Morgunblaðið - 22.11.1989, Blaðsíða 28
4
28
MQRQUflqi^ÐJÐi |MIÐVIKUDAGUR 2%. NÓVRMBER 1989 ,
Akureyrar-
kynning í
Kringlunni
Háskólamenn funduðu með íjárveitingancfnd:
Ekki verði reynt að
gera sjávarútvegs-
deild út kvótalausa
EF FJÁRVEITINGAR til Háskólans á Akureyri fyrir næsta ár verða
óbreyttar, miðað við það sem gert er ráð fyrir í fjárlagafrum-
varpi, þýðir það að ekkert verður úr fyrirhugaðri sjávárútvegs-
deild við skólann, auk þess sem hætta verður við innritun nýnema
í aðra hvora deildina sem fyrir er, heilbrigðisdcild eða rekstrar-
deild. Háskólamenn áttu fúnd með Ijárveitinganefnd Alþingis í gær
þar sem máiefni skólans voru rædd. Á fjárlögum fyrir næsta ár
er gert ráð fyrir að skólinn fái um 80 milljónir króna, en í beiðni
skólans var farið fram á 210 milljónir króna.
Frá borgarafúndi um atvinnumál í gærkvöldi. 'Morgunblaðið/Rúnar Þór
Fjölmennur borgarafiindur um atvinnumál:
Bærinn hefiir um árabil tekið
virkan þátt í atvinnulífinu
- sagði Sigfiís Jónsson bæjarstjóri
ÞRJÚ fyrirtæki á Akureyri hafa orðið gjaldþrota það sem af er
þessu ári, en tvö fyrirtæki urðu gjaldþrota á síðasta ári. Fjögur fyrir-
tæki hafa fengið greiðslustöðvun það sem af er árinu, en einungis
eitt fékk greiðslustöðvun á síðasta ári. Uppboðsbeiðnum liefúr fjölg-
að frá síðasta ári og mörg fyrirtæki standa tæpt og er fleiri gjald-
þrotum spáð, jafnvel áður en árið er úti. Þá hafa nokkur fyrirtæki
sagt upp starfsfólki sínu, þar á meðal Slippstöðin rúmlega 200
manns, Alafoss, Plasteinangrun, ístess og Vöruhús KEA. Þetta kom
m.a. fram í erindi Sigurðar P. Sigmundssonar framkvæmdastjóra
Iðnþróunarfélags Eyfirðinga á fjölmennum borgarafundi um atvinnu-
mál sem haldinn var í Sjallanum í gærkvöld.
í fjárlögum Háskólans á Akur-
eyri fyrir árið 1990 er gert ráð
fyrir að sjávarútvegsdeild og fjórða
ár hjúkrunarfræðinnar bætist við
starfsemina. Kennslueiningar
skólans voru því áætlaðar 35 þús-
und, en voru skomar niður í 30
þúsund eftir að samráð hafði verið
jiaft við menntamálaráðuneyti. í
því fjárlagafrumvarpi sem fyrir
liggur er hins vegar gert ráð fyrir
rúmlega 20 þúsund kennslueining-
um, en það þýðir að sjávarútvegs-
deildin er út úr myndinni og hætta
verður við innritun nýnema í aðra
hvora deild skólans. Kostnaður við
kennslu 10 þúsund eininga er áætl-
aður 8-10 miljónir króna.
í beiðni háskólans er farið fram
á 50 milljónir króna vegna hús-
næðis, en það vantar fyrir sjávar-
4útvegsdeildina. í fjárlagafrum-
varpi er gert ráð fyrir 10 milljónum
vegna húsnæðismála. Þá var farið
fram á 23 miiljónir vegna innrétt-
inga, 45 milljónir vegna búnaðar
og 5 milljónir vegna viðhalds. í
fjárlagafrumvarpi er gert ráð fyrir
5 milljónum vegna búnaðar. Fjár-
lagabeiðni háskólans var miðuð við
að kennsla í sérgreinum væri af
eðlilegum gæðum en ekkert undir-
málsnám og lögðu háskólamenn á
það áherslu í viðtali við fjárveit-
inganefnd að það væri að sjálf-
sögðu ákvörðun fjárveitingavalds-
ins hve hárri upphæð varið væri
til þessara hluta, en skortur á
kennslubúnaði hlyti að koma niður
á gæðum kennslunnar.
