Morgunblaðið - 07.07.1988, Blaðsíða 32
32
MORGUNBLAÐIÐ, FIMMTUDAGUR 7. JÚLÍ 1988
Félag verslunar- og
skrifstofufólks kært
Rúmlega þrítug kona, Sigrún
Grímsdóttir, hefur kært Félag
verslunar- og skrifstofufólks á
Akureyri fyrir að koma í veg
fyrir að hún kæmist til
Reykjavíkur með flugvél Flug-
leiða frá Akureyri að kvöldi 1.
maí sl. Þá stóð verkfall verslun-
armanna yfir og komu verkfalls-
verðir þá meðal annars í veg
fyrir afgreiðslu á Akureyrar-
flugvelli. Þetta mun vera í fyrsta
sinn hérlendis að einstaklingur
kærir verkalýðsfélag, sem á í
kjaradeilu.
Sigrún taldi sig ekki þurfa að
njóta þjónustu félaga í Félagi versl-
unar- og skrifstofumanna í þessu
tilviki þar sem hún var með flugmið-
ann sinn í höndunum er hún kom
og engan farangur meðferðis. Þrátt
fyrir þetta stöðvuðu verkfallsverðir
hana er hún ætlaði að ganga að
vélinni. Sigrún krefst með máls-
höfðuninni 100.000 króna skaða-
bóta vegna kostnaðar er varð vegna
lengri dvalar hennar fyrir norðan,
vinnutaps, óþæginda og ærumeið-
ingar þar sem myndir af atburðin-
um birtust bæði í blöðum og í sjón-
varpi.
Jóna Steinbergsdóttir, formaður
Félags verslunar- og skrifstofufólks
á Akureyri, neitaði því í samtali við
Síorgunblaðið að valdi hafi verið
beitt. „Það fólk, sem starfar hjá
Fugleiðum á Akureyrarflugvelli og
var í verkfalli þarna, sagði okkur
að farþegum væri óheimilt að
ganga um borð nema því aðeins að
það væri bókað á vélina sem Sigrún
var ekki í þessu tilviki," sagði Jóna.
Eftir situr sú spuming hvort Sigrún
hafi þurft að láta skrá sig í flugið
og hvort umdæmisstjórinn hefði
mátt sinna því. Skráningin kom
hinsvegar aldrei til þar sem verk-
fallsverðir hindmðu farþega í því
að komast að afgreiðsluborðinu.
Flugstjóri vélarinnar áleit miðann
fullgildan og gaf leyfi sitt fyrir því
að Sigrún gengi um borð. Þá skár-
ust verkfallsverðir í leikinn og sagði
Jóna að farþegaskráningar væm
ekkert á vegum flugstjóranna.
Jóna Steinbergsdóttir formaður félags verslunar- og skrifstofufólks
á Akureyri stöðvaði Sigrúnu Grímsdóttur á Akureyrarflugvelli á
dögum verkfalls afgreiðslufólks er hún hugðist ganga um borð með
farmiðann sinn i höndunum, en án bókunar.
Aukna hagræðingu þarf
í uppbyggingu skóla
Davíðshús á Akureyri stendur lista- eða fræðimönnum til boða í 1 (llyktUíl f 1*9. ScUMStílI*fSIlGfllCl
emn tii sex mánuði. senn. framhaldsskóla á Norðurlandi
Davíðshús boðið
lista- og fræði-
mönnum til afnota
Akureyrarbær býður litla íbúð
í Daviðshúsi á Akureyri til af-
nota fyrir fræðimenn eða lista-
menn í einn til sex mánuði hverju
sinni frá og með hausti 1988.
Ekki er gert ráð fyrir öðm endur-
gjaldi fyrir afnot af íbúðinni en að
viðkomandi fræðimaður eða lista-
maður kynni á einn eða annan hátt
viðfangsefni sitt eftir nánara sam-
komulagi hveiju sinni. íbúðin er
með hliðstæðum búnaði og almennt
er í sumarhúsum starfsmannafé-
laga. Umsóknir um dvöl sendist til
Ingólfs Ármannssonar, skóla- og
menningarfulltrúa Akureyrar, sem
veitir einnig nánari upplýsingar.
Davíðshús stendur skammt ofan
við Amtsbókasafnið á Akureyri.
Það tekur um fimm mínútur að
ganga þaðan í miðbæ Akureyrar.
Það var áður íbúðarhús Davíðs
Stefánssonar, skálds, en er nú í
eigu Akureyrarbæjar. Húsið er frið-
að í A- flokki. Á efri hæð hússins
er safn til minningar um Davíð
Stefánsson. Á neðri hæð hússins
er síðan umrædd íbúð, sem áætlað
er að bjóða afnot af.
