðinni í
Frakklandi, sem lauk fyrir
skemmstu. í Cannes var hins
vegar einnig staddur eini
íslendingurinn, sem rekur
kvikmyndafyrirtæki á
heimsmælikvarða í Mekka
kvikmyndagerðarinnar,
Hollywood, og framleiðir
myndbönd og bíómyndir líkt
og á færibandi. Þetta er
Siguijón Sighvatsson, sem átti
stuttan stans heima á íslandi
á leiðinni frá Cannes tU New
York, þar sem hann ætlar að
gera samninga við „nokkur
mjög stór nöfn í
kvikmyndaheiminum,“ eins og
hann orðaði það, um að leika
í næstu bíómyndum sínum.
Morgunblaðið átti stutt spjaU
við Sigurjón á meðan hann var
að láta ofan í töskurnar, sem
honum hafði tæpast gefist tími
tU að taka upp úr.
í Cannes var sýnd nýjasta
kvikmyndin, sem Siguijón og
félagi hans í kvikmyndafyrirtæk-
inu Propaganda Films, Steve
Golin, framleiddu. Myndin heitir
The Blue Iguana eða Bláa eðlan,
og fékk að sögn Sigurjóns góða
dóma. „Ég segi ekki að við höf-
um slegið í gegn, en myndin var
sýnd fyrir 4.000 manns á sérs-
takri miðnætursýningu og fékk
mjög góðar viðtökur," sagði Sig-
uijón. Hann sagði að gagnrýn-
endur hefðu einnig gefið mynd-
inni góða dóma, og einn þekkt-
asti kvikmyndagagnrýnandi
Frakklands hefði mælt með
henni fremur en flestum hinna
Hollywood-myndanna á hátíð-
Sigurjón Sighvatsson: „Menn
rjúka ekki lengur út í að gera
mynd sem kostar áttatíu millj-
ónir með átta í vasanum."
inni. „Sala á dreifingarrgftinum
var þegar frágengin, Twentieth
Century Fox hefur keypt hann.
Nú skiptir sköpum hvað gerist
hjá dreifíngaraðilunum í hveiju
landi. Þeir komu allir á hátíðina
og það að myndin skuli hafa
fengið góða dóma, gefur þeim
aukin kraft í markaðssetningu
hennar. Ég held að þar hafí okk-
ur einmitt tekist vel upp,“ sagði
Siguijón. Hann sagði að myndin
yiði sýnd hér á landi í septemb-
er, en það væri ekki ákveðið í
hvaða kvikmyndahúsi.
Propaganda hefur á aðeins
tveimur árum unnið sér sess sem
frumlegt ög djarft fyrirtæki og
er nú til dæmis umsvifamesti
framleiðandi tónlistarmynd-
banda í heiminum. Viðskiptavin-
imir eru heldur ekki af verri
endanum. Þar má nefna U2,
Sting, Bruce Springsteen og Jo-
hnny Hates Jazz. „I ágúst flytj-
um við inn í nýtt 1500 fermetra
húsnæði og opnum einnig skrif-
stofu í London með haustinu,"
sagði Siguijón. „Við eram að
klára bíómynd núna, sem við
fílmuðum í New York í vor. Sú
mynd kemur á markað í haust,
en við eram með tvær til við-
bótar í undirbúningi. Við eram
að ganga frá samningum við
dreifingaraðila og leikara, en
aðalhlutverkin verða skipuð
mjög þekktum leikuram, sérs-
taklega í annarri myndinni. Ég
er að fara til New York núna
að ljúka samningum við tvö eða
þijú mjög stór nöfn.“
Siguijón leikstýrði á sínum
tíma íslensku uppfærslunni á
„Litlu hryllingsbúðinni". Er von
á því að hann gefí sér tíma frá
önnunum í Hollywood til fleiri
verkefna hér heima?
