Morgunblaðið - 23.10.1988, Blaðsíða 24

24 B
MORGUNBLAÐIÐ, SUNNUDAGUR 23. OKTÓBER 1988
/-------------xúmsmHÆ
WfÍMW
„Mér List ckk'i á. þetta.- Hann haetti
grtxtcL OQ fór cu3 brosp^ "
Gróðureyðingin á Reykjanesskaga:
Köllum sveitarstj órnar-
mennina til ábyrgðar
Hafiifirðingfur skrifar:
UMRÆÐAN um gróðureyðingu og
nauðsyn aukinnar friðunar verður
sífellt fyrirferðarmeiri, jafnt manna
á meðal sem í fjölmiðlunum. Er það
mikið fagnaðarefni enda er nú öll-
um að verða Ijóst, að við búum ekki
í óspilltu landi fjallalambsins eins
og það heitir í áróðursplöggunum,
heldur í einu gjörspilltasta landi á
jarðarkringlunni.
Fyrir nokkrum dögum lagði ég
leið mína um landið fyrir sunnan
Hafnarfjörð, það, sem nú er innan
höfuðborgargirðingarinnar, og mig
rak í rogastans yfir þeim breyting-
um, sem hafa orðið og eru að verða
á gróðrinum eftir átta ára friðun.
Örfoka landið er að klæðast gróðri
á ný, rofabörðin að lokast og birki
og víðir eru að spretta upp þar sem
engan óraði fyrir. Þessar plöntur
hafa greinilega hjarað í sverðinum
og ætla sér nú að klæða landið
lausar við búfjáráganginn.
Utan girðingarinnar var hins
vegar öðruvísi um að litast. Þar
ríkja enn lög villta vestursins, þar
skal engu eirt. Hafnfirskir
frístundabændur leggja sitt af
mörkunum til að gera landið að
algerri auðn og ekki nóg með það.
Kollegar þeirra sumir í Reykjavík
og á Suðumesjum sleppa líka sínu
fé fyrir ofan bæinn og þótt bannað
sé að flytja fé á milli sveitarfélaga
virðist engin hætta á, að bæjaryfir-
völd í Hafnarfírði fetti út í það fing-
ur.
Það er annars undarlegt, að
rollukarlarnir skuli vera yfír aðra
hafnir þegar um er að ræða um-
gengnina við landið, sem á þó að
heita okkar allra. Hestamönnum er
gert að girða sína gripi af, þeir
mega ekki ganga lausir, en
frístundabændumir virðast mega
vinna þau spjöll á landinu, sem
þeir kæra sig um. Þeir, sem vilja
græða landið upp og veija til þess
fé og fómfúsu starfi, verða hins
vegar að sæta þeim afarkostum að
víggirða hvem lófastóran blett.
Það er kominn tími til að breyta
þessu og banna lausagönguna á
Reykjanesskaganum. Það þarf að
stofna félag áhugamanna um friðun
þessa lands og ég skora á almenn-
ing og fulltrúa einstakra félaga að
taka höndum saman. Það þarf að
þrýsta á sveitarstjómarmenn hér á
innnesjum því að þeir bera megin-
ábyrgð á aðgerðaleysinu í þessum
efnum.
Starf móður Teresu:
Frímerki og póstkort vel þegin
Til Velvakanda.
A hveiju ári höldum við í St.
Paul-skóla í Bergen í Noregi sam-
kvæmi sem kallast „SOS-festen“.
Tekjurnar frá þessari samkomu
renna til kaupa á þurrmjólk sem
send er til móður Teresu. Hún býr
í Indlandi þar sem hún annast heim-
ilislaus börn. Þurrmjólk inniheldur
mörg mikilvæg næringarefni sem
em sveltandi bömum lífsnauðsyn-
leg. Þess vegna höfum við kosið
að kaupa þurrmjólk fyrir
söfnunarféð. Hver einstakur bekkur
setur saman dagskrá eftir eigin
vali ellegar býr til hluti sem em á
boðstólum í sölubásum.
Bekkurinn okkar ætlar að selja
frímerki. Það höfum við reyndar
gert frá því við vomm í 3. bekk og
hefur skilað góðum árangri.
Viljið þið sem lesið þetta leggja
okkur lið með því að senda okkur
gömul eða ný frímerki, póstkort-eða
þess háttar. Við tökum við öllu með
þökkum. í fyrra öfluðum við 54
þúsnd norskra króna. Það munar
um minna. Við gemm okkur vonir
um að árangur verði ekki síðri í ár.
