Morgunblaðið - 12.09.1989, Page 52
\NÝ
VIÐKOMUHÖFN
\MMMMH
ISKIPADE/LD
ISAMBANDSINS
lsÍMI 91-698300
f'Ui
.m • RONNING
KRINGLUNNI/SÍMI (91)685868
ÞRIÐJUDAGUR 12. SEPTEMBER 1989
VERÐ I LAUSASOLU 90 KR.
Sambandið og Landsbankinn:
Citíbank sagði upp 300
milljóna króna láni SIS
Rætt um sölu Regins hf. og eignarhlutar í Sameinuðum verktökum til ríkisins
CITIBANK, einn hinna erlendu viðskiptabanka Sambands ísl. sam-
vinnufélaga hefur sagt upp 5 milljón dollara Iáni (um 300 milljónir
króna), sem Sambandið hefur haft hjá bankanum. Samkvæmt heimild-
um Morgunblaðsins heíur Sambandið þegar greitt 2 milljónir dollara,
eða um 120 milljónir króna, af þeirri skuld. Aðrir helztu viðskiptabank-
ar Sambandsins eriendis hafa ekki sagt upp lánum og er ein ástæöa
þess, samkvæmt heimildum Morgunblaðsins, samkomulag það, sem
undirritað var milli Landsbankans og Sambands ísl. samvinnufélaga
sl. fostudag um sölu á eignarhluta Sambandsins í Samvinnubankanum.
Einn stærsti lánardrottinn Sam-
bandsins erlendis er Hambros-banki
í Bretlandi og hefur sá banki ekki
sagt upp skuldum Sambandsins.
Skuldir Sambandsins þar eru tölu-
vert hærri en hjá Citibank. Þessi
bandaríski banki mun um skeið hafa
lagt áherzlu á að draga úr viðskipt-
um við íslenzk fyrirtæki en þau voru
töluverð fyrir nokkrum árum.
Samkomulag það, sem gert var
milli Landsbankans og Sambandsins
sl. föstudag og sem samþykkt var í
bankaráði Landsbankans sl. sunnu-
dag með atkvæðum fulltrúa Sjálf-
stæðisflokks og Framsóknarflokks
er í formi minnisblaðs, þar sem ann-
ars vegar er tilgreint kaupverð, sem
samið hefur verið um, 828 milljónir
króna fyrir 52% eignarhluta Sam-
bandsins í Samvinnubankanum og
hins vegar er tekinn fram áskilnaður
og óskir samningsaðila.
Af hálfu Landsbankans eru settar
fram óskir og áskilnaður í nokkrum
töluliðum þar sem m.a. er áskilið,
að Sambandið leggi fram nægar
tryggingar fyrir skuldum þess við
bankann og að bankastjórn Lands-
bankans fái í hendur áætlun um fjár-
hagslega endurskipulagningu Sam-
bandsins og hafi aðgang að upp-
gjörum á rekstri með reglulegu milli-
bili.
Af hálfu Sambandsins eru settar
fram óskir um það, hvernig kaup-
verð eignarhluta þess í Samvinnu-
bankanum greiðist. Þar leggur Sam-
bandið til, að 300 milljónir króna
komi fram sem lækkun á skuid Sam-
bandsins í Samvinnubankanum, 100
milljónir króna gangi til að greiða
gjaldfallin lán þess í Landsbankan-
um og 125 milljónir verði veittar sem
bráðabirgðalán til þess að greiða
opinber gjöld Sambandsins í septem-
ber. Þá er gert ráð fyrir, að eftir-
stöðvar verði greiddar á 3-5 árum.
Á minnisblaði þessu er ennfremur
sett fram ósk eða áskilnaður af hálfu
Sambandsins um að útlán Lands-
bankans til Sambandsins verði
óbreytt næstu 15 árin miðað við
núverandi viðskipti Sambandsins við
þessa tvo banka og að Iánafyrir-
greiðsla verði ekki skert.
