Morgunblaðið - 15.03.1990, Blaðsíða 1
64 SIÐUR B
62. tbl. 78. árg.___________________________________FIMMTUDAGUR 15. MARZ 1990_________________________________Prentsmiðja Morgunblaðsins
Viðræður um sameiningn Þýskalands:
Ríkin sex fallast á
þátttöku Pólverja
Bonn. Reuter, dpa.
PÓLVERJAR taka þátt í viðræðum Qórveldanna og þýsku ríkjanna
tveggja um sameiningu Þýskalands þegar mál er varða landamærin
eftir heimsstyijöldina síðari verða rædd, að því er vestur-þýskur emb-
ættismaður sagði í gær.
Dieter Kastrup, sem fer fyrir vest-
ur-þýsku sendinefndinni í viðræðun-
um, sagði að ríkin sex hefðu sam-
þykkt þetta í gær, er viðræður þeirra
um sameiningarmálið hófust form-
lega. Þetta er mikill sigur fyrir pólsku
stjórnina, sem hafði beitt sér fyrir
þátttöku Pólveija í viðræðunum en
fengið fremur dræmar undirtektir frá
ríkjunum sex, einkum Vestur-Þjóð-
verjum.
Líbýa:
Fregnir um
eld í efiia-
verksmiðju
Washington. Reuter.
Bandarískir embættismenn
sögðust í gærkvöldi vera að
kanna hvort hæft væri i fregn-
um um að eldur hefði komið
upp í efnaverksmiðju í Líbýu
og að stjórnvöld landsins
hefðu gripið til þess ráðs að
loka landamærunum.
Bandaríkjamenn og Vestur-
Þjóðveijar hafa sakað Líbýu-
menn um að framleiða efnavopn
í verksmiðjunni. George Bush
Bandaríkjaforseti sagði við
fréttamenn að sér hefðu borist
fréttir um að eldur hefði brotist
út í verksmiðjunni og að landa-
mærunum hefði verið lokað.
Bandaríska leyniþjónustan CIA
hefði þó ekki staðfest þetta.
Aðspurður sagði hann að
Bandaríkjamenn væru á engan
hátt viðriðnii' málið.
Malgorzata Niezabitowska, tals-
maður pólsku stjórnarinnar, sagði í
gær að Pólveijar hefðu aðeins hug
á að taka þátt í þeim hluta viðræðn-
anna er snerti beirit öryggishags-
muni þeirra. Nefndi Niezabitowska
einkum vesturlandamæri Póllands,
sem mjög hafa verið í brennidepli á
undanförnum vikum þar sem um
þriðjungur landsins heyrði Þjóðveij-
um til áður en síðari heimsstyijöldin
hófst. Pólveijar vilja að tryggt verði
með formlegum samningum að ekki
verði hreyft við landamærunum og
að Þjóðveijar skuldbindi sig til að
gera ekki tilkall til þeirra eftir að
þýsku ríkin hafa runnið saman í eitt.
Sjá ennfremur frétt á bls. 24.
Reuter
Sendinefiidir sigurvegaranna í heimsstyijöldinni síðari — Sovétríkjanna, Bandaríkjanna, Bretlands og
Frakklands — og þýsku ríkjanna tveggja við hringborð í utanríkisráðuneytinu í Bonn í gær, er viðræð-
ur þeirra um sameiningu Þýskalands hófust.
Sovétríkin:
Gorbatsjov einn í fi*amboði
er fiilltrúaþingið kýs forseta
Ryzhkov sakaður um aðild að ólöglegri vopnasölu og hótar að segja af sér
Moskvu, dpa, Reuter.
MÍKHAÍL Gorbatsjov Sovétleið-
togi var einn í framboði er for-
setakjör fór fram á fiilltrúaþingi
Sovétríkjanna í gærkvöldi. Úr-
slit kjörsins verða kynnt er þing-
ið kemur saman að nýju klukkan
7 f.h. í dag. Aður hafði þingið
fellt tillögu róttækra umbóta-
sinna um að forsetinn yrði þjóð-
kjörinn. 1.542 þingmenn greiddu
atkvæði gegn tillögunni en 368
með og 76 sátu hjá. Mikil spenna
ríkti á þinginu er Níkolaj Ryzhk-
ov forsætisráðherra, sem var
bersýnilega bálreiður, vísaði því
á bug að hann væri viðriðinn
ólöglega vopnasölu og hótaði að
segja af sér.
