Morgunblaðið - 22.11.1989, Blaðsíða 44

Morgunblaðið - 22.11.1989, Blaðsíða 44
44 MORGUNBLAÐIÐ MIÐVIKUDAGUR 22. NÓVEMBER 1989 „ Hir. dómcuri, hann. er <xS á-réilcx. Áster ... eins oggott upp- hafshögg. TM Reg. U.S. Pat Otf.—all rights reserved • 1989 Los Angetes Times Syndtcate Já 'ann er heima núna því hann fylgist með spennu- þættinum Morðið í hjólbör- unum. Jú, konan mín er heima. Það segir sig sjálft úr því ég verð að slá blettinn — HOGNI HREKKVISI Hæpin fjár- festing Til Velvakanda. Nú nýlega bættist við enn eitt glæsilegt fiskiskip í flota lands- manna, frystitogarinn Júlíus Geir- mundsson. Hann mun vera smíðaður í Flekkefjord í Noregi, svo ekki fengu íslenskar skip- asmíðastöðvar það verkefni, og mun hafa kostað 440 milljónir króna, enda mun hann vera glæsi- legastur íslenskra fiskiskipa eins og reyndar er sagt um öll ný fiski- skip þegar þau koma. Þar eð hann er frystiskip mun hann skapa litla sem enga atvinnu í landi heldur nýta sameiginlega auðlind lands- manna í þágu eigenda og áhafnar. Nú mun varla vera um það deilt að fiskiskipaflotinn er alltof stór og ekki heldur um offjárfest- ingu í honum. Þarna munu því erlendar skuldir þjóðarinnar hafa aukist um 400 milljónir og vorum við þó fyrir ein skuldugasta þjóð í heimi. Næsta ár verður þriðja sam- dráttarárið í röð í íslensku efna- hagslífi. Fiskistofnarnir eru of- veiddir og sumir segja að þorsk- stofninn sé kominn að hruni. Okkur veitir því ekki af að takast á við þennan vanda og skapa ný verðmæti í þjóðarbúið til að skapa betri lífskjör og borga skuldir okkar. Því er það áleitin spurning hvaða aukningu á þjóðartekjum þessi nýja fjárfesting muni skila. Ásgeir Leifsson RJÚPNAVEIÐIMENN Treystið öryggi ykkar sem mest í hverri veiðiferð. Gætið þess.ávallt að skotvopn ykkar séu í fullkomnu lagi og vel hirt. Hafið meðferðis áttavita og kort og búnað til ljós- og. hljóð- merkjagjafa. Hefjið veiðiferð- ina árla dags og ljúkið henni áður en náttmyrkur skellur yfir. Verið ávallt stundvísir á áfangastað. YFIRVINNA Til Velvakanda. Stofnun hér í borg var með könnun á tekjum fólks og kom það fram í fjölmiðlum 9. og 10. þ.m. Þar kemur fram að heildar- tekjur fullvinnandi karla voru um 123 þúsund á mánuði, og þá hlýt- ur að vera átt við meðaltekjur, þó það komi hvergi fram í könnun- inni. En við vitum að sumir hafa meira, aðrir minna eins og gengur. Meðalkaup 23 aðildarfélaga Dagsbrúnar er 10.692 á viku eða- 46.312 kr. á mánuði. Er þá miðað við kaup eftir að starfsmaður hafi unnið í j*reininni í 3 ár. Hvað þarf Dagsbrúnarmaður að vinna mikla yfirvinnu til að hafa 123.000 kr. á mánuði. Kaup- ið í yfirvinnu væri 481 kr. á klst. Dæmið yrði svona: 123.000-46.312 = 76.688,481 = 159 'klst. á mánuði í yfirvinnu, það gerir um 7 klst. á dag 5 daga vikunnar í yfirtíð. Semsagt meðal- Dagsbrúnarmaður þarf að vinna 15 klst. á dag.