Morgunblaðið - 13.05.1989, Blaðsíða 45
MORGUNBLAÐIÐ LAUGARDAGUR 13. MAÍ 1989
45
Ahugaverð sýning á k irkj ulistahátí ð
Til Velvakanda.
Það er óhætt að hvetja fólk til
að drífa sig á kirkjulistahátíðina í
Hallgrímskirkju og sjá uppfærslu á
þrem einþáttungum eftir séra Jakob
Jónsson. Sjálfur varð ég þeirrar
ánægju aðnjótandi að vera boðið á
æfingu á verkinu mér til- andlegrar
upplyftingar og ánægju. Heildar-
svipmót sýningarinnar er nokkuð
þungt og skemmtileg tilbreyting frá
því poppaða léttmeti sem þrengir sér
inn um hlustir manns og sjóntaugar
úr öllum áttum í dag. Leikarar
standa sig allir með afbrigðum vel
en að öðrum ólöstuðum er Erlingur
Gíslason í hlutverki Heródesar að
mörgu leyti eftirminnilegastur enda
vafa mál að margir aðrir íslenskir
leikarar hefðu staðið undir því að
halda uppi þeirri spennu og blæ-
brigðum sem nauðsynleg eru til að
halda áhorfendum föngnum í langri
einræðu. Ekki skemmdi það heldur
fyrir að í útliti er Erlingur einkar
sannfærandi Heródes. Hugmyndin
að láta þær hittast Maríu guðsmóður
og móður Júdasar er með afbrigðum
frumleg og í þeim hluta verksins er
góð leikræn spenna og túlkun leik-
ara með miklum ágætum.
Þó meginþema verksins sé á yfir-
borðinu „fyrirgefningin" er að
mínum dómi annar og duldari boð-
skapur í verkinu. I öllum einþáttung-
unum kemur fram togstreita milli
hins kvenlega og karllega, hinna
mjúku og hörðu gilda, animus og
anima. Þetta er í raun eitt megin-
þemað í boðskap sjálfs Nýja testa-
mentisins og því afar eðlilegt að það
skuli krstallast í þessum biblíulegu
verkum. Það er fyrst og fremst
framsetning höfundarins sem gerir
þennan boðskap mun augljósari en
ella. Heródes, Pílatus og Júdas eru
allir framverðir karlmennskunnar,
herrar, stríðsmenn og drottnarar.
Þeir eru þó allir að beijast við að
halda aftur af hinum mjúku gildum
í sjálfum sér. Heródes er harðastur
af sér og hvikar ekki frá vegi karl-
mennskunnar nema eitt augnablik.
Pílatus og Júdas finna báðir lausn
í dauðanum, Júdas eftir að hafa
gengið veg hinna mjúku gilda um
hríð, svikið lit, séð ljósið að nýju og
iðrast en Pílatus eftir að hafa misst
fótfestuna í valdakerfí karlmenns-
kunnar og gert sér grein fyrir fall-
valtleika hins veraldlega valds. Þessi
feminismi er að sjálfsögðu ekki nein
ný sannindi en það sem greinir fem-
inisma. Nýja testamentisins frá er
sú merkilega staðreynd að kjarni,
uppspretta og leiðarljós hinna kven-
legu gilda í Biblíunni er karlmaður-
inn Jesús Kristur.
Ásgeir R. Helgason
Yíkverji skrifar
TM Reg. U.S. Pat Otf.—all rights reserved
c 1989 Los Angeles Times Syndicate
Hún sagði við værum karl-
rembusvín, allir með tölu.
Telur þú að afvopnunar-
leiðin verði farin?
að er ekki sama hvar í veröld-
inni þú ert búsettur þegar þú
kaupir bílinn. Til dæmis voru Jett-
umar þýsku, náfrænkur Golfsins,
um skeið falar á „tilboðsverði" úti
í Bretlandi núna undir vorið. Mikil
auglýsingaherferð kynnti þessi
kostakjör sem ef Víkveiji man rétt
hljóðuðu upp á 10% afslátt frá
venjulegu gangverði ef kaupin voru
gerð innan tilskilinna tímamarka.