„Það getur verið að við Láras
Ýmir Óskarsson geram á næsta
ári kvikmynd eftir leikriti Ólafs
Hauks Símonarsonar, Bílaverk-
stæði Badda. Það er nú meira
af ættjarðarást og áhuga en
ágóðavon. Ég vil auðvitað reyna
að halda tengslunum við ísland,
sonur minn er í skóla héma og
hér á ég fjölskyldu. Svo vil ég
auðvitað gera mitt til þess að
íslensk kvikmyndagerð vaxi.“
— Hvemig líst þér á íslenska
kvikmyndagerð?
„Hún hefur verið í mikilli lægð
að undanfömu en ég held að hún
sé í uppsveiflu núna. Margt af
því fólki, sem hefur verið í þess-
um bransa undanfarin ár, hefur
öðlast meiri reynslu. Ég hef
mikla trú á því sem Dúna Hall-
dórs er að gera og ég held að
það hafí líka tekist vel til að
mörgu leyti með Foxtrot. Ég
efast heldur ekki um að Hrafn
Gunnlaugsson er að gera góða
hluti, þótt ég eigi enn eftir að
sjá hvemig tekst til með nýjustu
myndina hans.
Ég held að íslensk kvikmynda-
gerð sé að komast á heilbrigðari
grann en verið hefur. Menn ijúka
ekki lengur út í að gera mynd
sem kostar áttatíu milljónir með
átta í vasanum. Það er nauðsyn-
legt að sýna skynsemi í þessum
efíium, því að auðvitað er það
óðs manns æði að æða út í kvik-
myndagerð án þess að geta
nokkum tímann vonast til þess
að hafa upp í kostnað. Að þessu
leyti hafa viðhorfin breyst. Aug-
lýsingagerðin er lfka að koma til
og menn standa þar fastari fót-
um. Það er allt önnur fag-
mennska f íslenskum kvik-
myndaiðnaði en var. Það vantar
kannski heildarstefnu, en hún
kemur með tíð og tíma.“
Viðtal: ÓÞS
Hafnarfjörður:
Hátíðaliöld í tilefni
80 ára afmælis
Hafnarfjarðarbær heldur upp
á 80 ára afmæli sitt i dag, 1. júní,
og næstu daga með hátiðahöld-
um víðs vegar um bæinn. Fjöldi
sýninga verður opnaður, haldnar
skemmtanir fyrir unga jafnt sem
aldna og kaffisamsæti, svo eitt-
hvað sé nefnt. Dagskráin hefst í
dag kl. 14 með sýningu brúðu-
leikhússins „Sögusvuntunnar" í
bókasafni Hafnarfjarðar og lýk-
ur á laugardag með fjölskyldu-
hátið í íþróttahúsinu við Strand-
götu.
Dagskráin í dag heldur áfram
kl. 17 er málfundafélagið Magni
afhendir Hafnarfjarðarbæ
skemmtigarðinn Hellisgerði til
eignar. Bæjarstjóm býður starfs-
mönnum sínum til kaffisamsætis í
veitingahúsinu A. Hansen á milli
kl. 15 og 18.30 og dagskrá sjálfs
afmælisdagsins lýkur með hátíðar-
fundi í listamiðstöðinni Hafnarborg
kl. 20.30 þar sem forseti íslands,
Vigdís Finnbogadóttir, verður'heið-
ursgestur.
Á morgun, fímmtudag verður
afmælisveisla fyrir aldraða Hafn-
fírðinga í íþróttahúsinu auk
skemmtana á St. Jósefsspítala, Sól-
vangi og Hrafnistu. Opnaðar verða
sögusýningar og myndbandasýn-
ingar um sögu bæjarins í Byggða-
safni Hafnarfjarðar og Öldutúns-
skóla sem lýkur 19. júní og um
kvöldið verður sýnd heimildarkvik-
mynd um Hafnarfjörð í Bæjarbíói.
Föstudagur verður helgaður
hafnfírskum bömum með söng,
leikjum og sprelli á Thorsplani kl.
