Morgunblaðið - 22.11.1989, Blaðsíða 48

Morgunblaðið - 22.11.1989, Blaðsíða 48
Kringlan 5 Sími 692500 ^SJOVi ALMENNAR ffgniiHatoife MIÐVIKUDAGUR 22. NOVEMBER 1989 VERÐ I LAUSASOLU 90 KR. Greiða ekki söluskatt afHúna- vershátíð SKATTSTJÓRINN í Reykjavík hefur komist að þeirri niðurstöðu að ekki sé grundvöilur fyrir álagn- ingu söluskatts á aðgangseyri á hátíð Stuðmanna í Húnaveri um verslunarmannahelgina í sumar, eins og málið liggi fyrir. Mörður Árnason, upplýsingafulltrúi fjár- málaráðuneytisins, segist gera ráð fyrir að þetta séu endalok málsins af hálfu ráðuneytisins. Samkvæmt upplýsingum Morgunblaðsins hefði söluskattur vegna hátíðar- innar nuniið um fjórum milljónum króna. P** Mörður sagði að málið hefði snú- ist um það hvort undanþága ráðu- neytisins til Stuðmanna vegna tón- Ieikahalds hefði verið veitt á réttum forsendum og skattstjórinn í Reykjavík kæmist að þeirri niður- stöðu á grundvelli fyrirliggjandi gagna að svo væri. Fjármálaráðu- neytið hefði ákveðið að greina ekki á milli tónlistartegunda eða hvernig tónleikagestir höguðu sér, hvort þeir sætu í sætum sínum eða stæðu upp og hreyfðu sig. **# Mörður sagði að ekki hefði verið tekin afstaða til þessarar niðurstöðu skattstjóra í fjármálaráðuneytinu. Hann ætti ekki von á frekari að- gerðum af hálfu ráðneytisins, en þó væri ekki hægt að útiloka það. 30 manns sagt upp störfiim á Reyðarfírði Öllu fastráðnu starfsfólki frysti- •A,Jiúss Kaupfélags Héraðsbúa á iTCeyðarfirði, yfír 30 manns, var sagt upp störfum í gær vegna hráefnisskorts, að sögn Hauks Þorleifssonar formanns Verka- lýðsfélags Reyðarfjarðar. Á Seyðisfirði hafa 30-100 manns verið atvinnulausir í haust, að sögn Hallsteins Friðþjófssonar formanns verkamannafélagsins Fram. Hjá Gullbergi hf.. á Seyðisfirði hafa um 120 manns unnið við síldarfrystingu og -söltun í haust og verður meiri- hluta þessa fólks sagt upp störfum náist ekki saltsíldarsamningar við Sovétmenn. Ákvörðun um uppsagn- irnar verður tekin í dag. Það eykur á vandann í sjávarplássum að lítið " efur veiðst af stórri síld til fryst- ingar á Japansmarkað. Miðbærinn nötr- aði vegna öflugr- ar sprengingar LAUST fyrir klukkan tíu í gærkvöldi sprakk mjög öflug sprengja á göngustíg sem liggur á milli húsanna númer 22 og 24 við Laufás- veg að bakhlið hússins að Fríkirkjuvegi 11. Talið er að um tuttugu rúður háfi brotnað á vesturhlið hússins að Laufásvegi 24. Tvær rúður brotnuðu í kjallara á Fríkirkjuvegi 11, og einnig brotnaði rúða í kjallara nærliggjandi húss við Skothúsveg. Engin slys urðu á fólki og enginn virðist hafa verið á ferli í næsta nágrenni er sprengjan sprakk. Um miðnætti var ekki vitað hver valdur var að sprengingunni, en eftir ítarlega leit lögreglunnar og sprengjusérfræðings frá Landhelg- ( isgæslunni fundust leifar af kveiki- þræði á göngustígnum, sem talið er líklegt að hafi verið í dínamít- sprengju. Þrátt fyrir nákvæma leit lögreglumanna í nágrenninu höfðu þá engin önnur vegsummerki fund- ist eftir sprengjuna, og var jafnvel talið líklegt að hún hefði sprungið án þess að snerta jörðina. „Það nötraði allt og skalf og ég gerði mér strax grein fyrir að þetta var gífurlega öflug sprenging þó ég væri staddur í hinum enda húss- ins," sagði Halldór Hansen læknir, en hann býr í húsinu númer 24 við Laufásveg. Um miðnættið vann flokkur frá Reykjavíkurborg við að setja hlera fyrir glugga í húsi hans. Lögreglunni barst tilkynning um sprenginguna klukkan 21.53, en í Þingholtum og út á Seltjarnarnes varð fólk vart við hávaða af völdum hennar. Lögreglan fór að banda- ríska sendiráðinu við Laufásveg, en í fyrstu var talið að sprengingin hefði orðið á lóð sendiráðsins. Oupplýst er hverjir voru að verki þegar