Miðað við umsamið kaupverð á
eignarhluta Sambandsins er gert ráð
fyrir, að Samvinnubankinn allur sé
metinn á 1.590 milljónir króna. Sam-
kvæmt heimildum Morgunblaðsins
nema skuldir Sambandsins nú við
Landsbankann um 1.900 milljónum
króna. Að auki hefur Sambandið
fyrirgreiðslu til þess að flýta fyrir
greiðslum til frystihúsa, sem nemur
um 300 milljónum króna.
Samkvæmt heimildum Morgun-
blaðsins átti Guðjón B. Ólafsson,
forstjóri SÍS, fyrir skömmu fund
með formönnum Framsóknarflokks,
Alþýðuflokks og Alþýðubandalags,
þar sem hann lýsti m.a. áhyggjum
sínum vegna viðskiptastöðu Sam-
bandsins hjá erlendum viðskipta-
bönkum þess. Á fundi þessum kom
til umræðu, að ríkið kaupi Regin hf.
af Sambandinu svo og eignarhluta
Sambandsins í Sameinuðum verk-
tökum. ■
Viðræður bankastjórnar Lands-
bankans og Jóns Sigurðssonar, við-
skiptaráðherra, um þessi kaup heíj-
ast nk. föstudag eða mánudag að
sögn viðskiptaráðherra. í samtali við
Morgunblaðið í dag segir hann m.a.:
„Kaupverðið er hátt miðað við bók-
fært eigið fé Samvinnubankans og
þess vegna hlýtur það að þarfnast
mjög rækilegrar útiistunar hvers
vegna bankastjórn Landsbankans
hefur lagt það til.“
Sjá bls 50 og 51.
Skoðanakönnunfélagsvísindastofiiunar:
Sj álfstæðisflokkur
feng’i 44% atkvæða
Ríkisstjórnin með 25,4% stuðning —
Borgaraflokkur fær 1,4%
Sjálfstæðisflokkurinn fengi 44% atkvæða ef gengið yrði til alþingis-
kosninga nú, samkvæmt niðurstöðum úr skoðanakönnun, sem félags-
vísindastoíhun Háskóla Islands gerði fyrir Morgunblaðið í síðustu viku.
I könnuninni kemur einnig fram að ríkisstjórnin nýtur stuðnings 25,4%
kjósenda en 50,3% eru henni andvígir. Nýi stjórnarflokkurinn, Borgara-
flokkurinn, fær 1,4% fylgi í könnuninni, en hún var gerð eftir að ljóst
var að flokkurinn færi í stjórn.
Morgunblaðið/Rúnar Þór
Fylgi Sjálfstæðisflokksins í könn-
uninni er það mesta, sem flokkurinn
hefur fengið í könnunum félags:
vísindastofnunar á kjörtímabilinu. í
síðustu könnun fékk hann fylgi
39,3% þeirra, sem afstöðu tóku. í
þingkosningunum 1987 fékk flokk-
urinn 27,2% fylgi.
Fylgi allra stjórnarflokkanna
minnkar frá kosningum, en Alþýðu-
bandalagið hefur bætt við sig frá
síðustu könnun, sem gerð var í júní.
Ef miðað er við þá, sem afstöðu tóku,
fær Framsóknarflokkur 17,6% fylgi
miðað við 20,3% í síðustu könnun
og 18,9% í kosningum. Alþýðuflokk-
ur fengi 8,9% en fékk 11,3% í júní
og 15,2% í kosningunum. Alþýðu-
bandalag fengi 12,6%, hafði 8,6% í
síðustu könnun og 13,4% í kosning-
unum. Borgaraflokkurinn fengi
1,4%, fékk 1,9% í júní og 10,9% í
kosningunum.
I niðurstöðum könnunarinnar
kemur fram að andstaða við ríkis-
stjómina er mest meðal yngri kjós-
enda og þeirra, sem búa í Reykjavík
og á Reykjanesi. Umtalsverður mun-
ur er á afstöðu höfuðborgarbúa og
landsbyggðarmanna til stjórnarinn-
ar‘ Sjá miðopnu.