10.30 og 15. í húsi fiskmarkaðsins
verður afiýúpað listaverk Sigrúnar
Guðjónsdóttur og Gests Þorgríms-
sonar, flutt ávörp og haldið kaffí-
samsæti sem bæjarstjóm býður
fiskvinnslufólki og sjómönnum til.
Síðasta dag hátíðarinnar, laugar-
dag, verður opin bátaleiga við Læk-
inn og hestaleiga við íþróttahúsið.
Þá verður íþróttadagskrá; knatt-
spyma, fallhlífastökk og flugvéla-
módelsýning á Thorsplani kl. 13 og
afmælisdagskránni lýkur með fíöl-
skylduhátíð við íþróttahúsið kl. 15.
Þar munu meðal annara koma
fram; Bjartmar Guðlaugsson, fím-
leikafélagð Björk, Björgvin Hall-
dóreson, jfagnús Kjartansson, Tún-
fiskar og þekktar persónur úr bam-
atímum Sjónvarpsins og Stöðvar 2.
Fjögur stéttarfélög mót-
mæla bráðabirgðalögimum
STJÓRNHi fjögurra stéttar-
félaga, Sambands íslenskra
hnnkamanna, Hins íslenska kenn-
arafélags, Bandalags kennarafé-
laga og Iðju, félags verksmiðju-
fólks hafa samþykkt mótmæli
gegn bráðabirgðalögum ríkis-
stjórnarinnar frá 20. mai sl., eink-
um þeim ákvæðum laganna er
snerta skerðingu samningsréttar.
í fréttatilkynningum frá stjómum
félaganna kemur fram að þær telja
lögin árás á starfsemi verkalýðs-
hreyfingarinnar og að með þeim sé
vegið að samningsréttinum. Stjóm
HlK vekur sérstaka athygli á 5. grein
Iaganna, þar sem atvinnurekendum
er bannað að hækka laun umfram
þann ramma sem tiltekinn er í lögun-
um, og telur að henni muni eingöngu
beitt á ríkisstarfsmenn. Segir í álykt-
un stjómarinnar að þessi aðför muni
án efa stórekaða skólastarf á kom-
andi skólaári.
Skólakór Kársness á
tónleikum á Húsavík
Húsavfk.
SKÓLAKÓR Kársness sem er á
söngför um Norðurland söng í
Húsavikurkirkju sl. sunnudag
undir stjórn Þórunnar Björns-
dóttur. Þetta er nyög agaður og
hreinraddaður kór sem unun var
á að hlusta. Þama er ábyggilega
margt ungmenna sem eiga eftir
að efla tónlistarlíf komandi tima.
Aðsókn var minni en efni stóðu
til og virðist það mikla starf og
þeir miklu fíármunir sem undanfar-
in ár hefur verið veitt til tónlistar-
skólanna beri ekki tilætlaðan ár-
angur þegar ungmenni sækja ekki
tónleika jafnaldra sinna sem langt
að era komnir. Þetta á bæði við
um höfuðstað Norðurlands og aðra
staði hér fyrir norðan.
- Fréttaritari
Mýrar:
Akrakirkja endurbyggð
AKRAKIRKJA á Mýrum verður
tekin í notkun að nýju eftir gagn-
gera viðgerð, sem staðið hefur
yfir í tvö ár, nk. sunnudag.
Kirkjan var vígð árið 1900 og
hefur nú verið endurgerð í upphaf-
legri mynd. Af þessu tilefni verður
hátíðarmessa í Akrakirkju á sunnu-
dag kl. 14 og að henni lokinni
kaffísamsæti í félagsheimilinu
Lyngbrekku í boði kvenfélags
Hraunhrepps.
Margir hafa veitt þessari viðgerð
liðsinni sitt með fégjöfum og ann-
arri aðstoð og vilja sóknarmenn nú
bjóða öllum velunnuram kirkjunnar
til samvera nk. sunnudag.