Með góðum kveðjum,
7. bekkur
St. Paul skole
Nygaardsgaten 114a
5000 Bergen
Víkverji skrifar
Ibaksíðufrétt Morgunblaðsins
síðastliðinn föstudag segir að
salan hjá „þjóðnýttri“ áfengiseinka-
sölu ríkisins hafí dregizt saman um
1,67% það sem af er þessu ári mið-
að við sama tíma 1987.
í fréttinni segir og:
„Þá kaupir fólk mun meira af
ódýrari tegundum en dýmm.“
Víkveija kom í hug, við lestur
þessarar fréttar, að máske væri hið
margumrædda „verðskyn neytand-
ans“ að sækja í sig veðrið sem og
„hyggindi hinnar hagsýnu húsmóð-
ur“. Gott er ef satt er.
Víkveija finnst það ekki sízt af
hinu góða að heildarsala — og þá
væntanlega heildameyzla — áfeng-
is minnkar. „Hóflega dmkkið vín
gleður mannsins hjarta", stendur
einhvers staðar. Annað mál er hvort
hófsemdin gleður þá sem fastast
sækja á skatta- og tekjumið úr
verstöð ríkissjóðs.
Á hinn bóginn er spuming hvort
rétt er að „verðstýra neyzlu" al-
mennings, eða hinna þyrstu í þjóð-
félaginu, frá eðalvínum til hinna
lakari tegundanna. Eða frá neyzlu
léttari drykkja til sterkari.
Fyrir allnokkmm ámm „verð-
stýrðu" stjómvöld neyzlu frá lút-
sterku til léttvína. Þegar léttvíns-
neyzlan jókst stóðust tekjuöflunar-
menn ríkisins hins vegar ekki freist-
inguna. Og léttvínsverð snarhækk-
aði. Og hver var útkoman? Máske
er svarið í tilvitnaðri baksíðufrétt
Morgunblaðsins:
„Salan á íslenzku brennivíni hef-
ur aukizt um 33,61%“!
XXX
Víkveiji staldraði við aðra frétt
á sömu baksíðu Morgunblaðs-
ins:
„Yfir 70 fyrirtæki og um 190
einstaklingar hafa verið úrskurðað-
ir gjaldþrota það sem af er árinu".
Meðal þeirra fyrirtækja, sem
þannig hafa ýtzt fram af bjarg-
brúninni, em mörg verzlunarfyrir-
tæki, bæði einka- og samvinnurek-
in, að ógleymdum sjávarútvegs-
fyrirtækjum.
Sennilega er langt í land að þann-
ig fari fyrir þeirri þjóðnýttu einka-
verzlun ríkisins, sem fyir er getið.
Vafasamt er hinsvegar að líta á það
sem sérstakan vitnisburð um ágæti
ríkisrekstrar í verzlun, enda verzl-
unarálagningin ekki með neinum
smásálar- eða smáborgarasvip á
þeim bænum, öðm nær.
Söngurinn um verzlunargróðann,
sem glumið hefur í eyrum Víkveija
svo lengi sem hann man eftir sér,
hefur hljóðnað eilítið undanfarið.
Það þjónaði heldur ekki sjónarmið-
um atvinnuöryggis í landinu, að
dómi Víkveija, ef þessi atvinnu-
grein félli saman. Talið er að milli
12 og 14 þúsund ársverk séu í verzl-
un í landinu. Það em því ófáir sem
sækja atvinnu og lifibrauð í verzlun-
ina.
XXX
Víkveiji las það og einhvem
daginn í þessari viku að um
2.500_ stúdentar hafa sótt um lán
frá LÍN til að stunda nám við er-
lenda háskóla.
Hvaða ríki hafa svo mest aðdrátt-
arafl að þessu leyti?
Rúmlega 800 umsóknir liggja
fyrir frá stúdentum sem hyggja á
nám í Bandaríkjunum og Kanada.
217 hafa sótt um lán til náms við
brezka háskóla.
Námsmenn virðast flykkjast til
ríkja Reagans og Thatcher í mun
ríkari mæli en var áður fyrr. Hins-
vegar virðist áhugi íslenzkra stúd-
énta á háskólanámi á Norðurlönd-
um hafa dvínað, þó hann sé enn
mikill.
Víkveiji telur það af hinu góða
að stúdentar stundi framhaldsnám
erlendis, þótt sízt skuli lítið gert
úr flaggskipi íslenzka fræðslukerf-
isins, Háskóla fslands.
Nám erlendis víkkar íslenzkan
sjóndeildarhring. Það að íslending-
ar stundi framhaldsnám sem víðast
í veröldinni gerir framtíðar-inni-
stæðu þjóðarinnar í eign þekkingar-
banka mun verðmætari og arð-
bærari en ella.