Morgunblaðið - 25.05.1989, Blaðsíða 58
58
MORGUNBLAÐE) IÞROTTIR
FIMMTUDAGUR 25. MAÍ 1989
KNATTSPYRNA / ENGLAND
Bein útsending frá Anfield
Ingólfur Hannesson, forstöðu-
maður íþróttadeildar ríkisút-
varpsins, sagði í samtali við Morg-
unblaðið í gær að nær öruggt
væri að leikur Liverpool og Arsen-
al á Anfield yrði í beinni útsend-
ingu í sjónvarpinu annað kvöid.
Mikill áhugi er fyrir leiknum
enda um úrslitaleik að ræða í
ensku 1. deildinni. Útsending
Sjónvarpsins hefst kl. 19.
Liverpool hefur þriggja stiga
forskot á Arsenai, fyrir þennan
síðasta leik 1. deildar í vetur.
Arsenal nægir að sigra með
tveggja marka mun — þá næði
liðið Liverpool að stigum, marka-
munurinn væri jafn, en Arsenal
hefur skorað fleiri mörk.
Verði Liverpool meistari í ár,
verður það fyrsta félagið til að
sigra tvívegis tvöfalt i ensku
knattspymunni, í deild og bikar
sama árið.
KORFUKNATTLEIKUR / NBA-DEILDIN
Thomas fór
loks í gang
Detroit sigraði Chicago. Lakers vinna enn
_ DETROITjafnaði keppnina
’ gegn Chicago í úrslitakeppni
NBA-deildarinnar á þriðjudag
eftir níu stiga sigur, 100:91.
Það var Isah Thomas, bakvörð-
urinn knái hjá Detroit, sem átti
stórleik fyrir heimaliðið, en
hann hefur verið fremur daufur
í úrslitakeppninni fram að
þessu. Detroit hefur því jafnað
keppni liðanna, hvort lið hefur
einn sigur, en næstu tveir leik-
ir verða í Chicago.
Leikur Detroit og Chicago var
mjög jafii lengst af. í hálfleik
var staðan 49:49 og mjög jafnt var
með liðunum allt þar til fimm
mínútur voru eftir.
Þá átti heimaliðið
mjög góðan leik-
kafla, náði tíu stiga
forystu og vann með
níu stigum.
Thomas átti stórleik hjá Detroit
með 33 stig og bætti upp lélega
hittni frá fyrsta leik liðanna, en þá
skoraði þessi sjömuleikmaður að-
eins úr þremur af 18 skotum sínum.
Joe Dumars skoraði 20 stig fyrir
Detroit og lék frábæra vöm gegn
Michael Jordan allan leikinn. Jordan
1 skoraði að vísu 25 stig, en þurfti
að hafa mikið fyrir þeim.
Hörkutólið Bill Laimbeer hjá
Detroit var rekinn af leikvelli í
þriðja leikhluta eftir að hafa lamið
leikmenn Chicago í annað sinn í
leiknum. Sennilegt er að hann fái
fésekt, en verði ekki settur í leik-
bann. Scotty Pippen hjá Chicago
meiddist á ökkla í leiknum og óvíst
Gunnar
Valgeirsson
skrifar
að hann geti tekið þátt í næsta leik
liðanna.
Skegglausi herforinginn!
Meistarar Los Angeles Lakers
em í miklu stuði þessa dagana.
Liðið vann sinn níunda sigur í röð
í úrslitakeppninni í ár eftir sigur á
Phoenix, 101:95. Leikurinn var þó
mjög jafn allan tímann. Phoenix
hafði yfir í hálfleik, 55:51, og Lak-
ers náði ekki að knýja fram sigur
fyrr en á síðustu mínútunni. Byron
Scott var stigahæstur leikmanna
Lakers með 30 stig.
Fyrir úrslitakeppnina í ár rakaði
„Magic“ Johnson af sér skegg sitt.
Þetta virðist hafa haft góð áhrif á
hann og félaga hans því Lakers
hefur unnið alla níu leiki sína til
þessa í úrslitakeppninni. Telja má
ömggt að kappinn safni ekki aftur
skeggi fyrr en keppninni lýkur!
Þess má geta að lið, sem núver-
andi þjálfari Phoenix, Cotton Fitz-
immons, hefur þjálfað, hefur ekki
unnið í Fomm-höllinni í 15 ár.
Hann hefur m.a. þjálfað San An-
tonio, Kansas City og Sacramento.
