Morgunblaðið - 06.09.1988, Blaðsíða 31

MORGUNBLAÐIÐ, ÞRIÐJUDAGUR 6. SEPTEMBER 1988
31
Sovétríkin:
Réttarhöld yfir tengda-
syni Brezhnevs hafin
Moskvu. Reuter.
Réttarhöld hófust í gær f Moskvu yfir nfu fyrrum yfirmönnum sov-
ésku lögreglunnar sem sakaðir eru um spillingu og mútuþægni.
Meðal nímenninganna er Júrí Khúrbanov, tengdasonur Leóníds Brez-
hnevs, fyrrum Sovétleiðtoga. Khúrbanov er sakaður um að hafa á
árunum 1976-82 þegið mútur að andvirði um fimmtíu miUjónir
íslenskra króna.
Þeir sem eru fyrir rétti með Khúr-
banov voru allir háttsettir í inn-
anríkisráðuneyti sovétlýðveldisins
Úzbekistan. Réttarhöld þessi hafa
af fréttaskýrendum verið túlkuð
sem tákn um það hversu ákveðin
stjórn Míkhafls Gorbatsjovs sé í því
að útrýma spillingunni sem breidd-
ist út í valdatíð Brezhnevs.
Um tvö hundruð vitni verða köll-
uð fyrir dómstólinn. Er uppi orð-
rómur um að eitt þeirra verði Galína
Brezhnev eiginkona Khúrbanovs.
Hún var þó ekki viðstödd við upp-
haf réttarhaldanna í gær.
Andrej Makarov, lögfræðingur
Khúrbanovs, sagði blaðamönnum
fyrir utan dómshúsið, skömmu áður
en réttarhöldin hófust, að skjól-
stæðingur hans hefði verði dæmdur
fyrirfram í fjölmiðlum, en þeir hafa
veitt þessu máli mikla athygli.
„Hann er afurð kerfisins ekki skap-
ari þess," sagði Makarov.
Framsaga hans fyrir dómstólnum
var á sömu nótum og gagnrýndi
hann þar fjölmiðla fyrir að hafa
skrifað um réttarhöldin áður en þau
hófust. Meðal annars hefði í viku-
blaðinu Moskvufréttir birst viðtal
við saksóknarann í málinu sem
hefði haldið því fram að Khúrbanov
væri sekur.
Akæruatriðin
Brot þau sem Khúrbanov er
ákærður fyrir eru rúmlega 1.500
talsins. Við réttarhöldin í gær kom
m.-a. fram að Khúrbanov fékk reglu-
lega sendingar af vínberjum, kjarn-
eplum, víni og konfaki frá lögregl-
unni í Úzbekistan. Sovéska ríkis-
flugvélið Aeroflot sá um að ferja
varninginn til Moskvu. Einnig fékk
hann háar peningaupphæðir frá
yfirmönnum lögreglunnar í Úz-
bekistan þegar hann heimsótti lýð-
veldið. Hann á einnig að hafa kraf-
ið varnarmálaráðuneytið um bygg-
ingarefni, fyrir um eina og hálfa
milljón íslenskra króna, og bygging-
arsveitir til að byggja „sérstakt
mannvirki" sem var í raun sumar-
bústaður Khúrbanovs. Þá er hann
sakaður um að hafa notað opinbera
sjóði til þess að kaupa gullúr undir
þvf yfirskyni að það ætti að vera
gjöf til Gústafs Húsaks, leiðtoga
Tékkóslóvakíu. í réttarhöldunum í
gær kom hins vegar fram að Khúr-
banov gaf yfirmanni sínum, Nikolaj
Sjolókov, fyrrum innanríkisráð-
herra gullúrið.
Samkvæmt sovéskum Iögum eru
menn saklausir þar til dómstóll hef-
ur komist að annarri niðurstöðu.
Hinir opinberu fjölmiðlar í Sov-
étríkjunum hafa hins vegar verið
iðnir við það á undanförnu að birta
greinar þar sem sakborningar eru
bornir þungum sökum. Greinabirt-
ingar af þessu tagi voru mjög al-
gengar þegar ofsóknir Stalíns stóðu
sem hæst og einnig fyrir réttarhöld
yfir andófsmönnum þegar Brezhnev
var við völd.
