Morgunblaðið - 27.10.1989, Blaðsíða 5
MORGUNBLAÐIÐ FÖSfUDAGUR 2^ OKTÓBER 19g9
5
Kaupmannahöfii:
2 íslensku tóbaks-
pontnanna seldust
TVÆR íslensku tóbakspontnanna, sem voru
á uppboði í Kunsthallen í Kaupmannahöfn
í gær, seldust. Önnur þeirra, sem samkvæmt
sýningarskrá er frá um 1750 og sú elsta sem
vitað er um, seldist á 25 þúsund danskar
krónur, eða um 212 þúsund íslenskar krón-
ur.
Ponta þessi er úr slípaðri búrhvalstönn,
skreytt silfri. Eins og skýrt var frá í Morgun-
blaðinu í síðustu viku var hún metin á 28 þús-
und danskar krónur, eða um 240 þúsund íslen-
skar. Hin tóbakspontan, sem seldist á upp-
boðinu, er frá um 1780, einnig úr slípaðri búr-
hvalstönn og skreytt silfri. Samkvæmt sýning-
arskrá var hún metin á 18 þúsund danskar
krónur, eða um 150 þúsund íslenskar. Hún
seldist hins vegar á öllu lægra verði, eða 14
þúsund danskar krónur, um 120 þúsund íslen-
skar.
Samkvæmt upplýsingum, sem Morgunblaðið
fékk hjá Kunsthallen í Kaupmannahöfn í gær,
voru það danskir aðilar, sem keyptu ponturnar
tvær. Hinar, sem ekki seldust í gær, verða
boðnar upp að nýju á næsta fommunauppboði
í .Kunsthallen. Þær eru frá því um 1825 og
1850, sú fyrri úr útskomu tré skreytt nýsilfri
og sú síðari úr útskomu kýrhorni, með silfr-
aðri skreytingu. Þær em metnar á 6 þúsund
og 9 þúsund krónur danskar, eða um 30 og
50 þúsund íslenskar.
Ponturnar tvær sem seldust. Sú stærri er
jafnframt sú dýrari.
Samin álits-
gerð um
fjárhag SÍS
NEFNDIR á vegum Landsbanka
íslands og Sambands íslenskra
samvinnufélaga eru nú langt
komnar með gerð fullbúins samn-
ings um kaup Landsbankans á
meirihlutaíjáreign SIS í Sam-
vinnubankanum hf.
Landsbankinn og SÍS hafa samið
um að Endurskoðun hf. semji álits-
gerð fyrir Landsbankann um efna-
hags- og fjárhagsstöðu SÍS. Fyrir-
tækið mun einnig meta fyrir’ bank-
ann rekstraráætlanir sém SIS er
að ljúka við um þessar mundir, seg-
ir í frétt frá Landsbankanum og
SÍS.
Alþýðubankinn:
Guðmundur
Agústsson
verður úti-
bússljóri
ÁKVEÐIÐ hefur verið að gera
Alþýðubankann á Laugavegi 31
að sérstöku útibúi og hefur
Guðmundur Ágústsson, aðstoð-
arbankastjóri Alþýðubankans,
verði ráðinn útibússfjóri frá 1.
nóvember.
Höfuðstöðvar Alþýðubankans
hafa verið að Laugavegi 31, en
almenn afgreiðsla þar ekki skilin
frá með sama hætti og önnur
útibú. Nú hefur verið ákveðið að
breyta skipulaginu með þessum
hætti. Samkvæmt upplýsingum
Alþýðubanka er í raun verið að
festa í sessi viðteknar venjur inn-
an bankans með þessu.
Þrennt
slasaðist
í hörðum
árekstri
ÞRENNT slasaðist í hörð-
um árekstri á Bústaðavegi
skammt frá Stjörnugróf um
klukkan hálfellefú á þriðju-
dagskvöld. Ökumaður bíls á
leið austur Bústaðaveg ók
á umferðareyju sem nýlega
hafði verið steypt þarna.
Við það kastaðist bíllinn
yfír á öfugan vegarhelming
og í veg fyrir bíl á leið í
vestur.
Ökumenn beggja bílanna
hlutu meiðsli sem ekki voru
talin alvarlega en farþegi í
bílnum sem var á leið í austur
var fluttur á sjúkrahús til
rannsóknar en hann kenndi
til í brjósti.
Undanfarið hafa staðið yfir
framkvæmdir á mótum Bú-
staðavegar og Stjörnugrófar
vegna umferðarljósa sem fyr-
irhugað mun að koma upp
þar. Steyptar hafa verið eyjar
á nýmalbikaða götuna en
götulýsing mun ekki vera
jafngóð á þessum slóðum nú
og vanalega.
□nawford
BÍLSKÚRSHURÐIR FRAMTÍÐARINNAR
í dag kl. 5 opnum vid sýningu
á Crawford bílskúrshuröum
i Kringlunni
Crawford getraun
Hafiróu heppnina
meó þér hlýturóu
bilskúrshurö
i verðlaun
IDnawfond hundm
Skútuvogi lOc
104 Reykjavík
Sími (91)678-250