Morgunblaðið - 25.05.1989, Blaðsíða 3

MORGUNBLAÐIÐ FIMMTUDAGUR 25. MAÍ 1989
3

■

Smárahvammur
Garðabær
:!, wk I ■ =
Kópavogur:
Leirdalur líklegur
urðunarstaður sorps
LEIRDALUR, suðaustur af Fífu-
hvammi í Kópavogi og sunnan
Seljahverfis í Reykjavík, er nú
talinn líklegur urðunarstaður
fyrir sorp frá Kópavogi. „Það
er augljóst að hann er eini stað-
urinn innan bæjarmarkanna þar
sem kemur til álita að kanna
hvort hægt er að leysa málið til
bráðabirgða. Við erum þá að
tala um urðunarstað til eins árs
eða svo,“ sagði Heimir Pálsson
forseti bæjarstjómar Kópavogs
í samtali við Morgunblaðið í
gær.
Tæknimannanefnd hefur verið
að athuga málið fyrir bæjarstjórn
Kópavogs. „Hún hefur komist að
þeirri niðurstöðu að þetta' sé eini
staðurinn og nú sé sjálfsagt að leita
eftir því hvort við fengjum heimild-
ir til þess að nota hann,“ sagði
Heimir. „Þarna á að fylla feykilega
mikið upp. Það er sex til átta metra
fylling alls, sem á eftir að koma í
dalbotninn."
Nú þegar eru jarðefni losuð á
þessum stað og mat tæknimann-
anna er að tiltölulega einfalt mál
sé að nota þennan stað. „Þá erum
við vitanlega að tala um baggað
sorp. Þeir segja okkur að það sé
allt annar handleggur heldur en
ef verið er að tala um bara að
sturta af bílum. Þarna koma um
55 þúsund tonn af fyllingarefni á
ári, mold og jarðvegsefnum. Þann-
ig að það er meira en nóg af því
fyrir hendi til þess að urða sorpið
alveg,“ sagði Heimir Pálsson.
Hann bjóst við að gengið yrði
frá því á bæjarráðsfundi í dag að
senda bréf til Hollustuvemdar og
leita heimilda.
Morgunblaðið/Sverrir
Kópavogsbær hefiir fengið sorppressu hjá Samvinnusjóði íslands
og eru nú gerðar tilraunir með hana við að bagga sorp. Pressan
getur annað öllu sorpi sem til feliur í Kópavogi og verður innan
skamms tekin ákvörðun um hvort hún verður notuð áfram og
þá hvar henni verður fimdinn staður til frambúðar.
Sjávarútvegsráðuneytið:
Eftirlit með sölu óunnins
afla á erlenda markaði hert
Sjávarútvegsráðuneytið hefiir gefið út nýja reglugerð varðandi
útflutning á óunnum fiski. Reglugerðinni er ætlað að auka upplýsing-
ar og eftirlit með umræddum útflutningi. Jón B. Jónasson, skrifstofu-
sljóri í ráðuneytinu, segir nokkur brögð hafa verið að því, að afla-
magn og skipting milli tegunda hafi verið rangfærð við sölu aflans
erlendis og með reglugerðinni verði betra að fylgjast með því hvort
svo sé gert eða ekki. Viðurlög við rangfærslu af þessu tagi geta
verið svipting veiðileyfis og upptaka afla og hefur til þess komið.
Ráðuneytið hefur á undanförnum
misserum aukið verulega eftirlit
með löndun afla héðan erlendis. I
Ijós hefur komið nokkuð ósamræmi
milli uppgefins afla, magns og teg-
undaskiptingar og hafa menn í ein-
hveijum mæli freistazt til að gefa
rangar upplýsingar að sögn Jóns.
Vegna þessa þykir nauðsynlegt að
skipuleggja skilvirkara eftirlit með
útflutningi á óunnum fiski og því
gefin út reglugerð um útflutning-
inn. Meginefni hennar er að sigli
fiskiskip með afla til sölu á erlend-
an markað, skal skipstjóri, strax
og skipið hættir veiðum, senda
veiðaeftirliti sj ávarútvegsráðuneyt-
isins eins nákvæmar upplýsingar
og unnt er um magn hverrar fisk-
tegundar í aflanum. Jafnframt skal
tilgreina umboðsmann erlendis,
sölustað og áætlaðan uppboðsdag.
Upplýsingar þessar skal senda í
símskeyti, telexskeyti eða á tele-
faxi.
Sé aflinn fluttur utan með öðrum
hætti, í gámum til dæmis, skal
veiðaeftirlitinu tilkynnt, á sérstöku
eyðublaði frá eftirlitinu, um útflutt-
an afla frá hveiju einstöku fiski-
skipi, sundurliðað eftir tegundum.
Sé afli sama skips fluttur utan í
fleiri en einum gámi, skal skila
eyðublaði fyrir hvem gám. Sérstök
athygli er vakin á því, að umrætt
eyðublað kemur í stað núverandi
„gámablaðs“, sem útflytjendur hafa
þurft að skila til viðskiptaskrifstofu
utanríkisráðuneytisins.
Skipstjóri veiðiskips, sem landar
afla erlendis og útflytjandi óunnins
afla skulu tryggja að umboðsmenn
eða kaupandi erlendis sendi sam-
dægurs skýrslur til Fiskifélags ís-