-Víða lýkur dag- vinnu kl. 16 og þyrfti Dagsbrúnar- maðurinn að vinna til 23 álla 5 daga vinnuvikunnar. Skyldi sá maður ekki vera orðinn lúinn eftir vikuna, skyldi honum veita af að hvíla sig laugardag og sunnudag til að vera tilbúinn í slaginn á ný. En hvar býðst svona mikil yfir- vinna í dag. Ég veit að öfugt við aðrar þjóðir sækjast íslendingar eftir yfírvinnu, því miður, og er yfirvinna komin inn í samninga sumstaðar, þ.e. að lágmarksyfir- vinna skuli vera og er skömm að því að slíkt skuli vera í samning- um. K.S. ,TILSUINJN FyRIR „'OV/EHTA CETT;AJN" ?¦ .." Víkverji skrifar Um árabil hafa verið viðvaranir á sígarettupökkum, þar sem greint er frá því, að reykingar séu hættulegar heilsu manna. í síðustu viku gengu í gildi lög í Bandaríkjun- ura, sem skylda framleiðendur á öli og öðrum áfengum drykkjum til að hafa viðvaranir á framleiðslu sinni. Á slík viðvörun að vera á öllum slíkum dósum eða flöskum í Banda- ríkjunum frá og með föstudeginum 17. nóvember. Á ílátunum skal standa: „Viðvörun frá stjórnvöldum: (1) Landlæknir segir að konur eigi ekki að drekka áfengi á meðan þær eru þungaðar vegna hættu fyrir fóst- rið. (2) Neysla áfengis minnkar getu þína til að aka bifreið eða vinna við vélar og kann að valda heilsutjóni." Samkvæmt reglunum eiga allar dósir og flöskur með áfengi á banda- rískum markaði, hvoft heldur þær eiga uppruna sinn þar eða erlendis, að bera þessa viðvörun. Séu ílátin fyrir 23,6 sentilítra eða meira á við- vörunin að v'era skráð með stöfum sem ekki eru minni en tveir millimetr- ar á hæð. Ef ílátin eru minni getur viðvörunin verið með eins millimetra stöfum. Fréttir herma, að ýmsir telji þess- ar reglur of óljósar, þar sem ekki sé sagt, hvar á ílátin eigi-að' setja viðvörunina eða hvernig letur eigi að nota. Hér verður ekki staldr- að við framkvæmdina á þessum bandarísku reglum, heldur þá stað- reynd að þær skuli hafa verið settar og hrundið í framkvæmd. Við skulum nefnilega minnast þess, að hér á landi er það einmitt ríkið sem einokar sölu á þessum heilsuspillandi varningi og tóbaki að auki. Er þetta ein af mörgum þver- sögnum sem við .stöndum frammi fyrir, þegar við metum forsjá ríkis- ins. Ríkið myndi líklega ekki líða mörgum hér á landi að bjóða á al- mennum markaði varning með sams- konar viðvörun og er á tóbaki hér á landi. Nú hlýtur sú spurning að vakna, hvort ekki eigi að fara að dæmi Bandaríkjamanna og vara al- menning við áfengfisneyslu hér með svipuðum hætti og þeir gera hjá sér. > Víkverji fór með erlendu. kunn- ingjafólki í ferð til Þingvalla og til Gullfoss og Geysis í fögru verði á sunnudag. Gestirnir heilluðust mest af hverasvæðinu við Geysi. Var ævin- týri líkast að ganga þar um í vetrar- stillunni. Fjöldi ferðamanna var þar, að minnsta kosti miðað við árstíma. Viðurgerningur í Hótel Geysi var eins og best verður á kosið. í góðum bílum sem eru vel búnir til vetrarferða og traustir þótt hálka sé á vegum er ekki síður ánægjulegt að sýna blessað landið í vetrarklæð- um en sumarskrúða. Til þess að auð- velda slík ferðalög er mikils virði, að jafn góð þjónusta skuli veitt allan ársins hring og unnt er að fá í Hót- el Geysi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.