Morgunblaðið - 06.09.1988, Síða 24
24
. MORGUNBLAÐIÐ, ÞRIÐJUDAGUR 6. SEPTEMBER 1988
Þórir S. Gröndal skrifar frá Flórída
Eitt leiðir af öðru
Sjaldan er mannskepnan eins
vamarlaus fyrir hugsunum, sem
á hana leita, eins og þegar hún
liggur í rúmi sínu í kolamyrkri
og bíður þess, að svefngyðjan
beri hana inn í draumaheima. Það
er vitanlega hægt að reyna að
stýra starfsemi heilans og skipa
honum að hugsa aðeins það, sem
skemmtilegt er og fallegt, en ekki
tekst það alltaf. Undir slíkum
kringumstæðum eru líka þessar
hugsanir skýrari og áleitnari, þeg-
ar ekkert er til að trufla þær. Þá
er bara legið í myrkrinu og „hlust-
að“ á það, sem heilinn hefír að
segja.
Það eru engin takmörk fyrir
því, hvaða hugsanir sækja á í
myrkrinu. Úr verður oft upprifjun
dægurmála og liðinna atburða og
skapast oftast halarófa af óskyld-
um málum, sem tengjast hvert
við annað í eins konar afleiðing-
arstíl, þ.e. eitt leiðir af öðru. Oft
er þetta hálfgert eintal heilans
(sálarinnar?), og talar hann þá til
mín, eins og ég sé önnur persóna
en hann. Ég svara honum sjaldan
og læt hann bara þusa.
í gærkvöldi leið eitthvað lengri
tími en venjulega, að ég mátti
hlusta á hann áður en ég sofn-
aði: Af hveiju skyldum við ekki
geta sofnað? Var það ef til vill
eitthvað, sem þú borðaðir? Það
getur samt varla verið, því það
var þetta líka fína blómkálsgratín,
og ekki er það þungt í maga.
Ekki er samt blómkálið héma í
henni Ameríku eins gott og á ís-
landi. Reyndar held ég, að fátt
grænmeti hér bragðist eins vel
og það gerði í gamla daga á
Fróni. Ekki nema þá að bragð-
laukamir í þér séu ekki eins næm-
ir núna og áður fyrr. Alla vega
þá var það betra heima...
Hvað er eiginlega að gerast
heima? Er allt að fara fjandans
til? Hvað er búið að gera við alla
peningana, sem hrúguðust inn í
landið, þegar afurðaverðið fór upp
úr öllu valdi? Getur verið, að þið
séuð svo mikið óráðsíufólk, að þið
hafí ekki lagt neitt fyrir til mögru
áranna? Þegar við vorum að lesa
Moggann f kvöld, varð ég dolfall-
inn að sjá, að haft var eftir
frammámanni í freðfískútflutn-
ingi, að verðjöfnunarsjóðurinn
hefði ekki verið starfræktur í
mörg ár. Hann hefði auðvitað átt
að vera búinn að taka obbann af
hinu hækkandi útflutningsverði.
Nú gæti hann svo borgað fram-
leiðendum til baka, þegar þeir em
allir að fara á hausinn ...
Fyrst við minnumst á hausinn,
langar mig að spyija: Hvers vegna
notar þú ekki hattinn þinn, þegar
þú slærð grasið? Núna í sumar
hefír þú staðið í sláttumennskunni
um hádaginn, þegar sólin er hæst
á lofti. Það er eins og þú viljir
bara fá sólsting! Þú sýnir ekki
mikinn skilning á því, að ég er
hér uppi á hausnum, og vantar
stundum sko ekki mikið upp á
það, að ég hreinlega soðni. Og
ekki er því fyrir að fara, að hárið
veiti mikið skjól eins gisið og það
er nú orðið, en þér og maganum
þykir líklega gott að gera hlé á
slættinum, fara inn og svala ykk-
ur á köldum bjór ...
Það var annars skrítið hjá Bush
forsetaefni repúblíkana að velja
þennan Quayle sem varaforseta-
efni. Tókstu eftir því í dagblaðinu
hér, að gárungamir kalla þá fé-
laga Bush (þekkt bjórtegund í
Ameríku) bjór og Bush léttbjór!
Þeim fínnst hann víst ekki nógu
skarpur, þessi ungi maður. Hvað
með hina miklu leiðtoga fyrri
tíma? Ég veit, að þeir em auðvit-
að allir dauðir nú, en það er und-
ur mikið, að þjóðir heimsins skuli
vera hættar að ala af sér gáfaða
leiðtoga og snjallt fólk, sem vill
vinna fyrir hið opinbera...
Heyrðu! Nú er landið okkar
komið með nýtt heimsmet, opin-
berar heimsóknir! íslenzkir lands-
feður og embættismenn fara í
fleiri opinberar 'heimsóknir en
kollegar þeirra í nokkm öðm landi
í víðri veröld. Ef við fengjum nú
borgað fyrir heimsóknimar,
myndum við ekki þurfa að vera
svona upp á fiskinn komnir. Það
er einn galli, sem maður má ekki
vera haldinn, ætli maður að verða
embættismaður á íslandi. Veiztu,
hvað það er? Það er flughræðsla,
því þá getur hann ekki ferðast
og farið í opinberar heimsóknir!
