Morgunblaðið - 22.09.1989, Blaðsíða 29

MORGUJVBLADIÐ • FÖSTL'DAGj-ýR ,22., SEP^IyM^R ,19gp,,
29
Minning:
Gunnar Tómasson
yfirverkfræðingur
Fæddur 26. mars 1918
Dáinn 14. september 1989
Gunnar Tómasson verkfræðingur
lést þann 14. þessa mánaðar eftir
tveggja ára baráttu við banamein
sitt.
Gunnar var fæddur í Reykjavík
26. mars árið 1919, sonur Tómasar
Jónssonar, kaupmanns í Reykjavík
og konu hans Sigríðar Sighvatsdótt-
ur.
Gunnar lauk stúdentsprófi 1938
og prófi í vélaverkfræði ft'á verk-
fræðiskólanum DTH í Kaupmanna-
höfn 1944. Hann starfaði síðan sem
verkfræðingur, fyrst í Danmörku þar
til heimsstyijöldinni lauk og síðan
hér heima. Síðustu árin starfaði
Gunnar hjá varnarliðinu á Keflavík-
urflugvelli, þar sem ég kynntist hon-
um og vann undir hans stjórn um
20 ára skeið, auk þess sem við ókum
saman til og frá vinnu um árabil.
Hjá varnarliðinu gegndi hann lengst
af stöðu framkvæmdastjóra Verk-
fræðideildar verklegra framkvæmda.
Er Gunnar hóf störf á Keflavíkur-
flugvelli snemma árs 1954 má segja
að þat' hafi vet'ið frumbýlingsbúskap-
ur, skrifstofur, verkstæði og bústað-
ir fólks voru að miklu leyti bráða-
birgða húsnæði frá stríðsárunum.
Allt þetta stórbatnaði á starfstíma
hans, hús voru byggð til flestra
nota, flugbrautir lengdar, vegir lagð-
it', umhverfi fegrað og hitaveita lögð
í hvert hús, svo nokkuð sé nefnt.
Að þessum framkvæmdum starfaði
Gunnar sem hönnuður, skipuleggj-
andi og stjórnandi.
Gunnar var bráðvel gefinn og vel
að sér í sínu starfi, reglusamur og
ábyggilegut' svo af bar. Vinnuveit-
endur hans mátu störf hans mikils
og veittu honum oft verðlaun og við-
ut'kenningar fyrir vel unnin störf,
rneðal annars verðlaun sem nefnast
„Navy Meritorious Civilian Service
Award“, sem fátítt er að séu veitt.
I greinarget'ð með þessunt verðlaun-
um var sérstaklega getið hæfni hans
við stjórnun og skipulagningu. Að
sjálfsögðu var mikið leitað til Gunn-
ars af yfirmönnum hans, sem venju-
lega dvelja hér fá ár, unt mál er
varða sérstöðu Keflavíkurstöðvar-
innar og sat hann því í mörgunt
nefndum um tæknileg efni.
Ég efaðist aldrei um að Gunnar
hefði ánægju af starfi sínu, enda
hefur hann verið viss um að þau
störf féllu honum, er hann hélt ung-
ur utan til náms, en verkfræðinám
var ekki í þá daga hefðbundin leið
ungs stúdents..
Gunnar kvæntist árið 1947
danskri stúlku, Doris Jessen. Þau
eignuðust fjögur börn, sem öll eru
nú uppkomin og myndarfólk. Doris
á mikið lof skilið fyrir umönnun á
manni sír.um, helsjúkum um tveggja
ára skeið, á þann hátt sem hann
helst kaus.
Við samstarfsmenn Gunnars mun-
um sakna hans sem leiðbeinanda,
félaga og vinar. Ég og kona tnín
vottum Doris, börnum þeirra Gunn-
ars og öðrum ættingjum dýpstu sam-
úð.
Björn E. Pétursson
í dag fer fram jarðat'för Gunnars
Tómassonar fyrrverandi ýfirverk-
fræðings og forstjóra verkfræðideild-
ar varnarliðsins. Fyrir allmörgum
árum átti ég því láni að fagna að
starfa undir hans stjórn urn nokkurt
árabil og minnist ég þeirra ára með
sérstöku þakklæti til Gunnars. Gunn-
ar var strangur yfirmaður en réttlát-
ur. Hann gerði miklar kröfur til
starfsmanna sinna um samviskusemi
í störfum bæði varðandi mætingu
og afköst enda vann verkfræðideildin
til mikilla viðurkenninga fyrir störf
sín. Sjálfur hlaut hann æðstu viður-
kenningu sem Bandaríkjastjórn veitir
borgaralegum starfsmanni fyrir vel
• unnin störf. Avallt studdi Gunnar
mig með ráðum og dáð þegar ég
þurfti á að halda og ég fæ seint
fullþakkað. Eftir að ný deild hafði
verið stofnuð út úr verkfræðideild-
inni og ég fíuttist til í starfi, átti ég
ávallt gott samstarf við hann. Gunn-
ar var ákaflega ljúfur og kurteis
maður í umgengni, hlédrægur og lítt
fyrir að^ flíka tilfinningum sínum.