Gjöfult eplatré
Arnór Karlsson á Akureyri við eplatré, sem í sumar hefúr gefið
á milli 25-30 kíló af sætum og góðum eplum. „Ég fékk um 40 epli
af betra trénu í fyrrasumar, en þau eru yfir 80 nú, sagði Arnór.
Morgunblaðið/Einar Falur
Kórónan komin á sinn stað í
Landakotskirkju í gær-
kvöldi.
Kórónunni
úr Krists-
kirkju skilað
GULLHÚÐAÐRI silfúrkór-
ónu, sem Jóhannes Páll páfi
II blessaði í heimsókn sinni
hingað til lands, var stolið
af höfði Maríulíkneskis í
Landakotskirkju á sunnu-
dag. Hún kom í leitirnar um
klukkan hálfátta i gærkvöldi
þegar fúllorðin kona kom
með hana á miðborgarstöð
lögreglunnar í Reykjavík.
Að sögn lögreglunnar hafði
konan verið á gangi í mið-
bænum á sunnudagskvöldið
þegar drukkinn maður vatt sér
að henni og rétti henni kórón-
una. Konan vissi í fyrstu ekki
hvaða grip hún var með í hönd-
unum en þegar hún frétti af
þjófnaðinum sneri hún sér til
lögreglunnar sem kom henni
til skila.
Að sögn séra Georgs, prests
í kaþólska söfnuðinumí
Reykjavík, uppgötvaðist þjófn-
aðurinn um klukkan 17.30 á
sunnudag. Messu var lokið í
kirkjunni um klukkan 15 og var
þá kórónan á sínum stað á
höfði líkneskisins, á stalli um
' það bil 2 metra frá gólfi. Þegar
að var komið lá líkneskið, sem
er talið vera frá því fyrir siða-
skipti, á gólfi kirkjunnar en
kórónan var horfin.
Gunnar Hjaltason gullsmiður
í Hafnarfirði smíðaði Kórónuna
fyrir komu páfa hingað til lands
og blessaði páfinn hana við
messu hér. Hún er gerð úr silfri
en gullhúðuð og prýdd 11
íslenskum steinum. Ekki eru
vituð deili á þeim sem stal kór-
ónunni af höfði Maríulíkneskis-
ins.
Boð Stálskips hugsanlega
framselt til Patreksfiarðar
VEÐHAFAR í togaranum Sigurey samþykktu á fúndi með uppboðs-
haldara og bústjóra í gær að taka boði Stálskips hf. í skipið. Lögmað-
ur Stálskips segir að fyrirtækið hafí ákveðið að standa við tilboð sitt
en hugsanlega verði það framselt Stöpum hf. á Patreksfírði, sem áttu
næsthæsta boð, þegar skipið var boðið upp, þann 28. ágúst. Þá bauð
Stálskip 257,5 milljónir króna í skipið, en Stapar á Patreksfirði 257
milljónir.
Bjarni Ásgeirsson, lögmaður Stál-
skips, segir að þar sem Sigurey hafi
nú verið slegin fyrirtækinu eigi það
ekki annarra kosta völ en að standa
við tilboð sitt. Hins vegar sé líklegt
að kannaður verði sá möguleiki, að
framselja boðið Stöpum, en það sé
undir því komið að þeir geti staðið
hratt og vel við það og Stálskip
muni ekki bera kostnað af því.
Bjarni segir að Stálskip hafi
ákveðið að standa við boð sitt í skip-
ið þar sem fyrirtækið hefði hugsan-
lega orðið skaðabótaskylt að öðrum
kosti. Því hefði hugsanlega verið
gert að greiða mismun á tilboði sínu
og því verði sem skipið hefði verið
selt á.
Aðspurður sagði Sigurður
Viggósson, oddviti Patrekshrepps og
varaformaður stjórnar Stapa, að
vissulega væru 257 milljónir hátt
verð, en ekki yrði hjá því litið að það
væri markaðsverð á skipi eins og
Sigurey.
Sjá ennfremur miðopnu