Mér var ekki skemmt.
Ef til vill er þeim vorkunn, því
líklega er erfiðara að stýra íslandi
en mörgum öðmm löndum. Hver
höndin er upp á móti annarri. Öll
þjóðin þykist vita allt betur, og
fjölmiðlamir em öllum galopnir,
og ekki lætur lýðurinn standa á
sér. Það er því líklega skiljanlegt,
að stjómendumir þurfi að komast
burt öðm hvom og bregði sér því
út fyrir pollinn_
Pollinn? Heyrðu mig, ertu búinn
að gleyma því, að þú lofaðir kon-
unni að athuga með klósettkasann
frammi, þennan sem lekur?
Þú getur ábyggilega gert við
hann sjálfur, frekar en að fara
að borga pípulagningarmanni
ofQár fyrir verkið, sem er ábyggi-
lega eitthvað nauðaeinfalt. Not-
aðu bara hausinn ...
Lengri var ekki hugsanaserían
að þessu sinni, því miskunnsam-
lega hurfu við báðir inn í draum-
heimana. Hvaða hlutverki hugur-
inn eða heilinn gegnir þar, er
manninum enn leyndardómur.
Gott er að hafa einhveija lejmdar-
dóma lífisins óleysta. Eitt af böli
mannkyns er það, að nú á dögum
verður öllu upp að ljóstra og gera
opinbert.
Haustnámskeið hefst
12. september
Það er staðreynd að alvöru
líkamsþjálfun sem skilar fögrum
vexti verður aldrei létt.
Við hjá Dansstúdíói Sóleyjar
getum hins vegar lofað því að hjá
okkur verður hún skemmtileg og
hressandi.
Ásta Vala sjúkraþjálfi
verður með létta og góða leikfimi
fyrir barnshafandi konur og konur
með börn á brjósti. '
Bjargey
Eldhressir púltímar, 16 til 30 ára
Púltími fyrir stráka.
Árný
Teygjur og þrek eftir vinnu.
Framhaldshópar.
Birna
Teygjur og þrek í hádeginu og
eftir hádegi.
Morgunblaðið/Sigurður H. Þorsteinsson
Nemendur Klúkuskóla og ge stir frá Broddanesi framan við skólastof-
una.
Klúkuskóli í Bjarn-
arfirði settur
^ Laugarhóli, Bjamarfirði.
ÁTTUGASTA og fyrsta starfsár
skóla er nú að hefjast (Kaldrana-
neshreppi. Klúkuskóli, að Laug-
arhóli í Bjarnarfirði, var settur
fimmtudaginn 1. september. Var
þess minnst við skólasetningu.
Þá var stofnaður tölvukaupa-
sjóður við skólann af tilefni átt-
ræðisafmælisins í vor. Söfnuðust
þá þegar 14.000 krónur í sjóðinn
frá ýmsum velunnurum skólans.
Nú mun sjóðnum hafa bæst fé
frá fyrirtækjum sem veita stuðn-
ing. Svo reikna má með þvi að
hverskonar vinna nemenda á
tölvu geti hafist í vetur.
Það er venja við Klúkuskóla í
Bjamarfirði, að allir Bjamfírðingar
koma saman í skólanum við skóla-
setningu og skólaslit. Einnig þegar
haldin em „Litlu jól“ eða aðrar
hátíðir í skólanum. Er skólinn þann-
ig samofinn lífí fólksins í sveitinni
og foreldrafundir í raun mun fleiri
en skráðir em í starfsáætlunum,
því að allir hittast við þessi tæki-
færi og málin em þá vitanlega
rædd.
Núna í haust hefst áttugasta og
fyrsta ár frá því að skólastarf var
hafíð í Kaldrananeshreppi. Við
skólauppsögn í vor var þessara
tímamóta minnst með því að hrinda
í framkvæmd hugmynd skólastjóra-
hjónanna að stofna tölvukaupasjóð
við skólann og hvort ekki yrðu nógu
margir velunnarar og fyrirtæki til
í að rétta hjálparhönd, svo að böm-
in í þessum skóla geti einnig notið
kennslu á tölvu, þó fá séu og
hreppsfélagið svo fátækt að það
hafi ekki efni á slíkum stórkaupum.
Söfnuðust þegar 14 þúsund krónur
í þennan sjóð og nú munu einhver
fyrirtæki reiðubúin að leggja fé af
mörkum, svo að telja má víst að
af tölvukaupum geti orðið á þessu
skólaári.
Við skólasetningu lagði skóla-
stjóri fram starfsáætlun skólans í
höfuðdráttum og skýrði frá þróun
mála um rekstur skólans á næstu
árum, sem og þessari fjáröflun til
tækjakaupa, þar eð ekki hefir feng-
ist fé hjá hreppsnefnd til slíks.
í Klúkuskóla verða 11 nemendur
í vetur. Við skólann starfa 2 kenn-
arar, ráðskona, ræstitæknir og tveir
bifreiðastjórar. Eru þetta mestu
leyti hlutastöður, en veita þó nokkra
búbót í sveitarhluta hreppsins.
- SHÞ