Morgunblaðið - 29.11.1988, Blaðsíða 17
*\ ►
MORGUNBLAÐIÐ, ÞRIÐJUDAGUR 29. NÓVEMBER 1988
17
Listvinafélag Hallgrímskirkju:
Fjölbreytt dagskrá í vetur
- kirkjulistahátíð í vor
MEÐ fyrsta sunnudegi í aðventu
hefst sjöunda starfsár Listvina-
félags Hallgrímskirkju í
Reykjavík og miðvikudaginn 30.
nóvember kl. 21 heimsækir
Skólakór Garðabæjar kirkjuna
og kemur fram í náttsöng. Tón-
leikar eru að jafnaði fyrirferðar-
mestir í dagskrá Listvinafélags-
ins en í maí á næsta ári verður
haldin kirkjulistahátíð með Qöl-
breyttri dagskrá. Þór Jakobsson
er formaður félagsins og hefur
stjórn þess undanfarnar vikur
unnið að undirbúningi dagskrár-
innar á þessu starfsári.
Sunnudaginn 4. desember heldur
Mótettukór Hallgrímskirkju árlega
aðventutónleika sína og flytur þá
aðventu- og jólatónlist sem nær
yfir tímabilið frá 16. til 20. aldar.
Hvem miðvikudag fram að jólum
er síðan náttsöngur og koma þá
fram ýmsir kórar, Barnakór Kárs-
ness, Dómkórinn auk Mótettukórs-
ins. Þá mun kórinn flytja ásamt
íslenska dansflokknum sérstaka
dagskrá 22. desember sem nefnd
er bæn fyrir dansara — Hallgríms-
vers og Faðir vor.
I janúar heldur Hörður Askelsson
organisti Hallgrímskirkju tónleika
og flytur verk eftir Áskel Másson,
Jón Nordal, Þorkel Sigurbjörnsson
og Cesar Franck. Dagskrá með
Hannesi Péturssyni skáldi verður
19. febrúar en þar les skáldið eigin
verk og Hamrahlíðarkórinn flytur
tónlist. Krossferli að fylgja þínum
heitir dagskrá í söng og tali sem
flutt verður 12. mars en veg og
vanda af henni hafa Jóhanna Möller
sópransöngkona og sr. Sigurður
Pálsson.
Eyvindur Erlendsson leikari hef-
ur tekið að sér að lesa alla Passíu-
sálma Hallgríms Péturssonar á ■
föstudaginn langa eins og hann
gerði í fyrra. Les hann þá fimm
sálma í senn og leikin er tónlist á
milli. Stendur flutningurinn milli
kl. 13 og 18.
Kirkjulistahátíð verður haldin í
annað sinn 5. til 15. maí á næsta
ári. Hörður Áskelsson organisti seg-
ir að líta megi á þessa hátíð sem
eins konar kirkjulegt jafnvægi við
Listahátíð og segist hann vona að
með árunum megi fá fleiri kirkjur
til samstarfs um að gera þessa
hátíð sem veglegasta. Daglegir tón-
leikar og helgihald verður í Hall-
grímskirkju þessa daga. Mótettu-
kórinn flytur óratóríuna Elía eftir
Mendelssohn 6. maí ásamt Sin-
fóníuhljómsveit íslands og ein-
söngvurum. Þeir eru þýskir, Ursula
Kunz alt, Deon von der Walt tenór,
Andreas Schmidt baritón en verið
er að ganga frá ráðningu þýskrar
sópransöngkonu. Orgelnámskeið og
orgeltónleikar verða daglega í há-
deginu þessa viku. Kennari er
Hans-Dieter Möller og hann mun
halda orgeltónleika eitt kvöldið. Þá
verður opnuð sýning á vatnslita-
myndum eftir Karólínu Lárusdóttur
í upphafi hátíðarinnar.
Dagana 8., 9. 11. og 13. maí
verða sýndir þrír einþáttungar sem
heita Sjáið þið manninn og eru eft-
ir dr. Jakob Jónsson frá Hrauni.
Flytjendur eru Erlingur Gíslason,
Þórunn Magnea Magnúsdóttir og
Anna Kristín Arngrímsdóttir. Leik-
stjóri er Jakob S. Jónsson.
Hörður Áskelsson segir að hér
sé um mjög viðamikla og dýra hátíð
að ræða og er um þessar mundir
verið að skipuleggja og tryggja fjár-
mögnun hennar. Gangi það vel og
verði um tekjuafganga að ræða
mun hann renna í orgelsjóð kirkj-
unnar. í því sambandi má minnas’
á bók sem dr. Jakob Jónsson skrif-
aði á ensku til styrktar orgelsjóði.
SUZUKI
1989« TS50X
SUZUKI UMBOÐIÐ H/F
Skútahrauni 15, s 65-17-25
Landsbankinn býr vel um hnútana
í verðbréfaviðskiptum
í Verðbréfaviðskiptum á Laugavegi 7 og á 43 afgreiðslustöðum um land allt býður Lands-
bankinn örugg verðbréf í mörgum verðflokkum og með mismunandi gildistíma. Spari-
skírteini ríkissjóðs eru þar á meðal, að ógleymdum bankabréfum Landsbankans. Banka-
bréf Landsbankans eru ein traustasta fjárfesting sem nú er völ á. Ástæðan er einföld:
Bankabréf eru útgefin og innleyst af bankanum sjálfum. Þau eru verðtryggð miðað við
lánskjaravísitölu, gefa háa ávöxtun og eru auk þess með endursölutryggingu, sem tryggir
skjóta innlausn þegar þörf krefur.
í Verðbréfaviðskiptum, Laugavegi 7, býðst viðskipta-
mönnum fjárvarsla, sem felur í sér ráðgjöf og umsjón
með fjármunum, s.s. verðbréfum og innláns- ^ 0
reikningum. Þér er óhætt að treysta
verðbréfaþjónustu og ráðgjöf Landsbankans.
.>./
• ■ /' -
Veidu Kópai
með gljáa við hæfí.
L
Landsbanki
íslands
Banki allra landsmanna