Morgunblaðið - 13.01.1990, Blaðsíða 32

32
MORGUNBLAÐIÐ LAUGARDAGUR 13. JANÚAR 1990
Samskipti foreldra og barna
Ný námskeið eru að hefjast.
Leiðbeinendur:
Hugo Þórisson og Wilhelm Norðfjörð, sálfræðingar.
SIÐFERÐILEG SKYLDA
Upplýsingar og skráning í símum 621132 og 626632.
Topptilboð
Kuldaskór
Verð kr. 2.990.-
3.490.-
Stærðir: 28-46
Litur: brúnt + svart
TOPPj
Kringlunni,
s. 689212.
DOMUS MEDICA
5% staðgreiðsluafsláttur
Póstsendum samdægurs
21212
SIMAR: 15103 og 17860
o
<>
0
•0
0
0
0
0
NUTIMADANS (byrjend.lframh.)
Kennari: hany hadaya
NÚTÍMADAIHS — JAZZ (framh.)
Kennari: Edda Guðmundsdóttir
AthlAðeins íjanúar
WÚTÍMADANS - DANSSMÍÐ
Kennari: Sylvía von Kospoth
JAZZDAPÍS (7-9 m og 10-12 M)
Kennarv Agnes Kristjónsdóttir
AFRÓ - SAMBA
Kennari: hafdis Áma. og Agnes Kristjóns.
DANSLEIRFIMI
Kennarar: hafdísÁma., Agnes Kristjóns.
og Elísabet Guðmundsdóttir
DANS — LEIKIR—SPUNI
(FYRIR BÖRTÍ 4-7 ÁRA)
Kennarar: Bára Lyngdal Magnúsdóttir
og Pórdís Amfjótsdóttir
ATH! LEIKSMIÐJA ÁRNA PÉTURS
GUÐJÓNSSOPIAR OG SYLVÍ U VON KOSPOTH
HEFST í FEBRÚAR
Til Velvakanda.
Ég get ekki orða bundist vegna
aðfara Flugleiða gagnvart starfsfólki
sínu. Ekki fyrir löngu var nokkrum
af starfsmönnum Flugleiða sagt upp
störfum, sem væri ekki í frásögur
færandi á tímum samdráttar, ef ekki
væru þarna innan um starfsmenn
sem hafa þjónað fyrirtækinu í yfir
30 ár og eru komnir af sínu léttasta
skeiði. Þykir skrifara það undarlegt
að yfirmenn Flugleiða hafi komist
að þeirri niðurstöðu eftir 30 ára
umhugsunarfrest að starfskraftar
þessara manna væru ekki lengur
nýtanlegir.
Svo ég vitni í viðtal sem tekið var
við Baldur Maríusson, eitt af fórn-
arlömbunum, í síðasta tölublaði
Frjálsrar verslunar. Að sögn hafði
hann stundað starf sitt óaðfinnan-
lega en var sagt upp vegna þess að
starfssvið hans ætti að leggja niður
(vitnun lýkur). Vaknar strax grunur
um að hér sé einungis verið að losa
sig við dýran starfskraft. Starfs-
menn, sem áunnið hafa sér laun og
réttindi í samræmi við þau ár er
hann hefur fórnað í þágu fyrirtækis-
ins. Því tilfærslur híjóta að vera al-
gengar og auðveldar innan stórs fyr-
irtækis, þar sem starfsmannafjöldinn
er breytilegur frá degi til dags.
Maður hefði nú haldið að það
væri siðferðileg skylda fyrirtækis
gagnvart starfsmönnum sem hafa
þjónað því vel og lengi að hliðra fyr-
ir þeim um aðrar stöður, ef starfs-
svið þeirra væri lagt niður. Því hlýt-
ur ungt fólk að hugsa sig um áður
en það ákveður að helga starfskrafta
sína fyrirtæki eins og Flugleiðum,
þar sem lítið tillit virðist vera tekið
til áratuga þjónustu.
Björn Jónsson
Ensk hug'sun og íslenskt mál
Til Velvakanda.