NBA-deildin
Austurdeild:
Detroit - Chicago.......100:91
(Staðan er jöfn, 1:1)
Vesturdeild:
L.A. Lakers - Phoenix Suns.101:95
(Los Angeles Lakers er yfír, 2:0)
Hörkutóllö Blll Laimbeer hjá Detroit stendur oft í ströngu.
ÍÞfémR
FOLK
■ KVENNALANDSLIÐIÐ í
handknattleik æfir nú af fullum
krafti fyrir mót í Portúgal, sem
hefst 12. júní. Landsliðið vann sama
mót í fyrra. Aðeins sex af þeim
stúlkum sem Iéku þá, æfa nú með
landsliðinu, sem er mest skipað
ungum og efnilegum stúlkum. ís-
land, Portúgal, Frakkland,
Spánn og Sviss taka þátt í mótinu
í Portúgal.
M ANDREA Atladóttir, lands-
liðsstúlka frá Vestmannaeyjum,
hefur ákveðið að leika með liði á
Reykjavíkursvæðinu næsta vetur.
Lið Vals hefur verið nefnt í þessu
sambandi.
B TÓMAS Baldvinsson úr GG,
var ekki nema 0.15 cm frá því að
tryggja sér flugfar fyrir tvo til
Orlando í Bandaríkjunum - þeg-
ar hann sló kúlunni á sjöttu braut
í Flugleiðamótinu hjá Keili á dög-
unum. Það munaði því ekki miklu
að hann færi holu í höggi.
■.HÖSKULDUR Höskuldsson
er með besta meðaltalið, rúmlega
195, þegar sex umferðum er lokið í
..Sumarmóti Sigga frænda í keilu.
Höskuldur er ekki
nýr í keilunni. Fyrir
þremur árum setti
hann glæsilegt ís-
landsmet í seríu,
704, sem enn stendur.
■ BJÖRN Sigurðsson náði 644
í seríu í 3. umferð, en hann náði
641 í fyrra, sem þá var hæsta ser-
ían. Björn fékk 243 fyrir einn leik,
sem er hæsti leikur sumarsins.
■ PETER Bennemeer, fyrrver-
andi þjálfari heyrnleysingalandsliðs
Hollands, lék með í 6. umferð og
fékk 193 í meðaltal, sem var næst
besta meðaltalið.
■ ELÍN Óskarsdóttir, íslands-
meistari, er með 162 í meðaltal,
sem er best í kvennaflokki. Þórdís
Rúnarsdóttir er með hæsta leik-
inn, 192, og Jóna Gunnarsdóttir
með hæstu seríuna, 540.
■ DAVÍÐ Löve Þorsteinsson
sigraði í opnunarmóti Keilubæjar
í Keflavík.
■ HÖSKULDUR Höskuldsson,
sem var í Fellibyl, hefur skipt yfir
í P.L.S. íslandsmeistarinn Guð-
mundur Guðmundsson, Þröstum,
hefur einnig hug á að skipta yfir í
P.L.S. Þar með verður P.L.S. með
sterkasta liðið á pappírnum, en
Þrestirnir hafa unnið nánast öll
liðaverðlaun undanfarin tvö ár.
Björn
Sigurðsson
skrifar
Ikvöld
Tveir leikir verða í 1. deild
karla í knattspymu í kvöld
og hefjast báðir kl. 20. Á
Valsvelli leika Valur og ÍA og
í Keflavík mætast ÍBK og FH.
KRR70ARA
Þeir ungu
spreyta sig
Kknattspymuráð Reykjavíkur
heldur upp á 70 ára afmæli á
næstu dögum. Á sunnudaginn
verða tvö úrvalslið frá Reykjavík á
ferðinni í Laugardalnum. Baldur
Maríusson, formaður KRR, sagði
að ákveðið hafi verið að gefa ungu
knattspymumönnum að spreyta sig
í úrvalsleik í tilefni afmælisins.
„Unglingastarfið hefur verið blóm-
legt hjá félögunum í Reykjavík,"
sagði Baldur.
Úrvalslið Reykjavíkur í fjórða
aldursflokki leikur gegn íslands-
meistumm FH kl. 14 og úrvalslið
þriðjaflokks leikur gegn íslands-
meistumm Breiðabliks kl. 15.30.
GOLF
Sprenging í golfíþróttinni
Golfklúbbarnir í Reykjavík taka ekki lengurvið nýjum félögum
ÁHUGI almennings á golfí-
þróttinni hefur vaxið ótrúlega
síðustu árin og er orðinn þaö
mikill að nokkrir golf klúbbar
taka ekki lengur við nýjum
félögum. Verst er ástandið á
Reykjavíkursvæðinu og ertal-
að um algjöra sprengingu í
íþróttinni. Reykvíkingar, sem
nú þegar eru ekki meðlimir í
golfklúbbi, þurfa að leita til
Hafnarfjarðar eða Suður-
nesja ætli þeir sér að stunda
þessa íþrótt.
