Morgunblaðið - 14.09.1988, Blaðsíða 41

MORGUNBLAÐIÐ, MIÐVTKUDAGUR 14. SEPTEMBER 1988
41
Greta M. Jósefs-
dóttir - Minning
Fædd 18. júní 1934
Dáin 3. september 1988
Vors Herra Jesú verndin blíð
veri meÖ oss á hverri tíö.
Guð huggi þá, sem hryggöin slar,
hvort þeir eru fiar eða mr,
kristnina ejli og auki viö,
yfirvöldunum sendi liö,
hann gefi oss öllum himnafriö.
(0. Jónsson)
Með nokkrum orðum langar mig
að minnast vinkonu minnar Gretu
M. Jósefsdóttur. Þó að við höfðum
þekkst í mörg ár, þá urðu það
síðustu mánuðimir í lífi hennar sem
bundu okkur sterkum og skilnings-
ríkum vináttuböndum. Þá átti ég
þess kost að fylgjast náið með bar-
áttu hennar við illvígan sjúkdóm,
þar sem hún sýndi einstætt hug-
rekki og hélt allri reisn fram á
sfðustu stund.
Síðustu æviár Gretu með eftirlif-
andi eiginmanni sínum Úlfí Mark-
ússyni tel ég að hafí verið hennar
mesti hamingjutími, þar sem ég í
ríkum mæli varð vör við gagn-
kvæma umhyggju og virðingu
þeirra hvort til annars og bar heim-
ili þeirra þess glöggt merki.
Langar mig sérlega að minnast
heimsóknar minnar á heimili þeirra
aðeins viku áður en hún lagðist á
spítalann í hinsta sinn, en þá áttum
við Greta góða stund saman ásamt
dóttur minni, sem tók einlægu ást-
fóstri við Gretu. Tel ég mig hafa
öðlast ómetanlega lífsreynslu af
kynnum okkar.
Síðustu vikumar lá Greta á
Landspítalanum, þar sem hún naut
góðrar hjúkrunar og var umvafin
ást og kærleika eiginmanns, sonar,
systkina og fjölskyldna þeirra.
Oss héöan klukkur kalla,
svo kallar Guö oss alla
lil sín úr heimi hér,
þá söfnuö hans vér sjáum
og saman vera fáum
í húsi þvi, sem eilíft er. (V.Briem)
Ágústa Högnadóttir
Með örfáum orðum langar okkur
að minnast vinkonu okkar, Gretu
Maríu Jósefsdóttur, sem lést í
Landspítalanum 3. sept. sl. Kynni
okkar Gretu hófust fyrir 26 árum
síðan, vomm við þá nágrannar á
Faxabrautinni, og hefur sú vinátta
haldist óbreytt, þó leiðir skildu, er
hún flutti til Reykjavíkur, enda var
Greta vinur vina sinna.
Greta giftist Þorsteini Halldórs-
syni og áttu þau einn kjörson
Davíð, sem var augasteinn móður
sinnar. Davíð flutti til Reykjavíkur
með henni er þau Þorsteinn slitu
samvistum. Það var Gretu til mikill-
ar gæfu að kynnast fyrir nokkmm
ámm yndislegum manni, Úlfí Mark-
ússyni, sem bar hana á höndum sér.
Það var dásamlegt að sjá hve
hamingjusöm þau vom og samhent
á öllum sviðum, og bar þeirra fal-
lega heimili þess ljósan vott. Greta
var glæsileg kona í útliti, og ekki
var innri manneskjan síðri, svo trú
og trygg.
Greta hélt alltaf sambandi og
heimsótti okkur reglulega og nú
síðast fyrir nokkmm mánuðum þá
helsjúk orðin. Úlfur reyndist Gretu
yndislega vel í hennar veikindum
og vakti yfír henni dag og nótt til
hinstu stundar.
Það verður söknuður að fá Gretu
ekki framar í heimsókn.
Elsku Úlfur og Daddi, Guð styrki
ykkur í ykkar miklu sorg.
Blessuð sé minning góðrar vin-
konu.
Svala og Óli
Greta María Jósefsdóttir lést
laugardaginn 3. sept. sl. eftir harða
og erfíða baráttu við þann sjúkdóm,
sem flesta fellir í dag. Um miðjan
mars sl. gekkst hún undir upp-
skurð. Þegar hún reis af sjúkrabeði
gekk hún bjartsýn og glaðbeitt í
að byggja upp þrek sitt að nýju.