En raunar eiga Bretar samt, að
eigin sögn, undir högg að sækja
þegarþeir eru að fjárfesta í bílum
rétt eins og við hér uppi á íslandi
njótum ekki beinlínis neimsins bestu
kjara að heldur. Könnun, sem
bresku neytendasamtökin gengust
fyrir, hefur semsagt leitt í ljós að
bílamir sem Bretinn kaupir á
heimaslóðum em stundum allt að
50% dýrari en nákvæmlega sömu
gerðir á meginlandi Evrópu og svo
úti í Bandaríkjunum.
xxx
Málgagn samtakanna upplýsti
þetta fyrir skemmstu og var
lítið hrifið sem vonlegt var. Þá leiddi
könnunin líka í ljós hve sú þjónusta
sem bandarísk bifreiðarumboð
bjóða viðskiptavinum sínum er
langtum betri en hin breska.
Formaður neytendasamtakanna,
sem er hvroki meira né minna en
barónessa, efndi til blaðamanna-
fundar á dögunum þar sem hún
lýsti þessu. Hún var þá nýkomin
úr ferðalagi um Bandaríkin og tjáði
fjölmiðlafólkinu meðal annars:
„Eitt það fyrsta sem ég rak aug-
un í var auglýsing frá Chrysler þar
sem forstjórinn, Lee-Iacocca, biðlaði
til væntanlegra viðskiptavina með
þessum orðum: Ef ég sel þér bíl,
sem reynist hálfgerður gallagripur,
þá er það mitt vandamál, ekki þitt.
Og þeir láta ekki sitjá við orðin
tóm þarna vestra. Að sögn barón-
essunnar býður Chrysler nýjum við-
skiptavinum upp á sjö ára og
100.000 mílna ábyrgð! Fyrirtækið
gefur viðskiptavininum að auki
tækifæri til að „reynslukeyra"
bílinn hvort heldur hann kýs í einn
mánuð eða um 1.000 mílna veg:
Ef Víkverja misminnir ekki eru
liðlega 1,6 km í mílunni.
xxx
Dálknum hefur borist eftirfar-
andi athugasemd frá Press-
unni:
I janúar sl. birti Pressan fyrst
fjölmiðla fréttir af því að Sverrir
Hermannsson, Landsbankastjóri,
hefði þegið sex mánaða biðlaun frá
Alþingi eftir að hann tók við starfi
í Landsbankanum. í fjölmiðlum hef-
ur Sverrir ítrekað haldið því fram
að fréttinni hafí verið lekið til Press-
unnar af Ólafi Ragnari Grímssyni,
ijármálaráðherra. Síðastliðinn laug-
ardag tekur Víkveiji Morgunblaðs-
ins þessa órökstuddu staðhæfingu
Sverris upp og setur hana fram sem
staðreynd. Orðrétt segir Víkveiji:
„Mikið fjaðrafok varð í þingsöl-
um þegar biðlaunagreiðslur Sverris
komust í fjölmiðla. Þeim var lekið
af sjálfumglöðum ráðherra sem
sjálfur hlaut biðlaun 1983 þótt hann
hyrfí að hálaunastarfi hjá hinu opin-
bera.“
Vegna þessara ummæla skal tek-
ið fram að umrædd frétt var að
öllu leyti unnin að frumkvæði blaða-
mannsins og staðhæfingar um af-
skipti Ólafs Ragnars af fréttinni eru
tilhæfulausar með öllu.
Ómar Friðríksson
ritstjóri Pressunnar.
Allt er þetta svosem gott og
blessað, en þó hlýtur Víkveiji að
uppíýsa, að í umræddum pistli, sem
vitnað er til hér efra, var að vísu
fjallað um fyrrnefnd biðlaun en aft-
ur á móti ekki vikið einu orði að
Pressunni.
HÖGNI HREKKVÍSI
„HITASTIG VWTNSINS ER VIPUNANPI, HERRA.'"
i t » * i . ... .