„Það er trú margra að stofnun
Háskólans á Akureyri sé stærsta
skrefið sem stigið hefur verið til
að snúa við byggðaþróun í landinu.
Hér er ekki verið að flytja gróna
stofnun af Reykjavíkursvæðinu
heldur stofna nýja. Nú þegar í
fyrsta sinn er stofnað til háskóla-
náms í sjávarútvegsfræðum, skipt-
ir nokkru að ekki verði reynt að
gera deildina út kvótalausa. Slíkt
hefur sýnt sig að vera vafasamur
rekstur," segir í greinargerð há-
skólans til fjárveitinganefndar.
Hólmsteinn Hólmsteinsson for-
maður atvinnumálanefndar, en
nefndin stóð fyrir fundinum, sagði
að blikur væru á iofti í atvinnumál-
um á Akureyri. I máli hans kom
fram að einkennandi væri að fyrir-
tæki væru of lengi rekin við erfiðar
aðstæður og ekki væri leitað aðstoð-
ar fyrr en í óefni væri komið og
vandinn orðinn svo mikill að ekki
yrði við hann ráðið. Hann ræddi
um hlutverk atvinnumálanefndar
og um Framkvæmdasjóð bæjarins,
sem nefndin hefur yfir að ráða, en
á þessu ári hafa um 13 milljónir
verið veittar úr sjóðnum.
Sigfús Jónsson bæjarstjóri ræddi
um hlutverk Akureyrarbæjar í at-
vinnumálum, en hann sagði þátt-
töku sveitarfélaga í atvinnumálum
snúast um grundvallarsjónarmið í
stjórnmálum. Erlendis væri það
nánast óþekkt og víða lagt við því
bann að sveitarfélög stæðu í at-
vinnurekstri. ísland hefði því_ mikla
sérstöðu á þessu sviði. „Á Islandi
hafa sveitarfélög sjaidnast farið út
í atvinnurekstur af pólitískri hug-
sjón heldur út úr neyð og þá t.d.
með þeim hætti að þau hafa breytt
uppsöfnuðum skuldum fyrirtækja í
hlutafé,“ sagði Sigfús. Hann sagði
að þannig hefði því verið farið varð-
andi þátttöku Akureyrarbæjar í
rekstri fyrirtækja. Bærinn hefði
yfirtekið rekstur Krossanesverk-
smiðjunnar er Norðmenn ákváðu
að hætta rekstrinum, á erfiðleik-
atímum í rekstri Útgerðarfélags
Akureýringa hefði bærinn gripið í
tauma og ætti nú 75% í félaginu,
UM 20 fyrirtæki, flest á sviði
ferðamála, standa að kynningu í
verslunarmiðstöðinni Kringlunni
í Reykjavík 23.-25. nóvember.
Tilgangur kynningarinnar er
m.a. sá að vekja athygli á Akur-
eyri sem áhugaverðum ferða-
mannastað, ekki síður á veturna en
sumrin. í fréttatilkynningu segir
að mikið hafi verið gert til að bæta
aðbúnað ferðafólks. í bænum séu
góð hótel, fjölbreyttir veitinga- og
skemmtistaðir auk þess sem þar sé
að finna mörg þekkt söfn. Á síðari
árum hafi helgarferðir til Akureyrar
notið vaxandi vinsælda meðal
landsmanna.