Sovétríkin:
Bikinibaðfötin
berja að dyrum
Moskvu. Reuter.
SOVÉSKT dagblað birti f sfðustu
viku mynd af sjö stúlkum og voru
sumar þeirra f bikinibaðfötum.
Þykir myndbirtingin hin merki-
legasta og efast nú fáir um, að
„glasuostið" hans Gorbatsjovs sé
ekki bara orðin tóm.
Birtust myndirnar í Sovetskaja
Molodezh, dagblaði æskulýðsfylking-
ar kommúnistaflokksins í Lettlandi,
og voru lesendur beðnir að benda á
þær stúlkur, sem þeim fyndust bestu
fulltrúar fyrir „fyrirheit júnfmánað-
ar", „íjúlí við sjóinn" og „á síðkvöldi
f ágúst".
Af stúlkunum sjö þykir Valeria
vera einna þokkafyllst en hún lét
taka myndina á sendinni sjávar-
ströndu. Er hún í bikini og heldur
höndum upp yfir höfuð til að liðlegur
líkaminn njóti sín sem best. Zhanna
og Svetlana eru einnig í bikini; Na-
talíj er f venjulegum sundbol með
fætur krosslagða og hallar dálítið
undir flatt; Sabfna berar ávalar axl-
irnar; Jelena er í gallabuxum og
Marína, sem virðist vera hvað vest-
lenskust, er stödd á gróskumiklum
akri.
Stúlkurnar eru þátttakendur f
keppninni „Ungfrú sumar" en sigur-
vegarinn heldur sfðan áfram í keppni
um það hver sé besta ljósmyndafyrir-
sætan. Á Vesturlöndum sæta svona
myndir engum tfðindum en í Sov-
étríkjunum hafa þær hingað til verið
flokkaðar með klámi.
Grænland:
Skammta sjálfum
sér loðnukvótann
Nuuk. Frá N. J. Bruun, fréttaritara MorgTinblaosins.
Grænlendingar hafa einhliða
ákveðið, að þeirra hlutur f loðnu-
veiðunum við Jan Mayen skuli
vera 85.000 tonn. Kaj Egede, sem
f er með sjávarútvegs- og iðnaðar-
mál f landsstjórninni, skýrði frá
þessari ákvörðun f fyrradag en
hún er tekin þrátt fyrir ágreining
við Norðmenn og íslendinga.
Af þessum 85.000 tonnum standa
Evrópubandalagsríkjunum til boða
30.000 tonn í samræmi við samning
þeirra við Grænlendinga en afgang-
inn, 55.000 tonn, kaupa Færeyingar
á rúmar 39 milljónir ísl. kr. Sjálfir
eiga Grænlendingar engin loðnuskip.
Opinberlega deila íslendingar og
Norðmenn með sér loðnukvótanum,
einni milljón tonna, þannig, að þeir
fyrrnefndu fá 85% í sinn hlut en
þeir síðarnefndu 15%. Það hefur þó '
verið látið óátalið að mestu þótt
Grænlendingar eignuðu sér einhvern
hlut. Fulltrúar iandanna munu ræð-
ast við 5 nóvember nk. og segist
Egede vona, að þá náist samkomu-
lag um skiptinguna og aukinn kvóta
til Grænlendinga.
Júrí Khúrbanov við upphaf rétt-
arhaldanna f gær.
Brezhnevfjölskyldan á meðan allt lék f lyndi. Fremst á myndinni er
Leóníd Brezhnev ásamt konu sinni Viktoríu. Tengdasonurinn Júrí
Khúrbanov er lengst tíl vinstrí á myndiiuú.
Allt
í röð og reglu
- án þess að vaska upp!
Komdu kaffistofunni á hreint.
Duni kaffibarinn sparar þér bæði
tíma og fyrirhöfn
Getur staðið á
borði eða hangið
uppá vegg.
En það besta er:
Ekkert uppvask.
^rdOstk.) £
Kaífi<nál(2000
25%sö|usfcattur
Samta/s
^r. 2.560-
Duni
UIVÍBaOIÐ
FAIMIMIR HF
Bíldshöfða 14 s: 67 2511
Glæsibæ
kl 19.30.
TT
Xxæsti yinningur
að verðmæti 100.000 kr.
ÞRÓTTUR