Hin erfiðu veikindi sín undanfarin
ár bar hann með slíku hugrekki og
æðruleysi að seint gleymist. Með
Gunnari er genginn valinkunnur
sæmdarmaður.
Ég votta Doris, börnum þeirra og
venslafólki mína dýpstu samúð, en
minningin um góðan dreng geymist.
Guðmundur Jóhannsson
Gísli Páll
vélstjóri -
Fæddur 14. ágúst 1911
Dáinn 16. september 1989
í dag verður til moldar borinn
Gísli Páll Oddsson frá Hliði á Akra-
nesi. Gísli Páll fæddist í Hlíðarhúsum
á Akranesi hinn 14. ágúst 1911 og
vom foreldrar hans hjónin Steinunn
Jónsdóttir og Oddur Gíslason sjó-
maður. Gísli var yngstur þriggja
systkina, en eldri voru systurnar
Dagbjört Aðalheiður, sem lést um
fermingaraldur og Arnóra sem and-
aðist 1981. Seinna tóku hjónin í fóst-
ur tvo bræðrasyni Steinunnar, þá
Gunnar og Egil Sigurðssyni og ólust
þeir upp hjá þeim til fullorðinsára.
Þeir eru nú báðir látnir. Egill lést
1953 og Gunnar 1966.
Oddur og Steinunn fluttust fljót-
lega að Hliði, þar sem foreldrar hans
höfðu áður búið og þar bjó fjölskyld-
an lengst af. Oddur stundaði sjóinn
og snemma fetaði sonurinn Gísli
Páll í fótspor föður síns. Sjómennsk-
an átti hug hans allan og fyrst var
verið á opnum bátum eins og þá tíðk-
aðist en fljótlega tók Gísli vélstjóra-
próf og réðst á stærri báta.
Gísli var á sjó með ýmsum for-
mönnum, en lengst af reri hann með
Jóhannesi Sigurðssyni á Auðnum og
síðar með Þórði Guðjónssyni á Ökr-
um, mági sínum. Upp úr 1950 fór
hann að vinna í landi, fyrst hjá Fisk-
veri hf. og síðan Haraldi Böðvars-
syni & Co., en stundaði alltal' sjó-
róðra á sumrin eftir því sem færi
gafst. Síðar lét hann smíða .trillu,
Blíðfara, sem hann átti í mörg ár.
Síðustu árin vann hann hjá Sements-
verksmiðju ríkisins allt þar til að sjö-
tugsaldri var náð. En ákvæði ráðn-
ingarsamninga um starfslok áttu
ekki alveg við hann og hans skap-
lyndi. Hann kunni því illa að sitja
auðum höndum og hafa ekkert fyrir
stafni. Honum féll ekki að leggja
árar í bát. Hann tók því til við sjó-
mennskuna að nýju og reri með
Oddsson
Minning
Guðjóni syni sínum á trillu allt þar
til á miðju þessu sumri.
Gísli Páll gekk að eiga eftirlifandi
konu sína, Ingileif Guðjónsdóttur,
hinn 26. nóvember 1938. Ingileif er
dóttir hjónanna frá Ökrum þeirra
Ingiríðar Bergþórsdóttur og Guðjóns
Þórðarsonar. Þau hófu búskap sinn
á Hliði og þar stóð heimili þeirra
alla tíð. Fyrstu árin bjuggu foreldrar
Gísla ásamt Agli fósturbróður hans
á neðri hæðinni, en fluttu síðar til
Arnóru dóttur sinnar. Oddur lést
1949, en Steinunn bjó þar áfram,
þar til hún lést 1971. Gísli og Inga
lifðu í farsælu ^ hjónabandi í meira
en hálfa öld. A heimili þeirra var
jafnan gott að koma. Inga var
manni sínum styrkur förunautur og
sinnti með Ijúfu jafnaðargeði skyld-
um sjómannskonunnar. Þau eignuð-
ustu þijá syni. Elstur er Guðjón
Ingvi, skipstjóri, fæddur 1938. Hann
er kvæntur Valdísi Þ. Guðnadóttur
og eiga þau þijú börn, Inga Lilju,
Guðnýju og Gísla Pál. Næstur er
Oddur, skipstjóri, fæddur 1942.
Hann er kvæntur Björnfríði S.
Björnsdóttur, þeirra börn eru Ingi-
leif, Björn, Gísli Páll og Arnór Stein-
ar. Yngstur er Egill Steinar, liúsa-
smiður, fæddur 1956. llann er
kvæntur Borghildi Birgisdóttur og
er þeirra dóttir, Steinunn Eik. Eitt
langaafabarn er komið í hópinn,
Óskar, sonur Ingileifar Oddsdóttur
og Stefáns Óskarssonar.