Golfklúbbur Reykjavíkur, sem
hefur aðstöðu í Grafarholti,
verður nú í fyrsta sinn að tak:
marka inngöngu nýrra félaga. „í
fyrra gengu 180
nýir félagar f
klúbbinn og við
vomm ekki undir
það búnir. Það má
búast við að eifitt verði að kom-
ast inn í sumar eftir miðjan júní.
Við reiknum með að taka inn 100
nýiiða á ári allt umfram það verð-
ur sett á biðlista sem ætti að
ValurB.
Jónatansson
skrifar
tryggja þeim inngöngu næsta ár
á eftir. Við höfum ákveðið að taka
ekki algjöra byijendur inn. Allir
nýir félgar verða að sanna sig eða
fara á námskeið," sagði Björgúlf-
ur Lúðvíksson, framkvæmdastjóri
GR.
Meðiimir í GR eru nú um 900
og segir Bjöigúlfur að völlurinn
þoli ekki fleiri. „Völlurinn var
opnaður um hvítasunnuna og er
allur að koma til. Allur snjór er
farinn af brautunum og við erum
famir að nota sumarflatimar,“
sagði Björgúlfur.
Langir biðlistar
Golfvöllur Nesklúbbsins á Sel-
tjamamesi hefur verið að mestu
lokaður nýliðum í tvö ár. „Við
teljum að völlurinn þoli ekki fleiri
en 200 meðlimi sem allir eru mjög
virkir. Ásóknin hefur verið gífur-
leg og við erum með langa bið-
lista,“ sagði Pétur Orri Þórðarson,
formaður Nesklúbbsins.
Nesklúbbsmenn hafa í hyggju
að bæta 4-5 holum við völlinn
á Suðumesi. Pétur Orri segist
vonast til að hægt væri að byrja
framkvæmdir í haust, en það taki
nokkur ár að fá þessa viðbót í
leikhæft ástand.
Vandamál
Golfklúbburinn Kjölur, sem er
með golfvöll við Leirvog í Mos-
fellsbæ, hefur nú orðið að taka-
marka inntöku nýrra félaga. Völl-
urinn var tekinn í notkun fyrir
aðeins þremur árum og er strax
orðinn of lítill. í klúbbnum eru
260 meðlimir og liggja nú fyrir
um 20 nýjar umsóknir. „Við höf-
um ekki neitað neinum inngöngu
enn sem komið er, en við teljum
að völlurinn þoli ekki fleiri. Þetta
er orðið stórt vandamál og er nú
orðið mjög brýnt að bæta við golf-
velli í Reykjavík," sagði Öm Hö-
skuldsson, formaður Golfklúbbs-
ins Kjalar.
Reykvíkingar þurfa nú að snú
sér t.d. til Hafnarfjarðar eða Suð-
umesja til að leika golf því ekki
er lengur pláss í borgarlandinu.
Golfklúbbur Reykjavíkur hefur
reyndar fengið loforð um bygg-
ingu golfvallar á Öskuhaugunum
í Gufunesi, en það eru minnst sex
til átta ár í að hann verði tilbúinn.
Ástandið er ekki alveg eins
slæmt hjá öðrum golfklúbbum
landsins. Hjá Keili á Hvaleyrar-
velli í Hafnarfirði er enn tekið við
nýliðum. „Áhuginn er gífurlegur
og eru meðlimir klúbbsins nú
orðnir um 400. Hingað kemur
fólk frá Reykjavík og víðar og
hefur fjölgunin í klúbbnum verið
um 80 manns á ári, en við getum
enn tekið við fólki,“ sagði Guð-
laugur Gíslason, formaður Golf-
klúbbsins Keilis.
Aðsóknin í golfíþróttina á Ak-
ureyri er mikil en vandamálið þar
er snjórinn. Jaðarsvöllur er enn
hulinn snjó að mestu og ekki búist
við að hægt verði að leika á hon-
um fyrr en um miðjan júní. „Kylf-
ingar hér eru orðnir óþreyjufullir
og hafa komið sér upp 9 holu
velli við Melgerði þar til Jaðar-
svöllur verður tilbúinn," sagði
Guðjón Jónsson, framkvæmda-
stjóri Golfklúbbs Akureyrar.