lands um sölu afla erlendis þar sem
tilgreint er endanlegt magn hverrar
fiskitegundar og söluverð.
Vanhöld á skýrsluskilum leiða til
tafarlausrar sviptingar á veiðileyfi
þess fiskiskips, sem veiddi aflann
og frekari viðurlaga lögum sam-
kvæmt. Það er skoðun ráðuneytis-
ins að með reglugerð þessari muni
tryggt meira jafnræði en ella milli
þeirra, sem selja afla sinn til fram-
leiðslu innan lands, og þeirra, sem
selja afla sinn óunninn á erlendan
markað. Jafnframt verði nákvæm-
ari upplýsingar um fisksölu erlendis
fáanlegar.
Launaliður
bænda hækk-
ar um 2,7%
YFIRNEFND hefur ákveðið
breytingar á launalið bænda í
hefðbundnum búgreinum, þann-
ig að laun í verðlagsgrundvelli
sauðfjárafurða og laun í verð-
lagsgrundvelli kúabúa hækka um
2,7 prósent.
Að sögn Guðmundar Sigþórsson-
ar nemur þessi hækkun framreikn-
uð í verðlagi nálægt því að vera
1% hækkun á verði búvaranna. Ein-
göngu er um að ræða leiðréttingu
aftur til 1. mars er búvöruverð var
síðast ákveðið, en eftir á að endur-
skoða verð vegna ákvörðunar verð-
lagsgrundvallar vegna nýs búvöru-
verðs sem gildi tekur 1. júní næst-
komandi.
Nemendasam-
band Menntaskól-
ans í Reykjavík:
Stúdenta-
fagnaður
haldinn á
Hótel íslandi
Nemendasamband Mennta-
skólans í Reykjavík mun standa
fyrir árlegum fagnaði með ný-
stúdentum MR á Hótel íslandi
2. júní næstkomandi, en sú hefð
hefiir verið ríkjandi í þau rúm-
lega 40 ár sem nemendasam-
bandið hefur starfað, að halda
fagnað eldri nemenda með ný-
stúdentum eftir útskrift stúdenta
á hverju vori.
Jónatan Þórmundsson prófessor,
formaður nemendasambands MR,
sagði að forsvarsmenn þess hefðu
verið hikandi vegna ástandsins í
skólamálum vegna verkfallsins í
vor, en eftir að það leystist hefði
verið ákveðið að halda stærri sam-
komu en nokkru sinni fyrr. Hann
sagði að aðsókn að fagnaðinum
með nýstúdentum hefði verið vax-
andi ár frá ári, en lagt hefði verið
kapp á að eldri nemendur hittu
nýstúdenta á þessum fagnaði.
Það er ekki eina verkefni nem-
endasambands MR að efna til stúd-
entafagnaðar á hveiju vori, heldur
hefur það einnig látið til sín taka
húsnæðismál skólans, sem er í
ýmsu ábótavant. „Þrátt fyrir bar-
áttu okkar, nemenda, kennara og
ekki síst rektors hefur litlu verið
þokað, en þó fékkst aðeins aukin
fjárveiting til endurbóta á hinu
gamla og virðulega skólahúsi, en
hins vegar hafa húsnæðismál
skólans ekki verið leyst,“ sagði Jón-
atan.
Frekari hagkvæmniskannan-
ir innan ATLANTAL-hópsins
ZUrich. Frá Önnu Bjarnadóttur, fréttaritara Morgunblaösins.
FULLTRUAR álfyrirtækjanna
Alumined Beheer, Grángers og
Alusuisse samþykktu á fundi
með íslensku álviðræðunefhd-
inni í höfuðstöðvum Alusuisse
í ZUrich í gær að láta kanna
áhrifin sem það mun hafa á
rekstur nýrrar álverksmiðju í
Straumsvík ef orka úr Fljóts-
dalsvirkjun verður nýtanleg
fyrr en áður var ætlað. Þeir
samþykktu einnig að láta at-
huga til hlítar möguleika og
kostnað í sambandi við stækkun
ÍSALs. ATLANTAL-hópurinn
hyggst halda nánu sambandi í
sumar og hittast formlega að
nýju í ágúst.
„Nú virðist líklegt að aukin
orka til álframleiðslu verði í boði
fyrr en áður var talið,“ sagði
Edward A. Notter, yfirmaður hrá-
efnadeildar álsviðs hjá Alusuisse
og fulltrúi fyrirtækisins í ATLAN-
TAL-hópnum, eftir fundinn í gær.
„Það gæti gert byggingu og rekst-
ur nýs álvers hagkvæmari en fyrri
tölur sýna svo að okkur þykir
rétt að láta kanna þann möguleika
vandlega. Hópurinn kom sér einn-
ig saman um að gerð verði hag-
kvæmnisathugun á stækkun
ÍSALs svo að sá valkostur liggi
ljós fyrir. Við munum hefjast
handa við það nú þegar.“
Fulltrúi Austria Metall var ekki
í Ziirich en fyrirtækið hefur þó
lýst yfír áhuga á að starfa áfram
í hópnum. Jóhannes Nordal sagði
að fyrirtækin væru öll sannfærð
um að það væri rökrétt að auka
álframleiðslu á íslandi. „Það þarf
aðeins að finna réttu leiðina til
þess,“ sagði hann. „Tveir mögu-
leikar koma fyrst og fremst til
greina, bygging nýs álvers eða
stækkun verksmiðju Alusuisse
með þátttöku fyrirtækja úr ATL-
ANTAL-hópnum.“
1