Gísli Páll var ekki gefinn fyrir að
flíka tilfinningum sínum, en hjartað
var heitt sem undir sló. llann var
með afbrigðum barngóður og naut
hópurinn hans þess í ríkum mæli,
hvert og eitt fyrir sig. Við systkinin,
börn Marselíu og Þórðar, bróður Ingu
urðum sömuleiðis þeirrar gæfu að-
njótandi að eiga hann að í okkar
bernsku og alla tíð síðan. Foreldrar
okkar hófu búskap sinn á neðri hæð-
inni á Hliði og þar stigum við systkin-
in okkar fyrstu skref. Þá var tíðum
klifrað upp stigann til afa eins og
við ævinlega kölluðum Gísla, skriðið
upp í fangið hans og horft út um
gluggann. Þar var setið og fylgst
með sjónum og lífinu við höfnina.
Fylgst með þegar bátarnir voru að
koma inn einn af öðrum, þar til
pabbabátur var örugglega kominn í
höfn.
Gísli Páll var meðalmaður að
vexti og bjartur yfirlitum. Hann tal-
aði jafnan tæpitungulaust og fór
ekki í neina launkofa með skoðanir
sínar. Hann var skapmikill en glað-
sinna og góðlátleg glettni var oft í
augunum á honum. Hann var okkur
öllum kær og við systkinin þökkum
af alhug allt það sem hann var okk-
ur. Móður okkar reyndist hann vel
þegar hún kom ókunnug til Akra-
ness og alla tíð síðan hefur hann átt
trygga vináttu hennar.
Gísli Páll andaðist á Sjúkrahúsi
Akraness hinn 16. september sl. eft-
ir skamma legu. Ingu frænku, bræðr-
unum og fjölskyldum þeirra sendum
við öll hlýjar samúðarkveðjur urn
leið og við biðjum honum Guðs
blessunar. Blessuð sé minning Gísla
Páls Oddssonar.
Inga Jóna Þórðardóttir
t
Eiginkona mín og móðir okkar,
HALLFRÍÐUR SVEINSDÓTTIR
frá Súðavik,
verður jarðsungin frá Lágafellskirkju föstudaginn 22. september
kl. 14.00.
Þeim sem vilja minnast hinnar látnu er bent á Krabbameinsfélag
íslands.
Þorvarður Hjaltason og börn.
t
Eiginmaður minn, faðir okkar og tengdafaðir,
HALLGRÍMUR FR. HALLGRÍMSSON
fyrrverandi forstjóri,
Vesturbrún 22,
Reykjavík,
verður jarðsunginn frá Dómkirkjunni þriðjudaginn 26. september
kl. 13.30.
Margrét Hallgrímsson,
Þóra Hallgrimsson, Björgólfur Guðmundsson,
Elina B. Hallgrímsson, Ragnar B. Guðmundsson.
t
Þökkum innilega öllum þeim, er sýndu okkur samúð og vinarhug
vegna andláts
BALDURSSTEFÁNSSONAR
frá Fíflholtum,
og heiðruðu minningu hans.
Fyrir hönd aðstandenda,
Margrét Sigurjónsdóttir.
+
Þökkum innilega öllum þeim er auðsýndu okkur samúð og vinar-
hug við andlát og útför eiginmanns míns, föður, tengdaföður og
afa,
JÓNS INGIMARSSONAR.
Elin Guðmannsdóttir,
Reynir Jónsson, Ingibjörg Georgsdóttir,
Þóra Björk Jónsdóttir, Sveinn Allan Morthens,
Ingimar Örn Jónsson,
Sóley Gréta, Sindri og Sunna Björg.
+
Þökkum innilega auðsýnda samúð og vináttu við andlát og útför
eiginkonu minnar, móður, tengdamóður, ömmu og langömmu,
RÖGNU JÓNU SIGURÐARDÓTTUR,
Vesturgötu 23,
Keflavík,
Júlfus Árnason,
Sigurlaug Júlíusdóttir, Sigurjón Jónsson,
Aðalheiður Júliusdóttir, Hallmann Sigurðsson,
barnabörn og barnabarnabörn.
+
Þökkum auðsýnda samúð við andlát og jarðarför föður okkar,
tengdaföður, afa og langafa,
FRIÐBERGS KRISTJÁNSSONAR
frá Hellissandi.
Sérstakar þakkir til slysavarnadeildarinnar Drafnar á Stokkseyri.
Guð blessi ykkur öll.
Kristján Friðbergsson,
Geir Friðbergsson,
Edda Friðbergsdóttir Bakke,
Guðni Gils Friðbergsson,
barnabörn og barnabarnabörn.
Hanna Halldórsdóttir,
Hólmfríður Geirdal Jónsdóttir,
Ole Bakke,
+
Þökkum öllum sem auðsýndu okkur
samúð við andlát og jarðarför bróður
okkar,
TRAUSTA SIGMUNDSSONAR,
Skógarbraut 3,
ísafirði.
Systkini, makar
og systkinabörn.
Lokað
skrifstofa okkar verður lokuð í dag vegna jarðar-
farar JÓNS S. JÓHANNESSONAR.
Jón Jóhannesson & co sf.