Níkolaj Ryzhkov og Vadím Bak-
atín innanríkisráðherra voru út-
nefndir í embætti forseta, auk
Gorbatsjovs, en þeir gáfu ekki kost
á sér og lýstu yfir stuðningi við
Sovétleiðtogann. Gorbatsjov var
gagnrýndur harðlega á fundinum
en hann virtist þó öruggur um sig-
ur í forsetakjörinu.
Leiðtogi a-þýskra hægrimanna segir af sér:
Viðurkennir að hafa
unnið fyrir „Stasí“
Vestur-Berlín. dpa.
LEIÐTOGI eins lielsta hægriflokks Austur-Þýskalands, Wolfgang
Schnur, sagði af sér í gær eftir að hafa viðurkennt að hafa unnið fyr-
ir öryggisiögreglu kommúnista, „Stasí“.
Schnur var einn þekktasti lög-
fræðingur stjórnarandstæðinga og
hefur verið sakaður um að hafa
ljóstrað upp um skjólstæðinga sína.
Hann fékk taugaáfall er hann frétti
af þessum ásökunum og er á sjúkra-
húsi.
Schnur var talinn líklegur til að
gegna embætti forsætisráðherra eft-
ir kosningarnar í landinu á sunnu-
dag. Hann kvaðst ætla að segja af
sér formennsku í flokki sínum, Lýð-
ræðisvakningu, vegna „stöðugra ár-
ása“, enda gæti hann ekki varið sig
vegna veikindanna. Hann sagði í
samtali við vestur-þýska dagblaðið
Bild að hann hefði neyðst til að
skrifa undir samning um samvinnu
við öryggislögregluna eftir að hafa
sætt barsmíðum og pyntingum. „Eg
neyddist til að láta að nokkru Ieyti
undan því þetta ómannúðlega kerfi
bauð ekki upp á annað,“ bætti hann
við.
Helmut Kohl, kanslari Vestur-
Þýskalands, hafði áður sagt að hann
byndi mikiar vonir við Schnur í kosn-
ingunum. Kohl hafði beitt sér fyrir
því að Lýðræðisvakning myndaði
kosningabandalag með kristilegum
demókrötum og Þýska sósíalsam-
bandinu (DSU) og nefnist það
Bandalagið fyrir Þýskaland. Nýjustu
skoðanakannanir benda til þess að
Bandalagið og Sósíaldemókrata-
fiokkurinn njóti mests fylgis á meðal
austur-þýskra kjósenda.
WoifgBng Sahrsur
Kosningaspjald með mynd af Wolfgang Schnur, leiðtoga Lýðræðisvakn-
ingar í A-Þýskalandi, sem sagði af sér í gær vegna tengsla sinna við
„Stasí“. Á myndinni stendur: „Til þess að framtak borgi sig loksins."
„Ég bið ykkur um að kjósa ekki
Gorbatsjov hvað sem á dynur,“
sagði Tejmúraz Avalíaní, þingmað-
ur frá Georgíu, og sakaði Sovétleið-
togann um að hafa stuðlað að
kreppu í Sovétríkjunum. „Gorba-
tsjov er með annan fótinn á brems-
unni og hinn á bensíngjafanum,“
sagði annar þingmaður, Olzhas
Súlejmenov frá Kazakhstan, sem
kvartaði yfir því að Sovétleiðtoginn
hefði í raun ekki komið á neinum
umbótum.
Áður en þingið kom saman var
haldinn fundur hjá miðstjórn
kommúnistaflokksins. Vladíslav
Shved, sem sæti á í miðstjórninni,
sagði í samtali við sovéska sjón-
varpið að Gorbatsjov hefði sagt á
fundinum að sér væri kunnugt um
að ýmsir óttuðust að hann sæktist
eftir of miklum völdum - bæði sem
formaður flokksins og forseti. Ekki
hefði þó verið rætt um að hann
segði af sér sem flokksleiðtogi.
Róttæki þingmaðurinn Anatolíj
Sobtsjak hélt því frain á þingfund-
inum að Ryzhkov foi’sætisráðherra
hefði samþykkt ólöglega sölu sam-
vinnufyrirtækis á skriðdrekum af
gerðinni T-72. Ryzhkov brást reið-
ur við og sagði ekkert vera hæft í
þessum ásökunum. „Ríkisstjórninni
getur orðið á mistök en það er
ekki hægt að saka hana um spill-
ingu,“ sagði forsætisráðherrann.
„Stjórnin þarf að sitja undir stöðug-
um rógburði. Við höfum engan
starfsfrið við þessar aðstæður. Ef
þetta á að halda svona áfram verð-
um við að segja af okkur,“ bætti
hann við.