Morgunblaðið - 14.09.1988, Blaðsíða 20

Morgunblaðið - 14.09.1988, Blaðsíða 20
A 20 MORGUNBLAÐIÐ, MIÐVIKUDAGUR 14. SEPTEMBER 1988 Reimar og reimskífur Tannhjól og keðjur Belgtengi Leguhús Suðurlandsbraut 10. S. 686499. HANDKNATTLEIKUR Karl Þráinsson: Óhollur matur f innst mér rosalega góður Ég vissi ekki alveg við hverju ég bjóst er ég hentist inn á Hót- el Borg til að hitta Karl Þráins- son handknattleiksmann. Kannski upptrekktnm, rauð- eygðum manni, í krunipuðum fötum og óreimuðum skóm. Ég meina, hvernig lftur maður út, sem er landsliðsmaður í hand- bolta og hefur þar að auki verið f erfiðum prófum í verkfræði, aðeins tveimur vikum fyrir Ólympíuleika? — Ég veit það ekki, en Karl Þráinsson virtíst í það minnsta langt frá því að vera uppgefínn. „Jú, jú, - auðvítað er þetta hörkuvinna," viðurkenndi hann, „en ef viljínn er fyrir hendi, þá er allt hœgt. Það er alveg staðreynd," bætti hann við og brosti. Ég kinkaði bara kolli og hellti kakói f bollann hans. „Ég er ekkert ofurmenni," full- yrti hann, þegar hann sá svipinn á Morgunblaðio/KGA „Mér finnst ofboðslega gott að liggja í letí." Karl Þráinsson ásamt unnustu sinni, Helgu Melkorku Óttarsdóttur. mér, „á oft mjög erfitt með að ein- beita mér að handboltanum og há- skólanum í senn. Nú, svo hef ég líka farið mér aðeins hægar í verk- fræðinni en venjulegt er. Þegar ég var á fyrsta ári slasaðist ég rétt fyrir próf og missti úr tvær vikur. Eg gerði þau reginmistök að reyna að taka samt öll prófin. Það gekk ekki alveg upp, svo mér seinkaði aðeins. En nú er ég kominn á þriðja ár — og líkar bara vel." Eftir andartaks hlé hélt hann áfram, sposkur á svip: „Þegar þetta tvennt skarast þá hættir mér svolít- ið til að láta handboltann ganga fyrir. Það má þvi eiginlega segja að áhugamálið sé yfirleitt aðalmál- ið, eða þannig sko. Ég er búinn að vera á kafí í íþróttum alveg frá því ég man eftir mér," upplýsti Karl. „Frjálsum íþróttum, blaki og badminton ásamt öllum tegundum boltaleikja. Ég hef alltaf fengið útrás í gegnum sport- ið," sagði hann. Aðspurður kvaðst Karl kunna betur við boltaleikina en td. frjálsar fþróttir. „Mér finnst ekkert gaman að vera einn úti á velli að æfa. Það á mun betur við mig að vera hluti af einhverri heild. Fyrir mér er sportið þetta þrennt; hreyfíng, útrás og félagsskapur." . An þess að vita af hverju spurði ég Karl næst að því í hvaða stjörnu- merki hann væri. „Ég er ljón" svaraði hann dálítið undrandi. Það er kannski þaðan sem eldmóðurinn kemur. „Annars finnst mér ofboðslega gott að liggja í leti og slaka á," sagði Karl eins og hann væri að játa á sig stóra synd. „Og óhollur matur finnst mér rosalega góður — alis konar sósur og sull," bætti hann við S afsakandi tón. „Ef ég hinsvegar gef mig í eitt- hvað á annað borð, þá geri ég það af heilum hug. Annars er betra að Sleppa því. Það er m.a. þess vegna sem ég hef veigrað mér við að fara út í golfið. Ég er hræddur um að það yrði þá næsta æðið." Sambýliskona Karls er Helga Melkorka Óttarsdóttir laganemi og búa þau í kjallaranum hjá foreldrum hennar. I Evrópuleik með