„Við upphaf síðasta áratugar þess-
arar aldar. ..“ Ég hrökk við er ég
las þessi orð í Reykjavíkurbréfi
Morgunblaðsins á gamlársdag árið
1989. í mínum huga lifði enn eitt
ár níunda áratugarins og því ótíma-
bært að tala um upphaf síðasta ára-'
tugar aldarinnar. Fyrsta ár kristins
tímatals er árið 1 eftir Kristsburð.
Fyrstu öldinni lauk því með árinu
100 e. Kr. Á sama hátt lýkur 20.
öldinni með árinu 2000 og síðasti
áratugur þeirrar aldar hefst í árs-
byrjun 1991.
Morgunblaðið er metnaðarfullt
blað og er það vel. Ritstjórar þess
og aðrir sem tjá skoðanir blaðsins
skulu fýlgja fram stefnu þess jafnvel
þótt þeir sjálfir kunni að vera annarr-
ar skoðunar. Blaðið hefur lengi stað-
ið dyggan vörð um íslenskt mál og
íslenska menningu. Vikulega birtir
það m.a. ágætan málræktarþátt
Gísla_ Jónssonar, menntaskólakenn-
ara. í ljósi þessa og hins að tilvitnuð
orð bera keim af enskum hefðum í
hugsun varð mér allt í einu ljóst að
málvitund Morgunblaðsins og mín
áttu ekki alls kostar samleið. Ég vil
halda áfram að hugsa á íslensku og
tjá mig samkvæmt því. Morgun-
blaðið virðist hins vegar telja eðlilegt
að hugsað sé á ensku, íslenskur orða-
forði verði síðan aðlagaður slíkri
hugsun þannig að menn geti tjáð sig
„samanborið við gamlársdag á
sunnudegi" svo að slett sé einni
hvimleiðri afleiðingu þessa tjáning-
arforms. Oft finnst mér vanta hugs-
un í málfar af þessu tagi.
Ég bið Velvakanda að koma á
framfæri við ritstjórr blaðsins að
annað tveggja verði gert:
Ef tilgáta mín hér að framan
rétt taki Morgunblaðið upp þau
vinnubrögð að allar skoðanir blaðsins
verði tjáðar með íslenskum orðum
en enskri hugsun til að flýta þróun-
inni.
Ef tilgátan er hins vegar röng (og
það vona ég svo sannarlega) ætti
blaðið að vinna markvissara gegn
ágangi enskrar hugsunar í íslensku
máli. Blaðið gæti til dæmis sett sér
það mark að allar fréttir af innlend-
um vettvangi, leiðarar blaðsins og
Reykjavíkurbréf verði ritaðar á
íslensku með íslenskri hugsun þegar
síðasti áratugur þessarar aldar geng-
ur í garð. Með slíku næði Morgun-
blaðið verulegu forskoti á aðra fjöl-
miðla landsins.
Ég vona að áðurnefndur Gísli
Jónsson taki undir þetta síðasta þótt
mér hafi virst hann telja á stundum
að full langt sé gengið að fella mál-
far flugliða að íslenskri hugsun.
Sigurbjörn Guðmundsson,
verkfræðingur.
Þessir hringdu . .
Síðbúinjólakveðja
Unnur Jóhannsdóttir hringdi:
„Ég sendi aldaraðri konu jóla-
kveðju í Ríkisútvarpinu og sagði
konan sem við kveðjunni tók að
líklega kæmi að Akureyri um kl.
7 á Þorláksmessukvöld. En það
kom ekki að Akureyri fyrr en
seint um kvöldið og kveðjan mín
var lesin upp um miðnætti, á þeim
tíma sem flest aldrað fólk er
gengið til náða, og reikna ég ekki
með að hún hafi komist til skila.
Fyrir þetta þurfti ég að borga
1530 krónur. Finnst forráða-
mönnum Ríkisútvarpsins þetta
forsvaranlegt?"
Gleraugu
Gullspangagleraugu með
hvítum lit töpuðust á Þorláks-
messu, líklgga á bílastæðinu
vestna við Glæsibæ. Finnandi er
vinsamlegast beðinn að hringja í
síma 625017.