Samstarfsnefnd framhalds-
skóla á Norðurlandi fundaði á
Húsavík dagana 30. júní og 1.
júlí sl. og sendi frá sér eftirfar-
andi ályktun að fundi loknum:
„Nefndin minnir á að við gerð
ijárlagatillagna fyrir fjárhagsárið
1989 hafi skv. fyrirmælum verið
gengið út frá þeim lögum sem nú
hafa verið numin úr gildi. Því ber
brýna nauðsyn til að endurskoða
þessar tillögur með tilliti til nýrrar
löggjafar, þar sem margir rekstrar-
þættir skólahaldsins hafa eingöngu
verið á herðum sveitarfélaganna.
Þeir færast nú til ríkisins. Eigi
starfsemi skólanna ekki að fara úr
skorðum verður ríkið að axla alla
þá ábyrgð sem sveitarfélögin ein
hafa borið til þessa. Sérstakt tillit
þarf að tak.. til framhaldsdeilda
grunnskóla."
Fundurinn ítrekar áður fram-
komna samþykkt aðalfundar skóla-
meistarafélagsins frá 7. og 8. júní
sl. um að laun starfsfólks skólanna
megi ekki lækka við gildistöku
framhaldsskólalaganna.
Nefndin bendir á þá erfíðleika
sem skólamir standa andspænis í
því að skipuleggja og halda ýmiss
konar námskeið sem kjarasamning-
ar stéttarfélaga kveða á urn. Nefnd-
in telur að samstarf þurfi að auka
milli ráðuneyta sem fara hvert um
sig með einhvers konar starfs-
menntun en eðlilegt sé að yfirstjóm
fræðslustarfsemi í landinu heyri
undir sama ráðuneyti.
Fundurinn telur að við uppbygg-
ingu skóla þurfi að taka tillit til
þarfa þeirra byggðarlaga sem skól-
unum er ætlað að þjóna. Ástæða
er til að ætla að hægt sé að koma
við aukinni verkaskiptingu skóla,
einkum á Suðvesturlandi, sem feli
í sér aukna hagræðingu fyrir landið
allt. Mikilvægt er að á einum stað
sé haldið uppi námsbrautum sem
takmörkuð aðsókn er að. Hinsvegar
sé lögð áhersla á að dreifa um
landið þeim námsbrautum sem fjöl-
sóttar eru. Fundurinn leggur
áherslu á að ástæðulaust sé að
byggja upp eða halda almenna
framhaldsskóla á Stór-Reykjavíkur-
svæðinu sem þjóna fyrst og fremst
nemendum utan þess svæðis.
Fundurinn fagnar stofnun fram-
haldsskólanna á Húsavík og að
Laugum og telur að hagsmunum
svæðisins verði best borgið með
skipulagðri verkaskiptingu þessara
skóla..
Nefndin bendir á að við skipu-
lagningu skyldra námsgreina iðn-
fræðslunnar verði þess gætt að
námsefni verði sameiginlegt sem
frekast er kostur. Við skipan ein-
stakra námsbrauta skuli þess gætt
að fjöldi kennslustunda á viku fari
ekki yfír 40.
Fundurinn fagnar nýjum náms-
brautum við framhaldsskólana á
Norðurlandi og lýsir yfir stuðningi
við stofnun fiskvinnslubrautar á
Dalvík á komandi hausti.
Ferðafólk
á Akureyri
Verzlun okkar er við göngugötuna
íþessu fallega húsi (gömlu París).
Við seljum fatnað á unga sem aldna
og margt fleira áhugavert.
Ferðafólk hefur stundum ekki ratað
til okkar, þvíbendum
viðágömlu París, þar
erumviðtil húsa.
Veriðöll velkomin,
Hluti keppenda á mini-knattspyrnumótinu, sem haldið var á Akureyri um helgina. Morgunbiaðið/Rúnar Þðr
Mini-knattspyrnumót:
KA og Víkingur sigruðu
KA sigraði í flokki A-Iiða og
Víkingur sigraði í flokki B-liða
í Esso-mótinu í mini-knattspyrnu
sem haidið var á KA-vellinum
um helgina. Alls tóku 20 lið þátt
í mótinu, tíu í hvorum flokki, eða
um 200 þátttakendur úr fimmta
flokki.
Stjaman varð í öðru sæti í
A-flokki og Þór frá Akureyri hafn-
aði í þriðja sætinu. í flokki B-liða
varð Þór í öðru sætinu og Haukar
frá Hafnarfírði í þvf þriðja.
Þá fór einnig fram í tengslum
við mótið keppni í „bandí“ í íþrótta-
höllinni og bar A-lið KS frá Siglu-
fírði sigur úr býtum þar. Víkingur
lenti í öðm sæti og Afturelding frá
Mosfellsbæ í því þriðja.