Víkingum. „Já, já — hún hefur heilmikinn áhuga á handbolta," sagði Karl, er hann var inntur eftir því hvort íþróttir væru sameiginlegt áhuga- mál þeirra. „Hún mætir á leiki og fylgist vel með. Hvað framtfðina varðar þá stefhum við jafnvel á að fara í framhaldsnám eitthvert út í heim. Mig langar til að læra meira um tölvur og hvernig þær geta gagnast manni í byggingaverk- fræðinni." En er atvinnumennska í útlönd- um þá ekki á dagskrá? „Eg veit það ekki," svaraði Karl. „Ef ég gæti sameinað þetta tvennt á einhvern hátt væri það náttúru- lega fint. En í framtíðinni hugsa ég að námið verði látið ganga fyrir." Manstu eftir fyrsta leiknum, sem þú lékst með landsliðinu? spurði ég Karl að lokum. „Jaaaá," svaraði hann að bragði og brosti út að eyrum. „Við lékum þá gegn Finnum." Og hvernig fór sá leikur? „Við unnum, 32-16, að mig minnir." Eigum við ekki bara að segja að það verði táknrænt fyrir feril þinn í landsliðinu? spurði ég. „Það eru þín orð," sagði Karl, „en ég skal gera mitt besta ..." IAA Austur-Húnavatnssýsla: Réttað í Auðkúlurétt MYNDAMÓTHF Blönduósi. FYRSTU aðalréttir haustsins voru í Auðkúlurétt í Austur- Húnavatnssýslu sl. laugardag. Er talið að um 16.000 fjár hafi smalast á Auðkúluheiði að þessu sinni og er það á milli 15%-20% færra fé en gekk á heiðinni í sumar. Auðkúlurétt er viku fyrr í ár en venjulega en þrátt fyrir það voru menn sammála um að lömbin væru feit og í góðu meðallagi. Einar Höskuldsson bóndi á Mosfelli var gangnastjóri og sagði hann að vel hefði gengið að smala, veðrið hefði verið gott, bjart en sólarlaust. Fjölda manns dreif að í réttina á laugardaginn í blíðskaparveðri og gekk vel að draga. Allt sem prýða má góðan réttardag og skapa hina margumræddu réttarstemmningu var fyrir hendi. Það fékkst út úr einum réttargesti að það að fara í göngur og komast upp fyrir 200 metra hæð yfír sjó breytti mönnum 'gjorsamlega. Áhyggjur hvérsdags- ins hyrfu og maðurinn yrði hann sjálfur á ný. Það varð einhverjum á orði að samkvæmt þessari kenn- ingu væri viturlegast að ríkisstjórn- arfundir yrðu eftirleiðis haldnir í a.m.k. 200 metra hæð yfir sjó. Sigurður Sigurðarson dýralæknir á Keldum og sérfræðingur hjá sauð- fjárveikivörnum var í Auðkúlurétt til að skoða mannlífið og upplifa réttarstemmninguna. Einn bóndi í utanverðum Torfalækjarhreppi mis- skildi nærveru dýralæknisins og taldi hana valda því að bændur gengu flestallir þráðbeint og riðu- spor væru engin stigin. I framhaidi af þessu skal þess getið að sauðfé fækkaði verulega í Austur-Húna- vatnssýslu á síðastliðnu hausti vegna riðuniðurskurðar og á því enn eftir að fækka í haust svo bóndan- um í Torfalækjarhreppi er kannski vorkunn að líta svona á málin. Á stundum sem þessum er græsku- laust gamanið í hávegum haft, flest liðið og allt látið flakka. — Jón Sig. Morgijnblaðið/Jón Sigurðsson Menn þurfa að sýna mikil tilþrif tíl að koma fé úr nátt- haga f almenning. Gott er að hafa sterka rödd og stælta útlimi. Á innfelldu myndinni er Björn bóndi á Löngumýri að horfa yfir féð.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.