Vasaljós
Vasaljós kom í leitirnar við
hringtorgið í Grafarvogi. Upplýs-
ingar gefur Eva í síma 77036
Gleraugu
Gullspangargleraugu, örlítið
lituð, í brúnu nýju hulstri töpuð-
ust fyrir jóí. Finnandi er vinsam-
legast beðinn að hringja í síma
82763.
Taska
Taska hafnaði í röngum bíl við
Laugaveg á mánudag. Ef einhver
hefur orðið var við leðurtösku í
bílnum sínum vinsamlegast hring-
ið í síma 42131.
Víkverji skrifar
I búar Austur-Evrópu, sem undan-
farna áratugi hafa ekki notið tján-
ingarfrelsis, hafa þó neytt ýmissa
bragða til að láta skoðanir sínar í
ljós. Þrátt fyrir að þeim hafi verið
gert ómögulegt að tjá skoðanir sínar
í opinberum fjölmiðlum, tókst vald-
stjóminni ekki að banna fólki að tala
saman á vinnustöðum, á krám, inni
á heimilum eða annars staðar þar
sem fólk hittist. Eitt sterkasta vopn
alþýðunnar gegn valdhöfunum
reyndist vera skrítlan. Góð skrítla
getur stundum haft meiri áhrif en
löng blaðagrein. Að því leytinu svipar
henni til góðrar íslenskrar ferskeytlu,
sem svo sannarlega er enn beitt í
pólitískri baráttu hér á landi, sérstak-
lega þó úti á landi. Á löngum valda-
tíma kommúnista í Austur-Evrópu
hefur orðið til dágott safn af skrítlum.
Víkverja voru fyrir skömmu sagðar
nokkrar sem hann lætur fljóta hér
með.
xxx
vað er tuttugu metra langt,
tveggja metra breitt, hreyfist
hægt og tyggur brauð?
Svar: Biðröð fyrir utan rússneska
kjötbúð.
Rússneskur eðlisfræðingur á ráð-
stefnu í Prag um geimferðir: „Bráð-
um getum við ferðast til Mars, Venus-
ar, Satúmusar, Júpíter...“
Einn áheyrenda réttir upp hönd-
ina: „Félagi, hvenær getum við ferð-
ast til Vínarborgar?"
Skilgreining á rússneskum strok-
kvartett: „Rússnesk sinfóníuhljóm-
sveit eftir hljómleikaferð til Vestur-
landa.“
xxx
Stundum er raunveruleikinn svo
fáránlegur að skrítlan er ekkert
annað en skopleg lýsing á ástandinu:
Bæði kapítalísk lönd og sósíalísk
hafa landamæraverði. Munurinn er
að í kapítalísku löndunum er hlutverk
þeirra að koma í veg fyrir ólöglegan
innf lutning fólks, en í þeim sósíalísku
að sjá til þess að fólk geti ekki ferð-
,ast útúr landinu.
Víkveiji er undrandi á þeirri
ákvörðun dómnefndar Ríkisút-
varpsins að gefa ekki einhveijum
vinsælasta dægurlagahöfundi íslend-
inga, Geii-mundi Valtýssyni, kost á
þátttöku í undankeppni Söngva-
kepjini Evrópu. Undanfarin ár, eftir
að Islendingar hófu þátttöku í keppn-
inni, hefur Geirmundur átt lag í und-
ankeppninni, sem ætíð hefur verið
meðal þeirra bestu. Víkveiji er þess
reyndar fullviss, að ef almenningur
fengi að velja iögin í stað þröngra
dómnefnda yrðu lög Geirmundar
tvímælalaust fyrir valinu. Þau hafa
til að bera nauðsynlegan léttleika og
sveiflu. Réttast væri sennilega að fá
Geirmund einan til að semja lag fyr-
ir íslands hönd og hætta þessu stíma-
braki með undankeppni. Það yrði
örugglega árangursríkara en núver-
andi fyrirkomulag. Hvað sem því
líður ætti Sjónvarpið að endurskoða
afstöðu sína og bjóða Geirmund vel-
kominn til keppninnar nú þegar.