Alla daga kynningarinnar verður
ýmislegt til skemmtunar, Ingimar
Eydal leikur létt lög, Laddi bregður
á leik, Sjallinn kynnir vetrardagskrá
sína, sýndar verða vörur frá Ála-
fossi og Strikinu og félagar úr Leik-
félagi Akureyrar koma í heimsókn.
og er Slippstöðin var við það að
verða gjaldþrota 1970 hefði bærinn
einnig komið þar inn í reksturinn.
Sigfús sagði bæinn hafa haldið
áfram að taka þátt í atvinnulífi,
hann ætti 26% í ístess og 40% í
útgerðarfyrirtækinu Oddeyri og
væri auk þess stærsti hluthafi í
Iðnþróunarfélagi Eyjafjarðar. Þá
hefði hann tekið þátt í stofnun Fisk-
markaðar Norðurlands, Fiskeldis
Eyjafjarðar, Kaupþings Norður-
lands og Bifreiðastöðvar Norður-
lands. Framkvæmdir hefðu verið
stórauknar varðandi byggingu fé-
lagslegs húsnæðis og lagning hita-
veitu í Gerðahverfi hefði leitt til
mikillar vinnu ákveðinna iðnaðar-
mannahópa. „Akureyrarbær hefur
um langt árabil tekið mikinn þátt
í atvinnulífi bæjarins og haft þar
mikil áhrif,“ sagði Sigfús.
Krossanes:
Arnþór EA kom með
fyrsta síldarfarminn
FYRSTI síldarfarmurinn á vertíðinni barst til Krossanesverksmiðjunn-
ar þegar hinn nýi Arnþór EA 16 frá Árskógsströnd landaði þar rúm-
um'250 tonnum af síld í gær. Síidin fékkst vestur af Hornafirði. Um
hádegisbil varð sprenging í þurrkara í verksmiðjunni og tafði það
nokkuð að vinnsla á síldinni gæti hafíst.
Geir Zoéga framkvæmdastjóri
Krossaness sagðist vera bjartsýnn á
að verksmiðjan færi brátt í fullan
gang og átti hann von á að fá loðnu
til vinnslu í dag eða í kvöld. Alls
hefur verið landað um 500 tonnum
af loðnu hjá verksmiðjunni á þessari
vertíð og að viðbættum rúmlega 250
tonnum af síld hefur verksmiðjan
Tengið rösklega 750 tonn af loðnu
og síld til vinnslu. Á haustmánuðum
á síðasta ári hafði verksmiðjan tekið
á móti 12.500 tonnum af loðnum
og síld, þó svo vertíðin hafi einnig
þá hafist seint.
Amþór EA kom í fyrsta sinn til
heimahafnar, Árskógsstrandar, í
gær, áður en haldið var inn á Krossa-
nes. Ingvar Guðmundsson skipstjóri
sagði að vel hefði verið tekið á móti
skipinu er það kom til heimahafnar.
Hann sagði að smávegis af síldinni
hefði verið landað á Arskógsströnd
og færi hún í beitu og frystingu.
„Þetta er blönduð síld, sem við erum
með, meðalstór og ágæt í bræðslu,"
sagði Ingvar. Arnþór sigldi aftur til
Árskógsstrandar í gærkvöldi.
Um sex tíma töf varð á að vinnsla
á síldinni gæti hafist hjá verksmiðj-
unni vegna sprengingar sem varð í
þurrkara. Engin meiðsl urðu vegna
þessa og tjón ekki umtalsvert, að
sögn Geirs. Hann sagði að það kæmi
af og til fyrir að slíkar sprengingar
yrðu í þurrkurum, en alllangt væri
síðan slíkt hefði gerst í Krossanesi.
Morgunblaðið/Rúnar Þór
Arnþór EA 16, skip útgerðar G. Ben á Árskógsströnd, kom með fyrsta síldarfarminn til Krossaness í gær.
Á innfelldu myndinni eru Ingvar skipstjóri á Arnþóri, til vinstri, og Hermann útgerðarstjóri, lengst til
hægri, en faðir þeirra, Guðmundur Benediktsson, er á milli þeirra.