sprengingar urðu á Öldugötu og Bergþórugötu síðsumars. Morgunblaðið/Júlíus Sprengjusérfræðingar rannsaka leifar kveikiþráðs sem fundust á göngustígnum við Laufásveg 24. Á myndinni til hliðar kannar lögreglumaður skemmdir á einu húsanna í nágrenninu. Undirbúningiir langtímasamn- ings við Sovétmenn stöðvaður JÓN Baldvin Hannibalsson, ut- anríkisráðherra, gaf í gær fyrir- mæli um það til íslenskrar sendi- nefhdar í Moskvu að viðræður um nýjan langtímasamning ís- lendinga og Sovétmanna hefjist ekki fyrr en niðurstöður liggja fyrir um síldarsölusamning. Ráð- gert hafði verið að undirbúnings- viðræður þjóðanna byrjuðu í dag. Jón Baldvin sagði I samtali við Morgunblaðið að sendinefndin, und- ir formennsku Tómasar Á. Tómas- sonar, sendiherra i Moskvu, hefði átt að hefj'a undirbúningsviðræð- urnar við Sovétmenn í dag. „Þessar viðræður geta ekki hafist af okkar hálfu fyrr en fyrir liggja niðurstöð- ur um þann bráðabirgðasamning sem fyrir liggur um síldarkaup Sov- Þorskur flúinn frá V-Grænlandi vegna yersnandi skilyrða: Eykur líkur á þorskgöngu hingað ALLUR þorskur er horfinn af miðunum við Vestur-Grænland og hefur af þeim sökum orðið að segja upp fólki í mörgum fiskvinnslu- húsum. Vegna þessa hafa vaknað upp spurningar um hvort von sé á þorskgðngu frá Grænlandi á íslandsmið og hafði Morgunblaðið af því tilefhi samband við Jakob Jakobsson, forstjóra Hafrannsókna- stofnunar. Sagði hann, að strax í haust hefði orðið vart við kóln- andi sjó við Vestur-Grænland og væri því full ástæða fyrir íslenska sjómenn að hafa augun hjá sér og láta óðara vita. af merktum þorski. Jakob sagði, að í haust hefðu þýskir hafrannsóknamenn skýrt frá kólnandi sjó og versnandi skil- yrðum við Vestur-Grænland og þá þegar var þorskurinn tekinn að flýja suður á bóginn. í fréttum frá Grænlandi segir, að þorskur finnist nú helst suður og austur af.Hvarfi og sagði Jakob, að það kæmi ekki á óvart enda hefði nú þegar orðið vart aukinnar þorskgengdar við Austur-Grænland sunnanvert. Jakob vildi ekkert um það full- yrða hvort nú væri von á þorsk- göngu frá Grænlandi á íslandsmið en sagði, að slæm skilyrði í sjónum þar ykju að sjálfsögðu líkurnar á því eins og gerst hefði 1980-81. Hann sagði, að fiskurinn, sem nú fengist við Austur-Grænland, væri fimm ára, hægvaxta fiskur, en yfir- leitt kæmi göngufiskurinn frá Grænlandi hingað til að hrygna 7 eða 8 ára gamall. íslenskir fiski- fræðingar hefðu því almennt ekki átt von á honum fyrr en 1991. Sagði hann, að Danir hefðu verið við fiskmerkingar við Vestur- Grænland í sumar og því væri brýnt, að íslenskir sjómenn fylgd- ust með öllum vísbendingum og létu strax víta fyndu þeir merktan þorsk. étmanna," sagði utanríkisráðherra. Jón Baldvin sagði að staða máls- ins væri þannig að fyrir lægi bráða- birgðasamningur um síldarkaup Sovétmanna, sem gerður hefði ver- ið 4. nóvember sl. og kvæði hann bæði á um magn og verð, þ.e. 15 þúsund tonn af saltsíld, með hugs- anlegri viðbót síðar upp á 5 þúsund tonn. „Það sem strandar á er að sovéski sjávarútvegsráðherrann treystir sér ekki til þess að stað- festa verðið sem samið var um og var málinu vísað til ráðherranefnd- ar. Frá henni hefur ekkert heyrst og sendinefndin er enn í biðstöðu í Moskvu," sagði utanríkisráðherra. Ráðherra sagði að Tómas Á. Tómasson, sendiherra, hefði gengið mjög vasklega fram í því að knýja fram svör, en án árangurs, enn sem komið væri. „Við munum leggja áherslu á að við teljum þennan drátt orðinn gjörsamlega óeðlilegan og viljum ekki una honum lengur. Það verður að fá botn í málið, á hvern veginn sem það verður," sagði Jón Baldvin Hannibalsson, utanríkis- ráðherra.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.