Uppgjafartónn heyrðist aldrei frá
henni, hvað þjáð sem hún var. And-
legt þrek hennar var með ólíkind-
um, styrkt af einlægri trú á mátt
bænarinnar.
Fyrstu mánuðimir lofuðu góðu
með bata, en þær vonir urðu að
engu. Aldrei missti Greta samt
kjarkinn eða reisnina. Um leið og
okkar ástkæra systir kvaddi þennan
heim,_ lögðust haustlitimir yfír jörð-
ina. I dag fer útför hennar fram
frá Fossvogskirkju.
Greta var fædd í Reykjavík 18.
júní 1934, dóttir hjónanna Bárðnýj-
ar Jónsdóttir og Jósefs Eggertsson-
ar vélstjóra, þau eru bæði látin.
Hún var næst yngst 5 bama þeirra
hjóna. Tvítug að aldri giftist Greta
Þorsteini N. Halldórssyni frá Vör-
um í Garði. Eignuðust þau einn
son, Davið Margeir f. 14. júlí 1960.
Greta og Þorsteinn, sem nú er lát-
inn, bjuggu í Keflavík, þar til leiðir
þeirra skildu árið 1976. Þá flytur
Greta til Reykjavíkur og hefur
verslunarstörf í Hagkaupum hf.,
þar sern hún starfaði þar til yfír
lauk. Árið 1981 kynnist hún seinni
manni sínum Úlfi Markússyni.
Greta gaf honum mikið, hún endur-
vakti lífshamingju hans, en Úlfur
hafði misst konu sína úr sama sjúk-
dómi og varð Gretu að aldurtila.
Það syrtir að, þegar svo lífsglöð,
tápmikil og glæsileg kona fellur frá
í blóma lífsins frá syni og ástríkum
eiginmanni, sem hún naut samvista
við alltof stutt. Hamingja og ást
geislaði af þeim öllum stundum.
Gleðin og hlýhugurinn, sem þau
veittu okkur í sumarbústaðnum
sínum í Skorradal fyrir rúmu ári,
er sveipaður ljóma, sem aldrei föln-
ar í minningu okkar. Engan grun-
aði þá, að slíkur vinafagnaður yrði
aldrei endurtekinn. Oft höfum við
dáðst að þeirri takmarkalausu um-
hyggju, sem Úlfur og Davíð sýndu
Gretu í veikindunum. Það segir
meira, en nokkur orð. Við vottum
þeim báðum dýpstu samúð. Við
þökkum læknum og hjúkrunarliði
Landspítalans auðsýnda umhyggju
og hlýju undanfama mánuði.
Við kveðjum systur okkar með
söknuði og þakklæti,- Megi góður
Guð blessa minningu hennar og
hugga okkur sem eftir sitjum með
söknuð í hjarta.
Systkinin
An ÞU SPARISKIRTEINI
SEM ERU HÆTT
AD BERA AVOXT?
Pað er heldur óskemmtileg tilhugsun að vita til þess að í
heimahúsum liggur fjöldinn allur af spariskírteinum ríkissjóðs
sem láðst hefur að innleysa, og mörg þeirra eru því hætt að
bera ávöxt.
Ef þú átt slík skírteini viljum við hvetja þig til að koma til
okkar í Verzlunarbankann og innleysa þau.
10. september er nýr innlausnardagur fyrir spariskírteini að
uþþhæð 2,6 milljárða.
MARGIR KOSTIR - ALLIR GÓÐIR.
Við erum reiðubúin að hjálpa þér að vega og meta hentugar
ávöxtunarleiðir fyrir andvirði skírteinanna.
Þú getur t.d. valið KASKÓREIKNING, RENTUBÓK eða ný
SPARISKÍRTEINI RÍKISSJÓÐS, allt eftir því hvað hentar aðstæð-
um þínum og markmiðum.
Verzlunarbankinn býður þér einnig upp á þá þægilegu þjón-
ustu að taka skírteinin þín í geymslu og sjá um áframhaldandi
ávöxtun þegar kemur að innlausnardegi.
Alltaf velkomin (n).
VERZLUNARBANKINN
-uúuuvitHeðfién!
þARABAKKA 3
UMFERÐARMIÐSTÖÐINNI
VATNSMÝRARVEGI 10
BAN KASTRÆTI 5
LAUGAVEGI 172
GRENSÁSVEGl 13
HUSI VERSLUNARINNAR
KRINGLUNNI 7
ÞVERHOLTI 6, MOSFELLSBÆ
VATNSNESVEGI 14, KEFLAVÍK